Erlent

Þrengir að forsætisráðherra Ísraels

Enn þrengir að Ehud Olmert, forsætisráðherra Ísraels, vegna svartrar skýrslu rannsóknarnefndar um stríðsrekstur Ísraela gegn Hizbollah-liðum í Líbanon í fyrra. Nefndin átelur Olmert og Amir Peretz varnarmálaráðherra fyrir slæman undirbúning og framkvæmd aðgerða.

Erdogan vill boða til kosninga

Forsætisráðherra Tyrklands hefur farið þess á leit við þing landsins að boðað verði til kosninga fyrr en áætlað er. Hann vill einnig breyta stjórnarskrá Tyrklands þannig að forseti verði valinn af almenningi með beinni kosningu en ekki af þingi.

Bush beitti neitunarvaldi gegn þinginu

Bush Bandaríkjaforseti beitti í nótt neitunarvaldi gegn frumvarpi Bandaríkjaþings sem hefði bundið aukafjárveitingu til stríðsreksturs Bandaríkjamanna í Írak og Afganistan við brottför hermanna frá Írak. Forsetinn sagði það mikil mistök að dagsetja brotthvarf hermanna, það yrði vatn á myllu andspyrnumanna í Írak.

Fagna kosningum í Tyrklandi

Framkvæmdastjórn Evrópusambandsins fagnaði í dag tillögu stjórnarflokksins í Tyrklandi um að boða til kosninga til þess að létta á spennu í þjóðfélaginu. Mikil spenna hefur myndast á milli stjórnarliða, sem eru margir múslimar og þeirra sem eru í stjórnarandstöðu og vilja skilja á milli trúar og ríkis.

Kviknakin og drukkin undir stýri

Þýskur bensínafgreiðslumaður hringdi á lögreglu eftir að nakin kona keyrði upp að bensíndælu og bað hann um að fyll´ann. Konan hafði keyrt að dælunni með miklum látum. Hún lá á flautunni og blikkaði ljósunum til að ná athygli Jan Matthausen bensínafgreiðslumanns frá Chemnitz.

Búrka-stríð í Danmörku

Danski þjóðarflokkurinn er æfur yfir því að opinbert fé skuli notað til þess að borga dagmömmu sem klæðist búrka. Búrka er klæðnaður múslimakvenna, sem hylur þær frá toppi til táar, og einnig andlitið. Talsmaður þjóðarflokksins segir það engu máli skipta að fjölskyldan sem réði dagmömmuna er islamstrúar.

Evrópusambandið sendir nefnd til Moskvu

Evrópusambandið ætlar sér að senda sendinefnd til Moskvu til þess að ræða ástandið í málefnum Eistlands og Rússlands. Mikil mótmæli hafa verið fyrir utan eistneska sendiráðið í Moskvu undanfarna daga vegna minnismerkis sem Eistar ætla sér færa.

Alþjóðastríðsglæpadómstólinn ákærir vegna Darfúr-héraðs

Alþjóðastríðsglæpadómstóllinn í Haag hefur gefið út handtökuskipanir á hendur tveimur mönnum sem sakaðir hafa verið um stríðsglæpi í Darfúr-héraði Súdan. Mennirnir tveir eru Ahmed Haroun, fyrrum innanríkisráðherra Súdan þegar átökin stóðu sem hæst, og herforingi vígamanna, Ali Muhammad Ali Abd-al-Rahman, einnig þekktur sem Ali Kushayb. Súdanir hafa þegar neitað að láta mennina tvo af hendi.

Sendum Harry eyrnalausan heim til ömmu

Dýr mundu jakkafötin öll

Bandarískur dómari hefur krafið fatahreinsun um 67 milljónir dollara, eða um 4,3 milljarða íslenskra króna, í skaðabætur vegna þess að hún týndi buxunum hans. Dómarinn, Roy Pearson, segir í dómsskjölum að hann hafi upplifað erfiða tíma vegna þess að fatahreinsunin týndi uppáhalds buxunum hans. Hann ætlaði að vera í þeim á fyrsta degi sínum sem dómari.

