Fréttir

Ræða kynferðisofbeldi á ráðstefnu

Ráðstefna sem ber nafnið „Norðurlönd - Griðland fyrir ofbeldismenn?“ hefst á Grandhóteli í dag á vegum Stígamóta og regnhlífarsamtakanna „Nordiske kvinner mot vold“ sem voru stofnuð í Noregi árið 1994. Samtökin einbeita sér meðal annars að baráttunni gegn kynferðisofbeldi og á yfirskrift ráðstefnunnar rætur að rekja til reynslu Stígamóta og annarra kvennaathvarfa á Norðurlöndunum, en reynsla þeirra er svipuð.

Innlent 14.10.2005 06:40

Launamunur kynja 27% í Bretlandi

Breskar konur fá að meðaltali 27 prósentum lægri laun en karlar á Englandi. Mestur er munurinn í London eða 35 prósent en minnsti munurinn á milli kynja er á Norður-Írlandi, eða 15 prósent. Í Wales er munurinn 21 prósent og 29 prósent í Skotlandi. Þetta kemur fram á vef Verslunarráðs Reykjavíkur en vefkönnunin var framkvæmd af fyrirtækinu PayFinder.

Erlent 14.10.2005 06:40

Þorbjörg sækist eftir 4. sæti

Þorbjörg Helga Vigfúsdóttir hefur ákveðið að bjóða sig fram í 4. sæti á lista sjálfstæðismanna í komandi borgarstjórnarkosningum í Reykjavík. Þorbjörg er menntuð á sviði uppeldis- og menntunarfræða og lauk MA-prófi í námssálfræði frá háskólanum í Washington en hún starfar nú sem ráðgjafi menntamálaráðherra.

Innlent 14.10.2005 06:40

Myndbandið talið mánaðagamalt

Myndband þar sem næstráðandi al-Kaída samtakanna og einn tilræðismannanna frá því í árásunum á Lundúnir í júlí ræða um hryðjuverkin hefur vakið hörð viðbrögð í Bretlandi.

Erlent 14.10.2005 06:40

Einbýlishús eyðilagðist í bruna

Tveggja hæða hús eyðilagðist í bruna á Siglufirði í nótt. Slökkviliði Siglufjarðar var tilkynnt um eld í gömlu tveggja hæða steinsteyptu einbýlishúsi að Mjóstræti 1 um klukkan tvö í nótt. Að sögn lögreglunnar á Siglufirði var mikill eldur í húsinu þegar slökkvilið kom á staðinn skömmu síðar og logaði út um glugga á neðri hæð.

Innlent 14.10.2005 06:40

Sprengingar í New Orleans

Miklar sprengingar heyrðust í New Orleans nú fyrir stundu, en enn er ekki vitað hvað sprakk eða hvers vegna. Óöld og stjórnleysi ríkja í borginni þar sem vopnuð glæpagengi fara um og stela öllu steini léttara. Lögreglumenn segja fólk hafa verið myrt og konum hafa verið nauðgað inni í Superdome-íþróttahöllinni þar sem þúsundir hafa leitað skjóls.

Erlent 14.10.2005 06:40

Hugmyndir móðgun við Álftnesinga

Guðmundur A. Gunnarsson, bæjarstjóri á Álftanesi, segir að Sturla Böðvarsson samgönguráðherra eigi að segja af sér, fyrir að móðga bæjarbúa með óskynsamlegu tali um að honum lítist betur á að flytja innanlandsflugið til Álftaness en á Löngusker.

Innlent 14.10.2005 06:40

Árangurinn óásættanlegur

George Bush Bandaríkjaforseti hefur orðið fyrir mikilli gagnrýni vegna viðbragða yfirvalda við fellibylnum Katrínu. Hann heimsótti hörmungasvæðið í gær og sagði af því tilefni að árangurinn af hjálparstarfinu væri ekki ásættanlegur.

Erlent 14.10.2005 06:40

Byggja ferðaþjónustu á Ingólfi

Íbúar í Dalsfirði í Noregi ætla að nota frægð Ingólfs Arnarsonar til að byggja upp ferðaþjónustu fyrir Íslendinga á heimaslóðum fyrsta landnámsmanns Íslands. Oddviti sveitarfélagsins vill fá íslensk stjórnvöld til samstarfs um að byggja upp Íslandshús á staðnum þar sem Ingólfur yfirgaf Noreg.

