Erlent

Böndin berast að hinum handtekna í Malmö

Sænska blaðið Expressen segir í dag að tæknideild lögreglunnar hafi þegar komist að þeirri niðurstöðu að skammbyssa sem lagt var hald á hjá 38 ára gömlum manni hafi verið notuð við skotárásir á innflytjendur í Malmö.

Erlent

Hætt við mosku í Tromsö

Miðstöð múslima í Tromsö í Noregi hefur hætt við að reisa mosku í bænum með fjárframlögum frá Saudi-Arabíu. Talsmaður miðstöðvarinnar segir að norska utanríkisráðuneytið samþykki ekki þessa fjármögnun.

Erlent

Bush sér ekki eftir neinu

George Bush yngri, fyrrverandi Bandaríkjaforseti varði í gær sínar umdeildustu ákvarðanir í viðtali á bandarísku sjónvarpsstöðinni NBC.

Erlent

Herforingjar lýsa yfir sigri í Búrma - átök brjótast út

Herforingjastjórnin í Búrma hefur lýst yfir sigri í kosningunum sem fram fóru í landinu um helgina, þeim fyrstu í tuttugu ár. Herforingjarnir segja að stærsti stjórnarflokkurinn hafi fengið yfir 80 prósent atkvæða en leiðtogar víða um heim hafa fordæmt kosningarnar og sagt þær ómarktækar.

Erlent

Castro boðar til aðalfundar Flokksins

Forseti Kúbu, Raoul Castro hefur fyrirskipað að aðalfundur kommúnistaflokksins verði haldinn í apríl á næsta ári, til þess að ræða efnahagsvandræðin sem kúbverjar glíma við nú um stundir. Aðalfundinn á samkvæmt lögum að halda á fimm ára fresti en eldri bróðir Raous, Fidel Castro, frestaði honum ítrekað svo fundurinn hefur ekki verið haldinn í fjórtán ár.

Erlent

Þúsundir manna flýja

Þúsundir flúðu heimili sín undan rótum eldfjallsins Merapi í Indónesíu í gær. Opinber viðvörun var gefin út um að eldfjallið gæti gosið aftur hvenær sem væri og fjölmenntu íbúar inn í rútur, lestir og bíla til að flýja í kjölfarið.

Erlent

Landið fái sæti í öryggisráði SÞ

Barack Obama Bandaríkjaforseti styður óskir Indlands um að fá varanlegt sæti í öryggisráði Sameinuðu þjóðanna. Kom þetta fram í ræðu sem Obama flutti á indverska þinginu.

Erlent

Putin á 320 kílómetra hraða

Vladimir Putin forsætisráðherra Rússlands gerir ýmislegt sér til gamans. Nýjasta uppátæki hans var að keyra Formúlu 1 kappakstursbíl í Sankti Pétursborg.

Erlent

Nautum hleypt á graða Breta

Með illu skal illt út reka. Þetta er niðurstaða bæjarstjórnarinnar í breska smábænum Puttenham. Íbúar þar eru um 2500 talsins og bærinn er klukkustundar akstur frá Lundúnum.

Erlent

Lítil vinna en launuð vel

Íraskir þingmenn hafa nú fengið greiddan árlegan þingfararstyrk að upphæð um 10 milljónir króna. Þeir fá auk þess tvær og hálfa milljón króna á mánuði í laun og frítt uppihald á besta hótelinu í Bagdad.

Erlent

Borgarstjóri forðar dætrum sínum úr landi

Hinn eitt sinn voldugi borgarstjóri í Moskvu Yuri Luzhkov hefur ákveðið að senda tvær ungar dætur sínar til Lundúna til þess að tryggja öryggi þeirra. Dmitry Medvedev forseti Rússlands rak Luzhkov úr embætti í september síðasliðnum.

Erlent

Sylvía yfirgefur aldrei Karl Gústaf

Sérfræðingur sænska ríkissjónvarpsins í málefnum konungsfjölskyldunnar segir að Sylvia drottning muni aldrei yfirgefa Karl Gústaf þrátt fyrir sögusagnir um framhjáhald og villt líferni.

Erlent

Fyrsta litaða borgin í Evrópu

Borgin Leichester í Mið-Englandi verður á næsta ári fyrsta borgin í Evrópu þar sem hvítir innfæddir menn verða í minnihluta. Íbúar eru um 300 þúsund talsins og flestir íbúanna frá Pakistan, Indlandi, Afganistan og Afríku. Leicester hefur verið talin dæmi um vel heppnaða aðlögun innflytjenda.

Erlent

Skotárásin í Malmö: Fundu byssur hjá hinum grunaða

Sænska lögreglan hefur fundið tvö skotvopn á heimili mannsins sem grunaður er um skotárásir í Malmö síðasta árið. Maðurinn, sem er 38 ára gamall er í haldi lögreglu, en hún vill lítið gefa upp um hvernig málinu miðar. Við húsleit fundust tvær byssur og er maðurinn með leyfi fyrir þeim báðum. Ættingi mannsins segir að hann sé meðlimur í byssuklúbbi í Malmö en síðasta árið hafa fjölmargar skotárásir verið gerðar í borginni og hefur byssumaðurinn beint sjónum sínum að innflytjendum.

