Erlent

Gámar fjarlægðir af strandaða flutningaskipinu

Fjöldi björgunarbáta hóf í dag að fjarlægja meira en tvö þúsund gáma af flutningaskipinu MSC Napoli, sem strandaði undan ströndum Devon á Englandi 19 janúar. Risastór fljótandi krani er notaður til að færa gámana, sem innihalda allt frá barnableyjum til mótorhjóla. Verkið er bæði tímafrekt og vandasamt, en skipið má ekki breyta um stöðu þegar gámarnir eru teknir af því.

Erlent

Þrír dagar í reykingabann í Frakklandi

Frá og með 1. febrúar næstkomandi verður bannað að reykja í opinberum stöðum, nema á kaffihúsum og veitinga- og skemmtistöðum í Frakklandi. Veitingasalar hafa ár til að aðlagast, þar verður bannað að reykja 1. febrúar á næsta ári. Reykingabannið mun breyta ásýnd Frakklands þar sem löngum hefur búið ein mesta reykingaþjóð Evrópu.

Erlent

Allt stefnir í verkfall hjá British Airways

Allt útlit er fyrir að tveggja daga verkfall starfsmanna breska flugfélagsins British Airways hefjist á morgun. Flugfélagið hefur þegar aflýst 1.300 flugferðum, þar á meðal til og frá Íslandi.

Erlent

Á fleygiferð í bíl í Illum

Stórverslunin Illum á Strikinu í Kaupmannahöfn hefur eflaust líkst tökustað kvikmyndar í gærkvöld þegar tveir menn óku bifreið inn í verslunina og reyndu að ræna skartgripadeildina þar.

Erlent

Þrenn samtök lýsa ábyrgð

Þrenn samtök hafa lýst yfir ábyrgð á sjálfsmorðsárás sem framin var í Rauðahafsbænum Eilat í Ísrael í morgun. Þrír létu lífið í árásinni en hún var gerð í bakaríi í bænum, sem er fjölsóttur af ferðamönnum.

Erlent

Yfir 300 uppreisnarmenn féllu í bardögum

Að minnsta kosti 300 uppreisnarmenn eru sagðir hafa fallið í heiftarlegum átökum við íraskar og bandarískar hersveitir í Najaf-héraði undanfarinn sólarhring. Að minnnsta kosti fimm íraskir hermenn liggja í valnum eftir átökin og tveir bandarískir.

Erlent

UNICEF þarf 43 milljarða til að sinna neyð

Í nýrri skýrslu Barnahjálpar Sameinuðu þjóðanna fyrir árið 2007, sem kynnt var í dag, kemur fram að UNICEF þurfi rúmlega 43 milljarða til að aðstoða börn og konur á 33 neyðarsvæðum víða um heim. Verkefnin eru bæði í Darfur en eins í löndum sem fá minni fjölmiðlaathygli á borð við Haítí, Eritreu og Mið-Afríkulýðveldið.

Erlent

Lítill hestur er mikil hjálp

Panda hefur allt sem maður gæti óskað sér í gæludýri og blindrahesti. Hún verndar eiganda sinn Ann Eide, lætur vita þegar hún þarf að gera stykkin sín, er ávallt viðbúin og elskar að elta hluti. Smáhesturinn Panda í Betlehem, New York, hefur hjálpað Eide, 58 ára, að komast ferða sinna í borgum og sveitum frá árinu 2003. Edie heyrði fyrst um blindrahesta árið 2000, en þá var hún með blindrahund.

Erlent

Ástralir drekki endurunnið skolp

Íbúar í Queensland í Ástralíu munu bráðlega fá endurunnið skolpvatn í kranavatninu, að því er fylkisstjórinn hefur sagt. Hugmyndin nýtur afar lítilla vinsælda hjá íbúunum en fylkisstjórinn segir engra annarra kosta völ og sama muni eflaust eiga við um fleiri fylki Ástralíu á næstu árum.

Erlent

Hugsanleg brot Ísraelsmanna á vopnalögum

Utanríkisráðuneyti Bandaríkjanna birtir Bandaríkjaþingi bráðabirgðaskýrslu í dag um það hvort vopnalög Bandaríkjanna hafi verið brotin þegar Ísraelar vörpuðu klasasprengjum, framleiddum í Bandaríkjunum, á íbúðabyggð í Líbanon síðastliðið sumar.

Erlent

46 grunaðir Al Kaída liðar í haldi í Tyrklandi

Tyrkneska lögreglan hefur 46 manns í haldi vegna gruns um tengsl við Al Kaída, að því er ríkisfréttastofan Anatolian greinir frá. Tyrkneska lögreglan ræðst reglulega gegn grunuðum hryðjuverkamönnum, eftir að 60 manns létu lífið í sjálfsmorðsárásum sem Al Kaída liðar stóðu fyrir.

