Ástandið í Líbíu lækkar olíuverðið

Heimsmarkaðsverð á olíu hefur hríðfallið í morgun. Tunnan af Brentolíunni hefur lækkað um 3 dollara og er komin niður í rúma 105 dollara á tunnuna. Þetta er lækkun um 2,6%.

Varaforseti Bandaríkjanna reynir að róa Kínverja

Joe Biden, varaforseti Bandaríkjanna, segir að Bandaríkin muni aldrei fara í greiðsluþrot. Þetta sagði hann í ræðu sem hann hélt í Kína í nótt, þar sem hann er staddur í heimsókn. Á lokadegi heimsóknar sinnar sagði Biden að allar þær eignir sem Kínverjar ættu í bandarískum dollurum væru öruggar. Á fréttavef BBC segir að samskipti Bandaríkjanna og Kínverja hafi stirðnað mjög mikið að undanförnu vegna skulda Bandaríkjanna. Kínverjar hafi gagnrýnt stjórnmálamenn í Bandaríkjunum fyrir að hafa hækkað skuldaþakið. Einnig hafi Kínverjar lýst áhyggjum af lækkun lánshæfismats Bandaríkjanna.

Gagnaveitan ekki á sölulista Orkuveitunnar

Stjórnarformaður Orkuveitu Reykjavíkur telur hagsmunum fyrirtækisins best borgið með því að selja Gagnaveitu Reykjavíkur. Fulltrúi Sjálfstæðismanna í stjórn Orkuveitunnar telur ómögulegt að koma fyrirtækinu á kjöl án þess að Gagnaveitan verði seld.

Spáir 5,4% verðbólgu í ágúst

Greining Íslandsbanka spáir því að vísitala neysluverðs (VNV) hækki um 0,6% í ágúst frá fyrri mánuði. Gangi spáin eftir eykst 12 mánaða verðbólga úr 5,0% í 5,4% í þessum mánuði.

Arion banki við Hlemm vafinn inn í límband

Arion banki, Apear Collective og Urban Utd. munu standa fyrir óvenjulegri uppákomu á Menningarnótt fyrir utan útibú Arion banka við Hlemm. Þar mun listahópurinn Apear Collective umturna svæðinu með hjálp límbands. M.a. mun útibúi Arion banka verða pakkað inn í límband.

Seðlabankinn skortseldi ekki Pandóru

Seðlabanki Íslands neitar því að hafa stundað skortsölu með hlutabréf í skartgripaframleiðandanum Pandóru í Danmörku.

Vill að Írar gefi Norðmönnum helming af olíusvæðum sínum

Þekktur írskur dálkahöfundur hjá blaðinu Irish Times leggur til að Írar gefi Norðmönnum helminginn af olíusvæðum sínum gegn því að Norðmenn sjái alfarið um olíuleit og vinnslu á þeim.

Atlantsolía lækkar verð á bensíni og díselolíu

Atlantsolía lækkaði eldsneytisverðið í morgun um þrjár krónur. Forsvarsmenn fyrirtækisins segja ástæðuna vera lækkandi olíuverð á heimsmörkuðum.

Rekstur Iceland heldur áfram að blómstra

Rekstur Iceland Foods verslunarkeðjunnar í Bretlandi heldur áfram að blómstra í því slæma efnahagsástandi sem þar ríkir.

Gengi krónunnar styrkist ekki næstu misserin

Vísbendingar eru um að lítið svigrúm sé til staðar til þess að gengi krónunnar styrkist á næstu misserum. Greining Arion banka fjallar um málið í Markaðspunktum sínum og vísar í nýútkomin Peningamál Seðlabankans.

Skuldatryggingaálag Íslands lækkar töluvert

Skuldatryggingaálag Íslands hefur lækkað töluvert að undanförnu og stendur nú í 232 puntkum. Fyrir rúmri viku síðan stóð álagið í 297 punktum og hefur því lækkað um 65 punkta frá þeim tíma.

Olíuverðið lækkar töluvert

Heimsmarkaðsverð á olíu lækkaði töluvert í gærdag samhliða því að markaðir í Bandaríkjunum tóku töluverða dýfu niður á við í gærkvöldi.

