Erlent

65 fangar sluppu nærri Cancun

Tugir fanga í mexíkósku fangelsi nærri ferðamannastaðnum Cancun brutu lása á klefadyrum sínum, börðu verði og sluppu út úr fangelsinu í dag. Tveir létust í slagnum. Hundruð fanga byrjuðu að mótmæla þegar nokkrir fanganna voru færðir í annað fangelsi, þeirra á meðal Marcos Gallegos, sem hefur verið kallaður "guðfaðirinn" í fangelsinu.

Siniora segir Hisbollah stefna á valdarán

Fouad Siniora, forsætisráðherra Líbanons, sakaði leiðtoga Hisbollah um að vilja ræna völdum af réttkjörinni ríkisstjórn í óvenju harðorðri ræðu í kvöld. Ræðan var send út frá skrifstofu hans, þar sem hann hefur hafst við í rúma viku, síðan stuðningsmenn Hisbollah lögðu undir sig göturnar fyrir utan stjórnarráðið í Beirút.

Rumsfeld ekki ábyrgur fyrir pyntingum

Bandarískur dómari sagðist í dag efast um að hægt væri að sækja Donald Rumsfeld til saka fyrir pyntingar bandarískra hermanna á föngum í Abu Ghraib fangelsinu í Írak. Thomas Hogan, dómari, sagði að þó að pyntingar væru óásættanlegar, þá væri ekki víst að níu írösk fórnarlömb þeirra gætu dregið varnarmálaráðherrann til ábyrgðar.

Quebecsk erfðagreining

Líkt og Íslendingar, eru íbúar Quebec-héraðs komnir af nokkrum fjölskyldum, sem fluttu frá Frakklandi til Quebec í Kanada. Erfðafræðingar telja að erfamengi Quebec-búa í Kanada geti af þessum ástæðum hentað vel til erfðarannsókna og hugsa sér gott til glóðarinnar að þróa lyf og læknismeðferðir út frá rannsóknum í Quebec.

Ætlaði að kúga auðjöfra

KGB maðurinn Alexander Litvinenko, sem myrtur var í síðasta mánuði, ætlaði að ljóstra upp um spillingarmál tengd valdamiklum auðjöfri sem mun tengjast ráðamönnum í Moskvu. Þetta fullyrti rússneskur doktorsnemi á blaðamannafundi í Lundúnum í dag.

Hlýtt í Evrópu

Vísindamenn segja ekki hafa verið hlýrra í Evrópu á þessum árstíma í fimm hundruð ár. Óttast er að skíðamenn fái lítið sem ekkert að renna sér í Ölpunum þennan veturinn og þurfi þess í stað að taka fram gönguskóna vilji þeir njóta náttúrunnar þar.

Írakar reyna við þjóðarsátt

Írakar munu halda þjóðarsáttarráðstefnu í næstu viku, nánar tiltekið þann 16. des. að því er fram kemur í fréttum sjónvarpsstöðvar á vegum íraska ríkisins í kvöld. Forsætisráðherrann Nuri al-Maliki tilkynnti á þriðjudag að leiðtogar helstu stjórnmálaafla Íraks muni hittast um miðjan desember án þess að tilgreina nánari tímasetningu.

Írar banna tóbakssælgæti og smápakka af sígarettum

Írar ætla að banna sölu á sígarettupökkum með færri en 20 sígarettum í maílok á næsta ári til þess að reyna að draga úr reykingum barna og unglinga. Yngstu reykingamennirnir sækja í minni sígarettupakkningar þar sem þær eru ódýrari, að sögn heilbrigðisráðuneytisins. Þá verður sælgæti sem líkist tóbaksvörum einnig bannað.

Kæra flugmenn vegna þotuslyss

Tveir bandarískir flugmenn voru í dag ákærðir fyrir að stofna flugöryggi í hættu þegar brasilísk Boeing-þota hrapaði í Amazon-frumskóginum þann 29. september. Mennirnir tveir flugu lítilli einkaþotu sem rakst á væng farþegaþotunnar með þeim afleiðingum að stærri þotan hrapaði og 154 farþegar og áhafnarmeðlimir létust.

Seselj hættur að svelta sig

Öfgaþjóðernissinninn serbneski Vojislav Seselj, er hættur við mótmælasvelti sem hann hefur haldið til streitu í 28 daga. Hann svalt sig til að krefjast þess meðal annars að skipt yrði um dómara í máli hans fyrir stríðsglæpadómstólnum í Haag. Hann hefur verið þar í haldi síðan árið 2003, ákærður fyrir stríðsglæpi í fyrrum Júgóslavíu.

Aðlagist okkur eða farið annað -Ton y Blair

Fólk sem vill setjast að í Bretlandi verður að semja sig að umburðarlyndum gildum þess, eða fara eitthvað annað, sagði Tony Blair, forsætisráðherra, í erindi sem hann flutti í dag.

Þjóðverjar reykja áfram

Stjórnvöld í Þýskalandi hafa hafnað tillögum um að ríkisstjórnin banni reykingar í skólum og á veitingastöðum um land allt. Ríkisstjórnin ætlar að láta hvert hinna sextán ríkja ákveða fyrir sig hvort reykingar verða bannaðar.

Yfirheyra lykilvitni í njósnaramorði

Breskir og rússneskir lögreglumenn eru farnir að yfirheyra lykilvitni í morðinu á KGB njósnaranum Alexander Litvinenko, að sögn rússneskra fjölmiðla.

Vel þjálfaðar rottur

Þær eru vel þjálfaðar rotturnar sem tóku þátt í fjölþraut í Nebraska í Bandríkjunum í gær. Það voru háskólanemar í bænum Lincoln sem efndu til keppninnar og mætti hver þátttakandi með þrautþjálfaða rottuna sína. Þeim var svo gert að klifra upp kaðla, taka þátt í langstökki, synda, hlaupa yfir hindranir og klifra upp veggi.

