"Eins og Steingrímur haldi að hann sé hafinn yfir lög“

Guðlaugur Þór Þórðarson, þingmaður Sjálfstæðisflokks, segir að fjármálaráðuneytið, undir stjórn Steingríms J. Sigfússonar, hafi leppað hlut kröfuhafa SpKef. Guðlaugur gagnrýnir að aðkoma Steingríms að bankanum hafi ekki verið formlega rannsökuð.

Engir endurskoðendur sæta rannsókn þrátt fyrir milljarða bótakröfur

Þótt endurskoðendur þurfi að verjast milljarða skaðabótakröfum frá slitastjórnum Landsbankans og Glitnis fyrir dómstólum er, enn sem komið er, enginn endurskoðandi föllnu bankanna til rannsóknar hjá sérstökum saksóknara eða grunaður um refsiverða háttsemi.

Spánverjar óska eftir neyðaraðstoð

Spánn hefur óskað eftir neyðaraðstoð vegna spænskra banka. Þetta gaf fjármálaráðherra Spánar upp eftir að fjármálaráðherrar Evrópusambandsins héldu neyðarfund í dag.

Obama hefur áhyggjur af evrusvæðinu

Barack Obama, bandaríkjaforseti, sagði í gær að þjóðarleiðtogar í Evrópusambandinu þyrftu að taka erfiðar ákvarðanir til að forða evrusvæðinu undan kreppu. Hann sagði að djúp kreppa í Evrópu myndi hafa áhrif á bandarískan efnahag, enda er Evrópusambandið stærsti viðskiptaaðili Bandaríkjanna.

Liggur á að leysa vanda Spánar

Það liggur á að leysa vandamál Spánar miðað við orð Jean-Claude Juncker, sem stýrir fundum fjármálaráðherra Evrópusambandsins (ESB). Talið er að stjórnvöld í Brussel og Þýskalandi vilji afgreiða vandamál Spánar fyrir þingkosningar sem fara fram í Grikklandi 17. júní næstkomandi.

Skattar á tekjuháa hækkuðu um tæp 40%

Það eina prósent fjölskyldna sem var með hæstar tekjur árið 2010 greiddi 138,3% hærri skatta af tekjum það ár en á góðærisárinu 2007. Þetta kemur fram í nýjasta hefti Tíundar.

Vill rannsaka verklag Steingríms vegna Spkef

Guðlaugur Þór Þórðarson, þingmaður Sjálfstæðisflokks, vill að aðkoma Steingríms J. Sigfússonar að Spkef verði rannsökuð. Nýlega kom í ljós að það kostar ríkið 19 milljarða að tryggja einnistæður í sparisjóðnum.

Tekjur landsmanna lækkað um 30%

Tekjur landsmanna hafa lækkað um hátt í þriðjung á fimm árum en tekjurýrnunin er mismunandi eftir hópum.

Spánn þarf 6.500 milljarða króna aðstoð

Bankar á Spáni þurfa að safna um 40 milljörðum evra til að mæta áföllum á mörkuðum, að því er fram kemur í nýrri skýrslu Alþjóðagjaldeyrissjóðsins sem birtist í gærkvöldi. Spánn er miklum vandræðum en búist er við að ríkið leiti formlega eftir fjárhagslegri aðstoð Evrópusambandsins í dag. Spán vantar peninga til að endurfjármagna bankakerfið í landinu sem er lamað. Hingað til hafa yfirvöld landsins aftur á móti þvertekið fyrir að þörf sé á aðstoð vegna bankakerfisins.

Tekjuháir bera meiri skatta

Af álögðum tekju- og eignarskötttum eru 68,7 prósent lögð á 20 prósent fjölskyldna í landinu. Á undanförnum árum hefur hlutum 10 prósent fjölskyldna í heildarskattbyrði farið vaxandi en á árinu 2001 greiddu þessir framteljendur 61,8 prósent álagðra skatta. Þetta kemur fram í umfjöllun Páls Kolbeins, hagfræðings hjá embætti Ríkisskattstjóra, í nýjasta hefti Tíundar, tímarits embættisins. Þróunin frá 2009 hefur verið sú að færri greiða skatta en áður og flestir greiða minni skatta en tekjuhæstu fjölskyldurnar bera meiri skatta af minni tekjum nú en fyrir nokkrum árum.

