Fleiri fréttir

Tíu sóttu um stöðu forstjóra FME

Tíu manns sóttu um stöðu forstjóra Fjármálaeftirlitsins sem auglýst var laust til umsóknar fljótlega eftir að Gunnar Andersen lét af starfi. Á meðal umsækjenda eru Unnur Gunnarsdóttir settur forstjóri og Vilhjálmur Bjarnason lektor í viðskiptafræði. Listann yfir umsækjendur má sjá hér að neðan.

Mikil starfsemi hjá málsvörum atvinnulífs

Velta þeirra hagsmunasamtaka sem starfa fyrir íslenskt atvinnulíf er á annan milljarð á ári. Samtök atvinnulífsins og aðildarfélög þeirra fá samanlagt nærri milljarð í árgjöld frá aðildarfyrirtækjum.

Vöxtur sjávarútvegsins á nýjum stöðum

Töluverð tækifæri liggja í því að nýta betur fisk sem veiddur er íslenskri lögsögu, að því er athugun Íslenska sjávarklasans hefur leitt í ljós. Það eru ekki síst tækifæri í heilbrigðisgeiranum þar sem vaxtamöguleikarnir eru.

Glitnir vill fá fjórtán milljarða frá Stoðum

Slitastjórn Glitnis hefur stefnt Stoðum, sem áður hétu FL Group, til að greiða sér fjórtán milljarða króna auk dráttarvaxta. Auk þess vill slitastjórnin að ráðstöfun Stoða á fyrsta veðrétti í hollenska félaginu Ferskur Holding 1 BV, sem á meðal annars hlut í Refresco, frá því í maí 2008 verði rift. Þá var veðréttur Glitnis í félaginu gefinn eftir til að Stoðir gætu veðsett Landsbanka Íslands fyrir frekari lántökum. Slitastjórnin vill meina að umrædd aðgerð hafi verið svokallaður örlætisgerningur.

Papademos: Fyrir alla muni haldið ykkur við áætlunina!

Lucas Papademos, fyrrverandi forsætisráðherra Grikklands, segir að Grikkir verði, fyrir alla muni, að halda sig við áætlunina í ríkisfjármálum sem samþykkt var af Evrópusambandinu, Alþjóðagjaldeyrissjóðum, stjórnvöldum í Grikklandi og kröfuhöfum landsins. Einhver önnur leið muni dýpka vandamál landsins til muna og valda stórkostlegu víðtæku efnahagstjóni í Evrópu.

Ljósmyndara vísað á dyr á aðalfundi Bakkavarar

Ágúst Guðmundsson, sem kenndur er við Bakkavör, ákvað upp á sitt einsdæmi að vísa ljósmyndara Fréttablaðsins á dyr þegar hann mætti á aðalfund félagsins sem hófst á Hótel Sögu í morgun. Hann gaf engar skýringar aðrar en þær að fundurinn væri lokaður. Ágúst meinaði ljósmyndaranum líka að taka myndir fyrir utan fundarsalinn. Bakkavör var stofnað af bræðrunum Ágústi og Lýði Guðmundssyni. Fyrirtækið er nú nánast að öllu leyti undir stjórn lífeyrissjóða og banka. Helstu kröfuhafarnir eru Arion banki, skilanefnd Glitnis, Lífeyrissjóður verzlunarmanna, Lífeyrissjóður starfsmanna ríkisins og Gildi lífeyrissjóður.

Hætta mögulega Tchenguiz-rannsókn

Hugsanlegt er að rannsókn efnahagsbrotadeildar bresku lögreglunnar, Serious Fraud Office, á máli Vincent Tchenguiz verði látin niður falla. Málið snýst sem kunnugt er, um viðskipti Vincents og Roberts bróður hans við Kaupþing banka. Þeir voru á meðal stærstu skuldara bankans þegar hann féll. Í bréfi sem David Green, yfirmaður Serious Fraud Office, sendi frá sér í gær heitir hann því að rannsóknin verði tekin til skoðunar. Serious Fraud Office hefur verið gagnrýnd harðlega fyrir húsleitir og handtökur við rannsókn á máli Tchenguizbræðranna.

