Í hópi þeirra sem hlutu Viator Experience-verðlaunin

Í tilkynningu segir að eins 450 ferðir og upplifanir af þeim 400 þúsund sem séu í boði hjá Viator hafi hlotið þessi verðlaun. 

„Verðlaunin eru veitt árlega á grundvelli umsagna þeirra sem bókað hafa ferðir og upplifanir hjá Viator. Lava Show er því komið í hóp 0,1% hæst metnu upplifana á Viator. Jafnframt telst sýning Lava Show á topp tuttugu lista Viator yfir upplifanir í Norður Evrópu en sýningin er sú eina sinnar tegundar í heiminum, hvergi annarsstaðar er hægt að sjá hraun renna innanhús,“ segir í tilkynningunni. 

Haft er eftir Ragnhildi Ágústsdóttur, stofnanda og talsmanni Lava Show, að hún sé mjög þakklát starfsfólkinu sem hafi gert þetta allt saman mögulegt. „Að tilheyra hópi hæst metnu upplifunum hjá Viator er mikil viðurkenning. Í fyrra tókum við á móti um 200 þúsund manns frá 163 þjóðlöndum og við leggjum allt kapp á að fara fram úr væntingum þeirra. Við fengum ‘Best of the Best’ viðurkenningu frá Tripadvisor fyrir árið 2024 og þetta er svo sannarlega ánægjuleg viðbót,” segir Ragnhildur.

Stofnað 2018

Lava Show var stofnað af Ragnhildi og Júlíusi Inga Jónssyni árið 2018 í Vík í Mýrdal en innblásturinn fengu þau af hraunfossinum fræga í Fimmvörðuhálsgosinu 2010. 

„Sýningin hefur vaxið hratt síðan þá en nú starfa um 40 manns hjá Lava Show í Vík og í Reykjavík og er stefnt á að stækka enn frekar. Til að mynda verður nýr sýningarsalur í Reykjavík opnaður á þessu ári auk þess sem sýningarsalurinn í Vík var stækkaður fyrr á þessu ári.“

Um Lava Show segir að sýningin endurskapi eldgos með því að hita raunverulegt hraun í 1.100°C og hella því í sérsmíðaðan sýningarsal.