OR seinkar aftur gjalddögum

Orkuveita Reykjavíkur (OR) hefur samið við þýsk-írska bankann Depfa um breytingar á afborgunum 4,9 milljarða króna láns sem var á gjalddaga á árinu 2016. Samkvæmt samkomulaginu verður meginhluti afborgana á árunum 2023 til 2025 í staðinn.

Þrýst á spænsk stjórnvöld um að leita hjálpar

Vaxandi þrýstingur er nú á spænsk stjórnvöld meðal evruríkja um að þau leiti á náðir Alþjóðagjaldeyrissjóðsins og Evrópusambandsins og óski formlega eftir fjárhagsaðstoð vegna slæmrar stöðu fjármálakerfisins í landinu og mikilla ríkisskulda. Á vef Wall Street Journal segir að embættismenn ríkja Evrópusambandsins muni funda um helgina vegna alvarlegrar stöðu Spánar og reyna að komast að niðurstöðu fyrir mánudaginn nk. um hvað gera skuli.

Enginn kaupréttur fyrir lykilstjórnendur Haga

Stjórnarformaður Haga, Árni Hauksson, segir lykilstjórnendur Haga ekki fá kauprétt í hlutabréfum félagsins svo lengi sem hann er í stjórn. Þetta kemur fram á vef Viðskiptablaðsins.

Virði Regins 10,5 til 15,5 milljarðar við útboð

Landsbankinn hefur ákveðið að bjóða til sölu allt að 75% hlutafjár í fasteignafélaginu Reginn hf. í hlutafjárútboði sem fer fram dagana 18. og 19. júní 2012. Stefnt er að skráningu Regins á Aðalmarkað NASDAQ OMX Iceland hf. (Kauphallar Íslands) í kjölfar útboðsins. Megin markmið Landsbankans með útboðinu er að Reginn uppfylli skilyrði Kauphallarinnar um dreifingu hlutafjár og að almenningur jafnt og fagfjárfestar eignist hlut í félaginu.

Steingrímur: Staðan betri hér en annarsstaðar

Nýleg hagspá OECD og aðrir nýlegir hagvísar sem komið hafa fram síðustu daga staðfesta að staða efnahagsmála á Íslandi fer batnandi, segir Steingrímur J. Sigfússon, formaður VG, í grein sem birtist hér á Vísi fyrir stundu. Hann segir að horfur fyrir næsta ár séu ágætlega bjartar, sérstaklega þegar borið er saman við hagvaxtarhorfur í helstu viðskiptalöndum okkar.

Spá óbreyttum stýrivöxtum

Hagfræðideild Landsbankans spáir óbreyttum stýrivöxtum í júní. Peningastefnunefnd Seðlabanka Íslands (PSÍ) mun tilkynna vaxtaákvörðun miðvikudaginn 13. júní næstkomandi. Hagfræðideildin segir að miðað við þróun hagvísa frá síðustu vaxtaákvörðun séu óbreyttir vextir í samræmi við síðustu vaxtaákvarðanir og yfirlýsingar nefndarinnar.

Skattgreiðendur fá 19 milljarða reikning í hausinn

"Yfirtaka ríkisins á SpKef er orðið eitt mesta klúður sem sést hefur í tíð ríkisstjórnarinnar,“ segir Bjarni Benediktsson, formaður Sjálfstæðisflokksins, en í ljós hefur komið að það kostar ríkið 19 milljarða að tryggja innistæður í sparisjóðnum. Bjarni bendir á að Gylfi Magnússon, þáverandi ráðherra bankamála, hafi fyrst sagt að yfirtaka ríkisins myndi einungis kosta 800 milljónir sem myndu endurheimtast. Árni Páll Árnason, eftirmaður hans, hafi sagt að leggja þyrfti 11,2 milljarða vegna ofmats á eignum.