Skráning Facebook dregur dilk á eftir sér

Gengi Facebook féll um 9 prósent í gær, en daginn þar á undan féll gengi bréfa félagsins um tæplega 11 prósent. Þetta hrun á markaðsvirði félagsins hefur nú kallað fram sterk viðbrögð hjá fjárfestum sem hafa tapað á fjárfestingunni í Facebook, og er þar ekki síst horft til þess hvernig skráningin var kynnt fyrir þeim sem keyptu bréf strax við skráningu. Þar beinast spjótin að bankanum sem hafði umsjón með skráningarferlinu fyrir hönd Facebook, Morgan Stanley.

Fer frá Össuri til Háskóla Íslands

Hilmar Bragi Janusson, framkvæmdastjóri vöruþróunar og rannsóknastarfs hjá Össuri hf., tekur við starfi forseta Verkfræði- og náttúruvísindasviðs Háskóla Íslands frá 1. júlí næstkomandi. Hilmar Bragi hefur í 20 ár verið í forystu rannsókna- og þróunarstarfs Össurar, sem er eitt framsæknasta fyrirtæki í íslensku atvinnulífi og annað af tveimur stærstu fyrirtækjum í heimi á sínu sviði.

Húsdraumar lifna við í snjallsíma

Sunnudagsbíltúrinn er orðinn miklum mun líflegri með tilkomu fasteignaleitar Mikluborgar í snjallsíma. Áhugasamir húsleitendur geta nú með einföldum smelli á m.miklaborg.is strax séð hvaða eignir eru til sölu á hverjum stað í leit að draumahúsnæðinu.

Stærsta fasteignasala Reykjavíkur

Einkunnarorð Fasteignasölunnar Mikluborgar eru gæði, fagmennska og árangur í starfi. Mikil áhersla er lögð á vönduð vinnubrögð starfsmanna og gagnkvæman ávinning allra hlutaðeigandi í viðskiptum.

Hagnaður Arion nam 4,5 milljörðum

Hagnaður Arion banka á fyrsta ársfjórðungi ársins nam 4,5 milljörðum króna eftir skatta en var þrír milljarða á sama tímabili í fyrra. Arðsemi eigin fjár var 16,5% samanborið við 11,3% í fyrra. Eiginfjárhlutfall bankans í lok tímabilsins var 20,2% en í lok fyrsta ársfjórðungs í fyrra var það 19,2%, krafa Fjármálaeftirlitsins kveður á um 16% eiginfjárhlutfall.

Áralöng reynsla og traust þjónusta

Hjá fasteignasölunni Fjárfestingu er nóg að gera og hefur verið mikill uppgangur síðustu misseri. Þar er lögð höfuðáhersla á trausta þjónustu og vönduð vinnubrögð og kemur áralöng reynsla starfsmanna að góðum notum.

Ákærður fyrir innherjasvik hjá Glitni

Sérstakur saksóknari hefur ákært Friðfinn Ragnar Sigurðsson, fyrrverandi framkvæmdastjóra fjárstýringar Glitnis, fyrir innherjasvik. Honum er gefið að sök að hafa selt hlutabréf sín í bankanum þrátt fyrir að búa yfir vitneskju um slæma stöðu hans í aðdraganda bankahrunsins.

Kröfur eru áskorun

Húsaskjól fasteignasala býður persónulega þjónustu og vönduð vinnubrögð. Ásdís Ósk Valsdóttir, eigandi Húsaskjóls, segir markmiðið að fara fram úr væntingum viðskiptavina.

