Erlent

Fjölskyldum danskra hermanna hótað

Íraskir hryðjuverkamenn hafa hlerað símtöl danskra hermanna við fjölskyldur sínar. Þeir hafa svo hringt í fjölskyldurnar og hótað þeim öllu illu, að sögn vefmiðilsins avisen.dk. Danskur sérfræðingur í sálfræðihernaði segir þetta hafa ótrúlega lamandi áhrif á hermennina. Varnarmálaráðuneytið vil ekki upplýsa um umfang þessara hótana.

Enn óvissa með Endeavour

Bandaríska geimferðastofnunin frestaði í gær fjórðu geimgöngu áhafnar geimferjunnar Endeavour vegna óvissu um hvort gera þyrfti við rifu á hitahlíf ferjunnar. Geimgangan átti að fara fram á morgun og fól í sér ýmiss önnur verkefni en mögulega viðgerð á geimferjunni. Göngunni hefur verið frestað fram á laugardag.

Stjórnlausir skógareldar í úthverfum Aþenu

Gríðarlegir skógareldar hafa borist í úthverfi Aþenu, höfuðborgar Grikklands. Þrjátíu metra háar eldsúlur hafa þegar brennt tugi húsa til kaldra kola. Sjóðheitir stormsveitir koma í veg fyrir að hægt sé að nota flugvélar við slökkvistarfið. Slökkviliðsmenn á jörðu niðri ráða ekkert við ástandið. Gríska veðurstofan segir að vindinn muni ekki lægja fyrr en seint í kvöld.

Ræningjar í djúpum

Frú Chen sem býr í borginni Laoheku í Kína var að koma frá því að taka út peninga í bankanum sínum þegar tveir menn á skellinöðru renndu upp að henni. Þeir rifu af henni böggulinn sem hún hélt á undir hendinni.

Andláts Elvis minnst

Aðdáendur Elvis Presley minnast þess í dag að þrjátíu ár eru frá því rokkkóngurinn safnaðist til feðra sinna. Í dag verða minningartónleikar haldnir um Presley við heimili hans, Graceland. Búist er við mörg þúsund manns.

Taugatitringur á mörkuðum

Hlutabréfamarkaðir í Asíu og Evrópu hafa hrunið frá því þeir voru opnaðir í morgun. Áframhaldandi óvissu vegna samdráttar á bandarískum fasteignamarkaði er þar um að kenna. Krónan hefur fallið um 12% á einum mánuði og veiktist um 2% í morgun. Úrvalsvísitalan lækkaði þá um rúm 4%.

Óttast að 330 hafi týnt lífi

Óttast að rúmlega 300 manns hafi týnt lífi í tveimur öflugum jarðskjálftum sem skóku Perú í nótt. Björgunarmenn reyna nú hvað þeir geta til að leita eftirlifenda í rústum húsa.

Vill búa til súpu úr flökkuhundum

Flökkuhundar eru mikið vandamál í Nýju Delí á Indlandi. Þeir eru þar í tugþúsunda tali. Ýmislegt hefur verið reynt til þess að fækka þeim, en það hefur lítinn árangur borið. Borgarfulltrúi í borginni lagði í gær fram tillögu um að vandinn yrði lestur með því að fanga hundana og senda þá til Kóreu, þar sem hundakjöt er talið mikið lostæti.

Ég er á lausu

Hringur sem gefur til kynna að þú sért á lausu virðist vera að fara sigurför um heiminn. Hringinn geta borið bæði karlmenn og konur. Hann hefur nú selst í yfir 130 þúsund eintökum og framleiðandinn er að hefja mikla auglýsingaherferð. Hann er nýkominn úr kynningarferð til Kína, þar sem viðtökurnar voru mjög góðar, að hans sögn.

Eldflaug skotið á sænska farþegaflugvél

Eldflaug var skotið á sænska farþegaflugvél sem var í flugtaki frá Norður-Írak í síðustu viku. Eldflaugin sprakk rétt fyrir framan vélina, en ekki urðu á henni neinar skemmdir. Vélin var frá flugfélaginu Nordic Airways og um borð voru 137 farþegar og áhöfn.

Komdu þér út kerling

Dyraverðir á lúxushóteli í Cancún í Mexíkó brugðust skjótt við þegar indíánakona í litríkum klæðum gekk inn í hótelið þeirra. "Enga götusölu hér," sögðu þeir. Þeir tóku konuna föstum tökum og ætluðu að henda henni út. Sem betur fór var í anddyrinu fólk sem þekkti Rigobertu Menchu, friðarverðlaunahafa Nóbels og frambjóðanda í forsetakosningum í Gvatemala.

Blóðið ekki úr Madeleine litlu

Blóðið sem fannst í herberginu þar sem Madeleine McCann var rænt í Portúgal, reyndist ekki vera úr henni. DNA rannsókn í Bretlandi hefur leitt þetta í ljós að sögn Sky fréttastofunnar. Blóðið er sagt vera úr karlmanni.

Heyrðu hljóð úr námunni í Utah

Ekki fleiri svipt sig lífi í Bandaríkjaher í 26 ár

Níutíu og níu hermenn í bandaríska hernum sviptu sig lífi á síðasta ári og hefur fjöldi þeirra ekki verið meiri í 26 ár. Þetta kemur fram í skýrslu frá Bandaríkjaher sem AP-fréttastofan hefur undir höndum.

Þúsundir minnast Elvis við Graceland

Þúsundir manna hafa lagt leið sína til Memphis í Tennessee-ríki í Bandaríkjunum til þess að minnast þess að í dag eru 30 ár frá því að rokkkóngurinn Elvis Presley lést.

