Fréttir

Handspengjan sprakk í eldhúsinu

Karlmaður í Króatíu lést þegar handsprengja sprakk á heimili hans í borginni Split í dag. Samkvæmt lögreglu virðist sem maðurinn hafi óvart sprengt handsprengjuna en líklegt er talið að hann hafi haldið að hún væri óvirk. Sprengjan sprakk í eldhúsi heimilisins og særðust þrír í sprengingunni, þar á meðal eiginkona mannsins sem sögð er lífshættulega slösuð.

Erlent 13.10.2005 18:50

Allir yfir 200 þúsund krónur

Laun hjúkrunarfræðinga hækka að minnsta kosti um sautján prósent á einu ári með nýjum kjarasamningi Bandalags háskólamanna.

Innlent 13.10.2005 18:50

Segir Gunnar skorta reynslu

Guðjón Arnar Kristjánsson, formaður Frjálslynda flokksins, segist telja Gunnar Örlygsson efnilegan stjórnmálamenn en hann skorti reynslu til að fara í varaformannsembættið á landsþingi flokksins um næstu helgi. Hann segir að afbrot hans hafi verið flokknum erfið en fagnar því að málarekstrinum sé lokið.

Innlent 13.10.2005 18:50

Há sekt fyrir skattsvik

Tveir menn voru í dag dæmdir í Héraðsdómi Reykjavíkur í rúmlega níu milljóna króna sektir fyrir skattsvik. Mennirnir tveir ráku fyrirtækið Barter ehf. sem varð gjaldþrota árið 2000. Þeir stóðu ekki skil á staðgreiðslu sem var dregin af launum starfsmanna fyrirtækisins síðustu þrjú árin áður en það varð gjaldþrota, samtals rúmlega 4,5 milljónum króna.

Innlent 13.10.2005 18:50

Fá ekki að skoða herstöð aftur

Íranar höfnuðu beiðni eftirlitsmanna á vegum Sameinuðu þjóðanna um að skoða aftur Parchin-herstöðina, en Bandaríkjamenn grunar að þar hafi farið fram tilraunir í tengslum við kjarnavopnaframleiðslu.

Erlent 13.10.2005 18:50

Hækkanir á eldsneytisverði

Stóru olíufélögin þrjú, Esso, Skeljungur og Olís, hækkuðu öll eldsneytisverð hjá sér um mánaðamót, að sögn vegna hækkunar á heimsmarkaðsverði. Verðið er óbreytt hjá Atlantsolíu.

Innlent 13.10.2005 18:50

Kauphöllin áminnir Íbúðalánasjóð

Kauphöll Íslands hefur ákveðið að áminna Íbúðalánasjóð opinberlega fyrir brot á reglum Kauphallarinnar í tengslum við lánshæfismat á sjóðnum.

Viðskipti innlent 13.10.2005 18:50

Møllehøj er hæst

Nú hefur loksins verið skorið úr um hvaða fell er hæst í Danmörku. Það nefnist Møllehøj og er á Jótlandi.

Erlent 13.10.2005 18:50

Árásin í Tel Aviv verk Sýrlendinga

Ísraelar fullyrða að Sýrlendingar hafi gefið fyrirskipun um hryðjuverkaárás í Tel Aviv um helgina. Fimm manns létu lífið og friðarferlið er í hættu.

Erlent 13.10.2005 18:50

Þinglýst til að verjast braski

Borgarráð tekur á næstunni ákvörðun um hvort 30 lóðum undir einbýlishús við Lambasel í Breiðholti verði úthlutað með hefðbundnum hattardrætti eða haldið verði útboð eins og gert var í Norðlingaholti. Lóðirnar verða fyrst auglýstar á næstunni í Stjórnartíðindum.

Innlent 13.10.2005 18:50

Bjartsýnni á lausn Fischer

Sæmundur Pálsson hélt áleiðis til Japans í morgun ásamt fríðu föruneyti til að sækja Bobby Fischer. Hann segist bjartsýnni en áður um að Fishcer verði látinn laus og ætlar að gefa sér tíu daga til að vinna að því í Japan.

Innlent 13.10.2005 18:50

Segir Evrópuumræðu leikrit

Steingrímur J. Sigfússon, formaður Vinstri - grænna, segir Evrópuumræðu Framsóknarflokksins um helgina að öllum líkindum leikrit til að breiða yfir innanbúðarátök í flokknum. Sé hins vegar um raunverulega stefnubreytingu að ræða geti það þrengt hjónabandsmarkaðinn fyrir Framsókn eftir næstu kosningar.