Framlengja bann við dauðarefsingum

Lykilvitni líkast til yfirheyrt í dag

Allt bendir til þess breskir lögreglumenn yfirheyri í dag lykilvitni í rannsókninni á morðinu á rússneska njósnaranum Alexander Litvinenko. Yfirheyrslunni hefur ítrekað verði frestað vegna þess að vitni hefur verið til rannsóknar hjá læknum í Moskvu.

Tugþúsundir lýstu stuðningi við Haniyeh og Hamas

Tugþúsundir stuðningsmanna Hamas samtakanna komu saman til útifundar, í dag, þar sem þeir kröfðust þess að Ismail Hanyeh, forsætisráðherra ríkisstjórnar Palestínumanna leiði hvaða ríkisstjórn sem stofnuð verður í landinu.

Skilyrði fyrir þátttöku

Bandaríkjaforseti og forsætiráðherra Bretlands segja að ekki verið rætt við Írana og Sýrlendinga um mögulegar lausnir á ástandinu í Írak, líkt og ráðgjafarnefnd Bandaríkjaforseta leggur til, nema að uppfylltum skilyrðum. Formaður nefndarinnar segir um heildstæða tillögu að ræða og ekki hægt að velja eitt og hafna öðru.

VRRRÚÚMMMM

Skrúðvagnar eru vinsælir í skrúðgöngum, í Bandaríkjunum. Þeir eru gjarnan fullir af fögrum meyjum, eða þá einhverjum fígúrum. Pallbílar eru gjarnan notaðir í þessum tilgangi. Ökumaður eins slíks var í gær handtekinn fyrir ölvun við akstur.

Bandaríkjaher banar 20 grunuðum al-Kaída liðum

Bandarískar hersveitir felldu í dag 20 grunaða al-Kaída liða, þar á meðal tvær konur, í áhlaupi á búðir uppreisnarmanna í miðhluta Íraks.

Hlýjasti vetur í langan tíma

Skíðabrekkur í ölpunum eru snjólausar, ferðamenn í róm ganga um í stuttermabolum og rósir blómstra í Lundúnum. Þetta eru lýsingarnar á vetrinum sem nú ríkir og verður að segja að hann er mildari en bjartsýnustu menn bjuggust við.

Madonna hannar fyrir H & M

Poppstjarnan Madonna hefur tekið að sér að hanna fatalínu fyrir sænska tískurisann Hennes & Mauritz. Föt Madonnu eiga að koma á markað í öllum verslunum fyrirtækisins í mars á næsta ári.

Geta bjargað jörðinni frá árekstri

Bruce Willis gerði það árið 1998, í myndinni Armageddon. Fleiri hetjur hafa gert það í ýmsum kvikmyndum í gegnum árin; forðað því að risastórir loftsteinar rækjust á jörðina og eyddu þar öllu lífi. Bandaríska geimferðastofnunin telur sig færa um að leika það eftir.

Börnin stela jólunum

Á miðvikudaginn síðastliðinn teygði tólf ára bandarískur strákur sig í jólapakka sem hann síðan opnaði, þrátt fyrir margar viðvaranir um að gera það ekki. Móðir hans hringdi því á lögregluna og lét handtaka son sinn. Því næst var farið með drenginn niður á lögreglustöð þar sem hann var svo ákærður fyrir þjófnað.

Skýrsluhöfundar vilja að Bush fylgi henni eftir í einu og öllu

Höfundar skýrslu um stefnu Bandaríkjastjórnar í Írak segja að stjórnin verði að fara að öllum tillögum hennar. Þeir segja enn fremur að þeir 79 punktar sem settir eru fram í skýrslunni séu ekki „ávaxtasalat“ sem hægt sé að taka úr það sem maður vill.

Hizbolla saka stjórn Líbanons um að vinna með Ísraelum

Leiðtogi Hizbolla, Hassan Nasrallah, sakaði í morgun forsætisráðherra Líbanon, Fuad Saniora, um að vinna með Ísrael gegn Hizbollah í 34 daga stríðinu í sumar. Sagði hann Líbanonsstjórn hafa hjálpað til við að koma í veg fyrir að liðsmenn Hizbolla fengu vopnasendingar sínar.

Kynlífshneyksli skekur pólsku stjórnina

Stjórnin í Póllandi íhugar að boða til kosninga fyrr en áætlað var vegna kynlífshneykslis sem nú skekur hana en varaforsætisráðherra landsins, Andrzej Lepper, hefur verið sakaður um að ráða konur gegn því að þær sofi hjá honum. Hann neitar ásökunum.

Jarðneskar leifar Páls postula finnast

Fornleifafræðingar sem hafa unnið fyrir Vatíkanið hafa fundið steinkistu sem er álitin innihalda jarðneskar leifar Páls postula, eins af lærisveinum Jesú. Kistan fannst í grafhýsi undir kirkju í Róm.

Jólatré sett upp við hlið Coliseum

Íbúum Rómarborgar var komið skemmtilega á óvart í gær en borgaryfirvöld höfðu þá komið jólatréi fyrir við hliðina á hinu fornfræga hringleikahúsi Coliseum.

Köngulóarmaðurinn í Mexíkó

Lögreglumenn í Mexíkóborg handtóku í gær mann sem hafði klifið eina af hæstu byggingum borgarinnar í leyfisleysi. Maðurinn sem um ræðir heitir Alain Robert og gengur jafnan undir nafninu Köngulóarmaðurinn þar sem hann klífur byggingar án nokkurs öryggisbúnaðar.