Reiknað með rauðum tölum á öllum Evrópumörkuðum

Reiknað er með að hlutabréf falli í verði í dag á öllum mörkuðum í Evrópu. Þetta mun gerast í framhaldi af því að Dow Jones vísitalan á Wall Street hrapaði um 3,7% í gærkvöldi og Asíumarkaðir fylgdu í kjölfarið í nótt með töluverðri niðursveiflu.

Tómataræktun gæti tvöfaldast á næsta ári

Ef áform Geogreenhouse um að reisa 3,3 hektara gróðurhús á næsta ári verða að veruleika þýðir það að tómataræktun á Íslandi mun tvöfaldast, að sögn Bjarna Jónssonar, framkvæmdastjóra Sambands garðyrkjubænda. Öll tómataræktun í landinu fer nú fram á samtals fjórum hekturum.

Unnið að því að hleypa aflandskrónum til landsins

Unnið er að því að undirbúa að hleypa aflandskrónum í fjárfestingar innanlands, en seðlabankastjóri segir það hafa sett strik í reikninginn að Alþingi hafi enn ekki afgreitt gjaldeyrishaftafrumvarp viðskiptaráðherra.

Slitastjórn Glitnis skoðar mál á hendur fyrrverandi starfsmönnum

Slitastjórn Glitnis hefur til skoðunar málshöfðanir á hendur fyrrverandi starfsmönnum bankans sem fengu lán til hlutabréfakaupa í gegnum eignarhaldsfélög. Fjárhæðirnar hlaupa á milljörðum króna. Í flestum tilvikum verður erfitt að fá kröfurnar greiddar þar sem persónulegum ábyrgðum er ekki til að dreifa.

Verðbólgan á evrusvæðinu er 2,5%

Verðbólgan á evrusvæðinu mældist 2,5% í júlí síðastliðnum samkvæmt samræmdu vísitölu neysluverðs sem Eurostat birti í gær. Sé miðað við Evrópska efnahagssvæðið (EES) í heild mældist verðbólgan að jafnaði nokkuð meiri, eða 2,9%. Dregur því áfram úr tólf mánaða taktinum milli mánaða en í júní mældist verðbólgan á evrusvæðinu 2,7% en á EES 3,1%.

Telur Seðlabanka Íslands hafa skortselt Pandóru

Viðskiptavefsíðan Finanswatch gerir að því skóna að það hafi verið Seðlabanki Íslands sem tók stærstu skortstöðurnar í skartgripaframleiðendanum Pandóru á hlutabréfamarkaðinum í Kaupmannahöfn. Þetta hafi bankinn gert til að verja þá fjármuni sem Seðlabankinn á að fá fyrir FIH bankann en söluverðið var að hluta til bundið við gengi Pandóru.

Yfirvöld rannsaka S&P

Nú stendur yfir rannsókn á starfsemi matsfyrirtækisins Standard og Poor's (S&P) á árunum fyrir hrun. Ráðuneytið vonast til að finna næg sönnunargögn til að styðja þá getgátu að fyrirtækið hafi ekki starfað á faglegan hátt að öllu leyti

Gullverðið aftur komið yfir 1.800 dollara

Heimsmarkaðsverð á gulli er aftur komið yfir 1.800 dollara á únsuna og hefur hækkað um 0,5% það sem af er degi. Gullverðið rauf síðast 1.800 dollara hrunið í upphafi mánaðarins þegar miklar sveiflur voru á hlutabréfamörkuðum heimsins.

Myntsafn Seðlabankans opið á Menningarnótt

Í tilefni af Menningarnótt í Reykjavík á laugardag verður Myntsafn Seðlabanka og Þjóðminjasafns á Kalkofnsvegi 1 opið frá kl. 14:00 til 17:00.

Meniga heimilisbókhald í gegnum netbanka Arion banka

Viðskiptavinum Arion banka býðst nú aðgangur að Meniga heimilisbókhaldi í gegnum Netbanka Arion banka. Meniga er vefur, sérhannaður til að aðstoða notendur við að stjórna heimilisfjármálunum, setja sér markmið og nýta peningana sína sem best.