Vonast til að færeyska olíuævintýrið sé að byrja

Dýrasta og viðamesta olíuborun til þessa á landgrunni Færeyja er fyrirhuguð í sumar. Hún gæti jafnframt reynst lykillinn að olíuleit við Ísland. Þetta kemur fram í umfjöllun norskra og færeyskra fjölmiðla um Brugdan 2, en svo nefnist brunnurinn sem olíurisarnir Statoil og Exxon, ásamt færeyska olíufélaginu Atlantic Petroleum, ætla að bora saman við austanverðar eyjarnar. Þetta verður áttunda holan sem olíufélög bora við Færeyjar á tíu árum, en sjö fyrri holurnar hafa til þessar einungist skilað óverulegu magni af gasi. Færeyingar gera sér þó meiri vonir nú en áður enda hefur aldrei verið lagt jafn mikið undir og nú.

Gengi Össurar hækkaði skarplega

Gengi hlutabréfa í Össuri hækkað um tæplega 3 prósent í dag, eftir að tilkynnt var um boð stærsta hluthafa Össurar, danska fjárfestingafélagsins William Demant, í félagið í heild. Í tilkynningu til Kauphallarinnar segir að tilboðið sé gert af tæknilegum ástæðum vegna yfirtökuskyldu. WDI hafi engin áform um að taka yfir fyrirtækið.

Bjóðast til að kaupa allt hlutafé í Össuri

William Demant lýsti í dag yfir vilja sínum til þess að kaupa öll hlutabréf í stoðtækjafyrirtækinu Össuri. Um er að ræða stærsta hluthafann í félaginu. Í tilkynningu til Kauphallarinnar segir að tilboðið sé gert af tæknilegum ástæðum vegna yfirtökuskyldu. WDI hafi engin áform um að taka yfir fyrirtækið. WDI hafi engin áform um að taka fyrirtækið yfir og aðrir hluthafar verði hvorki hvattir né neyddir til þess að selja hlutafé sitt.

"Kómískt“ að sjá nefnd snillinga verðleggja fjármuni

Gunnlaugur Jónsson fjárfestir segir nýja nálgun að fjármálakerfum vera lífsnauðsynlega svo að markaðir geti orðið skilvirkir, og virkni þeirra eðlileg. Þar sé langsamlega mikilvægast að afnema með öllu ríkisábyrgð á fjármálastarfsemi, þar ekki síst hlutverk seðlabanka við lána til þrautavara.

ASÍ telur ríkið brjóta gegn jafnræðisreglu

ASÍ telur ríkið brjóta gegn jafnræðisreglu með innheimtu fjársýsluskatts frá lífeyrissjóðunum og undirbýr nú málaferli. Vegið er að lífeyrissjóðskerfinu með skattheimtu og ágengni stjórnmálamanna segir fyrrverandi forseti sambandsins.

Dyr að opnast inn á stærsta farsímamarkað heims

Markaðurinn fyrir smáforrit (App) í snjallsíma hefur stækkað ógnarhratt síðustu misseri, ekki síst í Asíu. Í Kína eru um einn milljarður farsímanotenda og er hlutdeild snjallsíma sífellt að stækka. Þetta gefur framleiðendum smáforrita mikil tækifæri á því að komast inn á markað sem annars er þekktur fyrir að vera með margvíslegar hindranir fyrir hugbúnaðarframleiðendur.

OECD spáir áfram erfiðleikum í Evrópu

Efnahags- og framfarastofnun Evrópu, OECD, segir Evrópu geta lent í enn meiri vanda ef ekki verður gripið til nauðsynlegra aðgerða til þess að minnka opinberar skuldir þjóðríkja. Samkvæmt nýrri spá OECD, sem Wall Street Journal vitnar til í morgun, mun landsframleiðsla í Evrópu dragast saman um 0,1 prósent á þessu ári. Til þess að hún aukist þurfa ríkisstjórnir að grípa til víðtækra aðgerða, til þess að auka hagvöxt en fyrri spá stofnunarinnar gerði ráð fyrir hagvexti upp á 0,2 prósent.

