Erlent

Málfrelsi nemenda í hættu í Bandaríkjunum

Hæstiréttur Bandaríkjanna veltir nú fyrir sér málfrelsi í nemenda í skólum í Bandaríkjunum. Er þetta í fyrsta sinn í rúmlega 20 ár sem slíkt mál kemur fyrir dómstólinn. Dæmt verður um hvort að skólastjóri hafi brotið á málfrelsi nemanda þegar að hún rak nemandann úr skólanum fyrir að sýna borða sem á stóð „Reykjum gras fyrir Jesús.“ (e. Bong hits 4 Jesus).

Reyndi að refsa Lampard

Ósáttur aðdáandi hljóp út á völlinn eftir að leik Chelsea og Tottenham lauk í kvöld og reyndi að gefa Frank Lampard, leikmanni Chelsea, einn á lúðurinn. Lampard var að fagna með liðsfélögunum sínum þegar maðurinn kom hlaupandi með hnefann á lofti og rétt náði að bregða sér undan hægrihandarsveiflu hins reiða áhanganda Tottenham. Öryggisverðir brugðust snögglega við og yfirbuguðu manninn á örskotsstundu.

Lögðu hald á 19,4 tonn af kókaíni

Eiturlyfjaeftirlitið í Bandaríkjunum hefur í samstarfi við lögregluna í Panama lagt hald á 19,4 tonn af kókaíni. Kókaínið fannst um borð í skipi á Kyrrahafi um helgina og talið er að aldrei hafi meira magn eiturlyfja verið gert upptækt á hafi úti. Lögreglan í Panama skýrði frá þessu í kvöld. Skipið er flutningaskip og er skráð í Panama. 14 voru handteknir í tengslum við málið.

Lögregla í Bandaríkjunum handtekur mótmælendur

Lögregla í New York og í San Francisco í Bandaríkjunum handtók í dag tugi manns sem voru að mótmæla stríðinu í Írak. Fjögur ár eru nú liðin síðan að stríðið hófst. Lögreglumenn í einkennisbúningum voru mun fleiri en mótmælendur í New York en þeir voru aðeins um hundrað talsins. Af þeim voru 44 handteknir.

88 ára kona skotin fimm sinnum í svefni

88 ára kona er nú á batavegi á sjúkrahúsi í Flórídaríki í Bandaríkjunum eftir að hafa verið skotin fimm sinnum á meðan hún var sofandi heima hjá sér. Lögreglan í Orange County er ennþá að rannsaka hvers vegna ráðist var á hana. Hún telur að skotárásin hafi ekki verið tilviljun en er enn að leita að hugsanlegu tilefni. Lögreglan hefur enn enga grunaða í málinu.

Lýstu yfir sakleysi sínu

Tveir lögreglumenn sem ákærðir eru fyrir að hafa skotið 23 ára blökkumann til bana í New York í nóvember í fyrra, sögðust báðir saklausir þegar að réttarhöld hófust yfir þeim í dag. Þriðji lögreglumaðurinn, sem ákærður var fyrir að stofna mannslífi í hættu, lýsti einnig yfir sakleysi sínu. Tveir aðrir lögreglumenn sem voru viðstaddir árásina voru ekki kærðir.

78 hafa látið lífið í námuslysi

78 hafa nú látið lífið eftir að metansprenging varð í námu í Síberíu í Rússlandi í dag. Slysið er það alvarlegasta í námugeiranum í Rússlandi síðastliðinn áratug. Fleiri en 40 eru ennþá fastir neðanjarðar og dánartalan gæti enn hækkað. Björgunaraðgerðir hafa ekki gengið sem skyldi þar sem að göng hafa hrunið og þykkur reykur kemur út úr námunni.

Þingmenn ætla að brjótast til valda

Þingmenn í Ekvador, sem forseti landsins hafði áður rekið úr embætti, hétu því í dag að brjótast í gegnum girðingar lögreglu og taka sæti sín á ný. Mikil spenna hefur verið í stjórnmálum í landinu að undanförnu þar sem forseti landsins, Rafael Correa, hefur heitið því að halda þjóðaratkvæðagreiðslu sem myndi leiða til stofnunar stjórnarskrárþings. Það á síðan að breyta stjórnarskránni og draga verulega úr völdum þingsins.

