Fréttir

Svandís bar sigur úr býtum

Svandís Svavarsdóttir var hlutskörpust í forvali Vinstri grænna í Reykjavík í gær. Árni Þór Sigurðsson skipar annað sæti á lista flokksins í vor og Þorleifur Gunnlaugsson það þriðja.

Innlent 23.10.2005 15:01

Síðasta áfangi Nesjavallavirkjunar

Í morgun var síðasti áfangi Nesjavallavirkjunar vígður. Fysti áfangi virkjunarinnar var gangsettur árið 1990, en með tilkomu hennar hófst nýr kafli í hitaveitusögu höfuðborgarsvæðisins og var þar með úr sögunni skortur á heitu vatni sem hafði verið yfir vofandi um árabil.

Innlent 23.10.2005 15:01

Vörubíll valt á Öxnadalsheiði

Vörubíll valt á Öxnadalsheiði um tíuleytið í gærkvöldi. Að sögn lögreglunnar á Akureyri mætti bílstjóri vörubílsins öðrum bíl og til að forða árekstri sveigði hann út af veginum. Bílstjórinn slasaðist ekki og skreið sem var á vörubílspallinum hreyfðist vart úr stað.

Innlent 23.10.2005 15:01

Hrapaði við smalamennsku

Maður var fluttur alvarlega slasaður með þyrlu Landhelgisgæslunnar á slysadeild, eftir að hafa hrapað úr klettabelti í Bitrufirði þar sem hann var við smalamennsku.

Innlent 23.10.2005 15:01

Starfsmenn létu af aðgerðum

Starfsmenn Slippstöðvarinnar að létu af aðgerðunum í samráði við lögfræðing sinn á sjötta tímanum í dag. Sú ákvörðun var tekin eftir fundahöld með lögmanni fyrirtækisins og stjórnarformanni. Starfsmenn hafa þó ekki fengið tryggingu fyrir því að laun þeirra verði greidd.

Innlent 23.10.2005 15:01

Bóndi slasast við smölun

<p>Bóndi slasaðist alvarlega er hann hrapaði í klettum fyrir ofan bæinn Þórustaði í Bitrufirði á Ströndum er hann var að smala fé. Ekki náðist samband við lögreglu fyrr en þremur tímum eftir slysið þar sem það átti sér stað á svæði utan símasambands.

Innlent 23.10.2005 15:01

Tíu látnir í árás bandaríska hersins í Írak

Að minnsta kosti tíu menn féllu og um tugur særðist þegar bandarískar og írakskar hersveitir gerðu árás á bæi í vesturhluta Íraks, skammt frá landamærum Sýrlands, í morgun.

Erlent 23.10.2005 15:01

Yfirvöld á hættulegri braut

Fræðimenn eru sammála um að mjög ríkar ástæður verði að búa að baki lögbanni á birtingu upplýsinga sem fjölmiðlar búa yfir. Lektor við Háskólann á Akureyri segir yfirvöld á hættulegri braut í málinu.

Innlent 23.10.2005 15:01

Herinn verður í Írak segir Rice

Condoleezza Rice, utanríkisráðherra Bandaríkjanna, segir að ekki komi til greina að senda bandaríska herinn frá Írak. Hún telur að það geti haft skelfilegar afleiðingar að yfirgefa landið og láta þannig stjórn landsins í hendur samviskulausra morðingja.

Erlent 23.10.2005 15:01

Alþingi Íslendinga sett

Forseti Íslands, Ólafur Ragnar Grímsson, talaði meðal annars um lýðræði og þær breytingar sem orðið hafa á fréttaflutningi í ræðu sinni við setningu 132. löggjafarþings Íslendinga í gær.

Innlent 23.10.2005 15:01

Kynna nýtt skipulag miðbæjar Selfoss

Áætlanir eru uppi um að gerbreyta miðbæ Selfoss og gera yfirbragðið reisulegra.  Fasteignafélagið Miðjan kynnir í dag niðurstöður skipulagsvinnu sem nú er á lokastigi. Gert er ráð fyrir veitingastöðum, samkomusvæði, íþróttavöllum, leiksvæðum, göngugötu og miðbæjartorgi.

Innlent 23.10.2005 15:01

Fjórða hvert barn í hættu

Eitt af hverjum fjórum fæddum börnum í heiminum er í hættu vegna sjúkdóma sem hægt væri að koma í veg fyrir með einfaldri bólusetningu. Þetta kemur fram í nýrri skýrslu Barnahjálpar Sameinuðu þjóðanna.

Erlent 23.10.2005 15:01

Saka hvort annað um óhæfi

Gerhard Schröder, kanslari Þýskalands og leiðtogi Jafnaðarmanna, og Angela Merkel, leiðtogi Kristilegra demókrata, eru enn langt frá því að leysa ágreining sinn um það hvort þeirra skuli leiða stjórnarmyndunarviðræður í landinu. Í dag sökuðu þau hvort annað um að vera óhæf til að leiða landið.

Erlent 23.10.2005 15:01

Bleikir Bessastaðir

Bessastaðir voru lýstir upp í bleikum lit í gærkvöld í tilefni af því að októbermánuður er helgaður vitundarvakningu um brjóstakrabbamein.

Innlent 23.10.2005 15:01

Sprengja á Bali

Í það minnsta 25 biðu bana í tvöföldu sprengjutilræði á veitingahúsum á eynni Balí á Indónesíu um kvöldmatarleytið í gær. 51 slasaðist alvarlega. Enn er ekki búið að bera kennsl á líkin en talið er að þau séu bæði af innfæddum og útlendingum.

