Erlent

3 skólastúlkur liggja í valnum eftir árás byssumanns

Þrjár skólastúlkur liggja í valnum eftir að óður byssumaður æddi síðdegis í dag inn í sveitaskóla í Pennsylvaníu í Bandaríkjunum og skaut á nemendur. Sjö stúlkur særðust lífshættulega í árásinni.

Rússar sendir heim

Fjórir Rússar, sem undanfarna daga hafa verið í haldi georgískra yfirvalda grunaðir um njósnir, voru í dag reknir úr landi. Þeir voru seldir í hendur yfirmanns ÖSE sem fylgdi þeim svo um borð í flugvél sem flaug síðan með þá til Moskvu. Um svipað leyti ákváðu rússnesk stjórnvöld að stöðva allar samgöngur og viðskipti á milli landanna tveggja.

Ban Ki-Moon hafi sigur

Ban Ki-Moon, utanríkisráðherra Suður-Kóreu, er talinn líklegasti arftaki Kofis Annans í embætti framkvæmdastjóra Sameinuðu þjóðanna. Ki-Moon hafði sigur í óformlegri atkvæðagreiðslu um hvern ætti að skipa næst í embættið. Annan lætur af störfum í lok árs.

Reyndi að ráðast inn í hús forsætisráðherra

Maður vopnaður hnífi reyndi í dag að ráðast inn á skrifstofu Tonys Blairs, forsætisráðherra Bretlands, við Downing-stræti 10 í Lundúnum. Maðurinn var handtekinn eftir að hann hafði klifrað yfir girðingu aftan við húsið sem liggur samsíða þeirri hlið byggingarinnar sem snýr að götu sem opin er almenningi. Maðurinn hefur verið ákærður fyrir vopnaburð og að hafa ráðist að lögreglumanni.

15 særðust í sprengingu á kaffihúsi

Að minnsta kosti 15 særðust þegar sprening varð á kaffihúsi í Izmar, þriðju stærstu borg Tyrklands, í dag. Ekki liggur fyrir hvort sprengju var komið fyrir á kaffihúsinu eða sprengingin orðið af öðrum völdum. Í gær lýsti Verkamannaflokkur Kúrdistans, PKK, einhliða yfir vopnahlé. Flokkurinn og Kúrdar hafa barist fyrir sjálfstæði við Tyrki í rúma tvo áratugi. Ekki er vitað hvort Kúrdar voru að verki í Izmar í dag.

Minnst 3 skólastúlkur myrtar í Pennsylvaníu

Að minnsta kosti þrjár eru sagðir hafa týnt lífi og sjö særst þegar byssumaður skaut á skólastúlkur í skóla Amish-fólks í smábæ í Pennsylvaniu-ríki í Bandaríkjunum í dag. Stúlkurnar sem voru skotnar eru allar á aldrinum 6 til 13 ára.

Skothríð í bandarískum skóla

Banvæn streita

Hættulegt að vitna gegn Saddam Hussein

Abbas hugar að myndun neyðarstjórnar Palestínumanna

Hnífamaður handtekinn í Downing stræti

Maður vopnaður hnífi var í dag handtekinn í bakgarðinum á Downing stræti tíu, sem er heimili Tony Blairs, forsætisráðherra.

Saudi Arabar telja að Írak sé að liðast í sundur

Þjóðarleiðtogi með tvo tvífara

Kínverjar blinda bandaríska gervihnetti

Múffínutoppar og grjóst

Viktoría Beckham er með sólrexíu, Partýljónið París Hilton er fræbreimsk og Johnny Vegas er með grjóst samkvæmt nýrri bók sem gefin hefur verið út í Bretlandi. Bókin inniheldur samsetningu orða sem sem eru yfirleitt neikvæð og eru nýjasta tegund niðurlægingar.

Ríkisstjórn Austurríkis féll

Stjórnarflokkurinn í Austurríki galt afhroð í þingkosningum sem fram fóru í landinu í gær. Íhaldsflokkur kanslarans, Wolfgangs Schüssels, fékk 34.2% atkvæða, tapaði meira en 8 prósentum frá síðustu kosningum 2002, en Sósílademókratar, undir stjórn Alfreds Gusenbauers fengu 35,2%, einu prósenti meira en stjórnarflokkurinn.