Minnst 330 látnir eftir öflugan skjálfta í Perú

Almannavarnir í Perú segja minnst þrjúhundruð og þrjátíu hafa látist eftir að tveir öflugir jarðskjálftar skóku Perú með nokkurra mínútna millibili í nótt.

250 látnir hið minnsta

Írösk yfirvöld segja að 250 hið minnsta, hafi látist í sprengjuárásunum í norðurhluta landsins í gær. Þetta er mannskæðasta árásin í landinu frá því í stríðinu 2003. Fjórar sprengjur lögðu tvö þorp jasída trúflokksins í rúst og slösuðust að minnsta kosti 350. Björgunarsveitir eru enn að störfum og búist er við því að tala látinna eigi eftir að hækka.

Grafa með skóflum og berum höndum

Björgunarmenn og almennir borgarar grafa nú með skóflum og berum höndum í rústum húsa í bænum Kataníja í Norður-Írak þar sem sjálfsvígssprengjuárás varð minnst tvö hundruð manns að bana í gær. Fjórar flutningabifreiðar fullar af sprengiefni voru sprengdar í loft upp nær samtímis.

Illdeila mafíufjölskyldna teygir sig til Þýskalands

Svo virðist sem áratugagömul illdeila tveggja ítalskra mafíufjölskyldna hafi teygt sig til Þýskalands. Sex karlmenn tengdir annarri fjölskyldunni voru allir myrtir í Duisburg í nótt.

Ekkert gin- og klaufaveikismit í dýragarði í Surrey

Allt bendir til þess að búfé í dýragarði í Surrey og á nautgripabúi í Kent í Bretlandi hafi ekki sýkst af gin- og klaufaveiki. Rannsóknum á sýnum sem tekin voru úr búfénu er að mestu lokið. Óttast var á tímabili að yfirvöldum í Bretlandi hafi mistekist að hefta útbreiðslu sjúkdómsins.

Al-Qaeda grunað um sprengjuárásirnar í Írak

Talið er líklegt að hryðjuverkarsamtökin al-Qaeda standi á bak við sprengjuárásirnar þrjár sem urðu 175 manns að bana í Írak í gær. Enginn hefur lýst yfir ábyrgð á verknaðinum en talsmaður bandaríska hersins sagði á blaðamannafundi í morgun að grunur beindist helst að al-Qaeda.

Grunaður um að hafa dreift myndbandi sem sýnir aftöku

Rússneska lögreglan handtók í morgun mann sem grunaður er um að hafa dreift myndbandi sem sýnir tvo menn tekna af lífi. Annar þeirra er afhöfðaður en hinn skotinn. Lögreglan hefur ekki viljað staðfesta hvort aftakan í myndbandinu sé raunveruleg.

Þrír Þjóðverjar láta lífið í Afganistan

Þrír Þjóðverjar létu lífið og einn særðist í Afganistan í morgun þegar sprengja sprakk við bíl mannanna á veg skammt frá Kabul, höfuðborg landsins. Mennirnir voru í hópi þýskra sendiráðsstarfsmanna sem voru að heimsækja Nato-herstöð í nágrenninu.

Tók ekki eftir því að fóturinn færi af við hné

Japanskur ökumaður mótorhjóls sem keyrði utan í öryggisgirðingu tók ekki eftir því að fótur hans hefði skorist af í árekstrinum, og keyrði í tæpa tvo kílómetra með blæðandi stubbinn.

Símakynlíf á 21. öldinni

Danska farsímafyrirtækið Sonofon hyggst seinna á þessu ári hefja dreifingu á klámefni gegnum farsímakerfi sitt. Þetta gera þeir vegna þrýstings frá viðskiptavinum sínum, sem frá fyrsta nóvember munu geta hlaðið niður klámmyndum og myndskeiðum, á sama hátt og þeir sækja í dag hringitóna, leiki og skjásvæfur.

Reyktu áfram á dönskum öldurhúsum þrátt fyrir reykingabann

Reykingingamenn í Danmörku létu reykingabann á veitingahúsum og krám sem tók gildi á miðnættti ekki á sig fá og reyktu áfram á stöðunum eftir því segir í Jótlandspóstinum.

Sex skotnir til bana í Þýskalandi

Sex menn á þrítugsaldri voru skotnir til bana í þýsku borginni Duisburg í nótt. Mennirnir fundust í tveimur bílum nærri lestarstöð, eftir að vegfarandi heyrði skothvelli og lét lögregbíl sem átti leið hjá vita. Fimm mannanna voru látnir þegar að var komið, en sá sjötti lést á leið á sjúkrahús. Ekkert er vitað um ástæðu verknaðarins, eða hver myrti mennina.

Írar drykkfelldir frá alda öðli?

Ást Íra og afkomenda þeirra á göróttum drykkjum kann að liggja í genunum. Að minnsta kosti á hún sér langa sögu. Vísindamenn hafa nú sett fram kenningu um að sérstök tegund rústa á Írlandi, sem fornleifafræðingar hafa hingað til talið vera ævaforn eldstæði, séu í raun fyrstu ölgerðir landsins.

Ein mannskæðasta árás frá upphafi Íraksstríðsins

Minnst 175 manns létust og tvöhundruð særðust þegar þrír sjálfsmorðsárásarmenn á flutningabílum hlöðnum eldsneyti sprengdu sig í loft upp í bænum Katanía í Norður Írak í gær.

Slagurinn er óvenju snemma á ferðinni

Átján bandarískir stjórnmálamenn róa nú öllum árum að því að verða forseti Bandaríkjanna að loknum kosningum á næsta ári. Óvenju mikill kraftur hefur verið í baráttunni undanfarið og slagurinn er fyrr á ferðinni en áður.