Eignir lífeyrissjóðanna halda áfram að aukast

Eignir lífeyrissjóðanna halda áfram að aukast. Hrein eign lífeyrissjóða var 1.984 milljarðar kr. í lok apríl og hækkaði um tæplega 20 milljarða kr. í mánuðinum eða um 1,0%.

Bilderberg hópurinn fundar í St. Moritz í Sviss

Hinn árlegi fundur Bilderberg hópsins er hafinn á Suvretta hótelinu í St. Moritz í Sviss.

Clinton hefur áhuga á að verða forstjóri Alþjóðabankans

Erlendir fjölmiðlar greina frá því í morgun að Hillary Clinton, utanríkisráðherra Bandaríkjanna, hafi áhuga á að verða næsti forstjóri Alþjóðabankans.

Spáir óbreyttum stýrivöxtum, skynsemin ráði

Greining Arion banka spáir því að Seðlabankinn muni halda stýrivöxtum sínum óbreyttum í þessum mánuði og með þeirri ákvörðun verði skynsemin látin ráða.

Stefnt að yfirtöku á N1 eftir helgina

Ríkissjóður gefur út skuldabréf fyrir einn milljarð Bandaríkjadala

Ríkissjóður Íslands gekk í dag frá samningum um útgáfu skuldabréfa að fjárhæð 1 milljarði Bandaríkjadala, jafngildi um 114 milljarða króna. Skuldabréfin bera fasta vexti og eru gefin út til 5 ára á ávöxtunarkröfunni 4,993% vöxtum.

Jarðboranir gera risasasamning

Jarðboranir hafa samið við eitt stærsta orkufyrirtæki Nýja-Sjálands, Mighty River Power, um framkvæmdir þar í landi. Samningurinn, sem er að verðmæti um 3 milljarðar króna, verður undirritaður síðar í mánuðinum.

Skilanefndir lagðar niður fyrir árslok

Skilanefndir bankanna verða lagðar niður fyrir árslok og verkefni þeirra færð slitastjórnum. Efnahags- og viðskiptaráðherra segir það vandamál að ekki séu þeir sömu sem eiga bankana og þeir sem stjórna þeim.

Afgangur af vöruskiptum 21% minni en í fyrra

Sé miðað við fyrstu fimm mánuði ársins er vöruskiptaafgangur um 21% minni nú í ár en hann var á sama tíma í fyrra. Er munurinn tilkominn af miklum vexti innflutnings, og þá verulega umfram vöxt útflutnings.

Erlend fjármunaeign jókst um 276 milljarða milli ára

Bein fjármunaeign erlendra aðila á Íslandi jókst um 276 milljarða kr. á milli áranna 2009 og 2010. Þetta kemur fram í hagtölum Seðlabankans.

Vigri vekur athygli í slippnum í Reykjavík

Undanfarna daga hefur togarinn Vigri RE 71 verið í slipp í Reykjavík og hefur skipið dregið að sér athygli gesta og gangandi enda tígulegt á að líta að því er segir á vefsíðu Faxaflóahafna.

Exista greiddi bónusa þrátt fyrir 206 milljarða tap

Exista greiddi út bónusa til forstjóra félagsins og framkvæmdastjórnar á árinu 2009 vegna frammistöðu ársins á undan. Exista tapaði 206,3 milljörðum króna á því ári. Til viðbótar tapaði félagið 241,9 milljörðum króna á árinu 2009. Til stendur að rifta bónusgreiðslunum.

Staða stærri fyrirtækja slæm en fer batnandi

Fjárhagsstaða margra stærri fyrirtækja er slæm en hefur farið batnandi frá hruni. Rangir hvatar tefja endurreisn íslensks atvinnulífs. Afleiðing þeirra er m.a. að endurskipulagning fyrirtækja gengur ekki nógu hratt, fyrirtæki koma oft of skuldsett út úr endurskipulagningu og mikil tortryggni og óvissa ríkir á mörkuðum. Nauðsynlegt er að bregðast við þessu.

Afkoma hins opinbera batnar töluvert milli ára

Á fyrsta ársfjórðungi ársins var tekjuafkoma hins opinbera neikvæð um 13,3 milljarða króna, sem er mun hagstæðari niðurstaða en á sama tíma 2010 er hún var neikvæð um 20,7 milljarða króna. Tekjuhallinn nam 3,5% af landsframleiðslu ársfjórðungsins eða 8,2% af tekjum hins opinbera og hefur tekjuafkoman ekki verið hagstæðari síðan á þriðja ársfjórðungi 2008 á þennan mælikvarða.