Launavísitalan lækkar um 0,1 prósent

Launavísitala í apríl 2012 er 431,4 stig og lækkaði um 0,1% frá fyrri mánuði. Síðastliðna tólf mánuði hefur launavísitalan hækkað um 11,9%, samkvæmt tölum sem Hagstofa Íslands birti í dag.

Aflaverðmæti eykst um 28,1 prósent milli ára

Aflaverðmæti íslenskra skipa nam 30,1 milljarði króna á fyrstu tveimur mánuðum ársins 2012 samanborið við 23,5 milljarða á sama tímabili 2011. Aflaverðmæti hefur því aukist um 6,6 milljarða eða 28,1% á milli ára, að því er fram kemur á vef Hagstofu Íslands í dag.

Norðmenn ólíkir Bretum þegar kemur að framtíðarsjóðum

Norðmenn njóta góðs af því að hugsa til framtíðar þegar kemur að olíuauði landsins, og aðskilja hann algjörlega frá opinberum sjóðum. Bretar hefðu getað lært mikið af framtíðarhugsjón Norðmanna, segir í myndbandsumfjöllun sem aðgengileg er á viðskiptavef Vísis, þar sem samanburður á stöðu Norðmanna og Breta, þegar kemur að sjóðum fyrir komandi kynslóðir, er til umfjöllunar.

Arionbanki hækkar vexti

Arion banki hefur hækkað vexti á óverðtryggðum inn- og útlánum. Vaxtahækkunin kemur í kjölfar stýrivaxtahækkunar Seðlabanka Íslands þann 16. maí síðastliðinn. Óverðtryggðir vextir inn- og útlána hækka um allt að 0,5%.

Hrun á markaðsvirði Facebook - allra augu á Morgan Stanley

Augu fjárfesta í Bandaríkjunum beinast nú að Morgan Stanley, helsta viðskiptabanka Facebook, en markaðsvirði Facebook hefur verið í frjálsu falli í dag. "Skráningarverðið hefði átt að vera helmingurinn af því sem það var,“ segir Michael Pachter, greinandi hjá fyrirtækinu Wedbush Securites, í viðtali við Wall Street Journal.

Gengi Facebook hrynur

Gengi Facebook hefur hrunið í dag, og nemur lækkunin það sem af er degi tæplega 9 prósentum, samkvæmt markaðsvakt Wall Street Journal.

Tölvur og linsur á Suðurskautinu

Höfuðstöðvar Nýherja iðuðu af lífi þegar fréttastofa heimsótti þær á dögunum. Þetta er önnur heimsókn á vinnustað sem birtist á Vísi, en fyrsti vinnustaðurinn sem var heimsóttur var tölvuleikjaframleiðandinn CCP. Þá heimsókn má sjá hér.

Eignarhaldsfélag Hörpu selur í Marel

Eignarhaldsfélag Hörpu, þar sem Helgi Magnússon, stjórnarformaður Lífeyrissjóðs verzlunarmanna, er stór hluthafi, seldi 680 þúsund hluti í Marel í dag á genginu 153, eða fyrir sem nemur um 100 milljónum króna. Þetta kemur fram í tilkynningu um viðskiptin til Kauphallar Íslands. Eftir viðskiptin eru um 4,7 milljónir hluta í Marel tengdir Helga í gegnum ýmis félög, en markaðsvirði þeirra er um 700 milljónir í dag.

Skemmtigarðastríð í uppsiglingu

Mikið skemmtigarðastríð virðist í uppsiglingu milli Disney og Universal Studios. Í júní nk. mun Disney opna nýjan Cars-skemmtigarð í Kaliforníu sem kostar um 450 milljónir dala, eða sem nemur yfir 56,7 milljörðum króna. Forsvarsmenn Disney vonast til þess að ná að lokka fjölskyldufólk í garðinn í stórum stíl, en garðurinn verður glæsilegur í alla staði, þar sem Leiftur McQueen og félagar verða í aðalhlutverki. Disney fékk um 73 milljónir gesta í átta skemmtigarða á síðasta ári.

