Neytendur

Neytendafréttir af íslenskum markaði.

Sönnuðu ekki full­yrðingar um lækninga­mátt og fá háa sekt

ST. Import ehf., sem rekur vefverslunina Snjalltæki.store, hefur verið sektað um tvær milljónir króna fyrir fjölda brota á ýmsum lögum um neytendavernd, meðal annars vegna fullyrðinga um meintan lækningamátt ýmissa vara. Vörurnar voru meðal annars sagðar geta komið í veg fyrir hárlos, losað fólk við appelsínuhúð og linað verki.

Neytendur 3.3.2026 11:11

Á að fá endur­greidd gler eftir gallaða sjónmælingu

Fyrirtæki sem seldi konu gleraugu með glerjum sem hentuðu henni ekki þarf að endurgreiða henni glerin eftir að kærunefnd vöru- og þjónustukaupa kvað upp úrskurð um kvörtun konunnar. Deilt var um hvort að sjónmæling sem gerð var á konunni hafi verið nákvæm.

Neytendur 20. febrúar 2026 08:56

Byrja á þremur verslunum og skoða sam­einaða verslun á Sel­fossi

Nýjar verslanir Lindex í Kringlunni, Smáralind og á Akureyri verða opnaðar á vormánuðum. Fyrirtækið S4S tekur formlega við Lindex-umboðinu 1. mars næstkomandi og opnar fyrir netsölu í gegnum lindex.is í byrjun mars, þar sem bilið verður brúað fram að opnun verslananna.

Viðskipti innlent 20. febrúar 2026 07:49

Lindex-höllin verður Kappahl-höllin og ný verslun opnuð 21. mars

Knattspyrnudeild Selfoss og umboðsaðilar Kappahl á Íslandi hafa undirritað samstarfssamning til fimm ára. Kappahl verður mikilvægur bakhjarl félagsins og knattspyrnuhöllin á Selfossi nefnd í höfuðið á tískumerkinu.

Viðskipti innlent 19. febrúar 2026 12:02

74 prósent í­búða seldist á undir­verði í desem­ber

Um 95 prósent fasteignasala telja fasteignaverð stöðugt eða fara lækkandi og meirihlutinn segir markaðinn enn hagfelldan kaupendum. Undirboð hafa aukist á höfuðborgarsvæðinu og 74 prósent auglýstra íbúða seldust á undirverði í desember.

Viðskipti innlent 19. febrúar 2026 07:21

ESB hefur rann­sókn á söluháttum Shein og ó­lög­legum varningi

Framkvæmdastjórn Evrópusambandsins hefur fyrirskipað rannsókn á kínversku netversluninni Shein. Rannsóknin mun meðal annars miða að því að varpa ljósi á umfang sölu vara sem standast ekki Evrópulög og „ávanabindandi“ viðskiptahætti.

Viðskipti erlent 17. febrúar 2026 11:58

Í­hugar að leggja á sykurskatt

Starfshópi verður falið að skoða fýsileika þess að leggja sérstakan skatt á vörur sem teljast óhollar, samkvæmt drögum að þingsályktunartillögu. Jafnframt verður kannaður möguleikinn á að lækka álögur á holl matvæli. Heilbrigðisráðherra segir nauðsynlegt að líta til reynslu annarra landa af slíkri skattheimtu og hvort hún hafi skilað jákvæðum árangri.

Innlent 15. febrúar 2026 19:59

Engin svör að fá sem skýra „rán um há­bjartan dag“

Trúnaður ríkir um innihald samninga sem Keflavíkurflugvöllur gerir við rekstraraðila í flugstöðinni og sökum þessa getur Isavia ekki veitt upplýsingar um það hvaða skilyrði eru fyrir hendi í samningi flugvallarins við fyrirtæki sem rekur fjármálaþjónustu á Keflavíkurflugvelli. Hins vegar eru þeir samningar sem Keflavíkurflugvöllur gerir við rekstraraðila þess eðlis að þeir eru jafnan tengdir við veltu. Af því má ráða að Isavia fái meira upp úr krafsinu eftir því sem rekstraraðilar í flugstöðinni fá meira í kassann. Það tók níu mánuði að fá svör frá Isavia um samning vegna fjármálaþjónustu á flugvellinum, sem var á þá leið að ekki væri unnt að veita umbeðnar upplýsingar.

Neytendur 13. febrúar 2026 08:53

Mót­mæla banni gegn grænkera „pylsum“ og „ham­borgurum“

Samtök grænkera og fjöldi matvælafyrirtækja hafa skorað á framkvæmdastjórn Evrópusambandsins að banna ekki notkun orða á borð við „pylsur“ og „hamborgarar“ um vörur sem innihalda ekki kjöt.

Erlent 13. febrúar 2026 07:41

Fjölga verslunum í Danaveldinu

66°Norður opnaði nýja verslun í Kaupmannahöfn um síðustu helgi. Um er að ræða svokallað archive-verslun þar sem hægt er að festa kaup flíkum frá fyrri vörulínum.

Neytendur 12. febrúar 2026 11:27

Inn­kalla ungbarnakex vegna að­skota­hluta

Matvælastofnun hefur innkallað ákveðna tegund af ungbarnakexi eftir að bandarískir miðlar greindu frá því að aðskotahlutir hefðu fundist í kexpökkum þar í landi.