Vilja auka völd lögreglu

Þingið í Egyptalandi samþykkti í kvöld umfangsmiklar stjórnarskrárbreytingar sem ríkisstjórnin segir að séu nauðsynlegar umbætur. Mannréttindahópar hafa gagnrýnt breytingarnar og segja að þær muni grafa enn frekar undan mannréttindum í landinu. Breytingarnar þarf þó ennþá að samþykkja í þjóðaratkvæðagreiðslu.

Lyfti konum og fékk bágt fyrir

Kraftakeppni var aflýst í Íran eftir að norskur keppandi gekk fram af siðgæðislögreglu landsins. Hann lyfti tveimur konum upp, eins og kraftajötna er von og vísa, og hlaut bágt fyrir. Íslenskur keppandi segir að mótið hafi verið blásið af og allir jötnarnir hvattir til að fara úr landi hið fyrsta.

Segja endurreisn hafa mistekist

Tæplega 70% Íraka telja endurreisn heimalands síns, eftir innrásina fyrir fjórum árum, hafa misheppnast. Innviðir samfélagsins séu í molum. Íslendingar hafa lagt til tæpar 400 milljónir síðan 2003.

Írakar svartsýnir

Írakar eru svartsýnir á framtíðina, samkvæmt nýrri viðhorfskönnun. Flestir óttast að týna lífi í átökum og treysta ekki innrásarliðum. Í nótt eru fjögur ár frá upphafi Íraksstríðsins. Von um bjarta framtíð hefur vikið fyrir svartnætti í huga almennra Íraka.

Ramadan hengdur á morgun

Fyrrum varaforseti Íraks, Taha Yassin Ramadan, verður hengdur á morgun fyrir glæpi gegn mannkyninu. Hann hafði áður verið fundinn sekur fyrir þátt sinn á morðunum í Dujail árið 1982 en þar voru 148 sjía múslimar myrtir.

Hamas gerir árás

Hinn vopnaði armur Hamas samtakanna tilkynnti í dag að það hefðu gert sína fyrstu árás á Ísrael, síðan samið var um vopnahlé í nóvember síðastliðinn. Ísraelskur verkamaður var særður alvarlega í skotárás, og vörpusprengjum skotið á ísraelska hermenn. Talsmaður Hamas sagði jafnframt að árásum yrði haldið áfram, þótt hann tilkynnti ekki formlega að vopnhlénu hefði verið einhliða aflýst.

Mannskætt námuslys

Aha, þessi reykir

Reykingar geta ekki aðeins gert andlit hrukkótt og gul, heldur allan líkamann, samkvæmt nýrri skýrslu sem birt er í tímariti bandarískra húðsjúkdómalækna. Samkvæmt henni hafa reykingar áhrif á húð hvar sem hún er á líkamanum, jafnvel á stöðum sem eru verndaðir fyrir sólarljósi.

Lögregluþjónar ákærðir fyrir manndráp

Tveir lögreluþjónar í New York hafa verið ákærðir fyrir manndráp og sá þriðji fyrir að stofna mannslífi í hættu, þegar þeir skutu óvopnaðan blökkumann til bana á brúðkaupsdegi hans. Sean Bell fór í vasa sinn til þess að ná í skilríki, þegar lögreglumennirnir hófu skothríð. Þeir skutu alls fimmtíu skotum á Bell og félaga hans, sem særðist alvarlega.

Viðurkennir árásina á USS Cole

Blaðamaður enn í haldi

Danir verjast reykbanni

Danskir veitingamenn hyggjast verja um tveim milljörðum króna til þess að tryggja að viðskiptavinir þeirra geti haldið áfram að fá sér smók, þegar reykingar verða bannaðar á veitingastöðum í Danmörku um miðjan ágúst næstkomandi. Peningunum verður varið til þess að útbúa reykingaaðstöðu bæði innan dyra og utan.

Dauðskelkaður á fyrsta klassa

Farþegi með flugi British Airways var illa brugðið þegar hann vaknaði eftir blund á fyrsta farrými með lík sér við hlið. Sætið var autt þegar Paul Trinder sofnaði í fluginu á leið frá Delhi á Indlandi. Konan lést á almennu farrými stuttu eftir flugtak. Að sögn talsmanns British Airways var líkið flutt á fyrsta klassa þar sem afturhluti vélarinnar var fullsetinn.