27 útskrifast sem fjármálaráðgjafar

Útskrifað var í gær úr námi til vottunar fjármálaráðgjafa, en 27 starfsmenn útskrifuðust úr náminu. Þetta er í fyrsta sinn sem að starfsmenn í einstaklingsráðgjöf á fjármálamarkaði fá slíka vottun en námið hefur staðið í allan vetur. Námið spannar þætti fjármálamarkaðar og þjóðhagfræði auk lögfræði, siðfræði og þjálfunar í ráðgjafafærni, að því er segir í tilkynningu frá Samtökum fjármálafyrirtækja vegna þessa.

Kostaði 19 milljarða að rikistryggja innistæður í SpKef

Það kostaði íslenska ríkið rúma 19 milljarða að ríkistryggja innistæður í SpKef, samkvæmt niðurstöðum úrskruðarnefndar sem sett var á laggirnar að skera úr um endurgjald ríkisins til Landsbankans vegna yfirtöku á sparisjóðnum. Úrskurðurinn var kveðinn upp í gær. Þar segir að með úrskurðinum sé endanlega leyst úr ágreiningi milli aðila um greiðslu til Landsbankans hf. vegna yfirtöku á SpKef sparisjóði.

Heimsmarkaðsverð á olíu fellur hratt að nýju

Heimsmarkaðsverð á olíu hefur fallið hratt að nýju í nótt. Verðið á bandarísku léttolíunni hefur lækkað um 3% síðan í gær og stendur í rúmum 82 dollurum á tunnuna. Verðið á Brent olíunni hefur lækkað um 2% á sama tíma og kostar tunnan af henni nú 98 dollara.

Íbúðalánasjóður hefur selt 390 íbúðir frá hruni

Af þeim 2380 íbúðum sem Íbúðalánasjóður hefur leyst til sín frá bankahruni hafa 390 verið seldar. Þar af eru 96 á höfuðborgarsvæðinu. Um 1990 íbúðir eru enn í eigu sjóðsins. Í 800 íbúðum búa einstaklingar eða fjölskyldur sem samið hafa við sjóðinn um áframhaldandi búsetu í leiguformi. Um 270 íbúðir eru enn á byggingarstigi og 830 íbúðir standa tómar af ýmsum ástæðum. Í tilkynningu frá Íbúðalánasjóði segir að markmiðið sé að selja þessar eignir.

Regluleg laun hækkuðu um 2% milli ársfjórðunga

Regluleg laun voru að meðaltali 2,0% hærri á fyrsta ársfjórðungi ársins en í ársfjórðungnum á undan. Frá fyrra ári hækkuðu laun um 10,3% að meðaltali, hækkunin var 11,1% á almennum vinnumarkaði og 8,6% hjá opinberum starfsmönnum.

Hagvöxtur mælist 2,4% á fyrstu mánuðum ársins

Landsframleiðsla jókst um 2,4% að raungildi milli 4. ársfjórðungs í fyrra og 1. ársfjórðungs í ár. Á sama tíma jukust þjóðarútgjöld um 3,4%, sem skýrist að mestu af mikilli aukningu birgða.

Býður vaxtagreiðsluþak á óverðtryggð húsnæðislán

Íslandsbanki hefur ákveðið að bjóða viðskiptavinum sínum upp á vaxtagreiðsluþak óverðtryggðra húsnæðislána. Slíkt þak tryggir þeim skjól í umhverfi hækkandi vaxta.

Proderm-sólarvörn reynist best

Ragnheiður Ragnarsdóttir sundkona er stödd í Canet í S-Frakklandi þar sem hún æfir og keppir ásamt sex öðrum Íslendingum. Ragnheiður hefur valið að nota Proderm-sólarvörn til að verja sig gegn sterkri sólinni.

Byggðastofnun selur rækjuverksmiðjuna Bakkavík

Samningar hafa tekist milli Byggðastofnunar, þrotabús Bakkavíkur hf., og Kampa hf., um kaup Kampa á rækjuverksmiðju Bakkavíkur í Bolungarvík.

Rekstur borgarinnar betri en áætlanir gerðu ráð fyrir

Rekstur A hluta Reykjavíkurborgar gekk betur en áætlanir gerðu ráð fyrir á fyrsta ársfjórðungi ársins. Þetta kemur fram í tilkynningu til Kauphallarinnar.

