Innlent

Páll Gunnar ráðinn forstjóri

Stjórn Samkeppniseftirlitsins hefur ráðið Pál Gunnar Pálsson sem forstjóra Samkeppniseftirlitsins. Páll Gunnar er lögfræðingur og starfar nú sem forstjóri Fjármálaeftirlitsins.

Innlent 13.10.2005 19:21

Hlutfallslega færri úti í nám

Hlutfallslega færri Íslendingar fara nú erlendis í nám og þeir sem fara flykkjast til Norðurlandanna á kostnað Bandaríkjanna. Verslunarráð Íslands vill skoða hvernig fjölga megi íslenskum námsmönnum erlendis, einkum í Asíu og Bandaríkjunum.

Innlent 13.10.2005 19:22

Riðið yfir Hvítá

Sex borgfirskir hestamenn tóku sig til og riðu þvert yfir Hvítá, frá Hvanneyri að Einarsnesi á sunnudaginn var. Ekki er vitað til þess að þessi leið hafi verið riðin fyrr, enda bæði álar og sandbleytur að fara yfir á þessari þriggja kílómetra leið.

Innlent 13.10.2005 19:22

Húsnæðislán valda þenslu

Verðbólgan er keyrð áfram af breytingum á húsnæðismarkaði, ekki framkvæmdunum fyrir austan. Þetta sagði Guðmundur Ólafsson hagfræðingur á Talstöðinni fyrir helgi.

Innlent 13.10.2005 19:21

Grunur um hnífsstungu um borð

Þyrla Landhelgisgæslunnar sótti rússneskan sjómann á haf út í nótt en grunur leikur á að hann hafi verið stunginn með hnífi um borð í skipi sínu. Skipið er eitt af svokölluðum sjóræningjaskipum sem verið hafa í fréttum að undanförnu.

Innlent 13.10.2005 19:21

Ræninginn ófundinn

Enginn hefur enn verið handtekinn vegna vopnaðs ráns sem framið var á bensínstöð Olís í Hamraborg í Kópavogi í gær. Ræninginn kom á bensínstöðina á sjötta tímanum og ógnaði starfsstúlku með skrúfjárni, spennti upp peningakassann, náði þaðan einhverju fé og hvarf síðan á braut. Hann er talinn vera 170-175 sentímetrar á hæð, grannur og með ljósskolleitt hár.

Innlent 13.10.2005 19:21

Veruleg kostnaðarlækkun

Vegna fréttatilkynningar sem Póst- og fjarskiptastofnun sendi frá sér í dag vill Síminn m.a. koma á framfæri þeim athugasemdum að fyrirtækið kynnti nýverið nýjar sparnaðarleiðir og tilboð sem munu hafa í för með sér fjölgun valkosta fyrir viðskiptavini og geta jafnframt þýtt verulega kostnaðarlækkun fyrir þá.

Innlent 13.10.2005 19:22

Grunur um aðild að barnaklámhring

Karlmaður hefur verið handtekinn í umdæmi lögreglunnar í Reykjavík fyrir meinta aðild að alþjóðlegum barnaklámhring. Um 150 manns voru handteknir í þrettán löndum í morgun, grunaðir um aðild að málinu.

Innlent 13.10.2005 19:21

Sóttur á Reykjaneshrygg

Landhelgisgæslan sótti slasaðan sjómann í togarann Ostrovet frá Dóminíku í fyrrinótt. Sjómaðurinn, sem var rússneskur, hafði að sögn áhafnar hlotið stungusár á kvið við fiskvinnslu um borð. Þegar tilkynnt var um slysið var togarinn 268 sjómílur frá landi.<font face="Helv"></font>

Innlent 13.10.2005 19:22

Samtvinnun auglýsinga og viðtala

Ritstjóri <em>Frjálsrar verslunar</em> segir það hafa tíðkast lengi hjá blaðinu að vera með aukablöð inni í blaðinu þar sem seldar eru opnur með auglýsingu á annarri síðunni og viðtali á hinni. Athafnakona í Reykjavík fékk símtal frá Frjálsri verslun fyrir skemmstu þar sem henni var boðið í heilsíðuviðtal ef hún keypti auglýsingu fyrir fyrirtæki sitt.

