Meistarinn

Inga Þóra Ingvarsdóttir

Jónas Örn Helgason

Sjálfstraust skiptir máli

Jæja. Þá eru bara átta eftir og spennan magnast. Friðbjörn varð að játa sig sigraðan gegn Ingu Þóru og hún er semsagt eina konan sem er eftir. Hún er býsna góð og var vel að sigrinum komin. Lokatölurnar gefa reyndar engan veginn rétta mynd af viðureigninni. Friðbjörn varð að taka áhættu í lokin og hún borgaði sig ekki. Möguleikar hans voru svo endanlega úr sögunni þegar Inga Þóra ákvað að leggja ekki undir.

Drengskapur lifir

Síðasti þáttur var algjörlega magnaður. Þegar Illugi Jökulsson gekk af sviðinu þá hefði ég helst viljað að hann fengi áfallahjálp! Spennan var algjörlega ótrúleg og síðustu mínúturnar gleymast seint. Illugi var ótrúlegur en brenndi sig illa á því að leggja undir og það munaði ekki miklu að hann félli úr keppni.

Kennarinn lagði skólameistarann

Erlingur Sigurðarson tryggði sér í gær sæti í átta manna úrslitum í spurningaþættinum Meistaranum, sem sýndur er á Stöð 2. Erlingur, sem er fyrrverandi menntaskólakennari, lagði Ólínu Þorvarðardóttur, fyrrverandi skólameistara. Erlingur náði fljótt yfirhöndinni, hélt henni örugglega og jók forskotið jafnt og þétt eftir því sem leið á viðureignina. Lokatölur urðu 18-5 Erlingi í vil.

Áhætta borgar sig!

Erlingur hafði semsagt betur í þættinum í kvöld og sýndi mjög skemmtilega takta. Það er annars merkilegt hvernig þetta þróast. Staðan var 8-7 þegar hann fékk sex stig í röð fyrir vísbendingaspuringar. Eftir það var þetta orðið nokkuð snúið fyrir Ólínu.

Meistaraheppni?

Steinþór vann Björn í síðustu keppni og það er óhætt að segja að hún hafi verið spennandi. Það var jafnt nánast allan tímann og úrslitin réðust ekki fyrr en á síðustu spurningu. En hann hafði heppnina með sér og á sama hátt má segja að Björn hafi gert mistök.

Bjölluspurningar eða dyrabjallan?

Kristján Guy Burgess sýndi að hann er enginn aukvisi þegar kemur að svona spurningaþáttum. Hann komst áfram í átta manna úrslitin en þurfti að hafa fyrir því. Það munaði í raun ekki miklu og það er það sem gerir þennan þátt svona skemmtilegan (finnst mér - veit ekki hvort keppendur eru alltaf sama sinnis).

Hefnd og nýjar spurningar

Jæja. Sonurinn náði að koma fram hefndum. Jónas Helgason vann Hauk Harðarson í kvöld. Jónas er semsagt sonur Helga Árnasonar, sem tapaði fyrir Hauki í fyrstu umferð. Ísland er greinilega ekki stærsta land í heimi.

Jónas Örn hefndi fyrir ófarir föður síns

Jónas Örn Helgason varð annar til að tryggja sér sæti í 16 manna úrslitum í spurningaþættinum Meistaranum á Stöð 2, er hann lagði Hauk Harðarson, nokkuð örugglega í rimmu sem fór fram síðasta fimmtudag.

Ein alltof fárra kvenna úr leik

Það var sárt að sjá á eftir Önnu Pálu úr Meistaranum. Hún er lífleg og skemmtileg og ein af alltof fáum konum sem leggja svona keppni fyrir sig. Hún var líka mjög lífleg í Gettu betur og stóð sig vel með MH-ingum. En hún tók full mikla áhættu og fór illa útúr því.

Enn meiri dramatík

Jæja. Ekki var nú minni spennan í kvöld. Enn einu sinn réðust úrslitin á síðustu spurningu. Helgi fékk tækifæri til að tryggja sér sigurinn á síðustu spurningu en náði því ekki. Það sorglega við það var að hann vissi í raun og veru rétt svar. Það er bara, eins og svo oft áður, hægara sagt en gert að hugsa undir þessari pressu. Haukur var reyndar vel að sigrinum kominn. Hann náði að rífa sig í gang, eftir erfiða byrjun, og stóð sig mjög vel.

Ekki nóg að vita....

Þetta var heldur betur magnað í kvöld og kom sennilega mörgum á óvart. Friðbjörn kom gríðarlega sterkur inn og bjölluspurningarnar voru ótrúlegar. Ég náði varla að klára eina einustu. Svo náði Stebbi að rífa sig til baka og var ekki langt frá því. En Friðbjörn stóðst pressuna, svona eins og landsliðið gerði gegn Serbum í dag, og náði að klára þetta. Annars var magnað að Stebba gekk best í seinni valflokkunum. Honum virðist henta betur þegar aðrir velja spurningar fyrir hann.

Lögmaðurinn lagði Gettu betur-dómarann

Nýr spurninghaukur hefur stigið fram á sjónvarsviðið. Sannkallað gáfumenni sem óhikað er hægt að spá góðu gengi í hinni síharðnandi keppni um nafnbótina Meistarinn. Friðbjörn Eiríkur Garðarsson, 32 ára gamall héraðsdómslögmaður gerði sér lítið fyrir í þætti kvöldsins á Stöð 2 og lagði Stefán Pálmsson, sjálfan Gettu betur sérfræðinginn, fyrrum sigurvegara, þjálfara og dómara í þeirri annáluðu spurningakeppni framhaldsskólanema.

Gettu betur-dómari mætir héraðsdómslögmanni

Í næstu viðureign í spurningaþættinum Meistaranum mætir Stéfán Pálssonsagnfræðingur og fyrrum sigurvegari og dómari í Gettu betur, Friðbirni Eiríki Garðarssyni héraðsdómslögmanni.

Kaflaskipt keppni

Jæja. Fjórir þættir búnir og bara tveir eftir í fyrstu umferð. Ég hef reyndar tekið eftir því að fólk áttar sig ekki alveg á kerfinu. Það er samt frekar einfalt (a.m.k. fyrir mig sem er búinn að liggja yfir þessu svona lengi). Tíu sátu hjá í fyrstu umferð og tólf keppa um hin sex sætin. Fjórar viðureignir eru búnar og tvær eftir. Þá eru sextán eftir og spennan magnast.