Erlent

Óttast fleiri fuglaflensutilfelli í Ungverjalandi

Óttast er að fleiri fuglaflensutilfelli séu komin upp í Ungverjalandi. Sýni úr gæsum eru í rannsókn eftir að hið banvæna afbrigði veirunnar H5N1 greindist á gæsabúi í síðustu viku. Tæplega 10 þúsund gæsum hefur verið slátrað, að sögn landbúnaðarráðuneytis landsins.

Erlent

Allir skólar lokaðir í Líbanon

Allir skólar í Líbanon verða lokaðir fram á miðvikudag eða fimmtudag eftir mannskæða bardaga við Arabíska háskólann í Beirút á fimmtudag. Kennsla hefst á ný í háskólum á miðvikudag en aðrir skólar verða lokaðir fram á fimmtudag. Menntamálaráðherra Líbanons tilkynnti þetta í morgun, að því er líbanska dagblaðið Daily Star greinir frá. Fjórir létust í bardögum á fimmtudaginn.

Erlent

Sprengdi sig í bakaríi í Ísrael

Sjálfsmorðssprengjuárás varð í það minnsta þremur að bana, auk árásarmannsins, í bakaríi í strandbænum Eilat á Rauðahafsströnd Ísraels rétt fyrir klukkan níu í morgun. Þetta er fyrsta sjálfsmorðssprengjuárásin í Ísrael frá því í apríl á síðasta ári.

Erlent

Nærri búin að drepa manninn sinn með viagra

Ítölsk húsmóðir var rétt búin að drepa eiginmann sinn í ógáti, þegar hún ætlaði einungis að örva hann til ásta. Hún leysti upp tvær Viagra stinningartöflur í rauðvíninu, sem eiginmaðurinn neytti með kvöldmatnum. En í staðinn fyrir að honum risi hold sem aldrei fyrr, varð skammturinn honum ofviða og hann fékk hjartaáfall.

Erlent

Býður talibönum til friðarviðræðna

Forseti Afganistans, Hamid Karzai, bauð uppreisnarmönnum til friðarviðræðna í morgun. Síðasta ár var það blóðugasta í landinu eftir að talibanar voru hraktir frá völdum árið 2001. Karzai nefndi uppreisnarsveitir talibana ekki sérstaklega en bauð óvinum friðarviðræður á trúarsamkomu í Kabúl á einum helgasta degi sjíamúslima.

Erlent

Þriðjungur Eþíópíumanna á förum

Þriðjungur eþíópískra hermanna sem komu til hjálpar stjórnarher Sómalíu verður sendur heim í dag eða á næstu dögum. Þetta setur aukinn þrýsting á Afríkusambandið að senda friðargæsluliða til að tryggja stöðugleikann í Sómalíu. Fundur Afríkusambandsins hófst í dag en málefni Darfur-héraðs í Súdan verða þar efst á baugi.

Erlent

Mirren og Whitaker unnu í flokki aðalhlutverka

Helen Mirren og Forest Whitaker hlutu í gær verðlaun leikarafélagsins Screen Actors Guild í Los Angeles. Fáir telja nú að Óskarsverðlaunaafhendingin komi mikið á óvart í flokkum aðalhlutverka, þar sem Mirren og Whitaker hlutu einnig gullhnetti fyrir hlutverkin sem þjóðhöfðingjarnir Elísabet Bretadrottning og Idi Amin, einræðisherra Úganda.

Erlent

Íbúðabyggð drepur hafnarstarfsemi

Danskir sérfræðingar í byggðaþróun telja að allt of langt hafi verið gengið í því að teygja íbúðabyggð alveg niður á hafnarbakkana og hrekja í leiðinni alla hefðbundna starfssemi þaðan. Sérstaklega er bent á Íslandsbryggju í Kaupmannahöfn sem slæmt dæmi, segir í Jótlandspóstinum.

Erlent

Mannræningjar slepptu leiðtoga öryggissveita Hamas

Mannræningjar tengdir Mahmoud Abbas, forseta Palestínu, slepptu í gær leiðtoga öryggissveita Hamas sem þeir rændu fyrr í gærdag. Borgarstjórinn í Nablus hafði milligöngu um lausn mannsins en ekki hefur enn frést af örlögum tíu til fimmtán manna sem sömu mannræningjar rændu í Nablus í gær.