Tíu milljarða maðurinn

Peyton Manning leikstjórnandi Indianapolis Colts í bandarísku NFL deildinni, það er ruðningi, er hæstlaunaði leikmaður deildarinnar. Manning er kallaður 90 milljón dollara maðurinn, eða tíu milljarða króna maðurinn, eftir að hann gerði nýjan fimm ára samning fyrir þá upphæð við lið sitt fyrr í ár

FME með eftirlit í Sparisjóði Keflavíkur 2009

Fjármálaeftirlitið (FME) setti sérfræðing inn í Sparisjóð Keflavíkur í júní 2009 til að hafa sérstakt eftirlit með sjóðnum. Sérfræðingurinn skilaði reglulegum skýrslum til FME um ástand sjóðsins. Þetta segir Gunnar Andersen, forstjóri FME.

Danir liggja með auðæfi í gjaldeyri heimavið

Ef að safnað er saman öllum þeim gjaldeyri sem Danir koma með heim eftir frí eða ferðir til útlanda og skipta ekki aftur í danskar krónur nemur sú upphæð um 5,5 miljörðum danskra kr. eða nær 120 milljörðum kr.

Osló er dýrasta borg heims

Osló er dýrasta borg heimsins að búa í að því er fram kemur í nýrri úttekt svissneska stórbankans UBS. Næst á eftir koma borgirnar Zurich og Genf í Sviss og síðan Kaupmannahöfn og Stokkhólmur.

Innanstokksmunir Hótel D´Angleterre á uppboð

Ef gjaldeyrishöftin væru ekki til staðar ættu Íslendingar þess kost að eignast húsgögn úr hinu sögufræga Hótel D´Angleterre.

Eyraroddi að seljast í tvennu lagi

Útgerðarfyrirtækið Lotna hefur gengið frá kaupum á fiskvinnsluhúsi og beitningahúsi sem voru í eigu þrotabús Eyrarodda á Flateyri. Þar að auki hefur það leigt bátinn Stjána Ebba og allan þann kvóta sem honum fylgir fram að næsta fiskveiðiári sem reyndar hefst eftir um það bil hálfan mánuð.

Chavez þjóðnýtir gullnámur Venesúela

Hugo Chavez forseti Venesúela hefur ákveðið að þjóðnýta gullnámur landsins til þess að auka gullforða þess.

Geimhótel á braut um Jörðu í bígerð

Teikningar af fjögurra herbergja geimhóteli sem á að svífa á braut um Jörðu hafa verið gerðar opinberar í Rússlandi.

Ríkissjóður réttir áfram úr kútnum

Rekstur hins opinbera heldur áfram að rétta úr kútnum. Handbært fé frá rekstri ríkissjóðs var neikvætt um 29,7 milljarða kr. á fyrri helmingi ársins en var neikvætt um 36,5 milljarða kr. á sama tímabili í fyrra.

Reitir II töpuðu 572 milljónum á fyrri helmingi ársins

Tap Reita II ehf. á fyrri árshelmingi ársins nam 572 milljónum króna samanborið við 375 milljón króna tap á sama tímabili í fyrra.

Vilja flytja út íslenska tómata

Fyrirtækið Geogreenhouse áformar að hefja útflutning á tómötum og miðast hugmyndirnar við að fyrsta sending fari utan í september á næsta ári. Að öllu óbreyttu yrði það þá fyrsta fyrirtækið til að flytja út grænmeti frá Íslandi. Nú þegar hafa náðst samningar við breskt fyrirtæki um markaðssetningu, pökkun og dreifingu tómatana. Gangi áformin eftir verða tómatarnir meðal annars til sölu hjá stórmarkaðakeðjunni Marks og Spencer.

Íslensk hönnun í Debenhams

Íslensk hönnun verður seinna á þessu ári í fyrsta sinn til sölu í Debenhams erlendis. Debenhams rekur yfir tvö hundruð verslanir í um 25 löndum.

HB Grandi með rjómauppgjör á fyrri helmingi ársins

Hagnaður HB Granda á fyrri helming ársins nam 15,7 milljónum evra eða um 2,6 milljörðum kr. á gengi dagsins. Á sama tímabili í fyrra tapaði félagið 1,4 milljónum evra eða um 230 milljónum kr.

