Erlent

Stjórnvöld í Eþíópíu náða 38 stjórnarandstæðinga

Stjórnvöld í Eþíópíu frelsuðu í morgun 38 stjórnarandstæðinga sem voru dæmdir í lífstíðarfangelsi í liðinni viku fyrir að efna til mótmæla og ofbeldis í kringum kosningarnar sem fram fóru árið 2005. Gagnrýnendur stjórnvalda í landinu segja að málið hafi verið af pólitískt.

Erlent

Tveir meintir hryðjuverkamenn handteknir í Bretlandi

Breska lögreglan handtók í morgun tvo menn vegna gruns um að þeir hafi verið að skipuleggja hryðjuverk. Mennirnir voru handteknir í Bristol en í íbúð þeirra fann lögreglan um 50 lítra af efni sem nota má til að búa til sprengju. Efnið er af svipaðri gerð og það sem notað var í sjálfsmorðssprengjuárásunum í London árið 2005.

Erlent

Fjórir láta lífið í sjálfsmorðsárás í Pakistan

Fjórir létust og að minnsta kosti sex særðust í sjálfsmorðssprengjuárás í norðurhluta Waziristan héraðsins í Pakistan í dag. Talið er að árásin sé hefndaraðgerð vegna umsáturs stjórnvalda um Rauðu moskuna í Islamabad fyrr í þessum mánuði.

Erlent

Japanir þurfa að draga úr rafmagnsnotkun

Akira Amari, iðnaðar og viðskiptaráðherran Japans, hvatti í morgun japönsk fyrirtæki til að draga verulega úr rafmagnsnotkun á næstu mánuðum. Stór jarðskjálfti reið yfir norðurhluta Japans á mánudaginn með þeim afleiðingum að loka þurfti stærsta kjarnorkuveri landsins.

Erlent

Stjórnvöld í Ísrael sleppa palestínskum föngum

Stjórnvöld í Ísrael byrjuðu í morgun að sleppa um 250 palestínskum föngum en flestir þeirra eru liðsmenn Fatah samtakanna. Engum Hamas liðum var þó sleppt. Ísraelsk stjórnvöld hafa undanfarið unnið að því að styrkja stöðu Mahmoud Abbas, forseta Palestínu, og Fatah-hreyfingar hans og er þetta liður í þeim aðgerðum.

Erlent

Tólf láta lífið á Sri Lanka

Að minnsta kosti 12 létu lífið á Sri Lanka í nótt þegar uppreisnasveitir Tamíl tígra gerðu árás stjórnahersveitir í norðvesturhluta Mannar-héraðs. Þrír hermenn féllu í árásinni og níu uppreisnarmenn.

Erlent

Rússar kenna Bretum um erfiða stöðu í samskiptum þjóðanna

Sergei Lavrov, utanríkisráðherra Rússland, kennir Gordon Brown, forsætisráðherra Bretland, um þá stöðu sem upp er komin í samskiptum þjóðanna. Þetta kom fram í máli ráðherrans á blaðamannafundi í gærkvöldi. Sagði hann það undir Bretum komið hvernig framhaldið verður.

Erlent

Blair bjartsýnn á friðarviðræður

Tony Blair, fyrrverandi forsætisráðherra Bretlands og nýskipaður sáttasemjari Mið-Austurlanda, segist bjartsýnn á að hægt verði að koma skriði á friðarferli á milli Ísraels og Palestínu. Á fyrsta fundi sínum með Málamiðlunarkvartettinum svokallaða í Lissabon sagði hann að ekkert væri jafn mikilvægt til að tryggja frið og öryggi í heiminum.

Erlent

Conrad Black frjáls þar til dómur verður kveðinn upp

Fyrrverandi fjölmiðlakóngurinn Condrad Black þarf ekki að dúsa bak við lás og slá á meðan hann bíður eftir dómsuppkvaðningu, að því er dómari í Chicago hefur úrskurðað. Black, sem var fyrir viku síðan sakfelldur af kviðdómi fyrir fjársvik og hindrun á framgangi réttvísinnar, þarf að bíða fram í nóvember eftir dómsuppkvaðningu.