Erlent 23.10.2005 15:01

Ný Nesjavallavirkjun í notkun

Síðasti áfangi Nesjavallavirkjunar var vígður klukkan ellefu í gærmorgun. Það var þrjátíu megavatta gufuhverfill sem var tekinn í notkun í gær en fyrsti áfangi virkjunarinnar var 100 megavatta varmaframleiðsla sem var gangsett 1990.

Innlent 23.10.2005 15:01

Verið að fækka sveitarfélögum

Ef meirihluti íbúa allra sextíu og tveggja sveitarfélaganna, sem kjósa um sameiningu næsta laugardag, segir já, mun íslenskum sveitarfélögum fækka um nær helming. Slík þróun væri í ætt við það sem gerðist fyrir þrjátíu til fjörtutíu árum í nágrannalöndunum, segir prófessor í stjórnmálafræði.

Innlent 23.10.2005 15:01

Átu milliveggi

New Jersey ríki hefur verið dæmt til að greiða fjórum ungum bræðrum jafnvirði 760 milljóna króna í skaðabætur en starfsmönnum félagsmálayfirvalda yfirsást að fósturforeldrar þeirra höfðu svelt þá árum saman.

Erlent 23.10.2005 15:01

Nýr miðbær á Selfossi

Miklar breytingar eru fyrirhugaðar á miðbæ Selfoss. Hugmyndin er að í miðbænum verði fjölskyldugarður með fjölbreyttri þjónustu og ýmsum afþreyingarmöguleikum. Meðal annars er áætlað að veitingastaðir, íþróttavöllur, samkomusvæði, leikvöllur, göngugata og torg verði í miðbænum.

Innlent 23.10.2005 15:01

Alþingi sett í dag

Hundrað þrítugasta og annað löggjafarþing Íslendinga verður sett í dag. Þingsetningarathöfnin hefst nú klukkan hálftvö með guðsþjónustu í Dómkirkjunni, þar sem séra Valgeir Ástráðsson, predikar og þjónar fyrir altari, ásamt biskupi Íslands, Karli Sigurbjörnssyni.

Innlent 23.10.2005 15:01

Fimm stútar teknir í nótt

Fimm voru teknir fyrir ölvunarakstur í Reykjavík í nótt og reyndu tveir þeirra að stinga lögreglu af.

Innlent 23.10.2005 15:01

Tilraun til yfirklórs

"Mér finnst þetta vera tilraun til yfirklórs," segir Gunnlaugur M. Sigmundsson, fyrrverandi þingmaður, um skýringar Styrmis Gunnarssonar, ritstjóra Morgunblaðsins, á birtingu blaðsins á tölvupósti sínum í maí árið 1998. Styrmir sér ekkert athugavert við birtingu póstsins frá Gunnlaugi.

Innlent 23.10.2005 15:01

Varar við brottflutingi frá Írak

Condoleezza Rice, utanríkisráðherra Bandaríkjanna, varar við því að bandaríski herinn verði sendur frá Írak. Hún telur það geta haft skelfilegar afleiðingar að yfirgefa landið og láta þannig stjórn þess í hendur samviskulausra morðingja.

Erlent 23.10.2005 15:01

Tölvan áhrifameiri en þingið?

Forseti Íslands, Ólafur Ragnar Grímsson, sagði í þingsetningarræðu sinni í dag að frjálsræði hvers og eins til að velja sér upplýsingar væri nú meira en nokkru sinni og forræði valdsmanna á fréttum og umræðuefnum nánast horfið. Hann sagði þessa þróun geta á margan hátt orðið lýðræðinu til aukins þroska. Þá velti forsetinn upp þeirri spurningu hvort tölvan væri orðin þingmönnum öflugra áhrifatæki en ræðustóll Alþingis. 

Innlent 23.10.2005 15:01

Mega vera án réttinda

"Við tókum eftir því að ekki var verið að greiða þau gjöld sem kveðið er á um til stéttarfélagsins," segir Vilhjálmur Birgisson, formaður Verkalýðsfélags Akraness um á annan tug danskra iðnaðarmanna sem hafa starfað fyrir Ístak að stækkun Norðuráls. Félagið fór fram á að þau gjöld yrðu greidd.

Innlent 23.10.2005 15:01

Ríkar ástæður þarf fyrir lögbanni

Nánast má leggja það að jöfnu að gefa upp nöfn heimildarmanna og að setja lögbann á birtingu gagna. Þetta segir dr. Herdís Þorgeirsdóttir, lagaprófessor og sérfræðingur í fjölmiðlarétti , og vísar í dóma Mannréttindadómstóls Evrópu.

Innlent 23.10.2005 15:01

Hvatti til fóstureyðinga svartra

William Bennett, menntamálaráðherra í ríkisstjórn Ronalds Reagan, reitti stóran hluta Bandaríkjamanna til reiði í vikunni þegar hann sagði í útvarpsþætti sínum að ef börnum þeldökkra væri eytt á fósturstigi myndi draga úr glæpum.

Erlent 23.10.2005 15:01

Stóðu vörð í nótt

Starfsmenn Slippstöðvarinnar á Akureyri stóðu vörð um fyrirtækið í nótt. Þeir eiga laun hjá Slippstöðinni, en gjaldþrotabeiðni fyrirtækisins verður tekin fyrir á mánudag.

Innlent 23.10.2005 15:01

Tíu metra hár óvarinn brunnur

Lögreglan var kölluð út í dag vegna tíu metra djúps brunns við Korpuskóla í Grafarvogi, sem staðið hefur óvarinn um nokkurt skeið.

Innlent 23.10.2005 15:01

Sprengjutilræði á Balí

Minnst þrjátíu manns létu lífið og um hundrað særðust í tveimur sprengjutilræðum á Kuta-ströndinni á ferðamannaeynni Balí í Indónesíu í dag. Meðal þeirra sem létust voru vestrænir ferðamenn.

Erlent 23.10.2005 15:01