Blómaganga í Kólumbíu

Hundruð manna tóku þátt í árlegri blómagöngu í Kólumbíu í gær. Gangan er hluti blómahátíðar sem stendur yfir í eina viku. Mann fram af manni hafa Kólumbíumenn útbúið miklar blómaskreytingar í tengslum við hátíðina. Nokkrar vikur getur tekið að útbúa skreytingarnar, sem sumar hverjar eru búnar til úr fleiri en þrjátíu blómategundum og geta vegið allt að 90 kílóum. Hefðin nær aftur til þess tíma er Spánverjar fóru með völd í Kólumbíu, fyrir þremur öldum. Þá tíðkaðist að búa til blómasæti sem voru notuð til flutninga.