Erlent

52 létu lífið í sjálfsmorðsárás í Pakistan í dag

Þrjár sjálfsmorðssprengjuárásir urðu að minnsta kosti 52 að bana í Pakistan í dag. Er þetta mesta mannfall sem orðið hefur á einum degi síðan alda sjálfsmorðssprengjuárása hófst í kjölfar umsáturs stjórnvalda um Rauðu moskuna í Islamabad fyrr í þessum mánuði.

Erlent

Þingmenn í Ísrael telja Ísland hafa hlutverki að gegna

Ingibjörg Sólrún Gísladóttir, utanríkisráðherra, segir að þingmenn í Knesset, ísraelska þinginu telji Ísland hafa hlutverki að gegna í friðarumleitunum milli Ísraels og Palestínu. Ingibjörg sagði í samtali við Stöð 2 í dag, að þeir höfðu mjög ákveðnar hugmyndir um það að Ísland gæti gegnt hlutverki, rétt eins og Noregur og Sviss.

Erlent

Rice segir að Kosovo verði sjálfstætt þrátt fyrir mótbárur Rússa

Kosovo verður sjálfstætt á einn hátt eða annan þrátt fyrir andstöðu frá Rússum. Þetta fullyrti Condoleezza Rice, utanríkisráðherra Bandaríkjanna, í dag. Bandaríkin eru að verða sífellt þreyttari á endurteknum neitunum Rússa á tillögum þeirra varðandi framtíðarskipulag mála í Kosovo. Öryggisráð Sameinuðu þjóðanna hefur lagt fram fjölmargar tillögur og Rússar neitað þeim jafnharðan.

Erlent

Tékkar andvígir bandarískum eldflaugum

Í skoðanakönnun sem gerð var í maí voru 61 prósent frekar eða mjög andvíg eldflaugakerfinu. Í nýju könnuninni er sú tala 65 prósent. Aðeins 28 prósent eru fylgjandi. Bandaríkin hyggjast koma fyrir tíu loftvarnaeldflaugum í Póllandi og ratsjárstöð í Tékklandi.

Erlent

Buxnadómarinn gefst ekki upp

Roy L. Pearson, bandaríski dómarinn sem krafðist þriggja milljarða króna bóta fyrir buxur sem týndust í fatahreinsun tapaði því máli. Hann er þó ekki á þeim buxunum að gefast upp og hefur beðið dómarann í málinu að taka það upp aftur, jafnvel þótt brækurnar hafi á endanum fundist.

Erlent

Ég trampaði á hálsi hennar til að ná sálinni út

Breskur kviðdómur heyrði í dag lýsingu á skelfilegum endalokum tvítugrar kúrdiskrar stúlku. Fjölskylda hennar og vinir myrtu hana fyrir að kasta rýrð á heiður fjölskyldunnar. Hún hafði orðið ástfangin af röngum manni. Henni var nauðgað og misþyrmt áður en hún var kyrkt.

Erlent

Sopranos fékk flestar Emmy tilnefningar

Sjónvarpsþættirnir um Sopranos fjölskylduna hafa fengið langflestar tilnefningar til Emmy verðlaunanna. Þættirnir fá 15 tilnefningar meðal annars sem bestu dramaþættirnir. Helstu keppinautar Sopranos eru Grey´s Anatomy, Boston Legal, House og Heroes.

Erlent

Bretar segja brottrekstur erindreka óréttlætanlegan

Rússar hafa ákveðið að reka fjóra breska erindreka úr landi og hefna þar með fyrir ákvörðun Breta sem ráku nýverið fjóra enrindreka Rússa frá Bretlandi. David Miliband, utanríkisráðherra Bretlands, sagði ákvörðun Rússa óréttlætanlega.