Þyrla ríks Chelsea stuðningsmanns hverfur

Þyrla sem átti að flytja ríkan aðdáenda Chelsea til Lundúna eftir viðureign Liverpool og Chelsea í Meistaradeild Evrópu í gærkvöldi er horfin. Ekkert er vitað um afdrif þyrlunnar.

Danskir lögreglumenn byssuglaðir

Danska lögreglan ætlar að grípa til aðgerða til þess að stemma stigu við skotárásum lögreglumanna á grunaða glæpamenn sem færst hafa í vöxt. Alls hefur fjöldi slíkra atvika tvöfaldast miðað við sama tíma á síðasta ári, úr 37 í 74.

Erdogan boðar til kosninga

Forsætisráðherra Tyrklands, Tayyip Erdogan, sagði í nótt að hann ætlaði sér að boða til almennra kosninga í landinu. Hann vill líka breyta stjórnarskránni á þann veg að forseti landsins verði kosinn af almenningi en ekki þinginu.

Krefjast afsagnar Olmerts

Háttsettur meðlimur í flokki Ehuds Olmerts hefur krafist þess að hann segi af sér. Hann vill meina að landsmenn hafi misst alla trú á honum eftir ófarirnar í stríðinu í Líbanon á síðasta ári. Þingforseti flokks Olmerts, Kadna flokksins, sagði hann skorta lögmæti til þess að stjórna áfram og að hann ætti að segja af sér svo flokkurinn gæti stofnað nýja ríkisstjórn.

Sarkozy leiðir enn

Samkvæmt nýjustu könnunum í Frakklandi heldur Nicolas Sarkozy, forsetaframbjóðandi hægri manna, 2 stiga forskoti á Segolene Royal, forsetaframbjóðanda sósíalista. Munurinn var ívið minni en í síðustu skoðanakönnun en þá var hann 3 stig. Sarkozy og Royal munu takast á um forsetaembætti Frakklands á sunnudaginn kemur.

Friðargæsluliðar ganga götur í Mogadishu

Friðargæsluliðar Afríkusambandsins hófu í nótt að vakta götur í höfuðborg Sómalíu, Mogadishu. Friðargæsluliðarnir komu til borgarinnar í mars en neyddust til þess að halda kyrru fyrir á flugvellinum vegna átaka í borginni. Flestir þeirra koma frá Úganda en alls eiga átta þúsund friðargæsluliðar að taka við af eþíópíska herliðinu sem nú er í Sómalíu.

Bush beitir neitunarvaldi

George W. Bush, forseti Bandaríkjanna, beitti í nótt neitunarvaldi gegn frumvarpi Bandaríkjaþings sem hefði bundið aukafjárveitingu til hersins við brottför hermanna frá Írak.

Liverpool í úrslit Meistaradeildar Evrópu

Liverpool er komið í úrslit Meistaradeildar Evrópu eftir að hafa borið sigurorð af Chelsea í gærkvöldi. Markvörður Liverpool var hetja leiksins en hann varði tvær vítaspyrnur í vítaaspyrnukeppni eftir lok framlengingar. Þetta er í annað sinn á þremur árum sem Liverpool kemst í úrslit Meistaradeildarinnar.

Erdogan fullvissar Evrópuþjóðir um að lýðræði verði virt í Tyrklandi

Tayyip Erdogan, forsætisráðherra Tyrklands, fullvissaði aðildarþjóðir Evrópusambandsins í kvöld að ástandið í Tyrklandi myndi róast í kjölfar þess að stjórnlagadómstól úrskurðaði að skipan nýs forseta væri ógild. Mikil ólga hefur verið Tyrklandi og blossuðu upp óeirðir í Istanbúl í dag.