SA: Vaxtahækkunin gangi til baka

Samtök atvinnulífsins mótmæla harðlega 0,25% vaxtahækkun Seðlabankans og hvetja bankann til þess að draga hana til baka við næstu vaxtaákvörðun. Í yfirlýsingu frá samtökunum segir að hækkunin gangi þvert á viðleitni til þess að auka fjárfestingar og hagvöxt í landinu og gerir það erfiðara að ná niður atvinnuleysi og bæta lífskjör almennings.

Óskiljanleg vaxtaákvörðun

Viðskiptaráð Íslands segir ákvörðun Seðlabankans um að hækka stýrivexti óskiljanlega. Þó ákvörðunin byggi á spám um hækkandi verðbólgu er hún óskiljanleg í ljósi þess að heimili landsins glíma þegar við þungar byrðar, meðal annars vegna nýlegra kjarasamninga og yfirdrifinna skattahækkana.

Spáir því að verðbólgan fari í 5,2% í ágúst

Greiningardeild Arion banka spáir 0,4% hækkun vísitölu neysluverðs í ágúst. Gangi spáin eftir mun ársverðbólgan mælast 5,2% samanborið við 5% í júlí.

Enn bíða yfir 8.000 heimili eftir 110% leiðinni

Í lok júní sl. höfðu rúmlega 2.600 heimili fengið umsókn sína um niðurfærslu húsnæðislána í 110% veðhlutfall samþykkta og biðu rúmlega 8.100 umsóknir afgreiðslu.

Gylfi orðlaus yfir stýrivaxtahækkun

Gylfi Arnbjörnsson, forseti ASÍ, er nánast orðlaus yfir þeirri ákvörðun Peningastefnunefndar Seðlabanka Íslands að hækka stýrivexti um 0,25 prósent. "Ég er eiginlega bara orðlaus,“ segir Gylfi í samtali við fréttastofu. Hann bendir á að eins og komi fram í greiningu bankans er meginástæða þess að verðbólgan hefur aukist sú, að gengi krónunnar hefur veikst. "Ég fæ ekki séð með hvaða hætti vaxtahækkanir eiga að hjálpa til við það að laga það. Vextir á Íslandi eru með þeim hæstu í heimi, þrátt fyrir að þeir hafi lækkað mikið undanfarin misseri.“

Raungengi krónunnar hefur lækkað stöðugt

Raungengi hefur lækkað stöðugt frá því í desember og var tæpum 6% lægra í júlí en þegar það fór hæst í nóvember sl. Veiking krónunnar í upphafi árs er ein helsta ástæða lækkunar raungengisins. Raungengi er því enn mjög lágt í sögulegu samhengi eða 23% lægra en langtímameðaltal.

Úttekt á lífeyrissjóðunum lýkur í nóvember

Vinnu úttektarnefndar Landssamtaka lífeyrissjóðanna miðar vel. Í yfirlýsingu nefndarinnar frá því í dag er áætlað að nefndin ljúki störfum næstkomandi nóvember.

Vaxtahækkunin í takt við spá greiningar Íslandsbanka

Ingólfur Bender forstöðumaður greiningar Íslandsbanka segir að ákvörðun Peningastefnunefndar Seðlabankans um að hækka stýrivexti bankans um 0,25 prósentur var í takti við þeirra spá. Aðrar opinberar spár gerðu ráð fyrir óbreyttum vöxtum.

Vilhjálmur: Vaxtahækkunin er óhugguleg

Vilhjálmur Egilsson framkvæmdastjóri Samtaka atvinnulífsins segir að vaxtahækkun Seðlabankans í morgun sé óhugguleg. Það sé eins og þetta fólk sem stóð að hækkuninni sé að fást við efnahagsmál í einhverju allt öðru landi en Íslandi.

Hagvaxtarspá hækkuð í 2,8% þrátt fyrir óvissu

Seðlabankinn spáir því nú að meiri vöxtur einka- og samneyslu og kröftugri viðsnúningur atvinnuvegafjárfestingar utan stóriðju, skipa og flugvéla gerir það að verkum að er gert ráð fyrir meiri hagvexti á þessu ári en í apríl eða 2,8% í stað 2,3%.Þetta muni gerast þrátt fyrir verulega óvissu í efnahagsmálum heimsins.