Vöruskiptin hagstæð um 6,8 milljarða í maí

Samkvæmt bráðabirgðatölum fyrir maí síðastliðinn var útflutningur 56,6 milljarðar króna og innflutningur tæpir 49,8 milljarðar króna. Vöruskiptin í maí voru því hagstæð um 6,8 milljarða króna samkvæmt bráðabirgðatölum.

SF II kaupir ríflega helming í Sjóklæðagerðinni

SF II, félag í rekstri Stefnis hf., hefur keypt ríflega helmingshlut í Sjóklæðagerðinni hf. SF II er í eigu SÍA I, Bjarneyjar Harðardóttur og Helga Rúnars Óskarssonar, forstjóra Sjóklæðagerðarinnar. Sigurjón Sighvatsson mun áfram fara fyrir tæpum helmingshlut í félaginu.

Hótel Loftleiðir verður Natura

Hið sögufræga Hótel Loftleiðir mun frá og með deginum í dag kallast Reykjavík Natura. Nafnbreytingin kemur í kjölfar gagngerra endurbóta á hótelinu.

Fasteignabólan springur taki hagvöxtur ekki við sér

„Ef hagvöxtur fylgir ekki eignaverðshækkunum eftir þá erum við að sjá bólu á eignamarkaði og sú bóla springur á endanum og íbúðaverð lækkar,“ segir Ásdís Kristjánsdóttir, forstöðumaður greiningardeildar Arion banka. Hún bendir á að eignaverð hafi hækkað umfram það sem eðlilegt getur talist við núverandi aðstæður í hagkerfinu.

Skuldabréfaútgáfa sýni að Ísland sé að ná sér vel á strik

Financial Times segir að verði fyrirhuguð skuldabréfaútgáfa íslenska ríkisins árangursrík myndi slíkt sýna að Ísland sé að ná sér vel á strik eftir fjármálakreppuna.

Waitrose hefur áhuga á að kaupa verslanir Iceland

Breska verslunarkeðjan Waitrose hefur lýst yfir áhuga sínum á að kaupa verslanir Iceland Foods.

Heimsmarkaðsverð á olíu fer aftur hækkandi

Heimsmarkaðsverð á olíu fer nú aftur hækkandi eftir að ljóst varð í gærdag að OPEC ríkin gátu ekki komið sér saman um aukna olíuframleiðslu á fundi sínum í Vín í gærdag.

Hægt að losa gjaldeyrishöft á meiri hraða

Páll Harðarson, forstjóri Kauphallarinnar, segir niðurstöður fyrsta gjaldeyrisútboðs Seðlabankans fyrir eigendur aflandskróna jákvæðar. Þær bendi til að hægt sé að aflétta gjaldeyrishöftunum með meiri hraða en áætlun stjórnvalda geri ráð fyrir.

Áfram röskun hjá Icelandair á morgun

Boðaðar verkfallsaðgerðir flugvirkja á milli klukkan sex og tíu í fyrramálið munu valda talsverðri röskun á áætlunarflugi Icelandair. Samsvarandi aðgerðir í morgun ollu verulegum seinkunum á öllu flugi félagsins í dag og fram á kvöld að því er segir í tilkynningu frá Icelandair.

Aukning í þorski en samdráttur í ýsu

Hafrannsóknarstofnunin kynnti í dag tillögur sínar í aflamarki og vill að þorskkvótinn verði 177 þúsund tonn á næsta fiskveiðiári. Þetta þýðir aukningu um 17 þúsund tonn. Stofnunin leggur hinsvegar til að ýsukvóti verði 37 þúsund tonn og minnki þannig úr 50 þúsund tonnum eins og nú er.

Vilja nefndarfund til að ræða aðrar leiðir til afnáms gjaldeyrishafta

Sjálfstæðismennirnir Pétur Blöndal og Tryggvi Þór Herbertsson og framsóknarmaðurinn Birkir Jón Jónsson, sem allir eiga sæti í efnahags- og skattanefnd, hafa óskað eftir því við Helga Hjörvar formann að hann kalli nefndina saman hið fyrsta. Tilefnið er uppboð Seðlabankans á krónum sem fram fór í gær. Þingmennirnir vilja að starfsmenn bankans verði kallaðir fyrir nefndina til þess að lýsa skilyrðum og umgjörð uppboðsins en uppboðið er hluti af áætlun um að afnema gjaldeyrishöftin hér á landi. Þá vilja þingmennirnir kanna aðrar leiðir til þess að afnema höftin.