Erlent

Harðir bardagar í Írak - 250 í valnum

Bandarískir og íraskir hermenn háðu harða bardaga í allan gærdag við áður óþekkt skæruliðasamtök í írösku borginni Najaf. Að kvöldi lágu 250 skæruliðar í valnum, að sögn lögreglu á staðnum. Einnig létust þrír íraskir hermenn og tveir bandarískir.

Erlent

Anders Fogh stefnt fyrir að hafa sent danska hermenn til Íraks

Forsætisráðherra Dana, Anders Fogh Rasmussen, er stefnt fyrir rétt í dómsmáli sem hefst í dag í eystri landsrétti í Danmörku. Honum er gefið að sök að hafa brotið stjórnarskrána þegar hann sendi danska hermenn til að taka þátt í Íraksstríðinu árið 2003.

Erlent

Bóluefni gegn fuglaflensu virkar í 70% tilfella

Taívanskir vísindamenn segjast hafa fundið bóluefni við fuglaflensu sem verji fólk gegn sjúkdómnum í 70% tilfella. Vísindamennirnir hafa unnið að rannsóknum á veirustofninum H5N1 í 13 mánuði og prófað margar útgáfur af bóluefninu en engin hafi virkað jafn vel og þessi.

Erlent

Sumarbústaður stórskemmdur eftir bruna

Sumarbústaður í landi Höskuldsstaða í Eyjafirði stórskemmdist í bruna í nótt. Þegar eldsins varð vart, var slökkvilið frá Akureyri sent á vettvang, en þegar það kom logaði mikill eldur í bústaðnum. Slökkvistarf gekk vel og stendur bústaðurinn enn uppi, en er stórskemmdur ef ekki ónýtur. Eldsupptök eru ókunn, en fólk var í bústaðnum í gærdag.

Erlent

Padre Nuestro valin besta kvikmynd á Sundance

Sundance kvikmyndahátíðinni lauk í gær í Utah í Bandaríkjunum en hátíðin er ein fremsta hátíð óháðra kvikmyndagerðarmanna í heiminum. Skipuleggjendur hátíðarinnar sögðu síðasta ár hafa verið einstakt fyrir sjálfstæða kvikmyndagerð og það endurspeglaðist í kvikmyndum hátíðinnar sem fjölluðu um alþjóðastjórnmál, stríð og fjölskyldulíf.

Erlent

Vígamenn Hamas ræna yfirmanni öryggissveita Fatah

Vígamenn hliðhollir Hamas samtökunum rændu í kvöld yfirmanni öryggissveita Mahmoud Abbas, forseta heimastjórnar Palestínumanna. Talsmaður palestínskra öryggissveita skýrði frá þessu í kvöld. Maðurinn sem var rænt heitir Sayyed Shabban og var yfir öryggissveitum á Gaza.

Erlent

Kabila treystir stöðu sína

Stuðningsmenn Joseph Kabila, forseta Kongó, unnu auðveldan sigur í fylkisstjórakosningum í Kongó en úrslit voru birt í dag. Stjórnarandstaðan, undir forystu Jean-Pierre Bemba, mótmælti niðurstöðununum samstundis og sagði brögð í tafli. Kosningabandalag Kabila vann sex af níu fylkisstjórakosningum og sjálfstæðir frambjóðendur unnu tvær.

Erlent

Fimm hermenn felldir í Najaf

Tveir bandarískir hermenn létu lífið þegar þyrla hrapaði í bardaganum í Najaf í dag. Þetta sagði fulltrúi bandaríska hersins í kvöld. Fréttamaður Reuters fréttaveitunnar sá þyrluna hrapa eftir að hafa lent í skothríð. Reykur liðaðist frá þyrlunni þegar hún hrapaði.

Erlent

250 uppreisnarmenn felldir í Írak

Bandarískar og íraskar hersveitir hafa barist í allan dag við uppreisnarmenn úr röðum súnnía og sjía múslima í borginni Najaf. Bandaríski herinn hefur hingað til ekki viljað segja neitt um bardagann þar sem hann er enn í gangi en írösk yfirvöld sögðu rétt í þessu að fleiri en 250 uppreisnarmenn hefðu látið lífið.

Erlent

Leyniviðaukar ræddir á Alþingi

Halldór Ásgrímsson, fyrrverandi forsætisráðherra, sagði fyrir tæpu ári að Íslendingar hefðu EKKI gengist undir kvaðir sem losuðu Bandaríkjamenn undan ábyrgð á að hreinsa varnarsvæði á Íslandi. Síðan þá hafa komið fram leyniviðaukar, við varnarsamninginn frá 1951, sem segja aðra sögu. Utandagskrárumræða um viðaukana er fyrirhuguð á Alþingi um miðja viku.

Erlent

Mest lesið