Erlent

Óvíst um framsal

Stjórnvöld í Namibíu hafa ekki fengið beiðni frá bandarískum stjórnvöldum um að framselja kvikmyndaleikarann Wesley Snipes sem er ákærður fyrir að hafa svikið jafnvirði rúmlega 800 milljóna íslenskra króna undan skatti. Snipes er nú staddur í Namibíu við tökur á næstu kvikmynd sinni.

Erlent

Condoleezza Rice gagnrýnir súdönsk yfirvöld

Condoleezza Rice, utanríkisráðherra Bandaríkjanna, sagði í dag að ákvörðun súdanskra yfirvalda um að reka sérstakan erindreka Sameinuðu þjóðanna, Jan Pronk, úr landi hafi verið "ákaflega óheppileg".

Erlent

Ísraelar skutu sjö til bana á Gaza

Ísraelskar hersveitir skutu til bana sjö Palestínumenn í morgun, þar af þrjá bræður. Fjórtán aðrir særðust í árásinni, sem var gerð á fyrsta degi aðalhátíðar múslima, Eid al-Fitr.

Erlent

Yfirvöld í Íran banna umbótasinnað dagblað

Yfirvöld í Íran hafa bannað umbótasinnað dagblað sem var aðeins viku gamalt. Bannið var á þeim grundvelli að blaðið væri einfaldlega nýtt nafn á öðru blaði sem hefði verið bannað í september síðastliðnum.

Erlent

Átök á afmæli uppreisnarinnar í Ungverjalandi

Til átaka kom í Búdapest, höfuðborg Ungverjalands, í morgun þar sem þess var minnst að hálf öld er liðin frá uppreisninni í landinu. Nokkur fjöldi fólks hafði komið sér fyrir á torginu fyrir framan þinghúsið í borginni til að lýsa andstöðu sinni við Ferenc Gyurcsani forsætirsáðherra en þar inni fór fram athöfn í tilefni tímamótanna.

Erlent

Talibanar ætla að ráðast gegn Evrópubúum

Foringi í liði talibana, Mullah Muhammad Amin, sagði í morgun að talibanar stefndu á árás á Bretland og Evrópu. Í einkaviðtali við Sky fréttastofuna sagði Amin að samtökin ættu gnægð vopna og að óbreyttum borgurum á Vesturlöndum yrði ekki hlíft enda hefðu þeir komið Bush og Blair til valda með atkvæðum sínum.

Erlent

Útgöngubanni komið á í Amara

Yfirvöld í Írak hafa komið á útgöngubanni í bænum Amara í suðurhluta landsins vegna átaka milli andófsmanna úr röðum sjíta og lögreglu undanfarna daga.

Erlent

Rússneskur hermaður seldur sem þræll

Lögfræðingur í Rússlandi skýrði frá því í dag að hún væri með skjólstæðing sem hefði verið seldur sem þræll úr hernum. Hermaðurinn hafði verið seldur ásamt skurðgröfu á um 1.300 dollara, sem samsvarar um nítíu þúsund íslenskum krónum

Erlent

Frú Forseti?

Allar líkur eru á að Nancy Pelosi, 66 ára amma frá San Francisco, fái nafn sitt ritað í sögubækurnar sem fyrsta konan til að gegna embætti forseta fulltrúadeildarinnar verði niðurstaða þingkosninganna í Bandaríkjunum í samræmi við skoðanakannanir.

Erlent

Ísraelar halda áfram eftirlitsflugi um líbanska lofthelgi

Varnarmálaráðherra Ísraels, Amir Peretz, sagði í gær að Ísraelar myndu halda áfram daglegu eftirlitsflugi sínu yfir líbanska lofthelgi svo lengi sem líbanska ríkisstjórnin sinnti ekki sínum hluta vopnahléssamkomulagsins um að hindra vopnasmygl til Hisbollah. Líbanir hafa gagnrýnt yfirflug Ísraela sem skýlaust brot á vopnahléssamkomulagi öryggisráðsins.

Erlent

Ástandið enn eldfimt ári eftir óeirðirnar

Upplýsingaþjónusta frönsku lögreglunnar, Renseignements Généraux, telur ástandið enn eldfimt í úthverfum Parísar sem loguðu í óeirðum fyrir ári síðan. Í skýrslu sem franska blaðið Le Figaro vitnar í kemur fram að sú óánægja sem kynti undir bílabrennum og öðrum skemmdarverkum sé enn til staðar.

Erlent

Varað við fellibylnum Páli á Kaliforníuskaga

Fellibyljastofnun Bandaríkjanna hefur varað íbúa á Kaliforníuskaga við hitabeltisstorminum Páli sem í gærkvöld styrktist og varð að fellibyl. Páll hefur verið á leið upp eftir vesturströnd Mexíkós síðustu daga og fylgjast veðurfræðingar náið með ferðum hans.

Erlent

Yfir 100 bein hafa fundist í grunni Tvíburaturnanna

Fleiri bein hafa fundist í grunni Tvíburaturnanna í holræsaopum og verkfærageymslum. Varaborgarstjóri New York borgar sagði einnig í gær að 12 önnur svæði hefðu fundist sem yrðu fínkembd næstu daga. Meira en hundrað bein hafa fundist síðustu fimm daga síðan byggingarverkamenn rákust á fyrstu beinin þar sem verið er að útbúa neðanjarðarlestarstöð.

Erlent

Panamaskurðurinn verður víkkaður

Panama-búar kusu í gær um mestu framkvæmdir í 92ja ára sögu Panama-skurðarins. 79% kjósenda samþykktu að víkka skurðinn þannig að heimsins stærstu skip geti komist um skipaskurðinn sem tengir Atlantshafið og Kyrrahafið.

Erlent

Tvær milljónir Afgana munu þurfa matvælahjálp

Tvær milljónir manna í Afganistan munu þurfa á matvælahjálp að halda í vetur, eftir að uppskera brást vegna þurrka. Sameinuðu þjóðirnar og afganska ríkisstjórnin hafa kallað eftir tæplega þriggja milljarða fjárframlögum, til viðbótar við rúmlega fimm milljarða sem þegar hafði verið beðið um.

Erlent

Mest lesið