Neytendur 10. febrúar 2026 15:40

Að­skota­hlutur í lifrar­pylsu: „Mál sem við tökum mjög al­var­lega“

Sláturfélag Suðurlands svf, í samráði við Matvælastofnun, hefur í öryggisskyni innkallað soðna lifrarpylsu með lotunúmeri 03-033, vegna aðskotahlutar sem fannst í vöru. Sá sem tilkynnti aðskotahlutinn telur að um járnflís hafi verið að ræða en forstjórinn segir að enn sé verið að greina hlutinn.

Neytendur 10. febrúar 2026 15:39

Glímdi við kaupfíkn og fór í gjaldþrot: „Það kemur alltaf að skulda­dögum“

Lína Birgitta Sigurðardóttir, áhrifavaldur og eigandi fatamerkisins Define the Line, opnaði sig í hlaðvarpinu Viltu finna milljón? um kaupfíkn sína og stjórnlausa neyslu sem leiddu hana til Umboðsmanns skuldara þegar hún var rétt rúmlega tvítug og gjaldþrots nokkrum árum síðar.

Lífið 10. febrúar 2026 11:15

Hreindýratarfur kostar lið­lega 240 þúsund krónur – svo er allt hitt

Jóhann Páll Jóhannsson umhverfis-, orku- og loftslagsráðherra hefur ákveðið veiðiheimildir til hreindýraveiða fyrir árið 2026. Kvótinn, sem er gefinn út að fengnum tillögum frá Náttúruverndarstofnun, er nú 936 dýr; 499 kýr og 437 tarfar.

Innlent 4. febrúar 2026 14:34

Allt að 120 prósenta hækkun verðskrár

Pósturinn hefur birt nýja verðskrá sem tekur gildi þann 1. mars næstkomandi. Mesta verðhækkunin er á sendingum eins til tveggja kílóa smápakka til Evrópulanda annarra en Norðurlanda, sem hækka um 120 prósent.

Neytendur 2. febrúar 2026 14:40

Líkurnar á lækkun „mjög litlar“

Daði Már Kristófersson fjármála- og efnahagsráðherra segist ekki ætla að spá fyrir um ákvörðun peningastefnunefndar um stýrivexti en nefndin kynnir ákvörðun sína á miðvikudag.

Innlent 1. febrúar 2026 12:52

„Mjög á­huga­verð um­ræða“

Olíufélögin hafa brugðist illa við málflutningi ríkisstjórnarinnar sem hefur sagt þau bera að ábyrgðar vegna aukinnar verðbólgu. Framsetningin sé villandi og standist ekki skoðun. 

Innlent 30. janúar 2026 22:25

Ríkis­stjórnin rugli og olíu­fé­lögin ekki söku­dólgurinn

„Það er beinlínis villandi fyrir neytendur að benda á olíufélögin sem sökudólg fyrir aukinni verðbólgu. Ekki aðeins var öllu olíugjaldinu skilað til neytenda heldur hefur álagning á eldsneyti N1 haldist óbreytt frá síðasta ári.“

Innlent 30. janúar 2026 14:38

Hitni undir olíu­fé­lögum sem þurfi að passa sig

Forsætisráðherra segir að ríkisstjórnin hafi búist við meiri lækkunum á eldsneytisverði hjá olíufélögunum samfara því að eldsneytisgjöld og vörugjöld á bensíni voru felld niður um áramótin. Þau þurfi að passa sig. Ríkisstjórnin ætli að ná hallalausum fjárlögum til að ná tökum á verðbólgunni.

Innlent 30. janúar 2026 13:05

„Ó­skiljan­leg“ regla leiddi til þess að hann greiddi flugferðina tvisvar

Erlendum karlmanni, á leið í heimsókn til tengdafjölskyldu sinnar á Íslandi, var meinaður aðgangur í flugvél Icelandair því gildistími vegabréfs hans var innan við þrír mánuðir. Með neyðarvegabréf í hendi keypti hann nýtt og dýrt flug. Hann rak í rogastans þegar hann ætlaði að halda heim á leið viku síðar og átti ekki lengur sæti í fluginu. Formaður Neytendasamtakanna segir reglu flugfélagsins óskiljanlega en forsvarsmenn Icelandair segja að um vel þekkt fyrirkomulag sé að ræða.

Neytendur 30. janúar 2026 06:30

Miklar hækkanir í lágvöruverðsverslunum í byrjun árs

Miklar hækkanir urðu á gosdrykkjum og brauðmeti um áramótin, að því er verðlagseftirlit ASÍ leiðir í ljós. Samkvæmt því hækkaði Bónus og Krónan verð talsvert meira en Prís en þó Prís sé langódýrasta matvöruverslunin þá hækkaði verðlag þar meira árið 2025 en í Bónus og Krónunni. Segir að hækkanirnar komi fyrr fram en í janúar í fyrra.

Neytendur 29. janúar 2026 10:28

Hvetur eig­endur Tesla til að fylgjast með bilunum

Eigendur rafbíla af gerðinni Tesla og þá sérstaklega af gerðinni Tesla Y eru hvattir til þess að fylgjast vel með ástandi bíla sinna af hálfu FÍB. Tilefnið eru fréttir af því að tæplega helmingur Tesla Y bíla komist ekki í gegnum fyrstu skoðun í Danmörku.

Neytendur 26. janúar 2026 21:31

Mest lesið