Erlent 14.10.2005 06:40

Algert stjórnleysi í New Orleans

Miklar sprengingar heyrðust í New Orleans um hálftíuleytið í morgun. Ekki er enn vitað um skemmdir eða manntjón. Algert stjórnleysi ríkir nú í borginni, þar sem vopnuð glæpagengi fara um og myrða, nauðga og stela. Von er á Bush Bandaríkjaforseta í heimsókn til borgarinnar í dag.

Erlent 14.10.2005 06:40

Ráðherra segi af sér vegna ummæla

Guðmundur Gunnarsson, bæjarstjóri Álftaness, sagði í viðtali í Íslandi í bítið fyrr í morgun að Sturla Böðvarsson samgönguráðherra ætti að segja af sér eftir ummæli sín í fréttum í gær. Þá sagði Sturla að sér litist betur á að hafa flugvöll á Álftanesi en á Lönguskerjum.

Innlent 14.10.2005 06:40

Dæmdur í fangelsi sextán ára

Sextán ára gamall piltur var í gær dæmdur í 16 mánaða fangeldi fyrir fjölda innbrota og þjófnaðarmála, en ákæruliðir voru yfir 20 talsins. Dóminn kvað upp Guðjón St. Marteinsson héraðsdómari í Héraðsdómi Reykjavíkur.

Innlent 14.10.2005 06:40

Vill fé til að mæta umönnunarvanda

Steinunn Valdís Óskarsdóttir borgarstjóri hefur ákveðið að leggja fyrir borgarráð tillögur um sérstaka fjárheimild til að veita stjórnendum leikskóla og frístundaheimila olnbogarými til að greiða fyrir yfirvinnu og álag vegna undirmönnunar sem nú háir leikskólastarfi í borginni.

Innlent 14.10.2005 06:40

Tekið harðar á heimilisofbeldi

Björn Bjarnason, dóms- og kirkjumálaráðherra, hefur ákveðið að fylgja fram tillögum refsiréttarnefndar um að breyta hegningarlögum, til að unnt verið að bregðast harðar við heimilisofbeldi. Kom þetta fram í ræðu ráðherrans í dag á norrænni ráðstefnu um baráttu gegn kynbundnu ofbeldi, sem haldin er hér á landi að frumkvæði Stígamóta.

Innlent 14.10.2005 06:40

Sautján látnir í slysi í S-Afríku

Sautján Simbabvemenn léstust þegar yfirfull smárúta steyptist fram af klettum og ofan í fljót í Suður-Afríku í dag. Bílstjóri rútunnar hafði brugðið sér út úr henni til að létta á sér þegar rútan rann af stað með fyrrgreindum afleiðingum. Ekki er ljóst hvers vegna rútan rann af stað en hugsanlegt er að bremsur hennar hafi bilað.

Erlent 14.10.2005 06:40

Sprengjutilræði í Dagestan

Þrír létust og ellefu særðust í sprengingu nærri hermannabröggum í Dagestan í Rússlandi í dag. Í fyrstu var talið að herflutningabíll hefði sprungið en Reuters-fréttastofan hefur eftir vitnum að engin ummerki hafi verið um farartæki á vettvangi. Þá segja hermenn að sprengjan hafi sprungið við venjubundna leit að sprengjum á götunni þar sem braggarnir standa.

Erlent 14.10.2005 06:40

Beltin björguðu vörubílstjóra

Bílbelti björguðu ökumanni vörubifreiðar frá meiðslum þegar vegkantur gaf sig undan bílnum þar sem hann var á ferð í Melasveit um klukkan tvö í gærdag.

Innlent 14.10.2005 06:40

Gölluðu strætókerfi breytt

Margvíslegar breytingar á leiðakerfi Strætó bs. voru samþykktar á fundi stjórnar fyrirtækisins í gær. Tímatöflum verður breytt, tengingar á skiptistöðvum lagfærðar og þjónustutími lengdur. Þegar er farið að bæta fleiri vögnum inn á leiðirnar.

Innlent 14.10.2005 06:40

Ókeypis tímar í þjóðhagfræði

Viðskipta- og hagfræðideild Háskóla Íslands ætlar að brydda upp á þeirri nýbreytni í haust að bjóða öllum áhugamönnum um hagfræði og efnahagsmál að sækja háskólafyrirlestra um þjóðhagfræði sér að kostnaðarlausu.

Innlent 14.10.2005 06:40

ESB sendir olíu til Bandaríkjanna

Evrópusambandið mun senda hluta af olíuneyðarbirgðum sínum til Bandaríkjanna til þess að hjálpa þeim að takast á við erfitt ástand í orkumálum eftir yfirreið fellibylsins Katrínar. Stór hluti olíuborpalla og olíuhreinsistöðva í og við Mexíkóflóa er óstarfhæfur eftir hamfarirnar og hefur framleiðsla á olíu dregist saman um milljón tunnur á dag af þeim sökum.