Innlent 13.10.2005 18:50

Réttarhaldið yfir Jacko hafið

Málflutningur hófst í gær í réttarhöldunum yfir Michael Jackson en hann er ákærður fyrir að hafa misnotað ungan pilt

Erlent 13.10.2005 18:50

Sérfræðingar til varnar hundi

Umhverfis- og heilbrigðisnefnd hefur nú til skoðunar úrskurð um að tíu ára collie-hundur skuli aflífaður. Hundurinn glefsaði í barn í annað sinn í fyrra og hefur nú lögmann, heilbrigðisvottorð og vitnisburði.</font /></b />

Innlent 13.10.2005 18:50

Býst við innrás Bandaríkjamanna

Bashar al-Assad, forseti Sýrlands, telur að Bandaríkjamenn hyggist ráðast á landið þar sem stjórnvöld í Washington beiti sér nú á svipaðan hátt gagnvart sýrlenskum yfirvöldum og þau gerðu gagnvart Írökum í aðdraganda innrásarinnar í Írak.

Erlent 13.10.2005 18:50

Páfi sagður á góðum batavegi

Jóhannes Páll páfi annar er á góðum batavegi eftir aðgerð sem hann gekkst undir á hálsi í síðustu viku. Hana þurfti páfi að fara í vegna þess að hann átti í erfiðleikum með að anda eftir að skæð flensa, sem herjaði á hann snemma í mánuðinum, tók sig upp. Í yfirlýsingu frá Vatíkaninu segir að páfi sé nú í endurhæfingu m.a. til þess að hann geti talað aftur og andað eðlilega.

Erlent 13.10.2005 18:50

Yfir 100 létust í sprengjuárás

105 létust og 130 særðust í sjálfsmorðsárás í bænum Hilla suðaustur af Bagdad í Írak í morgun. Maður ók bíl sínum inn í hóp fólks, sem var að sækja nafnskírteini vegna starfa á vegum ríkisins, og sprengdi bílinn í loft upp. Þetta er mannskæðasta árás í Írak frá því að Saddam Hussein var komið frá völdum en hún átti sér stað nærri fjölförnu torgi og jók það enn á tölu látinna og særðra.

Erlent 13.10.2005 18:50

Rannsóknir enn í gangi

"Rannsókn þessara mála er enn í fullum gangi og engar upplýsingar gefnar meðan svo er," segir Jón H. Snorrason, yfirmaður efnahagsbrotadeildar Ríkislögreglustjóra um rannsókn þeirra á Baugsmálinu svokallaða og meintu samráði íslensku olíufélaganna.

Innlent 13.10.2005 18:50

Mistök við sendingu

Við útskrift og pökkun greiðsluseðla VISA reikninga í síðustu viku urðu þau mistök að ef fleiri en einn viðtakandi bjó á sama heimilisfangi, fóru allir reikningar á einn aðila þess heimilsfangs.

Innlent 13.10.2005 18:50

Leyfa undanþágur á þýðingarskyldu

Formaður allsherjarnefndar Alþingis telur ekki ástæðu til að óttast undanþágur frá þýðingarskyldu á lagatexta þar sem þeim verði markaðar þröngar skorður.

Innlent 13.10.2005 18:50

125 látnir í tilræðinu í Hilla

Tala látinna í sprengjutilræðinu í bænum Hilla í Írak í morgun hefur nú hækkað upp í 125 og 130 eru sárir. Bíl var ekið inn í hóp fólks, sem beið eftir að komast til augnlæknis vegna umsóknar um starf í íröksku lögreglunni, og hann sprengdur í loft upp. Vitni segja tvo menn hafa verið í bílnum en annar þeirra steig út út honum áður en hann sprakk.

Erlent 13.10.2005 18:50

Fjölmiðlanefnd skilar áliti í mars

Nefnd menntamálaráðherra, sem á að gera tillögur að frumvarpi um fjölmiðla, stefnir að því að skila áliti sínu seint í mars. Til stóð að skila álitinu 1. febrúar en strax þá var ljóst að það gengi ekki. Karl Axelsson, formaður nefndarinnar, sagði að nefndinni hefði verið ætlaður of naumur tími til verksins og tímasetningin hefði verið óraunhæf. Karl segir nú að verkið gangi vel og vonandi verði því lokið um eða eftir páska.

