Eimskip hagnaðist um 2,1 milljarð króna

Hagnaður Eimskipafélagsins á síðasta ári eftir skatta var um 2,1 milljarðar króna og rekstrarhagnaður, eða EBITDA, var um 7 milljarðar króna. Heildareignir félagsins í lok ársins voru 45 milljarðar króna og var eiginfjárhlutfallið 62,3%. Vaxtaberandi skuldir voru 9,8 milljarðar króna og handbært fé var 6,9 milljarðar króna. Á vef Eimskips segir að stefnt sé að skráningu í Kauphöll fyrir lok ársins 2012 og vinna við undirbúning þess sé í fullum gangi.

Bandarískt lyfjafyrirtæki vill kaupa Actavis

Talið er að bandaríska lyfjafyrirtækið Watson Pharmaceuticals Inc. ætli að kaupa Actavis. Fréttastofan Reuters greinir frá þessu í dag en talið er að kaupvirðið sé um 7 milljarðar dollara.

Ætla að kæra verkfallsboðun til Félagsdóms

Boðun Flugreyjufélags Íslands á verkfalli flugliða hjá Iceland Express eftir viku er ólögleg að mati Iceland Express og verður kærð til Félagsdóms samkvæmt tilkynningu frá fyrirtækinu.

Fjármálastjórar þurfa þekkingu á sífellt fleiri sviðum

Dr. David Schwarzkopf er gestaprófessor við Háskólann í Reykjavík. Hann segir framfarir í upplýsingatækni hafa breytt því hvernig endurskoðendur og fjármálastjórar sinna störfum sínum þar sem nýtilkomið flóð tiltækra gagna hafi stórfjölgað mælikvörðum.

Rauðar tölur lækkunar á hlutabréfamarkaði

Gengi bréfa íslenskra félaga, sem skráð eru í Kauphöll Íslands, lækkuðu flest í dag og sýndu því rauðar tölur. Þannig lækkaði gengi í Haga um 1,12 prósent og er það nú 17,65. Gengi bréfa í Icelandair lækkaði um 0,34 prósent og er 5,90. Gengi bréfa í Marel lækkaði um 0,34 prósent, og er nú 146, og gengi bréfa í Össuri um 0,5 og er nú 198.

Fréttaskýring: 150 milljarða hagnaður frá hruni

Landsbankinn, Arion banki og Íslandsbanki högnuðust samtals um 30 milljarða króna í fyrra. Þeir færðu niður eignir sínar um 64 milljarða vegna gengislánadómsins sem féll í febrúar síðastliðnum. Landsbankinn tók á sig rúmlega helming þeirrar niðurfærslu.

Már um afnámsáætlun: Þú færð hvergi betri ávöxtun

Már Guðmundsson, seðlabankastjóri, segir það vera það "eina rétta" fyrir íslenska lífeyrissjóði að selja eignir erlendis, og fjárfesta í íslenskum ríkisskuldabréfum, á grundvelli áætlunar Seðlabanka Íslands um afnám gjaldeyrishafta. "Þú færð hvergi betri ávöxtun, það er bara þannig," sagði Már, aðspurður um þátttöku lífeyrissjóðanna í útboðum Seðlabankans, sem eru hluti af áætlun um afnám hafta.

Íslenskum krónum verður hleypt út á endanum

Nýleg herðing gjaldeyrishafta kemur í veg fyrir greiðslu krafna í íslenskum krónum til erlendra kröfuhafa. Seðlabankastjóri segir slíkar krónur í eðli sínu alveg eins og aflandskrónur. Þeim verður þó hleypt út á endanum.

Stefna að óbreyttum rekstri Víkurprjóns eftir söluna

Drífa ehf., sem á meðal annars vörumerkið Icewear, hefur keypt sauma- og prjónastofuna Víkurprjón í Vík í Mýrdal. Víkurprjón hefur verið starfrækt í rúm 30 ár og framleiðir sokka og peysur, aðallega úr íslenskri ull, ásamt því að reka verslun í Vík.

Fjármálaeftirlitið vill slíta starfsemi Sögu

FME hefur höfðað mál gegn Sögu Capital og vill að félagið verði tekið til slitameðferðar vegna þess að það hefur ekki starfsleyfi. Á sama tíma hafa forsvarsmenn Sögu áfrýjað afturköllun starfsleyfis til Hæstaréttar.

