Erlent

Kristjaníubúar hafa enn ekki tekið afstöðu til tilboðs ríkisins

Íbúar fríríkisins Kristjaníu í Kaupmannahöfn hafa enn ekki tekið ákvörðun um hvort taka eigi tilboði ríkisstjórnarinnar um uppbyggingu á svæðinu. Fjórir dagar eru þar til frestur til þess rennur út.

Ítalska þingið samþykkti tillögu Prodi

Efri deild ítalska þingsins samþykkti í gærkvöldi tillögur Romano Prodi forsætisráðherra um að halda ítölskum hermönnum í Afganistan. Niðurstaðan er léttir fyrir Prodi sem bauðst til að segja af sér fyrir um mánuði þegar þingið felldi svipaða tillögu.

600 fórust í átökum í Kongó

Allt að 600 fórust í átökum í síðustu viku í Kinshasa höfuðborg lýðveldisins Kongó. Fólkið lést í átökum á milli hermanna og liðsmanna stjórnarandstöðusveita. Jósef Kabíla forseti segir að um valdaránstilraun hafi verið að ræða. Sendifulltrúar Evrópusambandsins í landinu segja að hersveitir forsetans hafi beitt óhóflegu valdi að fyrra bragði og það hafi leitt til átakanna.

Hicks játaði til þess eins að komast heim

David Hicks sem kallaður hefur verið ástralski talibaninn, játaði sakir fyrir rétti í Guantanamo til þess eins að komast heim til Ástralíu. Þetta staðhæfir faðir David. Nú eru lögmenn hans að leggja lokahönd á samkomulag um refsingu. Hicks hefur setið í Guantanamo-búðunum á Kúbu í fimm ár, síðan hann var handtekinn í Afganistan. Hann viðurkenndi fyrir réttarhöldum að hafa starfað með al-Kaída og barist með talibönum.

Bandaríkjaþing kýs um að kalla hermenn heim

Öldungadeild bandaríska þingsins samþykkti í gærkvöldi að kjósa um áætlun um heimköllun alls heraflans í Írak fyrir haustið 2008. Repúblikanar höfðu lagt til að áætlunin yrði tekin úr fjárlögum hersins og ekki kosið um hana.

Hálf-eineggja og tvíkynja

Vísindamenn í Bandaríkjunum hafa upplýst um heimsins eina þekkta tilfelli „hálf-eineggja“ tvíbura, sem þannig eru til komnir að tvær sæðisfrumur frjóvguðu eitt egg sem síðan varð að tveimur fóstrum.

Reykingar við akstur bannaðar

Bannað er að reykja undir stýri í höfuðborg Indlands, Nýju-Delí, samkvæmt úrskurði réttar í borginni. Er þetta talið í fyrsta sinn sem slíkt bann er sett á í heiminum.

Dráttarvél ekið á herbúðir

Liðsmaður Tamíla-tígranna ók dráttarvél hlaðinni sprengiefni á herbúðir á Austur-Srí Lanka í gærmorgun. Sprengiefnið sprakk við hliðið inn í herbúðirnar og kostaði að minnsta kosti níu manns lífið, að sjálfsvígsökumanninum meðtöldum.

Einróma stuðningur NATO

Aðildarríki Atlantshafsbandalagsins hafa náð samstöðu sín í milli og styðja nú allar sem ein áætlun sérlegs erindreka Sameinuðu þjóðanna um framtíð Kosovo, en samkvæmt henni mun héraðið fá sjálfstæði frá Serbíu undir alþjóðlegu eftirliti. Frá þessu greindi Jaap de Hoop Scheffer, framkvæmdastjóri NATO, í gær.

Eitruð risakarta slær met

Stærsta karta sem um getur fannst á dögunum nærri Darwin í Norður-Ástralíu. Hún mældist yfir 20 cm að lengd – 40 cm með fætur útteygða – og nærri eitt kíló að þyngd.

frakkland Sarkozy úr ráðherrastól

Nicolas Sarkozy hefur sagt af sér sem innanríkisráðherra til að einbeita sér að forsetaframboði sínu. Sarkozy hefur naumt forskot á aðalkeppinauta sína, Segolene Royal og Francois Bayrou.

