Fréttir

Vekja foreldra til umhugsunar

Átakið verndum bernskuna hófst með pompi og prakt í Rimaskóla í dag. Það er forsætisráðuneytið, biskup Íslands, Velferðarsjóður barna, umboðsmaður barna og Samtökin heimili og skóli sem standa að átakinu. Átakinu er ætlað að vekja foreldra og uppalendur til umhugsunar um uppeldi barna sinna en það stendur í tíu mánuði.

Innlent 14.10.2005 06:41

Niðurstaða staðfesti hroðvirkni

Ef það verður niðurstaða Héraðsdóms að átján ákæruliðir af 40 séu ekki dómtækir, eftir þriggja ára rannsókn efnahagsbrotadeildar þá staðfestir það hversu hroðvirknislega málið er unnið, segir Einar Þór Sverrisson, verjandi Jóhannesar Jónssonar, í Baugsmálinu svokallaða. Hann telur heimildir til lagfæringar ákæranna mjög takmarkaðar.

Innlent 14.10.2005 06:40

Hefði viljað hafa Davíð áfram

Halldór Ásgrímsson, forsætisráðherra, hefði frekar kosið að hafa Davíð Oddsson áfram í ríkisstjórn. Hann segir að stjórnin sé veikari eftir - fyrst um sinn.

Innlent 14.10.2005 06:41

Klukka gengur á fleiri en skákmenn

Að loknum sameiginlegum miðstjórnar- og þingflokksfundi Sjálfstæðisflokksins í gær tilkynnti Davíð Oddsson þá ákvörðun sína að bjóða sig ekki fram til áframhaldandi formennsku í Sjálfstæðisflokknum á landsfundi flokksins í næsta mánuði. Jafnframt lætur Davíð af embætti utanríkisráðherra á ríkisráðsfundi 27. september næstkomandi.

Innlent 14.10.2005 06:41

Réttindi verði skert vegna varna

Þegnar ríkja Evrópusambandsins kunna að þurfa að sætta sig við afnám einhverra borgaralegra réttinda ef á að vera hægt að verja þá fyrir hryðjuverkamönnum og skipulagðri glæpastarfsemi.

Erlent 14.10.2005 06:40

Talabani til Washington

George Bush Bandaríkjaforseti tekur í næstu viku á móti Jalal Talabani, forseta Íraks, í Washington þar sem þeir munu ræða stöðu nýrrar stjórnarskrár í Írak og stríðið gegn hryðjuverkum. Nokkur styrr hefur staðið um íröksku stjórnarskrána sem samþykkt var á írakska þinginu síðasta mánuði og hafa súnnítar heitið því að vinna gegn því að hún verði samþykkt í þjóðaratkvæðagreiðslu 15. október.

Erlent 14.10.2005 06:41

Farið of geyst með ráðstöfun fjár

Formaður Samfylkingarinnar telur ríkisstjórnina fara of geyst í að ráðstafa fénu, sem fékkst fyrir sölu Símans, fram í tímann. Hún telur farsælla að leggja peningana til hliðar og ávaxta þá fyrst um sinn í stað þess að ráðstafa fénu fram í tvö næstu kjörtímabil.

Innlent 14.10.2005 06:41

Bilið milli fylkinga minnkar

Heldur hefur dregið saman með kristilegum demókrötum og jafnaðarmönnum í Þýskalandi eftir sjónvarpskappræður leiðtoga flokkanna á sunnudagskvöld. Gerhard Schröder, núverandi kanslari, var almennt talinn hafa staðið sig heldur betur í kappræðunum en á móti kemur að Angela Merkel stóð sig samt betur en flestir höfðu átt von á.

Erlent 14.10.2005 06:41

Seðlabankinn á kolrangri leið

Seðlabankinn er á kolrangri leið í vaxtamálum, segir varaformaður fjárlaganefndar Alþingis. Húsnæðiskostnaður er aðal þensluhvatinn í efnahagslífinu, en þáttur stóriðjunnar er miklu minni en búist var við vegna fjölda erlendra starfsmanna. Lagt hefur verið til að fjölga þeim ennfrekar.

Innlent 14.10.2005 06:41

Virði ákvörðun Davíðs

"Davíð Oddsson á mjög farsælan feril í stjórmálum. Hann hefur verið í forystu íslenskra stjórnmála um langt skeið og reynst bæði traustur og úrræðagóður," segir Halldór Ásgrímsson forsætisráðherra.