Auglýsingasölu RÚV settar meiri skorður í nýju lagafrumvarpi

Ríkisútvarpið (RÚV) þarf að takmarka hlutfall auglýsinga í dagskrá sinni við átta mínútur á klukkustund, banni við sölu fyrirtækisins á auglýsingum á veraldarvefnum verður viðhaldið og því gert að setja og birta gjaldskrá fyrir viðskiptaboð á vefsíðu sinni þar sem afsláttarkjör fyrir kostunaraðila og auglýsendur séu gagnsæ og standi öllum viðskiptamönnum til boða fyrir sambærilegt umfang viðskipta. Þetta kemur fram í nýju frumvarpi til laga um RÚV sem lagt verður fram á Alþingi á næstu dögum, samkvæmt upplýsingum frá ráðuneytinu.

Tap ríkisins vegna SpKef verður kunngjört í apríl

Málflutningur fyrir úrskurðarnefnd sem á að skera úr um verðmæti eigna SpKef verður daganna 28. Og 29. mars næstkomandi. Í kjölfarið mun nefndin taka sér umhugsunarfrest til að komast að niðurstöðu og er búist við að hún skili niðurstöðum í apríl. Þetta kemur fram í svari Landsbankans við fyrirspurn Markaðarins um málið.

Skuldir Reykjavíkur samsvara 3 milljónum á hvern borgarbúa

Heildarskuldir Reykjavíkurborgar nema nú um 317 milljörðum króna. Þetta samsvarar því að hver borgarbúi skuldi tæplega 3 milljónir króna.

Raunhækkun íbúðaverðs 3,2% á ári síðasta áratuginn

Íbúðaverð á Íslandi hækkaði um 37% á tímabilinu frá 2001 til 2011 þegar búið er að taka tillit til verðbólgu. Að raunvirði hækkaði íbúðaverðið að jafnaði um 3,2% á ári á þessu tímabili.

Vísitala íbúðaverðs í borginni lækkar

Vísitala íbúðaverðs á höfuðborgarsvæðinu var 332.2 stig í febrúar s.l. og lækkaði um 0,2% frá fyrri mánuði.

Stýrivextir hækkaðir um 0,25 prósentur

Peningastefnunefnd Seðlabanka Íslands hefur ákveðið að hækka stýrivexti bankans um 0,25 prósentur. Fara þeir vextir því í 5%.

Skuldir Kópavogs samsvara 1,3 milljónum á hvern íbúa

Skuldir Kópavogsbæjar nema rétt tæpum 40 milljörðum króna. Þetta samsvarar því að hver íbúi bæjarins skuldi sem svarar til 1,3 milljónum króna.

Farþegar skemmtiferðaskipa ánægðir með Reykjavík

Í árlegri könnun tímaritsins Cruise Insight sem gefið er út í Bretlandi og fjallar um skemmtiferðaskip, var Reykjavík sett í hóp viðkomustaða sem besti áfangastaður ársins fyrir farþega skemmtiferðaskipa. Ferðaskrifstofan Iceland Travel fékk einnig viðurkenningu.

Gerir ráð fyrir 30 milljarða framlagi frá ríki vegna SpKef

Landsbankinn bókfærði 30,6 milljarða króna kröfu á ríkissjóð í ársreikningi sínum fyrir árið 2011 vegna yfirtöku bankans á SpKef sparisjóði í fyrra.

Krefst þess að tekið verði á vanda Landbúnaðarháskólans

Ríkisendurskoðun segir að stjórnendum Landbúnaðarháskóla Íslands hafi ekki tekist að láta enda ná saman í rekstrinum og skuldir hans eru miklar. Ríkisendurskoðun hvetur stjórnendur og yfirvöld menntamála til að taka á þessum vanda.

Áhrif gengislána á bankanna 64 milljarðar króna

Arion banki, Íslandsbanki og Landsbankinn mátu áhrifin af gengislánadómi Hæstaréttar frá fimmtánda febrúar síðastliðnum á tæplega sextíu og fjóra milljarða króna í uppgjörum sínum fyrir síðasta ár. Samanlagður hagnaður bankanna nam þrátt fyrir það tæplega 30 milljörðum.

Heiðar Már: Tilrauninni með krónuna lokið

Heiðar Már Guðjónsson, hagfræðingur og fjárfestir, segir aðkallandi að taka peninga- og gjaldmiðlamál landsins til ítarlegrar skoðunar, það þoli enga bið. Heiðar Már er gestur nýjasta þáttarins af Klinkinu, spjallþáttar á viðskiptavef Vísis, þar sem hann ræðir um gjaldmiðlamál og stöðu mála hér á landi. "Tilrauninni með krónuna er lokið að mínu mati, og leiðin út úr þeim ógöngunum sem hagkerfið er í, með gjaldeyrishöftin, er að verða hluti af alþjóðlegu myntstarfi," segir Heiðar Már m.a.