Fleiri konur kveikja í sér

Konur bregða í auknum mæli á það ráð að kveikja í sér til að stytta sér aldur í Afganistan. Meðal líklegra orsaka þessa eru nauðganir og ofbeldi innan fjölskyldna og höft á frelsi til að festa ráð sitt samkvæmt eigin vali.

Frjálslyndir stjórna áfram

Frjálslyndi flokkurinn í Quebec-fylki í Kanada missti mikið fylgi í fylkisþingkosningum sem fram fóru þar á mánudag, en hélt þó naumlega stöðu sinni sem stærsti flokkurinn og mun því væntanlega skipa fylkisstjórnina áfram sem fyrsta minnihlutastjórnin í nærri 130 ára sögu Quebec-þings.

Hátíðahöld í nýrri höfuðborg

Yfirmaður herforingjastjórnarinnar í Búrma (Myanmar) hét því í gær að halda hernum sterkum til að tryggja einingu landsins „svo það geti haldið ótrautt áfram á efnahagslegri og pólitískri framfarabraut“.

Harðari afstaða Breta í garð Írana

Tony Blair segist tilbúinn að grípa til annarra ráða beri viðræður um lausn bresku hermannanna sem handteknir voru af Írönum ekki árangur. Íranar segja málið í rannsókn. Bandaríkjaher sýndi herstyrk sinn við heræfingar á Persaflóa í gær.

Kröftugur jarðskjálfti í Japan

Jarðskjálfti upp á 4,8 stig á Richter varð í kvöld við Noto skagann á vesturströnd Japan en ríkisfréttastöðin NHK skýrði frá þessu. Enn sem komið er hafa engar fregnir borist af tjóni á eignum eða hvort að fólk hafi slasast. Ekki hefur verið varað við flóðbylgju vegna skjálftans. Á sunnudaginn síðastliðinn varð kröftugur jarðskjálfti á sama svæði. Þá lést einn maður, fleiri en 200 slösuðust og hundruð heimila eyðilögðust.

Átök á Gare du Nord

Lögreglu í París lenti í kvöld saman við ungt fólk sem braut rúður og rændi búðir í Gare du Nord lestarstöðinni. Lögregla beitti táragasti og kylfum til þess að ná stjórn á ástandinu.

Leiðtogar Arabaríkja leggja til friðaráætlun

Leiðtogar Arabaríkja munu endurvekja fimm ára gamla friðaráætlun á leiðtogafundi sem haldinn verður í Sádi-Arabíu á morgun. Ætla þeir að hvetja Ísraela til þess að samþykkja áætlunina. Samkvæmt henni eiga Ísraelar að skila aftur landi sem þeir tóku í stríði árið 1967, viðurkenna Palestínu sem sjálfstætt ríki og samþykkja að palestínskir flóttamenn geti snúið heim á ný.

Blair tilbúinn að beita nýjum aðferðum

Tony Blair, forsætisráðherra Bretlands, varaði við því í dag að ef að bresku sjóliðarnir, sem Íranar tóku fasta á föstudaginn, yrðu ekki látnir lausir bráðlega væri hann tilbúinn að beita öðrum aðferðum en viðræðum. Bretar sögðu í gær að þeir myndu brátt sýna sönnunargögn sem tækju af allan vafa um hvar sjóliðarnir hefðu verið staddir.

Ákæru gegn Rumsfeld vísað frá

Bandarískur dómstóll hefur vísað frá málsókn á hendur Donald Rumsfeld, fyrrum varnarmálaráðherra Bandaríkjanna, um að fangar hafi verið pyntaðir í Írak og Afganistan. Rétturinn viðurkenndi að fangarnir hefðu verið pyntaðir en að þar sem þeir væru ekki bandarískir ríkisborgarar væru þeir ekki verndaðir af bandarísku stjórnarskránni. Einnig sagði í dómnum að Rumsfeld nyti friðhelgi gegn svona málsóknum.

Vilja hermennina heim fyrir 31. mars árið 2008

Öldungadeild bandaríska þingsins hefur samþykkt að halda áætlun um brottför bandarískra hermanna frá Írak inni í fjárveitingartillögu sem hún mun greiða atkvæði um í næstu viku. Ef tillagan verður samþykkt þá mun hún fara til George W. Bush, forseta Bandaríkjanna, til undirskriftar en hann hefur marghótað því að beita neitunarvaldi ef það gerist.

