Viðskipti innlent

Peningaskápurinn

Evrópuþingið hefur samþykkt tillögur um reglur sem koma til með að lækka verð á alþjóðlegu reiki innan Evrópu. Reikigjöld eru gjöld sem símafyrirtæki innheimta fyrir tengingar milli landa, en kostnaður við símtöl í farsíma milli landa hefur hingað til verið hár og oft erfitt fyrir neytendur að fylgjast með verðlagningu.

Viðskipti innlent

Lykilorð fundið á nokkrum mínútum

Læsing á þráðlausum nettengingum Símans og Vodafone er úrelt og verður auðveldlega brotin upp. Hver sem skilur einfaldar leiðbeiningar og kann að hala niður forritum getur fundið lykilorðið á nokkrum mínútum og komist inn á þráðlaust net í nágrenninu.

Viðskipti innlent

Spá háum stýrivöxtum

Viðskiptahallinn mun dragast hratt saman á yfirstandandi ári en stýrivextir haldast háir samkvæmt spá vefrits fjármálaráðuneytisins. Ekki er talin mikil hætta að krónan muni falla í verði á næstunni.

Viðskipti innlent

Kaupþing spáir 4,1 prósents verðbólgu

Greiningardeild Kaupþings spáir því að vísitala neysluverðs hækki um 0,60 prósentustig á milli mánaða í júní. Gangi það eftir lækkar verðbólga úr 4,7 prósentum í 4,1 prósent. Deildin telur ekki líkur á að verðbólgumarkmiði Seðlabankans verði náð fyrr en í fyrsta lagi á þriðja fjórðungi næsta árs.

Viðskipti innlent

Hlutabréf eru enn á uppleið

Úrvalsvísitalan hélt áfram að hækka í gær og náði hún nýjum methæðum í 8.131 stigi í 22,7 milljarða viðskiptum. Þar með hefur hún hækkað um 26,8 prósent á árinu, þar af um 3,5 prósent eftir kosningar. Þrjú Kauphallarfélög hafa hækkað um meira en helming á árinu.

Viðskipti innlent

Minni hagnaður hjá Högum

Hagar, sem meðal annars rekur Bónus, Hagkaup og fleiri verslanir, skilaði hagnaði upp á 417 milljónir króna á síðasta rekstrarári, sem stóð frá 1. mars í fyrra til loka febrúar á þessu ári. Þetta er rúmlega helmingslækkun á milli ára en í fyrra nam hagnaðurinn 997 milljónum króna.

Viðskipti innlent

Peningaskápurinn ...

Greinilegt er að vinnan við alþjóðavæðingu SÍF, Sölusambands íslenskra fiskframleiðenda, í gegnum árin með yfirtökum á fyrirtækjum á meginlandi Evrópu hefur tekist vel. Punkturinn var settur yfir i-ið þegar nafni SÍF var kastað fyrir róða og Alfesca tekið upp í febrúar í fyrra.

Viðskipti innlent

Fjögurra milljarða jöklabréfaútgáfa í dag

Evrópski fjárfestingabankinn (EIB) gaf í dag út jöklabréf fyrir fjóra milljarða króna. Bréfin bera 10,25 prósenta vexti og eru á gjalddaga í janúar 2010. Þetta er fyrsta jöklabréfaútgáfan síðan þýski landbúnaðarsjóðurinn KfW gaf út 10 ára bréf fyrir hálfum mánuði.

Viðskipti innlent

Rætt um sameiningu Byrs og SpK

Hafnar eru viðræður um sameiningu Byrs og Sparisjóðs Kópavogs (SpK)en búið er að veita stjórnarformönnum beggja sparisjóða heimild til þess. Ætlun er að hraða vinnu eins og kostur er en engin tímamörk hafa verið sett um sameiningu sparisjóðanna.