FBI skoðar Foley

Bandaríska alríkislögreglan hefur til skoðunar klúr bréfaskrif bandarísks þingmanns til lærlinga á skrifstofu hans. Hann hefur þegar sagt af sér embætti. Maðurinn sem um ræðir heitir Mark Foley en hann sat í fulltrúadeildinni fyrir Repúblikanaflokkinn.

Rússar einangra Georgíu

Danskir foreldrar mótmæla

Nóbelsverðlaun í læknisfræði tilkynnt

Tveir Bandaríkjamenn, Andrew Z. Fire frá MIT í Massachusetts og Craig C. Mello við Harvard, fá Nóbelsverðlunin í læknisfræði í ár fyrir að uppgötva leið til að slökkva á ákveðnum áhrifum gena.

Forsetakosningar endurteknar í Brasilíu

Forseta Brasilíu, Lula da Silva, tókst ekki að tryggja sér hreinan meirihluta í kosningum sem fóru fram um helgina og verður gengið aftur til kosninga í lok október. Lula tryggði sér 49% atkvæða nú, en þarf yfir 50% til að ná kosningu. Keppinautur hans um forsetastólinn er Geraldo Alckmin, fyrrum ríkisstjóri Sao Paulo fékk 41% atkvæða.

Forsætisráðherra Taílands hefur störf

Forstætisráðherra Taílands, Surayud Chulanont, hóf embættisferil sinn á því að heimsækja búddahof í Bangkok og fékk blessun 93 ára gamals búddamúnks. Þar á eftir fundaði hann með sendiherra Bandaríkjanna í Taílandi, Ralph Boyce.

Allir um borð fórust

Nú er staðfest að allir þeir hundrað fimmtíu og fimm manns sem voru um borð í flugvélinni sem fórst í Amazon regnskóginum á föstudag eru látnir.

Róm ræðst á BBC

Kaþólska kirkjan hefur sakað breska ríkisútvarpið um að ráðast gegn Páfa með fordómum. Í fréttaskýringaþættinum Panorama er birt efni skjals sem sagt er hvetja til yfirhylminga í tilfellum þar sem prestar eru ásakaðir um kynferðisbrot gegn börnum.

Fimm látnir eftir hrun brúar

Brú á mislægum gatnamótum við Montreal í Kanada hrundi á laugardag. Bílar sátu fastir í rústunum á meðan björgunarsveitir unnu að því að komast að tveimur bílum sem voru undir steypuhrúgunnni. Fimm manns eru látnir og sex slasaðir, þar af þrír alvarlega.

Fimm fórust er brú hrundi

Minnst fimm manns fórust þegar tæplega tuttugu metra langur hluti brúar á mislægum gatnamótum hrundi í Montréal í Kanada á laugardag. Sex manns liggja á sjúkrahúsi og eru tveir alvarlega slasaðir.

Sýnir myndband með Atta

Myndband af Mohammed Atta, sem flaug farþegavél á annan Tvíburaturnanna í New York í september 2001, var birt á vefsíðu Sunday Times í gær. Þetta er í fyrsta sinn sem myndbandið er sýnt opinberlega.

Alvarlegar ásakanir á Bush og stjórn hans

Bandaríkjaforseti og stjórn hans fá harða útreið í bók virts blaðamanns sem gefin verður út í dag. Þar eru ríkisstjórnin og George W. Bush sökuð um að fela fyrir þegnum landsins hversu víðtæk og alvarleg upplausnin í Írak er orðin. Jafnframt kemur fram að Henry Kissinger sé orðinn einn aðalráðgjafi Bush.

Fjórir handteknir í ferju

Fjórir sænskir nýnasistar voru handteknir eftir að þeir sýndu ferjufarþegum, sem ekki litu út fyrir að vera norrænir, kynþáttafordóma og ofbeldi á laugardag, segir á fréttavef sænska dagblaðsins Dagens Nyheter.

Herforingi verður forsætisráðherra

Hershöfðinginn fyrrverandi, Surayud Chulanont, var í gær svarinn í embætti forsætisráðherra Taílands. Tvær vikur eru frá valdaráni stjórnarhersins þar í landi og völdu yfirmenn hersins Surayud í embættið þrátt fyrir fyrri yfirlýsingar um að herinn myndi ekki sitja lengi við völd.