Innlent 13.10.2005 19:22

Salka Valka á fjalirnar

"Ég hlakka mikið til að takast á við þetta verkefni, enda sagan mjög þýðingarmikil fyrir mig," segir Edda Heiðrún Bachman sem leikstýrir í haust uppfærslu á Sölku Völku eftir Halldór Laxness.

Lífið 13.10.2005 19:22

Glæpapar framselt til Íslands

Par af erlendum uppruna sem komst af landi brott á stolnum bílaleigubíl með tvær milljónir af sviknu fé í vasanum, eftir að hafa framselt falsaða tékka í banka og tekið peningana út í erlendum gjaldmiðli, var handtekið í Danmörku á laugardag. Parið verður framselt til Íslands á næstunni.

Innlent 13.10.2005 19:22

Stjórnarandstaðan ræðir saman

Forystumenn stjórnarandstöðunnar ætla að ræða saman í dag um viðbrögð við niðurstöðu Ríkisendurskoðunar um hæfi forsætisráðherra til að koma að einkavæðingu Búnaðarbankans. Magnús Stefánsson, formaður fjárlaganefndar, segir að niðurstaðan sýni að málflutningur stjórnarandstöðunnar hafi verið ómálefnalegur og innistæðulaus með öllu.

Innlent 13.10.2005 19:21

Snuprar Ríkislögreglustjóra

Umboðsmaður Alþingis gerir athugasemdir við vinnubrögð Ríkislögreglustjórans í tveimur aðskildum málum. Umboðsmaður telur að kröfum stjórnsýslulaga hafi ekki verið fullnægt.  

Innlent 13.10.2005 19:21

Ríkið ekki bótaskylt vegna eymsla

Héraðsdómur Reykjavíkur sýknaði í gær íslenska ríkið af kröfum fyrrum starfsmanns varnarliðsins um bætur vegna vinnuslyss sem hann lenti í árið 1993. Maðurinn klemmdist milli lyftara og kassa þegar verið var að tæma gám í einni af birgðastöðvum Bandaríkjahers á Keflavíkurflugvelli.

Innlent 13.10.2005 19:22

Lætur af starfi bæjarstjóra

Gunnar Valur Gíslason, bæjarstjóri á Álftanesi, hefur óskað eftir að láta að störfum af persónulegum ástæðum.Gunnar Valur var ráðinn sveitastjóri Bessastaðahrepps árið 1992 og hefur gegnt starfi bæjarstjóra um eins árs skeið.

Innlent 13.10.2005 19:22

Sviku fé út úr íslenskum banka?

Erlendur ríkisborgari með bandarískt vegabréf og bresk kona voru handtekin í Danmörku á laugardag grunuð um að hafa svikið fé út úr íslenskum banka. Þau voru með eina og hálfa milljón á sér þegar þau komu til Danmerkur með Norrænu.

Innlent 13.10.2005 19:21

Ríkisskoðandi aftur á fund

Fjárlaganefnd fjallar á ný um vanhæfismál forsætisráðherra á morgun. Framsóknarmenn eru áhyggjufullir en telja stjórnarandstöðuna nota sér málið til hins ýtrasta til að koma höggi á Framsóknarflokkinn og formann hans.

Innlent 13.10.2005 19:22

Vitað um athæfi mannsins um hríð

Íslendingur um þrítugt var handtekinn í dag í tengslum við alþjóðlega herferð gegn barnaklámi. Vitað hefur verið um athæfi hans um hríð en beðið var með handtökuna til að reyna að ná fleirum.

Innlent 13.10.2005 19:22

Davíð á ráðsfundi EES

Davíð Oddsson utanríkisráðherra sat í dag ráðsfund Evrópska efnahagssvæðisins í Lúxemborg. Ráðið er samráðsvettvangur EFTA-ríkjanna og Evrópusambandsins.

Innlent 13.10.2005 19:22

Ölvun ekki aukist

Vínbúð opnaði á Reyðarfirði fyrir tólf dögum og hafa bæjarbúar, margir hverjir, tekið henni fegins hendi. Sýnileg ölvun hefur þó ekki aukist í bænum, að sögn lögreglu.