Hefur endurreiknað öll húsnæðislán í erlendum myntum

Íslandsbanki vill árétta vegna frétta um dóm Hæstaréttar sem kvað á um að húsnæðislán Íslandsbanka í erlendri mynt væri löglegt erlent lán að bankinn hefur nú endurreiknað öll húsnæðislán bankans í erlendum gjaldmiðlum.

Hækkandi olíuverð gerir Drekann arðvænlegri

Drekasvæðið verður arðbærara eftir því sem olíuverð hækkar, segir olíusérfræðingur Nordea-bankans, sem telur að Ísland, þótt lítið sé, gæti orðið mikilvægt olíuútflutningsríki. Þetta kom fram á ráðstefnu í dag um olíu á Drekasvæðinu.

Neytendastofa aðhefst ekki vegna kvartana Icelandair

Neytendastofa sér ekki ástæðu til að aðhafast vegna kvörtunar sem Icelandair sendi stofnuninni vegna auglýsinga WOW air. Þetta kemur fram í úrskurði sem kveðinn var upp á mánudag. Icelandair sendi tvær kvartanir til Neytendastofu í febrúar og apríl þar sem gerð var athugasemd við auglýsingar WOW air um sætabil í vélum WOW. Niðustaða Neytendastofa er að þegar litið er heildstætt á hinar umkvörtuðu auglýsingar fær Neytendastofa ekki séð að neytendum séu veittar villandi, rangar eða ófullnæjandi upplýsingar um sætabil í auglýsingum WOW air.

Advania tvöfaldar stærð gagnavers - ætlar að byggja nýtt

Upplýsingatæknifyrirtækið Advania hefur fengið vilyrði hjá Hafnarfjarðarbæ fyrir tvöföldun á núverandi lóð fyrirtækisins við Helluhraun þar sem gagnaverið Advania Thor Data Center stendur. Eftir fyrirhugaða tvöföldun verður gagnaverið tæplega 6 þúsund fermetrar að stærð. Jafnframt hefur Advania fengið vilyrði fyrir 30 þúsund fermetra lóð skammt frá þar sem framtíðaráform eru um að reisa annað gagnaver, allt að 20 þúsund fermetrar á stærð með 10 metra lofthæð.

Peningamálin eiga að vera „fyrsta og síðasta mál allra funda“

Illugi Gunnarsson, þingmaður Sjálfstæðisflokksins, segir að málefni er varða peningamálstefnu fyrir Ísland til framtíðar, eigi að vera fyrsta mál hvers einasta fundar ríkisstjórnarinnar og einnig hið síðasta. „Þetta mál er svo stórt, og varðar svo ríka almannahagsmuni, að það er algjörlega nauðsynlegt að færa það enn framar í forgangsröðina en gert hefur verið nú þegar," segir Illugi í ítarlegu viðtali í nýjasta þætti Klinksins.

Kínverjar lækka stýrivexti

Stjórnvöld í Kína lækkuðu stýrivexti í landinu í gær. Það er tilraun til að örva hagvöxt landsins. Hagvöxtur í Kína hefur verið mikill undanfarin ár. Nú hefur hægt nokkuð á honum en hann var 8,1% á fyrsta ársfjórðungi þessa árs miðað við ársfjórðung árið í fyrra. Stýrivaxtalækkunin er hugsuð til að örva lánastarfsemi í landinu og auka þar með hagvöxtinn. Þar í landi hefur lánastarfsemi staðið undir stórum hluta hagvaxtarins.

Skuldir íslenskra heimila lægri en í Danmörku og Hollandi

Skuldir heimila á Íslandi sem hlutfall af landsframleiðslu minnkuðu um átta prósent í fyrra á sama tíma og kaupmáttur jókst um tæplega fjögur prósent. Skuldir heimila hér á landi í hlutfalli við ráðstöfunartekjur eru nú minni en í bæði Danmörku og Hollandi.

Íslendingar geta búist við þremur olíusvæðum norðan Íslands

Íslendingar geta búist við því að upp úr 2025 verði þrjú olíusvæði norðan Íslands; á Drekasvæðinu, útaf Austur-Grænlandi, og við Jan Mayen. Íslensk stjórnvöld stefna að því að byggja upp þjónustu á Norðurlandi við öll olíusvæðin þrjú, og hafa átt viðræður við Grænland og Noreg um íslenskar þjónustumiðstöðvar við olíuvinnsluna. Þetta kom meðal annars fram í ræðu Össurar Skarphéðinssonar, utanríkisráðherra, á fundi Arion banka í morgun um Drekasvæðið og hugsanlega olíuvinnslu Íslendinga.