Telur hagvöxtinn viðunandi í alþjóðlegum samanburði

Greining Íslandsbanka telur að hagvöxtur upp á 2,2% á Íslandi sé viðunandi í alþjóðlegum samanburði um þessar mundir. en hann var 2,5% að meðaltali í ríkjum ESB og 2,3% í Bandaríkjunum á sama tíma. Á Norðurlöndunum var vöxturinn 6,5% í Svíþjóð, 5,8% í Finnlandi, 1,3% í Danmörk og 0,1% í Noregi. Þess ber þó að geta að flest þessara landa hafa verið að rétta úr kútnum um nokkurt skeið og hagvöxtur mældist þar í fyrra öfugt við Ísland.

Neyðarlínan kaupir af Vodafone

Neyðarlínan hefur keypt af Vodafone 12 fjarskiptahús og 16 fjarskiptamöstur sem ýmist eru staðsett á hálendindu eða í dreifbýli víða um land.

Skuldatryggingaálag á Ísland niður í 200 punkta

Skuldatryggingaálag á íslenska ríkið er nú komið niður í slétta 200 punkta og hefur ekki verið lægra síðan töluvert fyrir hrunið árið 2008.

Verðið hækkaði um 100 prósent

Útflutningur á áli Alcoa í Reyðarfirði dróst saman um þrjú þúsund tonn í fyrra frá árinu 2009. Á sama tíma jókst verðmæti útflutningsins.

Ríkið í milljarðs dollara skuldabréfaútgáfu erlendis

Íslenska ríkið hefur auglýst alþjóðlegt skuldabréfaútboð að upphæð samtals 1 milljarðs dollara eða rúmlega 113 milljarða kr.

Landsframleiðslan jókst um 2% milli ársfjórðunga

Landsframleiðsla jókst um 2,0% að raungildi milli 4. ársfjórðungs 2010 og 1. ársfjórðungs 2011. Á sama tíma jukust þjóðarútgjöld um 5,1%, sem skýrist að mestu af mikilli aukningu birgða.

Reikna með frekari hækkunum á íbúðamarkaði

Greining Íslandsbanka reiknar með því að framhald verði á verðhækkunum og aukinni veltu á íbúðamarkaði á næstunni.

Verð á hrávörum og matvælum helst hátt út árið

Ekkert lát er á verðhækkunum á hrávörum og matvælum í heiminum og reikna sérfræðingar með að sú þróun haldi áfram út þetta ár.

Miklar hækkanir á orkureikningum breskra heimila

Milljónir heimila í Bretlandi horfa nú fram á miklar hækkanir á orkureikningum sínum. Í frétt um málið í blaðinu Telegraph segir að reikna megi með að orkureikningar breskra heimila muni hækka að meðaltali um 200 pund eða rúmar 37 þúsund krónur á þessu ári.

Farþegum Icelandair fjölgaði um 22% milli ára í maí

Icelandair flutti 136 þúsund farþega í maí og fjölgaði þeim um 22% á milli ára. Sætanýting var 77,2%.

Fyrsta skrefið í afléttingu hafta

Seðlabanki Íslands hélt í gær útboð á gjaldeyri fyrir eigendur aflandskróna. Alls bárust tilboð upp á rúmlega 60 milljarða króna en fimmtán milljarðar voru í boði að hámarki. Tilboðum var tekið fyrir 13,4 milljarða, á meðalverðinu 218,9 krónur fyrir evru.

Árleg fjárfesting var um tíu milljarðar

Fjárfesting í sjávarútvegi var um níutíu milljarðar króna frá 2001 fram til ársins 2009, að sögn Sigurgeirs Brynjars Kristgeirssonar, framkvæmdastjóra Vinnslustöðvarinnar í Vestmannaeyjum. Hann hafnar alfarið fullyrðingu Ólínu Þorvarðardóttur, þingmanns Samfylkingarinnar og varaformanns sjávarútvegs- og landbúnaðarnefndar Alþingis, um að fjárfesting í sjávarútvegi hafi nánast engin verið um langt árabil.

Vilja losna á veiku gengi

Fyrsta gjaldeyrisútboði Seðlabankans er lokið og bárust tilboð fyrir sextíu og einn milljarð. Í tilkynningu frá bankanum segir að tilboðum hafi verið tekið fyrir 13,4 milljarða og var lágmarksverð samþykktra tilboða 215 krónur fyrir evru. Meðalverð nam hinsvegar tæpum 219 krónum á evru.