Enn logar ófriðarbál

Þrjár bílsprengjur og tvær aðrar sprengjur hafa grandað 18 og sært 37 til viðbótar í borginni Kirkuk í Norður-Írak í morgun. Í nótt verða 4 ár liðin frá innrás bandamanna í Írak. Ekkert lát virðist vera á ófriðaröldunni í landinu, þrátt fyrir stórhertar öryggisráðstafanir.

Keypt á 250 dollara, seld á 15 milljónir

Bandarískur safnari sem keypti mynd af Marilyn Monroe eftir Andy Warhol á 250 dollara árið 1962 getur búist við því að hún seljist á yfir 15 milljónir dala nú, verðið hefur því 60 þúsund-faldast. Myndin verður boðin upp af uppboðshúsinu Christie's. Þetta er ein af 13 olíumyndum sem Warhol málaði af þokkadísinni.

Bjuggu í flughöfn í 10 mánuði

Írönsk kona og tvö börn hennar eru loks laus úr prísund sinni á flugvelli í Moskvu, þar sem þau hafa búið síðastliðna tíu mánuði. Zara Kamalfar, sem er 47 ára gömul, var fangelsuð í Íran fyrir þáttöku sína í stjórnmálum. Henni tókst að flýja úr fangelsinu og komast úr landi ásamt 18 ára dóttur sinni og 12 ára syni. Þau ætluðu að komast til Þýskalands, en þar var þeim neitað um landvist og send aftur til Moskvu, þar sem þau höfðu millilent á leiðinni.

Mugabe ábyrgur fyrir barsmíðum

Bandaríkjastjórn segir að stjórn Roberts Mugabe sé ábyrg fyrir barsmíðum á leiðtogum stjórnarandstöðunnar í Simbabve. Nelson Chamisa, einn leiðtoga MDC, flokks Morgan Tsvangirai, var laminn illa í gær á flugvellinum í Harare af óþekktum mönnum þar sem hann var að reyna að fara úr landi.

Fimm börn of mikið fyrir dagmömmu

Fimmta hvert sveitarfélag í Danmörku heimilar dagmömmum að gæta fimm barna, og það er of mikið, að mati talsmanns jafnaðarmanna í félagsmálum. Ritza fréttastofan gerði könnun á þessu í öllu landinu og þar kom þessi barnafjöldi í ljós.

Norðmenn viðurkenna þjóðstjórn Palestínumanna

Norðmenn hafa endurvakið stjórnmálatengsl við stjórnvöld í Palestínu. Varautanríkisráðherra landsins fundaði með Ismail Haniyeh, forsætisráðherra Palestínu í morgun. Í eitt ár hafa vesturveldin öll sniðgengið ríkisstjórn Palestínu en nú ríða Norðmenn á vaðið með samskipti við nýskipaða þjóðstjórn Palestínumanna.

Bayrou verður forseti komist hann í aðra umferð

Ef miðjumaðurinn Francois Bayrou kemst í aðra umferð frönsku forsetakosninganna verður hann forseti. Þetta sýnir ný skoðanakönnun sem TNS-Sofres gerði fyrir útvarpsstöð í Frakklandi. Niðurstöður könnunarinnar sýna að ef Bayrou mundi mæta hægrimanninum Nicolas Sarkozy í annari umferð mundi hann hafa sigur með 54 prósentum gegn 46. Þá mundi hann sigra sósíalistann Segolene Royal með 60 prósentum gegn 40.

Al Fayed höfðar mál á hendur fyrrverandi lögreglustjóra

Mohamed Al Fayed verslunareigandi og faðir Dodi Al Fayed sem lést í sama bílslysi og Díana prinsessa fyrir hartnær tíu árum hefur höfðað mál gegn þáverandi yfirmanni lögreglunnar í París. Al Fayed sakar lögreglustjórann um að hafa viljandi leynt sönnunargögnum frá rannsóknarnefnd sem kannaði dauða Dodi og Díönu.

Hærri upphæð frá innflytjendum en efnahagsaðstoð

Innflytjendur í Bandaríkjunum frá Mið- og Suður-Ameríku senda meiri peninga heim en sem nemur allri efnahagsaðstoð og fjárfestingum Bandaríkjamanna á svæðinu. Alls sendu innflytjendur 62 milljarða bandaríkjadala heim til fjölskyldna sinna á síðasta ári, þar af fóru 23 milljarðar til Mexíkó.