Fréttir

Fréttamynd

Rúmlega fimmtán þúsund sóttu Októberbíófest

Októberbíófest lauk formlega í gær. Hátíðin stóð yfir frá 26. október í Háskólabíói og Regnboga og hlaut hún frábærar viðtökur hjá áhorfendum, erlendum gestum og gagnrýnendum. Alls sóttu 15.500 manns hátíðina sem gerir hana að annarri aðsóknarhæstu hátið þessa árs.

Innlent
Fréttamynd

Góð rekstrarafkoma Hafnarfjarðarbæjar

Á fundi bæjarráðs Hafnarfjarðar í morgun, fimmtudaginn 17. nóvember, var lagt fram 9 mánaða uppgjör Hafnarfjarðarbæjar. Niðurstöðurnar eru jákvæðar fyrir bæjarfélagið og gefa fyrirheit um góða afkomu bæjarins.

Innlent
Fréttamynd

Handtekinn fyrir að afneita helförinni

Sagnfræðingurinn breski, David Irving, hefur verið handtekinn í Austurríki fyrir að afneita helförinni. Irving vakti fyrst athygli árið 2000 þegar hann lögsótti Bandaríkjakonuna Deborah Lipstadt fyrir að segja hann afneita helförinni. Hann tapaði málinu og dómarinn sagði hann ekki bara afneita helförinni heldur væri hann gyðingahatari og rasisti og að hann tengdist hægri öfgamönnum sem styðja ný-nasisma.

Erlent
Fréttamynd

Gæsluvarðhald staðfest

Hæstiréttur staðfesti í dag gæsluvarðhaldsúrskurð Héraðsdóms Reykjavíkur yfir albönskum karlmanni sem grunaður er um morð í Grikklandi.

Innlent
Fréttamynd

Leiðtogi stjórnarandstöðu Úganda enn í fangelsi

Bandaríkin krefjast skjótra réttarhalda yfir leiðtoga stjórnarandstöðunnar í Úganda, Dr. Kizza Besigye. Forseti Úganda, Yoweri Museveni, lét handtaka Dr. Besigye, eftir að hann sneri aftur úr fimm ára útlegð sem hann lagðist í eftir að hafa boðið sig fram í forsetakosningum gegn forsetanum. Hann er kærður fyrir landráð og nauðgun. Eiginkona Dr. Besigye, og fyrrum þingkona, Winnie Banyima, segir ákærurnar tilbúning. Dr. Besigye er helsta ógn Museveni í komandi kosningum snemma á næsta ári.

Erlent
Fréttamynd

Flestir þreyttu samræmdu prófin

97 prósent nemenda í fjórða og sjöunda bekk grunnskóla þreyttu samræmd próf í stærðfræði og íslensku í síðasta mánuði. Einn af hverjum þrjátíu nemendum fékk hins vegar undanþágu frá Námsmatsstofnun og þurfti því ekki að þreyta prófin.

Innlent
Fréttamynd

Gary Neville snýr aftur í kvöld

Gary Neville mun í kvöld leika sinn fyrsta leik síðan í ágúst, þegar hann leikur með varaliði Manchester United gegn West Brom. Neville meiddist á nára í leik gegn Villareal í Meistaradeildinni, en er nú óðum að braggast. Þá er fyrirliðinn Roy Keane farinn að æfa á ný eftir að hafa verið meiddur lengi, en nokkuð er í að hann geti byrjað að spila.

Sport
Fréttamynd

N-Kóreubúar losi sig við kjarnorkuvopn

Kjarnorkuvopn í Norður-Kóreu eru óásættanleg segja George W. Bush, forseti Bandaríkjanna og Roh Moo Hyun, forseti Suður-Kóreu. George W. Bush segir að Norður-Kóreubúar muni ekki fá kjarnakljúf sem þeir vilja til orkuframleiðslu fyrr en þeir geti sannað að þeir hafi bæði afvopnast kjarnorkuvopnum og hætt kjarnorkuáætlunum sínum.

Erlent
Fréttamynd

Íslandsbanki metinn á rúmlega 200 milljarða

Íslandsbanki er nú metinn á tæplega tvöhundruð og fimmtán milljarða króna eftir níu mánaða uppgjör félagsins. Miðað er við 16,8 krónur á hlut á 12.783 milljóna útistandandi hlutafé í lok september.Greiningardeild Íslandsbanka vann verðmatið og segir talsvert breyttar forsendur liggja að baki nýju mati miðað við þær forsendur sem gerðar voru í síðasta verðmati í lok desember 2004.

Innlent
Fréttamynd

Flóttamenn koma til Reykjavíkur

Borgarstjóri og félagsmálaráðherra undirrituðu í dag samning þess efnis að Reykjavíkurborg tekur á móti flóttamönnum sem koma hingað til lands á næsta ári. Flóttamennirnir munu dvelja í Reykjavík og njóta þjónustu borgarinnar og Rauða kross Íslands.

