Erlent

Fundu 22 milljónir í söfnunargámi Rauða krossins

Starfsmönnum Rauða krossins í smábænum Tornved á Sjálandi í Danmörku brá heldur betur í brún í vikunni þegar þeir fundu eina milljón danskra kr. í seðlum, jafnvirði 22 milljóna kr., í fatahrúgu í söfnunargámi fyrir utan starfsstöð sína í bænum.

Erlent

Forsetinn framdi sjálfsvíg

Krufning á líki Salvadors Allende, sem var forseti Síle fram til ársins 1973, sýnir að hann framdi sjálfsvíg. Rannsóknin leiddi í ljós að hann skaut sig í höfuðið með AK-47 riffli sem Castro Kúbuforseti hafði gefið honum tveimur árum fyrr.

Erlent

Kamikaze flugmaður reynir að myrða móður sína

Hinn 47 ára gamli svissneski Konrad Schmidt flaug tveggja hreyfla flugvél inn í hús móður sinnar síðastliðinn sunnudag. Að hennar sögn hringdi hann í hana stuttu áður en vélin skall á húsinu og sagði "Ertu heima mamma? Ég er í þann mund að detta í heimsókn."

Erlent

Ólöglegur erindreki Pakistans

Pakistönsk stjórnvöld létu milljónir dollara renna til samtaka í Bandaríkjunum. Þau áttu að reyna að hafa áhrif á stefnu bandarískra stjórnvalda í málefnum tengdum Pakistan.

Erlent

Breyting í kjölfar gagnrýni

Lene Espersen, utanríkisráðherra Danmerkur, kveðst ekki bera ábyrgð á því að Margrét Þórhildur Danadrottning veitti Khalifa, konungi Barein, næstæðstu orðu Danmerkur. Orðan var veitt nokkrum vikum áður en skotið var á mótmælendur í Barein sem kröfðust lýðræðisumbóta.

Erlent

Stress á meðgöngu gæti haft varanleg áhrif

Sé barnshafandi kona undir miklu álagi gæti stressið haft varanleg áhrif á fóstrið í móðurkviði samkvæmt niðurstöðum rannsóknar þýskra sálfræðinga sem birtist í virtu sálfræðitímariti.

Erlent

Hlébarði beit 11 manns

Hlébarða tókst að bíta 11 manns í vesturhluta Bengal fylkis í Indlandi áður en hann var drepinn í gær. Dýrið hafði villst inn í þorpið og reyndu skógarverðir að koma því aftur út í náttúruna, en dýrið tók því afar illa og réðst á fjóra skógarverði auk sex þorpsbúa sem og lögreglumann sem kom á vettvang.

Erlent

Eftirlýstur stríðsglæpamaður handtekinn

Serbnesk yfirvöld hafa handtekið Goran Hadzic síðasta serbneska herforingjann sem var eftirlýstur af Stríðsglæpadómstól Sameinuðu þjóðanna í Haag. Hadzic stýrði serbneskum hersveitum í stríðinu í Króatíu. Þar er hann sakaður um að hafa myrt hundruð Króata og aðra sem ekki voru af serbneskum uppruna.

Erlent

Nýtt tungl fannst við Plútó

Stjörnufræðingar hafa með hjálp Hubble geimsjónauka NASA og ESA fundið fjórða tunglið á braut um dvergreikistjörnuna Plútó. Tungið er um þrettán til þrjátíu og fjórir kílómetrar í þvermál og hefur tímabundið verið gefið nafnið P4.

Erlent

Óheppilegir kviðmágar

Fyrrverandi eiginkona Tigers Wood er sögð í sárum eftir að í ljós kom að nýr kærasti hennar hefur einnig deilt sæng með einni af hjákonum Tigers. Á slúðurvefnum TMZ segir að Elin Nordgren sé öskureið út í Jamie Dingman fyrir að hafa ekki sagt henni að hann hefði einnig legið Rachel Ucitel.

Erlent

Hitler í fjöldauppsögnum

Adolf Hitler hefur verið sviptur titli heiðursborgara í bænum Klagenfurt sem er sjötti stærsti bær Austurríkis. Íbúar þar eru um 100 þúsund.

Erlent

Hversu hátt er Everest

Yfirvöld í Nepal hafa ákveðið að mæla Everest á nýjan leik til að fá endanlega úr því skorið hversu hátt þetta hæsta fjall heims er. Opinberlega er hæð fjallsins 8,848 metrar.

Erlent

Sacre bleu! Fengu skaðabætur fyrir að vera ávörpuð á ensku

Kanadisk hjón hafa fengið sér dæmdar eina og hálfa milljón króna í skaðabætur frá flugfélaginu Air Canada vegna þess að þau voru ekki uppvörtuð á frönsku. Hjónin eru frá Quebec þar sem þorri manna talar frönsku. Talsverður hluti íbúa fylkisins vill raunar sjálfstæði frá Kanada.

Erlent

Gæti orðið nagli í líkkistu fernufyllibyttna

Carl B. Hamilton, þingmaður Þjóðarflokksins í Svíþjóð, leggur til að viðskiptavinir Systembolaget, sænsku áfengisverslunarinnar, geti fengið vörurnar sendar heim. Bindindissamtökin IOGT-NTO telja tillöguna ganga óþarflega langt og segja að þetta geti orðið nagli í líkkistu fernufyllibyttnanna.

Erlent

Varað við mislingafaraldri

Meira en tólf þúsund manns greindust með mislinga í Evrópu á fyrstu sex mánuðum ársins, fleiri en allt árið í fyrra. Alþjóðaheilbrigðismálastofnunin hefur varað við því að tilfellum fari fjölgandi, sérstaklega þar sem meira sé um mannfagnaði á sumrin. Stofnunin hvetur fólk því til að láta bólusetja sig fyrir sjúkdómnum.

Erlent

Upphafið að löngum viðræðum

„Eftir eitt ár getum við vonandi verið komin með samkomulag um nýja sjávarútvegsstefnu,“ sagði Maria Damanaki, sem fer með sjávarútvegsmál í framkvæmdastjórn Evrópusambandsins eftir að hafa hlýtt á viðbrögð sjávarútvegsráðherra aðildarríkjanna við tillögum framkvæmdastjórnarinnar.

Erlent

Samræma þarf fitumörk barna

Hvenær er barn orðið svo þungt að heilsa þess skaðast? Og hvenær er skaðinn svo mikill að taka þarf barnið frá foreldrunum? Danski þjóðarflokkurinn segir að um þetta verði sveitarfélögin að vera sammála til þess að hægt sé að taka afstöðu til hvort alltof þung börn séu vanrækt.

Erlent

Vilja mann á loftstein 2025

Ómönnuð geimflaug Geimferðastofnunar Bandaríkjanna (NASA) komst nýverið á braut um loftstein í loftsteinabeltinu á milli Mars og Júpíters.

Erlent

Sjálfbær þróun næstu árin

Sjálfbær þróun sem dregur úr fátækt en varðveitir umhverfið verður meginviðfangsefni næstu fimm ára í starfi Ban Ki-moon hjá Sameinuðu þjóðunum.

Erlent

Mest lesið