Húsasmiðjan verður formlega hluti af Bygma á morgun

Húsasmiðjan verður formlega hluti af dönsku byggingavörukeðjunni Bygma, frá og með morgundeginum. Í tilkynningu frá fyrirtækinu segir Peter Christiansen eigandi og stjórnarformaður Bygma að spennandi tímar séu framundan.

Sorpa hyggur á eldsneytisframleiðslu

Sorpa og Carbon Recycling International (CRI) hafa gengið til samstarfs um að kanna kosti þess að reisa og reka verksmiðju sem framleiðir fljótandi ökutækjaeldsneyti úr úrgangi af höfuðborgarsvæðinu.

Rekstur Garðabæjar skilaði 352 milljóna afgangi

Rekstur Garðabæjar í fyrra var jákvæður um 352 milljónir kr. sem er langt yfir áætlun sem gerði ráð fyrir afgangi upp á 75 milljónir kr.

Spáir því að verðbólgan fari í 6,4% í mars

Verðbólguspá IFS greiningar fyrir mars hljóðar upp á hækkun vísitölu neysluverðs um 1%. Gangi spáin eftir fer 12 mánaða verðbólga úr 6,3% í 6,4%.

Veltan á fasteignamarkaðinum eykst töluvert

Fjöldi þinglýstra kaupsamninga á höfuðborgarsvæðinu í síðustu viku var 93. Þetta er nokkru meira en nemur vikumeðaltalinu undanfarna þrjá mánuði sem er 86 samningar.

Byggingarvísitalan hækkar

Vísitala byggingarkostnaðar reiknuð um miðjan mars 2012 er 113,4 stig sem er hækkun um 0,4% frá fyrri mánuði. Verð á innlendu efni hækkaði um 0,9%, sem skýrir að mestu hækkun vísitölunnar milli mánaða, að því er segir á vefsíðu Hagstofunnar. Á síðustu tólf mánuðum hefur vísitala byggingarkostnaðar hækkað um 10,6%.

Aflaverðmæti íslenskra skipa 20 milljörðum meira í fyrra en 2010

Aflaverðmæti íslenskra skipa nam rúmum 153 milljörðum króna á árinu 2011 samanborið við tæpa 133 milljarða á árinu 2010. Aflaverðmæti hefur því aukist um 20,3 milljarða króna eða 15,3% á milli ára, samkvæmt tölum um aflaverðmæti sem Hagstofa Íslands birti í morgun.

Hagnaður Íslandsbanka nam 1,9 milljörðum króna

Hagnaður Íslandsbanka af reglulegri starfsemi á árinu 2011 var 13,9 milljarðar króna, samanborið við 17,8 milljarða árið 2010. Hagnaður ársins eftir skatta að teknu tilliti til einskiptisliða, s.s. væntra áhrifa gengislánadómsins og niðurfærslu á viðskiptavild, nam 1,9 milljörðum króna, samanborið við 29,4 milljarða 2010.

Allir búast við 0,25 prósentustiga stýrivaxtahækkun

Seðlabankinn tekur næstu ákvörðun um stýrivexti sína á morgun, miðvikudag. Allar greiningar bankanna gera ráð fyrir því að stýrivextir bankans verði hækkaðir um 0,25 prósentustig og fari þar með í 5%.

Greiningardeild Arion Banka spáir hækkun stýrivaxta

Greiningardeild Arion Banka spáir því að Peningastefnunefnd ákveði að hækka stýrivexti Seðlabanka Íslands um 25 punkta á miðvikudaginn.

Grænar tölur hækkunar í Kauphöll Íslands

Grænar tölur hækkunar hafa einkennt hlutabréfaviðskipti í Kauphöll Íslands í dag. Gengi bréfa í smásölufyrirtækinu Högum hefur hækkað um 1,7 prósent í dag og stendur gengi bréfa félagsins nú í 17,9. Gengi bréfa í Icelandair Group hefur hækkað um 0,68 prósent og er gengi bréfa félagsins nú 5,95. Gengi bréfa í Marel hefur hækkað um 0,69 prósent og er gengi bréfa félagsins nú 146. Þá hefur gengi bréfa í Össuri hækkað um 0,49 prósent og er gengi bréfa félagsins nú 204.

Sjálfkjörið í stjórn Icelandair

Sjálfkjörið verður í stjórn Icelandair Group á aðalfundi félagsins á föstudaginn kemur en fimm gefa kost á sér í stjórnina.

Drífa kaupir Víkurprjón

Drífa ehf sem á m.a. vörumerkið Icewear hefur keypt Víkurprjón ehf í Vík í Mýrdal. Í tilkynningu frá Drífu segir að stefnt sé að því að reka fyrirtækið áfram í óbreyttri mynd.

