Fótbolti

Manchester United er verðmætasta íþróttafélag heims

Enska knattspyrnufélagið Manchester United er verðmætasta íþróttafélag heims samkvæmt lista sem birtur er í bandaríska Forbes tímaritinu. Félagið er metið á um 290 milljarða kr. Spænska knattspyrnuliðið Real Madrid er í öðr sæti á þessum lista. Bandarísku atvinnumannaliðin New York Yankees og Dallas Cowboys deila þriðja sætinu.

Enski boltinn

Pepsi-mörkin: Ellismellurinn | Logi Ólafsson

Atriði úr gömlum íþróttaþáttum Stöðvar 2 sport hafa vakið athygli í þættinum Pepsi-mörkunum í sumar. Í síðasta þætti var ráðning Loga Ólafssonar sem landsliðsþjálfara árið 1996 rifjuð upp þar sem að Guðjón Guðmundsson íþróttafréttamaður ræddi við Loga um nýja starfið.

Íslenski boltinn

KR-útvarpið lýsir beint frá HJK Helsinki og KR

KR-útvarpið mun lýsa beint frá leik HJK Helsinki og KR í meistaradeildinni í dag. Þetta verður 350 útsending KR-útvarpsins frá upphafi en fyrsta útsending var 15. maí 1999. Þetta er í 15. skipti sem KR-útvarpið útvarpar beint frá útlöndum og 15 landið sem það heimsækir. Lýsingar hafa verið frá Skotlandi, Möltu, Danmörku, Albaníu, Armeníu, Írlandi, Svíþjóð, Grikklandi, Sviss, Norður Írlandi, Úkraínu, Færeyjum, Slóvakíu, Georgíu og nú frá Finnlandi.

Fótbolti

Pepsi-mörkin: Reynir Leósson fékk kveðjugjöf

Reynir Leósson, knattspyrnusérfræðingur Stöðvar 2 sport, er hættur að spila fótbolta en hann hefur leikið með Víkingum í næst efstu deild í sumar. Reynir lék lengst af með ÍA á Akanesi og hann var um tíma atvinnumaður í Svíþjóð. Reynir fékk kveðjugjöf í Pepsi-mörkunum í gærkvöld þar sem eina deildarmark varnarmannsins sterka var í aðalhlutverki og hljómsveitin Chicago sá um tónlistina.

Íslenski boltinn

Capello gerði risasamning við Rússa

Fabio Capello gerði risasamning við knattspyrnusamband Rússland en hann mun stýra karlalandsliði Rússa næstu misserin. Hinn 66 ára gamli Ítali gerði tveggja ára samning við Rússa sem tryggir honum rétt um 3 milljarða kr. í laun á tímabilinu.

Fótbolti

West Ham vill fá Dimitar Berbatov

Forráðamenn nýliða West Ham hafa áhuga á því að klófesta búlgarska sóknarmanninn Dimitar Berbatov og styrkja þar með liðið fyrir átökin í ensku úrvalsdeildinni. West Ham hafði áður sýnt því áhuga á að fá Andy Carroll framherja Liverpool í sínar raðir en framtíð hans hjá Liverpool virðist vera afar óljós.

Enski boltinn

Ferguson segir að Vidic verði klár í slaginn með Man Utd

Sir Alex Ferguson, knattspyrnustjóri Manchester United, staðfesti í gær að serbneski landsliðsmaðurinn Nemanja Vidic verði klár í slaginn með liðinu þegar keppnistímabilið í ensku úrvaslsdeildinni hefst í ágúst. Vidic, sem var fyrirliði Man Utd á síðustu leiktíð, slasaðist illa á hné í leik í Meistaradeildinni gegn Basel í sviss en leikurinn fór fram í desember.

Enski boltinn

Árni: Ég harma það að missa Helenu

Helena Ólafsdóttir hætti með FH þrátt fyrir ósk FH-inga um að hún héldi áfram starfi sínu hjá félaginu. Þetta staðfesti Árni Guðmundsson, formaður rekstrarstjórnar meistaraflokks kvenna hjá FH, í samtali við Vísi í kvöld.

Íslenski boltinn

Skagamenn skoruðu mörkin | Myndasyrpa

Skagamenn pökkuðu Selfyssingum saman 4-0 í viðureign liðanna á Skipaskaga í kvöld. Skagamenn leiddu með marki í hálfleik en skoruðu þrjú í síðari hálfleik og fögnuðu sínum fyrsta sigri frá því 20. maí.

Íslenski boltinn

Helena Ólafsdóttir hætt hjá FH

Helena Ólafsdóttir er hætt þjálfun meistaraflokksliðs kvenna í knattspyrnu hjá FH. Þetta kemur fram í sameiginlegri yfirlýsingu hennar og meistaraflokksráðs Fimleikafélagsins sem birt var á heimasíðu félagsins í dag.

