Farþegar skemmtiferðaskipa ánægðir með Reykjavík

Í árlegri könnun tímaritsins Cruise Insight sem gefið er út í Bretlandi og fjallar um skemmtiferðaskip, var Reykjavík sett í hóp viðkomustaða sem besti áfangastaður ársins fyrir farþega skemmtiferðaskipa. Ferðaskrifstofan Iceland Travel fékk einnig viðurkenningu.

Fjallað er um málið á vefsíðu Faxaflóahafnar. Þar segir að starfsmenn og áhafnir skipafélaganna, ásamt starfsmönnum tímaritsins, kanna á hverju ári gæði og framfarir þess sem snýr að móttöku skemmtiferðaskipa um heim allan. Reykjavík og nágrenni sé enn og aftur viðurkennt sem frábær áfangastaður fyrir farþega skemmtiferðaskipa.