Innlent 13.10.2005 19:21

Farþegum fjölgaði um 7%

Farþegum um Leifsstöð fjölgaði um sjö prósent í maímánuði miðað við sama tíma í fyrra, eða úr 134 þúsund farþegum í 144 þúsund. Þá hefur farþegum sem millilenda á Keflavíkurflugvelli á leið yfir Norður-Atlantshafið fjölgað um nærri átta prósent.

Innlent 13.10.2005 19:21

Rétt staðið að ráðningum

Umboðsmaður Alþingis hefur nú úrskurðað í máli tveggja umsækjanda sem töldu sig hlunnfarna við ráðningar í stöður hjá lögreglustjóranum í Reykjavík. Samkvæmt úrskurðinum telur umboðsmaður ólíklegt að þeir annmarkar, sem þó hafi verið á undirbúningi málsins, ættu að leiða til ógildingar á ráðningu þeirra sem störfin hlutu.

Innlent 13.10.2005 19:22

Náttúruverðmæti fórnarkostnaður

„Náttúruverðmæti eru einskis metin og einber fórnarkostnaður eins og mannfall meðal óbreyttra borgara í stríði,“ segir Náttúruvaktin vegna stóriðju á Íslandi. Náttúruvaktin varar við því að umræða um framtíð orkuvinnslu og þróun þungaiðnaðar hér á landi verði slitin úr samhengi við þau náttúrulegu verðmæti sem í húfi eru.

Innlent 13.10.2005 19:21

Nýr forstjóri Samkeppniseftirlits

Páll Gunnar Pálsson, lögfræðingur, hefur verið ráðinn forstjóri Samkeppniseftirlitsins. Páll Gunnar starfar nú sem forstjóri Fjármálaeftirlitsins en tekur við sínu nýja starfi 1. júlí þegar stofunin tekur til starfa. Þetta kemur fram í fréttatilkynningu frá stjórn Samkeppniseftirlitsins.

Innlent 13.10.2005 19:22

Barnakláms leitað hjá Íslendingi

Tölvubúnaður, disklingar og myndbönd eru nú til rannsóknar hjá lögreglunni í Reykjavík vegna gruns um að þar sé að finna barnaklám. Eigandinn, 32 ára karlmaður, var handtekinn í gær og yfirheyrður. Europol stýrði aðgerðum gegn barnaklámhring í 13 löndum.

Innlent 13.10.2005 19:22

Pólitískur kattaþvottur

Forystumenn stjórnarandstöðunnar ætla að ræða saman í dag um viðbrögð við niðurstöðu Ríkisendurskoðunar í bankamálinu. Málið er ekki á dagskrá fjárlaganefndar Alþingis sem fundaði á hádegi. Þingmaður Vinstri - grænna segir að menn séu að verða vitni að pólitískum kattaþvotti sem sé að verða regla fremur en undantekning í íslenskum stjórnmálum.

Innlent 13.10.2005 19:21

Spenna á vinnumarkaði

Spenna virðist hafa myndast á vinnumarkaði og Íslandsbanki segir launaskrið líklegt að sama skapi á næstu misserum. Skráð atvinnuleysi er 2,2% samkvæmt nýjum tölum frá Vinnumálastofnun. Á sama tíma í fyrra var það 3,3%.

Viðskipti innlent 13.10.2005 19:21

Hagnaðurinn á Hesteyri

Ekki er óvarlegt að ætla að hagnaður Hesteyrar af fjárfestingu sinni í Keri hf. árið 2002 sé um fjögurra milljarða króna virði í dag. Hesteyri er eigandi fjórðungshlutar í VÍS sem er stór hluthafi í KB banka. Skinney-Þinganes á nú þriðjungshlut í Hesteyri.

Innlent 13.10.2005 19:22

Samið um leigu Hótel Valhallar

Forsætisráðuneytið hefur samið við Kristbjörgu Kristinsdóttur til fimm ára um leigu á Hótel Valhöll á Þingvöllum. Hótel Valhöll verður opnuð á ný á þjóðhátíðardaginn eftir gagngerar breytingar. Síðustu þrjú árin hefur Kristbjörg verið hótel- og framkvæmdastjóri Hótels Borgar.

Innlent 13.10.2005 19:21