Rekstur ÍLS mikið „umhugsunarefni“

"Rekstur og tilvist Íbúðalánasjóðs hlýtur að vera umhugsunarefni fyrir Íslendinga. Alkunna er að sjóðurinn er illa staddur, svo ekki sé meira sagt, hann er rekinn með aðfinnsluverðri ríkisábyrgð, en býður þrátt fyrir það lökust kjör á markaði og það virðist taka sjóðinn heila eilífð að bjóða þær vörur sem markaðurinn kallar eftir,“ segir Helgi Teitur Helgason, framkvæmdastjóri viðskiptabanka hjá Landsbankanum hf., í grein í Fréttablaðinu í dag um starfsemi Íbúðalánasjóðs og þá gagnrýni sem komið hefur frá Sigurði Erlingssyni, framkvæmdastjóra ÍLS, um óverðtryggð lán bankanna.

Spænska ríkið fær sex prósent vexti

Spænska ríkið aflaði lánsfjár á mörkuðum í dag en á þriðjudaginn var frá því greint að lánamarkaðir væru nú lokaðir fyrir spænska ríkinu og fjármálafyrirtækjum með öllu.

Fasteignaviðskipti jukust um 19% milli ára í maí

Fasteignaviðskipti jukust um 19.1% á höfuðborgarsvæðinu í maímánuði samanborið við maí í fyrra. Veltan í þessum viðskiptum jókst um 22,1% milli ára.

Magurt sumar framundan í ferðaþjónustunni í Grikklandi

Ferðaþjónustan í Grikklandi verður fyrir barðinu á ástandinu þar í landi og þeim pólitíska óróa sem ríkt hefur vegna efnahagsörðuleika Grikkja.

Tæplega 3.000 íbúðir í eigu lánadrottna

Tæplega 3.000 íbúðir eru nú í eigu lánadrottna, þ.e. Íbúðalánasjóðs, bankanna, sparisjóða og lífeyrissjóða. Þar af á Íbúðalánasjóður um 2.000 íbúðir, Arion banki, Landsbankinn og Íslandsbanki 633 (miðað við stöðuna í lok árs 2011), slitastjórn Frjálsa fjárfestingabankans (Drómi) 217, sparisjóðir 17 íbúðir og lífeyrissjóðir 32.

Brent olían skreið yfir 100 dollara markið í nótt

Verðið á Brent olíunni skreið yfir 100 dollara á tunnuna markið í nótt og hefur verið að sveiflast í kringum það verð í morgun.

Enn eitt farþegametið hjá Icelandair

Icelandair setti enn eitt farþegametið í maí s.l. Þá flutti félagið yfir 165 þúsund farþega í millilandaflugi og voru þeir 22% fleiri en í maí á síðasta ári. Sætanýting nam 82,2% og jókst um 5,0 prósentustig á milli ára.

Eignir lífeyrissjóðanna orðnar 2.238 milljarðar

Eignir lífeyrissjóðann halda áfram að aukast. Þær námu 2.238 milljörðum kr. í lok apríl s.l..og hækkuðu um 21,3 milljarða kr. frá mars eða um 1%.

Hækkanir á hlutabréfamörkuðum

Hlutabréfavísitölur í Evrópu og Bandaríkjunum hækkuðu skarplega í dag, en hækkunin er rakin til þeirrar ákvörðunar Seðlabanka Evrópu að halda vöxtum í einu prósenti. Þannig hækkaði DAX vísitalan þýska um ríflega tvö prósent og Nasdaq vísitalan í Bandaríkjunum um 2,4 prósent.

Greiða ekki krónu fyrir kauprétt - fá hundruð milljóna á silfurfati

Lykilstjórnendum Eimskipafélagsins mun bjóðast að eignast hluti í félaginu á umtalsvert lægra gengi en reiknað er með að verði fyrir hendi þegar félagið verður skráð á markað í september. Hlutur þeirra gæti orðið milljarða virði.