Le Pen hvetur stuðningsmenn sína til að sniðganga forsetakosningarnar

Jean-Marie Le Pen, leiðtogi Þjóðfylkingarinnar flokks franskra hægri öfgamanna, hvatti flokksmenn sína í dag til sniðganga seinni umferð frönsku forsetakosninganna. Le Pen hafnaði í fjórða sæti í fyrri umferðinni með 3,8 milljónir atkvæða.

Hugsanlega boðað til kosninga

Svo gæti farið að boðað yrði til þingkosninga í Tyrklandi á næstu dögum, en stjórnlagadómstóll þar í landi úrskurðaði í dag að atkvæðagreiðsla þingsins um skipan nýs forseta væri ógild. Loftið í Tyrklandi er lævi blandið vegna málsins og óeirðir blossuðu upp í Istanbúl í dag.

Tíu ár frá sigri Verkamannaflokksins

Líklegt er að Tony Blair, forsætisráðherra Bretlands, tilkynni um brotthvarf sitt úr stjórnmálum í næstu viku. Tíu ár eru í dag frá því Blair tók við embætti eftir stórsigur Verkamannaflokksins á Íhaldsmönnum.

Tillögur til að bregðast við loftlagsbreytingum

Ban Ki-moon, aðalritari Sameinuðu þjóðanna, útnefndi í dag þrjá fulltrúar til að koma með tillögur til að bregðast við loftlagsbreytingum. Meðal þeirra sem Ki-moon útnefndi er Gro Harlem Brundtland, fyrrum forsætisráðherra Noregs.

1. maí fagnað víða um heim

Fysta maí var fangað víðar en á Íslandi í dag. Til átaka kom í Macau og Berlín á meðan kröfugöngur í öðrum borgum fór friðsamlega fram. Fídel Kastró lét ekki sjá sig við opinber hátíðarhöld á Kúbu í dag.

Meintur fjöldamorðingi lýsir yfir sakleysi sínu fyrir rétti

Réttarhöld yfir bretanum Steve Wright, sem ákærður er fyrir að hafa myrt fimm vændiskonur í desember á síðasta ári hefjast í janúar á næst ári. Steve lýsti sig saklausan af morðunum fyrir undirrétti í borginni Ipswich í dag.

10 ár frá valdatöku Blairs

Áratugur er í dag frá því að Tony Blair tók við embætti forsætisráðherra í Bretlandi. Hann er þaulsætnasti leiðtogi Verkamannaflokksins breska en á þó langt í land með að slá met þess forsætisráðherra Breta sem lengst hefur setið í Downing-stræti 10.

Brestir komnir í ríkisstjórnarsamstarfið

Brestir eru þegar komnir í ríkisstjórn Ísresl eftir að skýrsla rannsóknarnefndar um stríðsreksturinn gegn Hizbollah-liðum í Líbanon í fyrra var birt í gær. Nefndin gagnrýnir Ehud Olmert, forsætisráðherra, og Amir Peretz, varnarmálaráðherra, harðlega og segir þá hafa farið út í stríð að illa ígrunduðu máli og án skýrra markmiða. Olmert ætlar ekki að víkja og einn aðstoðarráðherra sagði af sér í morgun vegna þess.

Kastró lét ekki sjá sig

Fidel Kastró, leiðtogi Kúbu, var fjarverandi þegar haldið var upp á baráttudag verkalýðsins í höfuðborg landsins, Havana, í dag. Kastró hefur verið fjarri opinberu sviðsljósi allt frá því að hann fór í uppskurð vegna veikinda fyrir níu mánuðum.

Margir mótmælendur handteknir í Istanbúl

Tyrkneska lögreglan hefur handtekið mörg hundruð mótmælendur eftir að til átaka kom í miðborg Istanbúl í morgun. Vinstrimenn höfuð komið þar saman til að minnast blóðbaðs í borginni þann fyrsta maí fyrir þrjátíu árum.

Líklegt að Tony Blair tilkynni afsögn í næstu viku

Miklar líkur benda til þess að Tony Blair, forsætisráðherra Bretlands, muni tilkynna afsögn sína í næstu viku. Þetta kemur fram í frétt breska ríkisútvarpsins BBC.