Ellefu íþróttafélög fengu alls 9 milljón króna styrk

Ellefu aðildarfélög Íþróttabandalags Hafnarfjarðar hlutu í gær samtals 9 milljóna króna styrki til eflingar barna- og unglingastarfs félaganna. Að styrkjunum standa Hafnarfjarðarbær og Rio Tinto Alcan á Íslandi og voru þeir afhentir í höfuðstöðvum álversins í Straumsvík. Um er að ræða fyrri afhendingu ársins á árlegum 15 milljóna króna styrk samkvæmt samstarfssamningi ÍBH, Rio Tinto Alcan og Hafnarfjarðarbæjar. Greiðir Rio Tinto Alcan 9 milljónir á ári og Hafnarfjarðarbær 6 milljónir. Samstarf þessara þriggja aðila hefur staðið frá árinu 2001. Fjárhæð vorúthlutunar skiptist á félögin eftir fjölda iðkenda 16 ára og yngri en við desemberúthlutun er útdeilt með hliðsjón af námskrám félaganna og menntunarstigi þjálfara. Eftirfarandi félög hlutu styrk í gær: Knattspyrnufélagið Haukar 2.737.023,- Fimleikafélag Hafnarfjarðar (FH) 2.188.456,- Fimleikafélagið Björk 2.014.000,- Sundfélag Hafnarfjarðar (SH) 604.781,- Dansíþróttafélag Hafnarfjarðar (DÍH) 362.481,- Golfklúbburinn Keilir 354.728,- Badmintonfélag Hafnarfjarðar (BH) 323.713,- Siglingaklúbburinn Þytur 222.916,- Hnefaleikafélag Hafnarfjarðar (HFH) 96.920,- Hestamannafélagið Sörli 58.152,- Íþróttafélagið Fjörður 36.830,- Rannveig Rist, forstjóri álversins, Guðmundur Rúnar Árnason bæjarstjóri og Hrafnkell Marinósson, formaður ÍBH, lögðu öll áherslu á mikilvægi þessa samstarfs fyrir íþróttalíf bæjarins, og þann margvíslega samfélagslega ávinning sem öflugt íþróttastarf hefur í för með sér. Hafði Rannveig jafnframt á orði að gullsöfnun hafnfirskra íþróttamanna væri orðin slík að móðurfélag álversins, Rio Tinto, væri farið að muna talsvert um hana, en gull er ein af afurðum fyrirtækisins. Á meðfylgjandi mynd eru Rannveig, Guðmundur Rúnar og Hrafnkell ásamt fulltrúum aðildarfélaga ÍBH við afhendingu styrkjanna í Straumsvík í gær.

Hádegisverður með Buffett kominn í 230 milljónir

Nýtt met hefur verið slegið á hinu árlega uppboði á eBay þar sem boðinn er upp hádegisverður með ofurfjárfestinum Warren Buffett. Hæsta boð er komið í 2 milljónir dollara eða um 230 milljónir kr.

Raungengi krónunnar lækkar áfram

Raungengi íslensku krónunnar lækkaði um 0,2% á milli apríl og maí síðastliðins á mælikvarða hlutfallslegs verðlags. Þessi lækkun er tilkomin vegna lækkunar á nafngengi krónunnar á tímabilinu, en hún lækkaði um 1,1% miðað við vísitölu meðalgengis í maí frá fyrri mánuði.

Deloitte samþykkt sem viðurkenndur ráðgjafi í Kauphöllinni

Kauphöllin hefur samþykkt að Deloitte hf. verði viðurkenndur ráðgjafi á First North Iceland. Hlutverk viðurkennds ráðgjafa felst í því að vera til ráðgjafar og aðstoðar fyrirtækjum við skráningu á First North og á meðan bréf þeirra eru í viðskiptum á markaðnum.

Fjarðarál flutti út ál fyrir 250 milljónir á dag

Fjarðaál flutti út ál fyrir tæplega 790 milljónir dollara, sem svarar til 94 milljarða króna á síðasta ári miðað við gengi bandaríkjadollars í desember síðastliðnum. Verðmæti útflutningsins nam því rúmlega 250 milljónum króna hvern dag. Um 33% útflutningstekna fyrirtækisins urðu eftir í landinu, eða rúmlega 31 milljarður króna.

Vöruskiptin hagstæð um 6 milljarða í apríl

Í aprílmánuði voru fluttar út vörur fyrir tæpa 42,0 milljarða króna og inn fyrir tæpa 36,0 milljarða króna. Vöruskiptin í apríl voru því hagstæð um 6,0 milljarða króna. Í apríl 2010 voru vöruskiptin hagstæð um 6,9 milljarða króna á sama gengi.

Skemmtiferðaskip skila milljörðum

Um 74 þúsund ferðamenn komu sjóleiðina til landsins í fyrra og hafa þeir aldrei verið fleiri. Þetta kemur fram í Sjómannadagsblaðinu, en þar segir einnig að stöðug fjölgun skemmtiferðaskipa skili sífellt hærri upphæðum í gjaldeyristekjur.