Íslendingar bera traust til vinnuveitenda sinna

Íslendingar treysta vinnuveitendum sínum mjög vel en traust til vinnuveitenda fær mjög háa einkunn í árlegum mælingum Capacent á trausti. Aðeins Landhelgisgæslan og lögreglan njóta meira trausts meðal fólks. Þetta kemur fram í könnun sem Capacent Gallup gerði fyrir Samtök atvinnulífsins.

Tískudrottning krefst 100 milljarða í skaðabætur frá Kaupþingi

Tískudrottningin Karen Millen og Kevin Stanford fyrrum eiginmaður hennar ætla í mál við Kaupþing í Lúxemborg. Þau gera skaðabótakröfur upp á 500 milljónir punda eða um 100 milljarða króna gegn bankanum.

Reykjaneshöfn getur staðið í skilum þrátt fyrir kísilklúður

Reykjaneshöfn hefur sent frá sér tilkynningu þar sem segir að þótt hætt verði við áform Íslenska kísilfélagsins um framkvæmdir í Helguvík mun það ekki hafa áhrif á getu Reykjaneshafnar til að greiða af skuldum sínum.

FME: Gengisdómur ógnar ekki fjármálastöðugleikanum

Fjármálaeftirlitið (FME) telur að nýjasti gengislánadómur Hæstaréttar ógni ekki fjármálastöðugleika landsins.

Aflaverðmæti jókst um 28%

Heildarafli íslenskra skipa í nýliðnum febrúarmánuði nam alls 312.221 tonni sem er umtalsvert meira en í febrúar í fyrra þar sem aflinn var 210.005 tonn. Þetta kemur fram á vef Hagstofu Íslands. Þessi aukning felst að langmestu leyti í tæplega 270.000 tonna loðnuafla í febrúar samanborið við 173.000 tonn í febrúar 2011. Aflaverðmæti á föstu verði var 28,7% meira í síðasta mánuði en í febrúar 2011. Það sem af er árinu hefur aflinn aukist um 33,6% miðað við sama tímabil 2011.- þj

Samstaða um aðskilnað viðskipta- og fjárfestingarbanka

Þingmenn allra flokka eru sammála um nauðsyn þess að aðskilja viðskiptabanka- og fjárfestingarbankastarfsemi. Fyrsti flutningsmaður þingsályktunartillögu um málið segir þingmenn ætla að drífa í breytingunni.

Steinþór ekki hálfdrættingur á við Höskuld

Það lætur nærri að Höskuldur Ólafsson, bankastjóri Arion banka, hafi verið með þrefalt hærri mánaðarlaun á síðasta ári en Steinþór Pálsson, bankastjóri Landsbankans. Samkvæmt ársreikningi Arion banka voru heildarlaun Höskuldar 37,1 milljón króna. Það er að meðaltali 3,1 milljón á mánuði. Samkvæmt nýbirtum ársreikningi Landsbankans voru heildarlaun Steinþórs á síðasta ári aftur á móti 13,9 milljónir króna, sem gerir tæplega 1,2 milljónir á mánuði.

Hátt í 200 fengu aðstoð frá Lögréttu

Hátt í tvö hundruð manns fengu aðstoð við skattframtalið sitt í dag hjá hjálpsömum lögfræðinemum. Meirihluti þeirra sem þurftu aðstoð var útlendingar. Það kvíða margir fyrir að opna skattframtalið og færa inn fjárhagsbókhald heimilisins fyrir síðasta ár, og þó svo að mikið af upplýsingum komi sjálfkrafa inn þá er ýmislegt sem getur vafist fyrir fólki. Það var því fullt út úr dyrum hjá Háskólanum í Reykjavík í dag þegar Lögrétta, félag lögfræðinema við Háskólann í Reykjavík buðu upp á endurgjaldslausa aðstoð við skattframtalið.

Ríkissjóður verður af milljörðum

Ríkissjóður verður af milljörðum króna vegna kostnaðar bankanna af gengislánadómi Hæstaréttar. Samkvæmt ársreikningum tveggja stóru bankanna er lækkaður tekjuskattur yfir tíu milljarðar króna.

Vilja aðskilja fjárfestingabanka og viðskiptabanka

Þingmenn úr fjórum þingflokkum á Alþingi vilja að skipuð verði nefnd til að endurskoða skipan bankastarfsemi á landinu með það að markmiði að aðskilja viðskiptabanka og fjárfestingabanka. Markmiðið er að lágmarka áhættuna af áföllum í rekstri banka fyrir þjóðarbúið. Samkvæmt þingsályktunartillögu á nefndin að skila tillögum sínum fyrir 1. október 2012.