Erlent

Ástralar geta ekki stytt fangelsisvist Hicks

Ástralar munu ekki fá vald til þess að stytta fangelsisdóm yfir David Hicks sem kallaður hefur verið ástralski talibaninn. Hicks játaði sakir við réttarhöld í Guantanamo-fangelsinu á Kúbu fyrr í vikunni en hann var sakaður um að hafa verið í þjálfunarbúðum Al-Kaída í Afganistan og aðstoðað talibana í stríðinu við Bandaríkjamenn.

Erlent

Nú má sko skjóta fólk í Texas

Ríkisstjórinn í Texas hefur undirritað lög sem gera Texasbúum auðveldara að skjóta meðbræður sína. Fram til þessa hefur þeim verið velkomið að skjóta fólk sem á einhvern hátt hefur ógnað þeim á heimilinu, í bílnum eða í vinnunni. Sá böggull hefur þó fylgt skammrifi að það hefur ekki mátt skjóta nema reyna fyrst að komast hjá ógninni á einhvern annan hátt.

Erlent

Leiðtogar Afríkuríkja hvetji Mugabe til að bjóða sig ekki fram

Leiðtogar nokkura ríkja í sunnanverðri Afríku eru nú á leið til Tansaníu þar sem þeir munu funda um ástandið í Simbabve. Líklegt er talið að leiðtogarnir muni sameiginlega hvetja Robert Mugabe forsta Simbave til þess að sækjast ekki eftir endurkjöri í forsetakosningum að ári.

Erlent

Hundur bjargaði lífi konu

Hundaeigandi í Maryland í Bandaríkjunum segir golden retriever-hundinn sinn Toby hafa bjargað lífi sínu. Konan var við það að kafna á eplabita þegar hundurinn beitti Heimlich-aðferðinni svokölluðu á hana og bjargaði henni. Toby hoppaði á bringu konunnar sem lá í andnauð á gólfinu að sögn. Konan segist hafa för eftir þófa Toby á bringunni og sé honum svo þakklát að á vissan hátt sé hún einnig með þófaför hans í hjartanu.

Erlent

Einn lést í sprengingu í Antalya á Tyrklandi

Einn er látinn og minnst tíu særðir eftir að eldsneytisgeymir sprakk í eldhúsi fimm stjörnu hótels í Antalya á Tyrklandi í nótt. Fjöldi ferðamanna var á hótelinu en þá sakaði ekki, sá sem lést og þeir sem slösuðust voru allir starfsmenn hótelsins.

Erlent

Bretar fá leyfi Írana til að hitta 15 sjóliða

Íranar hafa gefið Bretum leyfi til að hitta sjóliðana 15 sem voru handteknir fyrir tæpri viku á Persaflóa. Utanríkisráðherra Íran sagði einnig að einu konunni sem er í hópnum verði líklega sleppt. Ráðherrann bætti því svo við að málið yrði aðeins leyst ef Bretar viðurkenndu að sjóliðarnir hafi verið í íranskri lögsögu en ekki írakskri eins og Íranar hafa staðfastlega haldið fram.

Erlent

Maradona fékk aðsvif og fór á spítala

Argentínska knattspyrnugosögnin Diego Maradona fékk skyndilega aðsvif í gær og var kallað á sjúkrabíl sem ók honum í skyndi á heilsugæslustöð. Sýnt var beint frá för sjúkrabílsins úr argentínskum sjónvarpsþyrlum. Ekki er enn vitað nákvæmlega hvað var að hrjá kappann en hann er ekki alvarlega veikur. Maradona, sem er 47 ára er lifandi goðsögn í heimalandi sínu. Maradona leiddi þjóð sína til sigurs á heimsmeistaramótinu í fótbolta í Mexíkó árið 1986.

Erlent

Íranar að leyfa breskum erindrekum að hitta sjóliðana

Samkvæmt nýjust fregnum hafa Íranar sæst á að leyfa breskum erindrekum að hitta sjóliðana 15 sem handteknir voru á föstudaginn var. Þetta kemur fram á fréttasíðu Sky News í kvöld. Samkvæmt henni hafa Íranar einnig sagt að deilan eigi ekki eftir að leysast ef Bretar fallast ekki á að sjóliðarnir hafi verið á írönsku hafsvæði.

Erlent

Segir Fidel á batavegi

Ramon Castro, einn af eldri bræðrum Fidels Castro, sagði fréttamönnum í dag að Fidel væri á batavegi og hefði það gott. Spurður um hvort að búast mætti við Fidel opinberlega á næstunni svaraði hann engu. Forseti Bólivíu sagði nýverið að hann byggist við því að Fidel myndi láta sjá sig á leiðtogaráðstefnu sem haldin verður þann 28. apríl næstkomandi.