Erlent

Vesturlönd gefa lítið fyrir kosningarnar í Búrma

Helstu leiðtogar á vesturlöndum gefa lítið fyrir fyrstu lýðræðislegu kosningarnar í Búrma í tvo áratugi og segja þær hvorki frjálsar né sanngjarnar. Barack Obama Bandaríkjaforseti er á ferð um Asíu og hann sagði í gær að kosningarnar hefðu ekki mætt kröfum alþjóðasamfélagsins.

Erlent

Námumaður hljóp maraþon

Einn námumanna Þrjátíu og þriggja sem sátu fastir í námu í Chile eins og frægt er orðið, tók sig til og hljóp í New York maraþoninu um helgina. Hinn 34 ára gamli Edison Pena hljóp kílómetrana 42 á fimm klukkustundum og 50 mínútum en frægt var þegar hann sagðist hafa haldið heilsunni í námunni með því að skokka um göngin á hverjum degi.

Erlent

Súdan gæti losnað af hryðjuverkalista

Bandaríkjastjórn hefur gert stjórnvöldum í Súdan tilboð um að ríkið verði fjarlægt af lista ríkja sem styðja við hryðjuverkahópa. Súdan losnar við stimpilinn ef yfirvöld tryggja að kosningar sem fara eiga fram í landinu í janúar á næsta ári verða gagnsæjar og lausar við spillingu.

Erlent

Olíusmit í hreyflum Airbus A380

Ástralska flugfélagið Qantas ætlar að kyrrsetja Airbus A380 risaþotur félagsins í þrjá daga til viðbótar en smávægilegir gallar hafa fundist í hreyflum vélanna. Hreyfill Airbus þotu sprakk í loft upp á dögunum yfir Singapore svo flugmennirnir þurftu að nauðlenda. Í kjölfarið fóru allar vélar sömu gerðar í ítarlega skoðun og segir forstjóri félagsins að í þreur vélum af sex hafi fundist olíusmit þar sem ekkert slíkt ætti að vera í svo nýjum hreyflum, en þeir eru tveggja ára gamlir.

Erlent

Sósíalistar fengu gott fylgi

Frambjóðendum Sósíalistaflokksins í sveitarstjórnarkosningum á Grikklandi í gær virtist ætla að ganga vel, ef marka má fyrstu tölur. Þar með minnka likur á því að George Papandreou forsætisráðherra boði til þingkosninga.

Erlent

Segist munu leiðrétta stefnuna

Barack Obama Bandaríkjaforseti segist þurfa að leiðrétta stefnu sína heima fyrir vegna kosningaúrslita, þar sem andstæðingar hans náðu meirihluta í fulltrúadeild þingsins.

Erlent

Gagnrýndi stjórn sósíalista á Spáni

Mikill mannfjöldi fylgdist með Benedikt XVI. páfa þegar hann vígði hina sérstæðu kirkju, Sagrada familia, sem setur svip sinn á Barcelona á Spáni. Þegar páfi kom til kirkjunnar í gær biðu þar um 200 samkynhneigðir sem efndu til kossamótmæla gegn stefnu kaþólsku kirkjunnar, sem lítur samkynhneigð óhýru auga.

Erlent

Árásarmaðurinn ófundinn

Maðurinn sem reyndi að myrða lögreglumenn á Norður-Írlandi í fyrrinótt er ófundinn. Fá vitni hafa gefið sig fram. Talið er að klofningshópur úr írska lýðveldishernum beri ábyrgð á tilræðinu.

Erlent

Byssumanninum lýst sem einfara

Karlmaður á fertugsaldri er í haldi lögreglunnar í Malmö í Svíþjóð, grunaður um að hafa staðið á bakvið átta skotárásir á innflytjendur þar í borg. Maðurinn, sem er 38 ára gamall, var handtekinn í íbúð sinni í miðbæ Malmö um klukkan sex síðdegis í gær.

Erlent

Berlusconi segi af sér

Gianfranco Fini, forseti ítalska þingsins, vill að Silvio Berlusconi, forsætisráðherra Ítalíu, segi af sér embætti. Fini er einn af stofnendum Frelsisflokks Berlusconi, en hann sagði skilið við flokkinn í sumar. Nokkrir þingmenn gerðu slíkt hið sama og við það veiktist pólitísk staða Berlusconi mikið. Ríkisstjórn hans hefur ekki lengur þingmeirihluta.

Erlent

Elísabet drottning komin á Facebook

Elísabet II, drottning Breta, hefur opnað síðu á samskiptavefnum Facebook. Þetta gerir hún einkum fyrir tilstuðlan prinsessanna Beatrice og Eugenie sem eru dætur Andrews prins og Söruh Ferguson hertogaynju af York. Ár er frá því að drottningin hóf að nota Twitter en um jólin verða liðin þrjú ár frá því að hún opnaði sína eigin konunglegu síðu á myndbandavefnum YouTube.

Erlent

Byssumaðurinn neitar sök

Maðurinn sem sænska lögreglan handtók í gær og er grunaður um að hafa skotið á fjölda innflytjenda að undanförnu neitar sök. Farið verður fram á gæsluvarðhald yfir honum. Frá þessu er greint á vef sænska ríkisútvarpsins en lögregla boðaði til boðaði til blaðamannafundar í hádeginu vegna málsins.

Erlent

Mest lesið