Yahoo selur hlut í Alibaba fyrir stórar upphæðir

Bandaríski netrisinn hefur samþykkt að selja hluta af eignarhluta sínum í kínverska netfyrirtækinu Alibaba Group. Um gríðarlegar upphæðir er að ræða en Alibaba kaupir 20 prósenta hlut Yahoo á rúma sjö milljarða dollara, eða um 898 milljarða króna. Eftir viðskiptin mun Yahoo ennþá eiga 20 prósent í fyrirtækinu.

Vísitala byggingarkostnaðar lækkar lítið eitt

Vísitala byggingarkostnaðar lækkaði um 0,1 prósentustig milli mánaða og er hún nú 114,9 stig. Verð á innfluttu efni lækkaði um 0,6% (áhrif á vísitölu -0,2%) en vélar, flutningur og orkunotkun hækkaði samtals um 0,9% (0,1%).

Danir auka þjónustu við BRIC-löndin

Danska hagkerfið hefur í sívaxandi mæli snúið sér í það að þjónusta BRIC-löndin svokölluðu, Brasilíu, Rússland, Indland og Kína, þar sem vöxtur hefur verið gríðarlega mikill undanfarin ár, á sama tíma og erfiðleikar hafa verið miklir á alþjóðavettvangi.

Fjárfestar óttast áhlaup á evrópska banka

Fjárfestar óttast áhlaup á evrópska banka, einkum þá sem eru með höfuðstöðvar í Suður-Evrópu, að því er greint er frá í helgarútgáfu Wall Street Journal. Þrátt fyrir að Seðlabanki Evrópu hafi lánað evrópskum bönkum ríflega þúsund milljarða evra, liðlega 166 þúsund milljarða króna, í lok síðasta árs og byrjun þessa árs, þá hefur áhyggjum fjárfesta ekki verið eytt. Lánin voru veitt á lægri vöxtum en bönkum bauðst á markaði, einkum til þess að þeir gætu endurfjármagnað skuldir ríkissjóða í Evrópu.

Rannsóknin á Kaupþingsviðskiptum myndi taka mörg ár

Efnahagsbrotadeild bresku lögreglunnar, eða Serious Fraud Office, varaði bræðurna Robert og Vincent Tchenguiz við því að rannsókn á þeirra málum gæti tekið fimm til tíu ár ef þeir myndu ekki fallast á málamiðlun sem þeim var boðin. Þetta kemur fram á vef breska blaðsins Daily Telegraph.

Zuckerberg breytti hjúskaparstöðunni í "Giftur"

Mark Zuckerberg, stofnandi Facebook, tilkynnti heiminum í gær að hann hefði gengið í það heilaga með því að breyta hjúskaparstöðu sinni á áðurnefndu sköpunarverki sínu Facebook.

Kínverjar leyfa Google að kaupa Motorola

Kínversk yfirvöld hafa loks gefið sitt lokasvar um að netrisanum Google sé heimilt að ljúka kaupum á farsímaframleiðandanum Motorola. Verðmiðinn er 12,5 milljarðar dala, eða sem nemur 1.587,6 milljörðum króna miðað við núverandi gengi. Kaupin voru endanlega heimiluð eftir að forsvarsmenn Google féllust á skilyrði kínverskra yfirvalda um að Android stýrikerfið standi öllum opið án kostnaðar næstu fimm árin, af því er New York Times greindi frá í dag.

Mikill áhugi á Facebook

Það var líflegur dagur í Nasdaq-Kauphöllinni í New York í Bandaríkjunum í gær þegar viðskipti hófust með hlutabréf í Facebook. Útboðsverð bréfanna var 38 Bandaríkjadalir en verðið skaust fljótlega upp í 43 dali áður en það féll aftur niður í útboðsverðið. Við lokun markaða var verðið 38,23 dalir á hlut sem jafngildir tæpum 4.900 íslenskum krónum.

Sjá næstu 50 fréttir

Mest lesið