Innlent 13.10.2005 18:50

Kanna ráðningar útlendinga

Víðtækt samstarf er að hefjast í stjórnkerfinu um að kanna ráðningar byggingafyrirtækja og verktaka á útlendingum með þjónustusamningum og í gegnum starfsmannaleigur en í mörgum tilfellum er réttur brotinn á þessum mönnum.

Innlent 13.10.2005 18:50

Vinningar DAS í peningum

Happdrætti DAS greiðir út í peningum til vinningshafa þó það sé óheimilt samkvæmt lögum.  Framkvæmdastjóri Happdrættis DAS, Sigurður Ágúst Sigurðsson, segir löggiltan endurskoðanda á vegum dómsmálaráðuneytisins samþykkja uppgjör happdrættisins. Bein fjárgreiðsla sé því með vitund ráðuneytisins og hafi tíðkast lengi.

Viðskipti innlent 13.10.2005 18:50

Ólga vegna uppsagna

Tinna Gunnlaugsdóttir þjóðleikhússtjóri hefur boðað til blaðamannafundar í Þjóðleikhúsinu í dag, en mikil ólga er meðal leikara sem starfa þar vegna fyrirhugaðra uppsagna tíu leikara frá og með morgundeginum, 1. mars. Leikarar í Þjóðleikhúsinu segja það óverjandi að verðlauna leiksigra með uppsögnum en þjóðleikhússtjóri segir búið að skapa fordæmi fyrir auknum hreyfanleika í yngsta kjarna leikhússins.

Innlent 13.10.2005 18:50

Súnnítar sagðir á bak við árásina

Að minnsta kosti eitt hundrað og fimmtán eru nú látnir eftir sprengjutilræði í Írak í morgun. Mörgum í viðbót er ekki hugað líf. Talið er að uppreisnarmenn úr röðum súnníta beri ábyrgð á árásinni.

Erlent 13.10.2005 18:50

Sýrlendingar gripu bróður Saddams

Það voru yfirvöld í Sýrlandi sem handtóku Sabawi Ibrahim Hasan, hálfbróður Saddams Husseins, og afhentu hann yfirvöldum í Írak. Þetta þykir til marks um það að Sýrlendingar séu tilbúnir til samvinnu við Bandaríkjastjórn sem hefur leynt og ljóst haldið því fram að þarlend yfirvöld hafi skotið skjólshúsi yfir uppreisnarmenn í Írak.

Erlent 13.10.2005 18:50

Forsætisráðherra til Danmerkur

Halldór Ásgrímsson forsætisráðherra fer í dag í opinbera heimsókn til Danmerkur í boði Anders Foghs Rasmussens, forsætisráðherra Danmerkur. Í heimsókninni mun Halldór hitta marga málsmetandi Dani og einnig forsvarsmenn íslenskra fyrirtækja í Danmörku. Heimsókn forsætisráðherra til Danmerkur lýkur á miðvikudag.

Innlent 13.10.2005 18:50

Samkeppnisyfirvöld geti áfrýjað

Neytendasamtökin telja að breyta eigi dómsmeðferð samkeppnismála á þann veg að samkeppnisyfirvöld geti áfrýjað dómum líkt og í Svíþjóð. Þar voru í síðustu viku fimm sænsk olíufélög dæmd í sænska markaðsdómstólnum til að greiða tæpan milljarð íslenskra króna fyrir ólöglegt samráð. Markaðsdómstóllinn, æðsta dómsstig Svía í samkeppnismálum, hækkaði þær sektir sem kveðnar höfðu verið upp í undirrétti um ríflega helming.

Innlent 13.10.2005 18:50

Ríkisstjórn Sýrlands segir af sér

Forsætisráðherra Líbanons, Omar Karami, tilkynnti fyrr í dag að ríkisstjórn landsins hygðist segja af sér, en hún hefur verið harðlega gagnrýnd fyrir hollustu sína við yfirvöld í Sýrlandi sem sökuð eru um að hafa staðið á bak við morðið á Rafik Hariri, fyrrverandi forsætisráðherra Líbanons, fyrir um tveimur vikum.

Erlent 13.10.2005 18:50