Innlent 14.10.2005 06:41

Davíð jafnvel sá sterkasti

Gunnar Helgi Kristinsson, prófessor í stjórnmálafræði við Háskóla Íslands segir að stærstu stundirnar í pólitískum ferli Davíðs Oddssonar hljóti að vera þegar hann var kjörinn borgarstjóri 1982 og formaður Sjálfstæðisflokksins og forsætisráðherra 1991.

Innlent 14.10.2005 06:41

Ætti að vera líflátinn

Saddam Hussein hefur játað að hafa framið morð og aðra glæpi á valdatíma sínum, að því er forseti Íraks, Jalal Talabani, skýrir frá. Meðal þeirra glæpa sem Saddam hefur játað á sig eru fjöldamorð á Kúrdum á síðari hluta níunda áratugarins.

Erlent 14.10.2005 06:41

Kom mörgum í opna skjöldu

Ákvörðun Davíðs að láta af þingmennsku og ráðherraembætti kom mörgum helstu samstarfsmönnum hans í opna skjöldu sem vildu ekki trúa því þótt sagt hefði verið frá því í hádegisfréttum fréttastofu Stöðvar 2 og Bylgjunnar í dag.

Innlent 14.10.2005 06:41

Búast við að flokkur mildist

Davíðs Oddssonar verður minnst sem eins af stórleikurunum á hinu pólitíska sviði, segja formenn Samfylkingarinnar og Vinstri grænna. Þeir búast við að Sjálfstæðisflokkurinn mildist eitthvað við brottför Davíðs.

Innlent 14.10.2005 06:41

Samningaviðræður hangi á bláþræði

Samningaviðræður SFR við Samtök fyrirtækja í heilbrigðisþjónustu (SFH) hanga nú á bláþræði eftir að samninganefnd SFH tilkynnti seint í gærkvöld þegar nýr samningur lá fyrir að hún treysti sér ekki til að skrifa undir, en samningafundur hafði þá staðið allan daginn.

Innlent 14.10.2005 06:40

Skilur eftir sig stórt skarð

"Þetta eru heilmikil tímamót og ég óska Davíð Oddssyni og hans fjölskyldu alls góðs og fyrst og síðast góðrar heilsu og langra lífdaga," segir Steingrímur J. Sigfússon, formaður Vinstri grænna.

Innlent 14.10.2005 06:41

Fundað um vaxta- og gengismál

Fundur efnahags- og viðskiptanefndar Alþingis um vaxta- og gengismál hófst klukkan hálfníu í morgun. Nú rétt fyrir fréttir stóð fundurinn enn yfir.

Innlent 14.10.2005 06:40

Geðlæknar mæla með öryggisvistun

Aðskilin voru í Héraðsdómi Reykjavíkur í gær mál á hendur manni sem sameinuð voru viku fyrr. Hæstiréttur ógilti í fyrradag gæsluvarðhaldsúrskurð yfir manninum sem geðlæknar segja hættulegan. Vísað er til Jónsbókar vegna miskabóta.

Innlent 14.10.2005 06:41

Einn sá hæfasti horfinn af þingi

Bjarni Benediktsson segir Sjálfstæðisflokkinn sjá á eftir einum mesta stjórnmálaleiðtoga sem uppi hefur verið síðan lýðveldi Íslands var stofnað.

Innlent 14.10.2005 06:41

Tók ákvörðunina einn

"Það veit enginn hvernig flokkurinn verður án Davíðs," segir Einar Oddur Kristjánsson, þingmaður Sjálfstæðisflokksins. "Davíð tók þessa ákvörðun einn og við trúum því og treystum að hann hafi verið að meta það rétt."

Innlent 14.10.2005 06:41

Eldur við vélsmiðju

Eldur kom upp í skúr við Óseyrarbraut 3 í Hafnarfirði um klukkan fimm í gær. Þar sem skúrinn er áfastur vélsmiðju var talin mikil hætta á að eldurinn kæmist í húsnæðið og því var allt slökkvilið höfuðborgarsvæðisins kallað út.