Innlent
Fréttamynd

Fékk einn mánuð fyrir fíkniefnasölu

Héraðsdómur Vestfjarða dæmdi mann á þrítugsaldri í eins mánaðar fangelsi fyrir vörslu fíkniefna af ýmsu tagi. Hafði hann innanklæða E- pillur, amfetamín og kókaín. Einnig var hann ákærður fyrir að hafa selt tveimur aðilum E-pillur. Ákærði játaði sök og var dæmdur til eins mánaðar skilorðsbundinnar fangelisisvistar. Litið var til þess í dómnum að hann hafði ekki gerst brotlegur áður.

Innlent
Fréttamynd

Hefur ekki áhyggjur af miklu álagi

Steven Gerrard, fyrirliði Liverpool, segir að hann hafi ekki áhyggjur af því auka álagi sem fylgir þáttöku Liverpool í heimsmeistaramóti félagsliða sem fram fer í Japan dagana 15.-18 desember næstkomandi.

Sport
Fréttamynd

Væntingar stjórnenda stórfyrirtækja góðar

Í nýlegri Gallup könnun þar sem könnuð var staða og framtíðarhorfur stærstu fyrirtækja landsins kemur fram að forráðamenn fyrirtækjanna telja aðstæður í efnahagslífinu í dag almennt góðar. Sjötíu prósent aðspurðra voru bjartsýnir en um tuttugu prósent telja aðstæður hins vegar slæmar.

Innlent
Fréttamynd

Versta frammistaða sem ég hef séð

John Toshack, landsliðsþjálfari Wales, sagði að frammistaða leikmanna sinna í tapinu gegn Kýpur í gær, hefði verið sú versta sem hann hefði séð á ævi sinni. Wales tapaði 1-0, en þetta var vináttuleikur þjóðanna.

Sport
Fréttamynd

Krókódíll veldur usla á flugvallarsvæði í Miami

Heldur óvenjulegur gestur komst inn á flugvöll í Miami í Bandaríkjunum í gær. Um var að ræða tæplega tveggja metra krókódíl sem hafði komið sér inn á flugvallarsvæðið og ætt yfir nokkrar af flugbrautunum áður en hann kom sér fyrir á grasflöt á vallarsvæðinu.

Erlent
Fréttamynd

David Duval í forystu í Japan

Kylfingurinn David Duval er mjög óvænt í forystu á Dunlop Phoenix mótinu í golfi sem fram fer í Japan um þessar mundir. Duval lék fyrsta hringinn í gær á 64 höggum, eða sex höggum undir pari. Hann hefur eins höggs forystu á Tiger Woods, sem hefur titil að verja á mótinu.

Sport
Fréttamynd

Landsliðshópurinn valinn í dag

Viggó Sigurðsson landsliðsþjálfari hefur gert fjórar breytingar á leikmannahóp sínum sem keppir þrjá æfingaleiki við Norðmenn hérlendis dagana 25.-28 nóvember, en í dag tilkynnti hann 16 manna hóp sinn.

Sport
Fréttamynd

Ásthildur Helgadóttir á leið í Kópavoginn

Knattspyrnudeild Breiðabliks hefur boðað til blaðamannafundar í íþróttahúsinu í Smáranum nú klukkan fjögur síðdegis þar sem tilkynnt verður að besta knattspyrnukona landsins, Ásthildur Helgadóttir, muni ganga í raðir félagsins. Ásthildur hefur spilað sem atvinnumaður í Svíþjóð undanfarið, en hefur hug á að ljúka ferlinum hér heima.

Sport
Fréttamynd

Þrír árekstrar í grækvöldi

Fjórir voru fluttir á slysadeild eftir þrjá harða árekstra í gærkvöldi. Þar af slasaðist einn lífshættulega í árekstri tveggja bíla á Kársnesbraut í Kópavogi á móts við Norðurver.

Innlent
Fréttamynd

Stjórnarandstaða Kanada vill fella stjórnina

Stjórnarandstaðan í Kanada mun að öllum líkindum fella frjálslynda minnihlutastjórn Paul Martin og koma af stað nýjum kosningum. Samkvæmt samkomulagi sem Íhaldsflokkurinn hefur gert við tvo aðra stjórnarandstöðuflokka verður forsætisráðherrann, Paul Martin, beðinn um að leysa upp þingið í janúar og hafa kosningar í febrúar. Verði hann ekki við þessari beiðni mun stjórnarandstaðan lýsa yfir vantrausti á stjórnina. Forsætisráðherrann er ekki andsnúinn kosningum en vill fremur hafa þær í apríl í þeirri von að reiði almennings vegna hneykslis er varðar misnotkun stjórnarflokksins á almannafé hafi rénað.

Erlent
Fréttamynd

Undirgöngin loguðu í slagsmálum

Landslið Tyrkja og Svisslendinga eiga ekki von á góðu frá Alþjóða Knattspyrnusambandinu eftir að uppúr sauð milli leikmanna og starfsmanna þegar þeir gengu af velli eftir viðureign liðanna í gær.

Sport
Fréttamynd

Guðjón Valur skoraði 12 í sigurleik

Landsliðsmaðurinn Guðjón Valur Sigurðsson heldur uppteknum hætti með liði sínu Gummersbach í þýsku úrvalsdeildinni í handknattleik, en Guðjón skoraði 12 mörk í sigri liðsins á Willemshaven í gærkvöld 28-21.

Sport

Mest lesið