Íslenski boltinn

Elfar Freyr í leit að nýju liði

Miðvörðurinn Elfar Freyr Helgason hefur sagt upp samningi sínum við AEK Aþenu í Grikklandi. Kappinn leitar nú að nýju liði erlendis. Umboðsmannaskrifstofa Elfars Freys staðfestir þetta á Twitter í dag.

Fótbolti

Gunnhildur Yrsa: Alltaf gott að spila á teppinu

Við erum sátt við að fá heimaleik, það er alltaf gott að spila á "teppinu“ í Garðabæ,“ sagði Gunnhildur Yrsa Jónsdóttir leikmaður Íslandsmeistaraliðs Stjörnunnar eftir að ljóst var að Stjarnan mætir liði Þórs/KA í undanúrslitum Borgunarbikarsins.

Fótbolti

Páll Einarsson: Tilhlökkun að mæta góðu liði á útivelli

"Það er tilhlökkun að mæta góðu liði á útivelli en vissulega hefðum við viljað fá heimaleik,“ sagði Páll Einarsson þjálfari Þróttar eftir að ljóst var að liðið mætir Stjörnunni á útivelli í undanúrslitum Borgunarbikarsins í fótbolta karla. Þróttur er í næst efstu deild og liðinu hefur ekki gengið vel í deildinni það sem ef er sumri.

Fótbolti

Umfjöllun, viðtöl og einkunnir: Stjarnan - Breiðablik 1-1

Stjarnan og Breiðablik gerðu 1-1 jafntefli í 11. Umferð Pepsi-deildar karla í knattspyrnu í kvöld en leikurinn fór fram á Samsung-vellinum í Garðabæ. Arnar Már Björgvinsson kom Blikum yfir í fyrri hálfleiknum en það var Halldór Orri Björnsson sem jafnaði metin fyrir heimamenn beint úr aukaspyrnu í þeim síðari.

Íslenski boltinn

Daníel Laxdal: Var alveg sama hvað lið við myndum fá

"Ég er mjög ánægður með að fá heimaleik, en við höfum verið á heimavelli fram til þessa í keppninni. Mér var alveg sama hvaða lið við myndum fá,“ sagði Daníel Laxdal leikmaður Stjörnunnar eftir að ljóst var að liðið fær 1. deildarlið Þróttar í undanúrslitum Borgunarbikarsins.

Fótbolti

Lilja Dögg er sátt við að fá heimaleik gegn Val

Lilja Dögg Valþórsdóttir leikmaður KR var sátt við að fá heimaleik gegn bikarmeistaraliði Vals í undanúrslitum Borgunarbikarsins. "Ég er sátt við það fá heimaleik, en það skiptir engu máli hvernig staðan er í deildinni. Við mættumst í úrslitaleiknum á síðasta ári. Ég hlakka til að mæta Val og ég held að bæði lið ætli sér að sýna það að þau geti meira en staða þeirra sýnir í deildinni,“ sagði Lilja Dögg.

Fótbolti

Rakel Logadóttir: Ætlum að sjálfsögðu að verja titilinn

"Mér líst bara mjög vel á að fá KR,“ sagði Rakel Logadóttir leikmaður Vals í dag þegar ljóst var að bikarmeistaralið Vals fékk útileik gegn KR í undanúrslitum Borgunarbikarsins í knattspyrnu kvenna. Dregið var í hádeginu í dag. Þessi lið áttust við í úrslitum keppninnar í fyrra.

Fótbolti

Ibrahimovic vill launahækkun hjá PSG

Zlatan Ibrahimovic hefur verið sterklega orðaður við franska liðið PSG að undanförnu og formlegar viðræður hafa staðið yfir um vistaskipti hans frá AC Milan á Ítalíu. Sænski landsliðsmaðurinn er samningsbundinn AC Milan fram til loka ársins 2015 og er talið að PSG sé reiðubúið að greiða rétt rúmlega 50 milljónir punda fyrir Ibrahimovic og brasilíska varnarmanninn Thiago Silva – sem nemur rétt um 10 milljörðum kr.

Fótbolti

Borgunarbikarkeppnin: KR sækir Grindavík heim | Stjarnan fékk Þrótt

Stjarnan og 1. deildarlið Þróttar eigast við í undaúrslitum Borgunarbikarkeppninnar í karlaflokki, og Grindavík fær bikarmeistaralið KR í heimsókn. Dregið var í hádeginu í höfuðstöðvum KSÍ. Fyrst var dregið um hvaða lið fengu heimaleiki og komu Stjarnan og Grindavík upp fyrst. Undanúrslitaleikirnir fara fram 1. og 2. ágúst.

Fótbolti

Berbatov vill fá svör um framtíð sína hjá Man Utd

Dimitar Berbatov er ekki sáttur við stöðu sína hjá enska úrvalsdeildarliðinu Manchester United og hann vill komast frá liðinu. Hinn 31 árs gamli framherji frá Búlgaríu var í algjöru aukahlutverki hjá Man United á síðustu leiktíð og hann segir í færslu á fésbókarsíðu sinni að það væri best fyrir alla aðila ef hann færi frá félaginu.

Enski boltinn

Mest lesið