Innlent 14.10.2005 06:41

Heimilar brottflutning með valdi

Enn eru um tíu þúsund manns í New Orleans og allt kapp er lagt á að koma þeim burt úr borginni. Her- og lögreglumenn gengu hús úr húsi í gærkvöldi og í nótt til að hafa uppi á fólki og hvetja það til að fara burt. Borgarstjóri New Orleans, Ray Nagin, hefur nú heimilað brottflutning með valdi, en hann segir það algera fásinnu að fólki sem ekki yfirgefi borgina sé meinað um mat og vatn, eins og haldið var fram í gær.

Erlent 14.10.2005 06:40

Moussa Arafat skotinn til bana

Moussa Arafat, fyrrverandi yfirmaður öryggismála í Palestínu, var myrtur í morgun. Tugir byssumanna skutu úr sprengjuvörpum á heimili Arafats og réðust síðan inn og skutu hann til bana að sögn vitna. Ekki er ljóst hvort sonur hans, sem einnig var heima, náði að flýja eða hvort honum var rænt.

Erlent 14.10.2005 06:40

Leituðu konu við Stokkseyri

Björgunarsveitir í Árnessýslu vour kallaðar út klukkan hálftíu í morgun til að leita að vistmanni frá hjúkrunarheimilinu Kumbaravogi á Stokkseyri. Um klukkan 10.30 var svo ákveðið að senda sérhæfða leitarhópa og leitarhunda til leitar frá höfuðborgarsvæðinu. Einnig var einkaflugvél notuð við leitina. Um klukkan 10.50 fundu björgunarsveitarmenn konuna heila á húfi skammt frá Kumbaravogi og í kjölfarið voru björgunarsveitir afturkallaðar.

Innlent 14.10.2005 06:41

Forsetakosningar í Egyptalandi

Í morgun opnuðu kjörstaðir í Egyptalandi, en þar fara í dag fram fyrstu lýðræðislegu forsetakosningarnar. Mjög fáir hafa nýtt atkvæðisrétt sinn á fyrstu klukkutímunum, en fastlega er búist við að Hosni Mubarak nái kjöri og hefji í kjölfarið sitt fimmta kjörtímabil.

Erlent 14.10.2005 06:40

Fimm látnir af völdum sýkinga

Fimm manns eru taldir hafa látist af völdum sýkinga sem rekja má til mengaðs vatns í kjölfar yfirreiðar fellibylsins Katrínar yfir suðurríki Bandaríkjanna. Frá þessu greindu sóttvarnayfirvöld í Bandaríkjunum í dag. Svo virðist sem fólkið hafi sýkst af bakteríu sem skyldi er kólerubakteríunni og er algeng í sjó í Mexíkóflóa.

Erlent 14.10.2005 06:41

Passar upp á gengið

Gunnar I. Birgisson, bæjarstjóri í Kópavogi, segir að mikill missir verði að Davíð þegar hann hættir afskiptum af stjórnmálum. "Hann er sá stjórnmálamaður sem hefur komið hvað mestu í verk af íslenskum stjórnmálamönnum, bæði fyrr og síðar og hefur gjörbreytt þessu samfélagi."

Innlent 14.10.2005 06:41

Þrettán látnir af völdum Nabi

Þrettán eru látnir og annarra þrettán er saknað eftir að fellibylurinn Nabi reið yfir suðurhluta Japans. 300.000 manns flúðu heimili sín, en fellibylnum fylgdi eitt þúsund millímetra úrkoma. Nabi er óðum að missa mátt og er nú flokkaður sem hitabeltisstormur.

Erlent 14.10.2005 06:40

Herði aðgerðir gegn hryðjuverkum

Búist er við því að Bretar þrýsti á aðrar Evrópusambandsþjóðir um að taka til athugunar að herða aðgerðir gegn hryðjuverkum, en Bretar ætla meðal annars að setja lög sem leyfa að vísa fólki úr landi verði það uppvíst að því að hvetja til hryðjuverka.

Erlent 14.10.2005 06:41

Fagnar boðuðum samgöngubótum

Borgarstjórn Reykjavíkur fagnar þeirri ákvörðun ríkisstjórnarinnar að leggja áherslu á samgöngubætur í höfuðborginni við ráðstöfun söluandvirðis Landsíma Íslands. Sérstaklega er því fagnað að ákveðið hafi verið að leggja átta milljarða króna til fyrsta áfanga Sundabrautar á árunum 2007-2010 og að ekki séu uppi áform um gjaldtöku af umferð um mannvirkið.

Innlent 14.10.2005 06:40