Erlent

Ingibjörg Sólrún hitti Abbas í morgun

Ingibjörg Sólrún Gísladóttir, utanríkisráðherra, hitti Abbas forseta Palestínu á fundi á Vesturbakkanum í morgun. Abbas tilkynnti í gær að hann hygðist boða til þing- og forsetakosninga innan skamms.

Erlent

Feðgar fundu víkingafjársjóð

Gríðarstór víkingafjársjóður fannst í janúar á þessu ári í Jórvíkurskíri í Englandi. Þeir sem fundu hann voru tveir feðgar að leika sér með málmleitartæki. Þeir héldu sjóðnum saman og afhentu hann Breska þjóðminjasafninu til rannsókna og varðveislu. Talið er að sjóðurinn sé frá tíundu öld.

Erlent

Sao Paulo vélin var á fjórföldum lendingarhraða

Myndbandsupptökur af flugslysinu í Sao Paulo í Brasilíu í gær sýna að Airbus flugvélin var á allt að fjórföldum venjulegum lendingarhraða þegar hún snerti flugbrautina. Yfir 200 manns fórust þegar vélin fór til vinstri út af flugbrautinni, við enda hennar, og lenti á bensínstöð. Smellið á „Spila“ til þess að sjá myndband af flugvélinni lenda.

Erlent

Chirac yfirheyrður vegna spillingarmála

Jacques Chirac, fyrrum forseti Frakklands, var yfirheyrður af dómara í morgun vegna spillingarmála. Um þó nokkur mál sem tengjast upplognum störfum er að ræða. Talið er að atvikin hafi átt sér stað í borgarstjóratíð Chirac's en hann var borgarstjóri Parísar á níunda áratug síðustu aldar.

Erlent

Rússar svara fyrir sig á hádegi

Rússneska utanríkisráðuneytið ætlar sér að gefa frá sér yfirlýsingu varðandi samband Bretlands og Rússlands á hádegi í dag. Undanfarna mánuði hefur samband ríkjanna tveggja versnað verulega. Mál fyrrum njósnarans Alexander Litvinenko, sem myrtur var með geislavirka efninu pólóníum 210 í Lundúnum, er ein helsta ástæða þess.

Erlent

25 fórust þegar bygging hrundi í Mumbai

Að minnsta kosti 25 manns fórust þegar gömul bygging hrundi í Mumbai, fjármálamiðstöð Indlands. Talið er að tugir séu enn fastir í rústum byggingarinnar. Björgunarmenn eru nú að fara í gegnum þær í leit að þeim sem lifðu af.

Erlent

Innanríkisráðherra Breta reykti kannabis á yngri árum

Jacqui Smith, innanríkisráðherra Breta, hefur viðurkennt að hafa reykt kannabis þegar hún var við nám í Oxford háskóla á níunda áratugnum. Játning hennar kemur fram daginn eftir að Gordon Brown, forsætisráðherra Bretlands, tilkynnti að hún myndi vera yfir nefnd sem á að endurskoða stefnu landsins í fíkniefnamálum.

Erlent

Ekki vilji fyrir vegtollum á Manhattan

Fylkisþingið í New York hafnaði nýlega hugmyndum Michaels Bloomberg, borgarstjóra New York borgar, um að taka upp vegtolla á Manhattan. Hugmyndin fól í sér að bílstjórar fólksbíla greiddu 240 krónur fyrir að fá að keyra inn á Manhattan en vörubílstjórar rúmar 1200 krónur.

Erlent

Flugbrautin var í viðgerð

Flugbrautin á Congonhas flugvelli í Sao Paulo í Brasilíu, þar sem farþegaþota fórst með 186 menn um borð, var í viðgerð. Búið var að skipta um yfirborð á flugbrautinni en ekki var búið að grafa frárennslislagnir fyrir regnvatn.

Erlent

Mest lesið