Erlent

John McCain styður Mitt Romney

John McCain fyrrum forsetaefni Repúblikanaflokksins styður Mitt Romney í baráttu hans við að ná útnefningu flokksins fyrir komandi forsetakosningar í landinu. Gaf McCain yfirlýsingu um það í gærkvöldi.

Erlent

Skráarskipti nú löggild trú í Svíþjóð

Yfirvöld í Svíþjóð hafa loks skráð trúarkerfið Kópíisma sem raunverulegt trúarfélag. Það er stór hópur internetnotenda sem stendur að baki trúarfélaginu en þau tilbiðja skráarskipti milli einstaklinga. Barátta hópsins fyrir viðurkenningu sænska ríkisins hefur staðið yfir í tvö ár.

Erlent

Áfengisþyrstur hvolpur tekinn af eiganda sínum

Breskur dómstóll hefur úrskurðað að karlmaður þar í landi má ekki eiga hund í þrjú ár eftir að Labradorhvolpur í hans eigu fannst drukkinn. Maðurinn, sem heitir Matthew Cox, hafði verið að drekka vodka og coke með sambýlingi sínum þann 22. ágúst síðastliðinn þegar hann skildi við glasið sitt og fór út að reykja.

Erlent

Hugmyndaríkir Finnar rugla áhorfendur í ríminu

Myndband sem tekið var undir ísilögðu stöðuvatni í Finnlandi hefur vakið mikla athygli á veraldarvefnum. Kafararnir virðast dorga og ganga neðansjávar en þegar tekið er eftir stefnu loftbólanna tekur málið að skýrast.

Erlent

Notaði iPad sem vegabréf

Kanadískur maður fékk inngöngu í Bandaríkjunum án þess að sýna vegabréf. Það dugði landamæravörðum að skoða skannaðar myndir af vegabréfinu i iPad spjaldtölvu mannsins.

Erlent

Samsung Galaxy S3 kynntur í febrúar

Samsung Galaxy S3 verður kynntur í næsta mánuði. Samkvæmt upplýsingum frá fyrirtækinu verður snjallsíminn mun öflugri en fyrri útgáfan og mun skjár símans styðja þrívídd.

Erlent

Wikipedia safnaði 20 milljón dollurum

Árlegri fjársöfnun frjálsa alfræðiritsins Wikipedia lauk síðastliðinn sunnudaginn. Söfnunin gekk afar vel og er talið að um 20 milljón dollarar hafi safnast á 46 dögum. Upphæðin rennur óskipt til Wikimedia en samtökin sjá um rekstur alfræðiritsins.

Erlent

Bacmann dregur sig í hlé

Bandaríski fulltrúadeildarþingmaðurinn Michelle Bachmann hefur ákveðið að draga sig í hlé í baráttunni um útnefningu forsetaefnis Repúblikanaflokksins. Bachmann tilkynnti um ákvörðun sína í dag en þingkonan, sem oft hefur verið kennd við Teboðshreyfinguna, fékk slæma útreið í fyrstu forkosningunum sem fram fóru í Iowa ríki í gær.

Erlent

Heimilislausir borða í IKEA

Veitingamenn í Belgíu saka IKEA um undirboð og aka í mótmælaskyni heimilislausu fólki í rútum að versluninni og bjóða í mat. Formaður samtaka veitingamanna segir að með slíku verðlagi verði að líta á IKEA sem samfélagsþjónustu.

Erlent

Kínverskur kaupsýslumaður át baneitraða kattakássu

Lögreglan í Guangdong héraði í Kína rannsakar nú dauðsfall milljarðamærings en fjölskylda mannsins er fullviss um að eitrað hafi verið fyrir honum. Long Liyuan lést skyndilega á Þorláksmessu þar sem hann var að gæða sér á kattarkjöti með tveimur viðskiptafélögum. Mennirnir átu allir sama réttinn, hægeldaða kattakássu, sem þykir mikið lostæti að mati heimamanna. Allir urðu þeir veikir af kássunni en Long, sem var 49 ára gamall, var sá eini sem lést.

Erlent

Kínverskt sjónvarp má ekki vera of skemmtilegt

Sjónvarpsstöðvar í Kína sem senda út í gegnum gervihnetti hafa fengið fyrirskipun frá yfirvöldum um að draga verulega úr skemmtiefni á skjánum, sem þeim finnst komið fram úr hófi. Reglan tók gildi um áramótin og hefur skemmtiþáttum hverskonar fækkað úr 126 í hverri viku niður í 38. Fyrirskipunin kom á sama tíma og forseti landsins, Hu Jintao birti grein í tímariti kommúnistaflokksins, þar sem hann varaði við vestrænum áhrifum á kínverska menningu.

Erlent

Breivik sé sakhæfur

Þrír sálfræðingar og einn geðlæknir telja að norski fjöldamorðinginn Anders Breivik sé hvorki geðveikur né geðklofi. Þessir sérfræðingar, sem vinna við Sandvika geðsjúkrahúsið hafa fylgst náið með Breivik í fangelsinu og segja ennfremur að hann hafi enga þörf fyrir lyf og engin hætta sé á að hann fremji sjálfsmorð.

Erlent

Glíma enn við skógarelda í Síle

Slökkviliðsmenn í Síle glíma enn við verstu skógarelda í manna minnum í landinu. Um 400 ferkílómetrar af skóglendi hafa eyðilagst í þessum eldum í mið- og suðurhluta landsins. Enn logar á um tuttugu stöðum.

Erlent

Romney sigraði Santorum með 8 atkvæðum

Mitt Romney og Rick Santorum urðu efstir og hnífjafnir í prófkjöri Repúblikanaflokksins í Iowa með 25% atkvæða hvor. Í frétt CNN fyrir nokkrum mínútum segir að samkvæmt endanlegum tölum hafi Romney náð að sigra með átta atkvæðum. Í þriðja sæti kom svo Ron Paul með 22% atkvæða.

Erlent

Nýtt mælitæki prófað á Íslandi

Hópur franskra vísindamanna hefur hannað mælitæki sem fest er í veðurbelgi og gerir notendum kleift að fylgjast með hreyfingum og eðli öskuskýja. Tæknina prófaði hópurinn á Íslandi síðasta sumar en hana er einnig hægt að nota til að fylgjast með annars konar ögnum í andrúmsloftinu.

Erlent

Bjóða Kúrdum skaðabætur

Tyrknesk stjórnvöld bjóða Kúrdum skaðabætur vegna loftárásar sem kostaði 35 almenna borgara lífið í síðustu viku. Þetta er mesta mannfall sem orðið hefur á einum degi í áratugalöngum átökum stjórnarhersins við aðskilnaðarsinnaða kúrda.

Erlent

Fara að fordæmi Norðmanna

Stjórnarflokkarnir í Danmörku vilja koma í veg fyrir að sígarettur séu sýnilegar í verslunum. Frumvarp um málið mun líta dagsins ljós með vorinu.

Erlent

Mest lesið