Flóttamönnum forðað frá lífshættu

Lögreglan í Síerra Leóne stöðvaði í dag 500 flóttamenn sem ætluðu að sigla á manndrápsfleytu til Kanaríeyja. Yfirvöld í Sierra Leone, Gíneu og Spáni stóðu saman að aðgerðinni en talsmaður lögreglunnar segir skipið vera gamalt, óhæft til siglinga og ætti að fara beint í niðurrif. Þúsundir flýja á þennan hátt ár hvert frá Afríku til Spánar en ekki komast allir leið. Því hefur verið haldið fram að frá árinu 1997 hafi 4000 manns drukknað á flóttanum en margir þeirra sem ná alla leið eru handteknir og sendir til síns heima.