Stjórnarskrárbreytingar samþykktar

Umdeildar breytingar á stjórnarskrá Egyptalands voru samþykktar með 75,9% atkvæða. Talsmenn stjórnvalda skýrðu frá þessu í dag. Þeir sögðu jafnframt að kjörsókn hefði verið 27% en sumir sjálfstæðir eftirlitshópar sögðu að kjörsókn hefði ekki verið meiri en fimm prósent.

Ítalskir hermenn verða áfram í Afganistan

Romano Prodi, forsætisráðherra Ítalíu, vann í dag mikilvægan sigur þegar að tillaga hans um að framlengja dvöl ítalskra hermanna í Afganistan var samþykkt. Atkvæðagreiðslan var álitin mikilvæg prófraun fyrir Prodi en hann neyddist til þess að segja af sér í síðastliðnum mánuði eftir að hafa tapað atkvæðagreiðslu um utanríkismál.

Gerðu árás á bækistöðvar hermanna

Uppreisnarmenn í Írak gerðu í dag árás á bækistöð bandarískra hermanna við Fallujah í dag. Þeir reyndu að keyra tvo bíla, fulla af sprengiefnum, inn fyrir hlið stöðvarinnar á sama tíma og um 30 vígamenn gerðu áhlaup á hana. Bandarísku hermönnunum tókst að hrinda árásinni. Árásin er talin óvenjuleg þar sem uppreisnarmenn ráðast ekki venjulega í svo stórum hópum á bækistöðvar hermanna.

Leggja til að endurvinnslustöðinni í Sellafield verði lokað

Umhverfisráðherrar Íslands, Írlands, Noregs og Austurríkis hvetja bresk stjórnvöld til að hætta við að enduropna kjarnorkuendurvinnslustöðina Sellafield. Henni var lokað árið 2005 vegna innanhúss leka á mjög geislavirkum úrgangi. Starfsemi stöðvarinnar hefur lengi verið þyrnir í augum íslenskra stjórnvalda sem oft hafa hvatt til þess að henni verði lokað.

Hét á páfa og læknaðist

Frönsk nunna sem læknaðist af Parkinsons-veiki eftir að hafa heitið á Jóhannes Pál páfa annan er höfuðástæða þess að honum verður veitt sérstök blessun á tveggja ára ártíð sinni í næstu viku. Komi annað kraftaverk í ljós verður hann tekinn í dýrlingatölu.

Hótað að sprengja upp höfuðstöðvar Sameinuðu þjóðanna

Hótað var að sprengja upp höfuðstöðvar Sameinuðu þjóðanna í New York í dag. Neyðarlínunni þar í borg barst sprengjuhótun frá ónefndum aðila. Öryggisráðstafanir voru auknar umtalsvert vegna hótunarinnar en sprengjan átti að springa klukkan tvö í dag. Engin sprengja fannst við leit í höfuðstöðvunum og ekki hefur orðið vart við neina sprengingu það sem af er degi. Lögreglan í New York segist því vera að rannsaka málið sem mögulegt gabb.

Reglulegir fundir Ísraela og Palestínumanna

Leiðtogar Ísraels og Palestínumanna hafa fallist á að hittast hálfsmánaðarlega til þess að auka traust sín í milli. Condoleezza Rice, utanríkisráðherra Bandaríkjanna tilkynnti um þetta í dag og sagði að fundirnir gætu á endanum leitt til umræðna um sjálfstætt palestinskt ríki. Háttsettur ísraelskur embættismaður sagði hinsvegar að sjálfstætt ríki yrði ekki til umræðu í bráð.

Bauð hveiti og myrti

Núll núll þjö

Það gæti verið njósnari á heimilinu þínu, sem þú veist ekkert um. Mjög ung börn sækja vísbendingar um hvernig þau eigi að haga sér með því að fylgjast með svipbrigðum fullorðinna, og hlera samtöl þeirra. Börn allt niður í eins árs gömul fylgjast vel með því sem er að gerast í kringum þau, hvort sem því er beint að þeim, eða öðrum í fjölskyldunni.