Erlent 14.10.2005 06:40

43 prósent hlynnt aðild að ESB

Litlar breytingar virðast hafa orðið á afstöðu Íslendinga til aðildar að Evrópusambandinu eftir að Frakkar og Hollendingar höfnuðu stjórnarskrá sambandsins. Þetta leiðir ný könnun sem IMG Gallup gerði fyrir Samtök iðnaðarins í ljós. 43 prósent svarenda í könnuninni reyndust hlynnt Evrópusambandsaðild en 37 prósent andvíg henni.

Innlent 14.10.2005 06:40

Hafa aðeins selt eitt fjöltengi

Ikea hefur innkallað Rabalder-fjöltengi sem hafa verið í sölu um allan heim frá því í apríl á þessu ári en byrjað var að selja vöruna hér á landi þann 10. ágúst. Jóhannes Rúnar Jóhannesson, framkvæmdastjóri Ikea, segir þetta vera fyrirbyggjandi aðgerðir en galli varð við samsetningu á einhverjum tengjanna sem getur hafa valdið því að vírar í því hafi marist og skemmst.

Innlent 14.10.2005 06:40

Ákært fyrir framleiðslu amfetamíns

Sameinuð voru mál á hendur 34 ára gömlum manni sem setið hefur í gæsluvarðahaldi í rúma fjóra mánuði í Héraðsdómi Reykjavíkur í gær. Maðurinn var ákærður fyrir að hóta og svo ráðast á prófessor í réttarlæknisfræði þannig að sá hlaut af nokkur meiðsli í mars á þessu ári.

Innlent 14.10.2005 06:40

Fats er fundinn

Ryþmablússöngvarinn Fats Domino er kominn í leitirnar en hans hafði verið saknað eftir að fellibylurinn Katrín gekk yfir sunnanverð Bandaríkin.

Erlent 14.10.2005 06:40

Ný stefna í flugvallarmáli

Ekki er nema hálft ár frá því að Steinunn Valdís Óskarsdóttir borgarstjóri boðaði að Reykjavíkurflugvöllur yrði áfram í Vatnsmýri en í smækkaðri mynd. Nú hefur flugvallarmálið tekið algerlega nýja stefnu.

Innlent 14.10.2005 06:40

Kenna sjö hundruð útlendingum

Mímir-Símenntun mun taka að sér íslenskukennslu um sjö hundruð útlendinga en síðustu árin hafa Námsflokkar Reykjavíkur haft umsjón með henni.

Innlent 14.10.2005 06:40

Stjórnleysi og óöld í miklum hita

Algert stjórnleysi og óöld virðist ríkja í New Orleans fimm dögum eftir að fellibylurinn Katrín lagði borgina í rúst. Glæpalýður myrðir, stelur og nauðgar og íbúar híma enn á húsþökum matar- og vatnslausir, í meira en 30 stiga hita.

Erlent 14.10.2005 06:40

Helmingsmunur á körfum

Tæplega 50 prósenta munur var á hæsta og lægsta verði vörukörfu þegar verðlagseftirlit ASÍ kannaði verð í stórmörkuðum á höfuðborgarsvæðinu fyrr í vikunni. Kom í ljós að vörukarfan var ódýrust í verslun Bónuss þar sem hún kostaði rúmlega 5.500 krónur, en hún var dýrust í Hagkaupum og kostaði rúmlega 8.200 krónur.

Innlent 14.10.2005 06:40

Neyðarástand á leikskólum

Um hundrað starfsmenn vantar í leikskóla Reykjavíkurborgar en engar tölur eru til um fjölda barna á biðlista eftir plássi vegna þessa. Borgarstjóri heitir auknu fjárframlagi svo leysa megi starfsmannavandann. Auk þessa vantar um hundrað starfsmenn á frístundaheimili borgarinnar. </font /></b />

Innlent 14.10.2005 06:40

Nauðstöddum berst loks aðstoð

Fjórum dögum eftir að fellibylurinn Katrín gekk yfir suðurríki Bandaríkjanna barst nauðstöddum á hamfarasvæðunum loks aðstoð í gær, þegar þúsundir liðsmanna bandaríska þjóðvarðliðsins, hlaðnir vopnum, búnaði og vistum, komust þangað. Aðalverkefni hermannanna var að koma á lögum og reglu, auk þess að aðstoða nauðstadda.

Erlent 14.10.2005 06:40