Erlent

Gaddafi segir Bandaríkin stjórna leiðtogum Araba

Muammar Gaddafi, forseti Líbýu, segir að Condoleezza Rice, utanríkisráðherra Bandaríkjanna, hafi þegar ákveðið hvað um verður rætt og hver niðurstaðan verður á leiðtogafundi Arabaríkja sem hófst í dag. Gaddafi er ekki á fundinum.

Erlent

Banna plastpoka í San Francisco

Borgaryfirvöld í San Francisco hafa samþykkt bann við plastpokum, eins og þeim sem maður fær úti í búð. Búist er við því að borgarstjóri San Francisco eigi eftir að samþykkja lögin og verðu borgin þá sú fyrsta í Bandaríkjunum sem bannar plastpoka.

Erlent

Yfir 70 létust þegar tankbíll brann

Fleiri en 70 manns létu lífið í slysi í Nígeríu í dag. Fjöldi fólks var að stela eldsneyti úr olíubíl þegar að það kviknaði í honum. Atvikið átti sér stað í norðurhluta landsins. 101 sluppu með misalvarleg meiðsli.

Erlent

Ætla að reyna að skilja þær að

Síamstvíburasysturnar, Anastasía og Tatjana, eru samvaxnar á höfði. Læknar í Bandaríkjunum ætla að reyna að skilja þær að í vor. Þeir segja aðgerðina flókna en framkvæmanlega.

Erlent

15 mánaða sem sex ný líffæri

Fimmtán mánaða stúlka sneri aftur til síns heima í Ísrael í gær eftir að læknar í Bandaríkjunum græddu í hana sex ný líffæri. Aðgerðin heppnaðist vel og var lífi stúlkunnar bjargað.

Erlent

Stjórnarandstöðuleiðtogi í Zimbabwe handtekinn

Morgan Tsvangirai, leiðtogi helsta stjórnarandstöðuflokks Simbabve, var handtekinn í morgun þegar lögregla gerði áhlaup á höfuðstöðvar flokks hans í höfuðborginni Harare. Nokkrir aðrir leiðtogar stjórnarandstöðunnar voru einnig handteknir. Róbert Mugabe, forseti landsins, hefur tekið hart á stjórnarandstæðingum undanfarið en óánægja magnast nú í landinu, aðallega vegna bágs efnahagsástands.

Erlent

Lögregla á Filippseyjum yfirheyrir mannræningja

Lögreglan, í Maníla á Filippseyjum, yfirheyrir nú mann sem reyndi að knýja fram siðbót í landinu með því að ræna rúmlega þrjátíu börnum. Hann hélt þeim, og kennurum þeirra, í gíslingu í rútu við ráðhúsið í höfuðborginni í nærri tíu tíma.

Erlent

Íranar sýna myndband af sjóliðum

Íranska ríkissjónvarpið sýndi í dag viðtal við einn af sjóliðunum 15 sem handteknir voru á sunnudaginn var. Í því segir sjóliðinn, Faye Turney, að þau hafi augljóslega verið á írönsku hafsvæði en bresk stjórnvöld hafa neitað því harðlega.

Erlent

Seldu konur í Þýskalandi

Yfirvöld í Rúmeníu hafa handtekið sex manns sem stunduðu það að lokka rúmenskar konur til Þýskalands, þar sem þær voru seldar Tyrkjum fyrir um það bil 450 þúsund íslenskar krónur. Glæpagengið fann konurnar á börum og í þorpum, í Rúmeníu, og lofaði þeim vel launuðum störfum í Þýskalandi.

Erlent

Árangurstenging í stað kvóta

Evrópusambandið vill banna brottkast á fiski á skipum aðildarríkjanna. Það vill mæta því með nýjum reglum þar sem árangurstenging leysi kvóta af hólmi. Joe Borg, fiskimálastjóri ESB segir að dag eftir dag sé fiskur og skeldýr dregin upp á yfirborðið og svo hent dauðum aftur í sjóinn. Þarna sé um að ræða gríðarlegt magn, og þetta sé óforsvaranlegt.

Erlent

Vesturlönd styðja Breta vegna sjóliðanna

Evrópusambandið og Bandaríkin hafa lýst fullum stuðningi við Breta vegna handtöku Írana á fimmtán breskum sjóliðum. Þjóðverjar sitja nú í forsæti Evrópusambandsins. Angela Merkel, kanslari Þýskalands sagði í Brussel í dag að sambandinu þætti það ólíðandi að sjóliðarnir hefðu verið handteknir.