Viðskipti innlent

Pálmi kaupir þriðjungshlut í Keops

Athafnamaðurinn Pálmi Haraldsson hefur keypt nánast alla hluti stofnanda og forsvarmanns fasteignafélagsins Keops í Danmörku og verður með því stærsti hluthafinn í félaginu. Frá þessu er greint á fréttavef danska viðskiptablaðsins Börsen

Viðskipti innlent

Góð afkoma hjá Alfesca

Alfesca skilaði hagnaði upp á 1,3 milljónir evra, jafnvirði 109,5 milljóna íslenskra króna, á fyrstu þremur mánuðum ársins. Þetta er um 150 prósentum betri afkoma en á sama tíma í fyrra þegar hagnaðurinn nam 524 þúsundum evra, 43,9 milljónum króna.

Viðskipti innlent

Grunnt í sjóðum viðskipta- og hagfræðinga

Ný könnun Félags viðskipta- og hagfræðinga gefur til kynna að félagsmenn hafa skýrari hugmyndir um starfslok sín nú en fyrir tveimur árum. Þeim gengur þó heldur treglega að spara til rólegri áranna. Hólmfríður Helga Sigurðardóttir gluggaði í niðurstöður.

Viðskipti innlent

Vonbrigði að falla jafnmikið milli ára

Lausatök í opinberri efnahagsstjórn á þenslutímum er sögð ástæða þess að landið fellur um þrjú sæti milli ára í samanburði á samkeppnishæfni þjóða. Í fyrra var Ísland í fjórða sæti, en vermir nú það sjöunda.

Viðskipti innlent

Bankinn sem kynnti sig í óveðrinu

Ágjöfin sem bankarnir urðu fyrir í fyrra var vel nýtt af Glitni til að kynna bankann og íslenskt hagkerfi á erlendum vettvangi. Gregory Miller, prófessor við Harvard Business School, greindi viðbrögð Glitnis í nýrri skýrslu. Hafliði Helgason fylgdist með.

Viðskipti innlent

Fyrirhyggjan í fyrirrúmi

Sumir glottu við þegar fréttist af því að danski milljarðamæringurinn og skipakóngurinn Mærsk McKinney-Möller hefði pantað sér skútu í fyrra. Smíðin átti að taka tvö til þrjú ár og þótti einhverjum Mærsk fullbjartsýnn. Hann er jú fæddur árið 1913, fagnar 94 ára afmæli í júlí og yrði ansi nálægt tíræðisaldrinum þegar skútan yrði afhent.

Viðskipti innlent

Dagur fyrir Ítalíu

Viðskipti milli Íslands og Ítalíu hafa aukist jafnt og þétt á undanförnum árum. Margir telja þó að enn búi ýmsir óleystir kraftar landanna á milli. Hólmfríður Helga Sigurðardóttir var viðstödd Ítalska viðskiptadaginn í síðustu viku.

Viðskipti innlent

Gagnsæjar nafngiftir

Ágætisskemmtan getur verið að lesa Lögbirtingarblaðið, sér í lagi þegar kemur að nafngiftum hlutafélaga. Landinn er enda duglegur við að hrinda viðskiptahugmyndum í framkvæmd og eitthvað þurfa börnin að heita. Einhver kynni þó að ætla að betur hefði verið heima setið en af stað farið þegar í blaðinu voru auglýst skiptalok á fyrirtækinu Óráði ehf.

Viðskipti innlent

Kaupir viðbitsfyrirtæki

Alfesca hefur náð samningum um yfirtöku á franska matvæla­fyrirtækinu Le Traiteur Grec, sem framleiðir viðbit úr grænmeti fyrir stórmarkaði í Frakklandi. Kaupverð nemur 19,7 milljónum evra, jafnvirði 1.669 milljóna íslenskra króna. Greitt verður með reiðufé en gert er ráð fyrir því að kaupin gangi í gegn í næsta mánuði að lokinni endurfjármögnun félagsins.

Viðskipti innlent

Mest lesið