Erlent

Kínverjar fyrirbyggja Ólympíuandóf

Kínversk yfirvöld eru að búa sig undir Ólympíuleikana á næsta ári með því að herða tökin á andófsmönnum. Fulltrúi Mannréttindavaktarinnar, í Hong Kong, segir að andófsmenn geri sér fulla grein fyrir því að þeir geti vakið heimsathygli með mótmælum sínum meðan á leikunum stendur. Hann segir að kínversk yfirvöld geri sér einnig fulla grein fyrir því.

Erlent

Tsvangirai handtekinn í áhlaupi lögreglu

Morgan Tsvangirai, leiðtogi helsta stjórnarandstöðuflokks Simbabve var handtekinn í morgun þegar lögregla gerði áhlaup á höfuðstöðvar flokksins í Harare. Nokkrir aðrir leiðtogar stjórnarandstöðunnar voru einnig handteknir.

Erlent

Börnin í Manila látin laus

Búið er að sleppa börnunum sem tveir menn tóku í gíslingu í Manila á Filippseyjum lausum. Gíslatökumaðurinn hefur verið færður í varðhald. Lögregla í Manila náði samkomulagi við mennina sem þar hafa haldið 31 barni í gíslingu síðan snemma í morgun. Lögregla hefur ekki gefið upp smáatriði samkomulagsins. Annar gíslatökumannana er eigandi barnaheimilisinsins, ekki er vitað hver hinn maðurinn er. Börnin hafa þurft að dúsa í rútunni í átta klukkutíma núna en eru að sögn við góða heilsu.

Erlent

Dan Brown hlær alla leiðina í bankann

Tveir breskir sagnfræðingar töpuðu máli sem þeir höfðuðu á hendur metsöluhöfundinum Dan Brown, fyrir ritstuld, fyrir bók sína Da Vinchi skjölin. Sagnfræðingar sitja nú eftir með lögfræðireikning upp á 330 milljónir króna, en þeir höfðu krafist hárra bóta af rithöfundinum.

Erlent

Bretar segja gögn úr staðsetningartækjum sanna að sjóliðar voru Íraksmegin

Gögn úr staðsetningartækjum sanna að 15 breskir sjóliðar voru vel inni í írakskri lögsögu þegar þeir voru handteknir af Írönum á föstudaginn. Þetta segja talsmenn varnarmálaráðuneytisins í Bretlandi. Atvikið varð 1,7 sjómílur frá línunni á milli lögsaga landanna. Bretar hafa krafist þess að Íranar láti sjóliðana lausa og hafa hótað því að grípa til annara aðgerða dugi friðsamlegar leiðir ekki til. Íranar segja sjóliðana við góða heilsu en þeim er haldið föngnum í herstöð byltingarvarðliða í Teheran.

Erlent

Danska lögreglan skaut sjö á síðasta ári

Danska lögreglan skaut sjö menn á síðasta ári og af þeim létu fjórir lífið. Lögreglan skaut á síðasta ári alls 74 skotum, í starfi. Sá háttur er hafður á í Danmörku að telja fjölda þeirra skota sem skotið er sem gefur ekki endilega til kynna fjölda þeirra skipta sem byssum er beitt. Þannig var í einu tilfelli skotið tuttugu skotum á flóttabílstjóra, sem hlaut bana af. Sá var eftirlýstur glæpamaður.

Erlent

Ekki segja nei við heita konu

Þrjátíu og fjögurra ára gamall Norðmaður hefur verið dæmdur í 90 daga skilorðsbundið fangelsi og 200 þúsund króna sekt, vegna þess að hann neitaði 23 ára gamalli kærustu sinni um hvílubrögð. Stúlkan heimsótti hann í íbúð hans í febrúar síðastliðnum og vildi með honum í rúmið. Maðurinn neitaði og stúlkan varð svo reið að hún fór til lögreglunnar og kærði hann fyrir að eiga mök við sig áður en hún varð sextán ára.

Erlent

63 myrtir í Tal Afar í Írak í nótt

Byssumenn réðust inn í hverfi súnnía í borginni Tal Afar í Írak í nótt og myrtu 63. Líklegt er talið að verið sé að hefna fyrir bílsprengjuárás á svæði sjíta í gær. Í Tal Afar búa sjítar, súnníar og Túrkmenar en borgin er nærri landamærum Sýrlands. Tugir til viðbótar særðust í árásinni.

Erlent

Mest lesið