Stefnir í fjöldauppsagnir hjá Northern Rock

Útlit er fyrir að allt að 2.400 manns verði sagt upp hjá breska bankanum Northern Rock á næstu þremur árum eigi að takast að snúa við rekstrinum. Þetta segir Paul Thompson, einn þeirra sem leiðir yfirtökutilboð Richard Bransons í bankann.

2,3 milljarða króna tap á rekstri 365

Rólegt á markaði í veðurhamnum

Gengi Existu lækkaði um eitt prósent í upphafi viðskiptadagsins í Kauphöll Íslands í dag. Á eftir fylgdu Straumur, FL Group, Landsbankinn og SPRON, sem hefur lækkað um 0,5 prósent. Bakkavör og Kaupþing eru hins vegar einu fyrirtækin sem hafa hækkað í dag, bæði um 0,55 prósent, á afar rólegum degi.

Ari Edwald með 54 milljónir í árstekjur

Ari Edwald, forstjóri 365, fékk rétt rúmar 54 milljónir í laun, árangurstengdar greiðslur og fríðindi á síðasta ári eftir því sem fram kemur í ársskýslu félagsins sem birt var í morgun.

Byr kaupir rekstur Verðbréfaþjónustu sparisjóðanna

Kaup Byrs sparisjóðs á rekstri VSP eru liður í aukinni þjónustu við viðskiptavini sparisjóðsins. Fram til þessa hefur Byr boðið viðskiptavinum sínum verðbréfaþjónustu í gegnum dóttur- og hlutdeildarfélög sín.

Hagnaður SPRON 3,3 milljarðar eftir skatta

SPRON hagnaðist um 3,3 milljarða eftir skatta árið 2007 en þetta kemur fram í uppgjöri fyrirtækisins sem birt var í dag. Guðmundur Hauksson, forstjóri SPRON segir afkomuna vera vel viðundandi í ljósi mikilla lækkana á hlutabréfamörkuðum.

Guðmundur Hauksson með 5 milljónir í mánaðarlaun

Guðmundur Hauksson, forstjóri SPRON, var með 61 milljón í árslaun á síðasta ári samkvæmt ársskýrslu bankans sem sent var Kauphöllinni nú fyrir skömmu.

Exista og FL Group leiddu lækkanir dagsins

Það voru fyrirtækin Exista og FL Group sem leiddu lækkanir dagsins í dag í Kauphöllinni eins og oft áður. Tuttugu félög lækkuðu í dag en aðeins tvö hækkuðu lítillega, Century Aluminium Company og Eik Banki. Exista lækkaði mest, um 4,99 prósent en FL Group um 4,88 prósent.

Breytingar á framkvæmdastjórn Askar Capital

Gerðar hafa verið gerðar breytingar á framkvæmdastjórn Askar Capital. Dr. Sverrir Sverrisson tekur við eigin viðskiptum bankans. Á sama tíma tekur Christian Yates við af Sverri sem framkvæmdastjóri eignastýringar.

Sampo fær leyfi til að kaupa meir en 10% í Nordea

Finnska tryggingarfélagið Sampo hefur fengið leyfi sænska fjármálaeftirlitsins til þess að auka hlut sinn í Nordea bankanum yfir 10%.

Franz Árnason verður formaður Nordvarme

Franz Árnason, forstjóri Norðurorku og formaður stjórnar Samorku, félags orkufyrirtækja á Íslandi var á dögunum kjörinn formaður Nordvarme til næstu tveggja ára.

HBSC sagður bjóða í Société Generale

Gengi hlutabréfa í franska bankanum Société Generale hækkaði um rúm sex prósent á evrópskum hlutabréfamörkuðum í dag eftir að orðrómur fór á kreik að evrópski risabankinn HSBC sé að íhuga að leggja fram yfirtökutilboð í bankann.

Sparisjóðurinn aftur í efsta sæti ánægjuvogarinnar í flokki banka

Sparisjóðurinn var í efsta sæti í flokki banka og sparisjóða í áttunda skiptið á níu árum í hinni svokölluðu Íslensku ánægjuvog sem Capacent Gallup sér um.

SPRON féll um rúm sex prósent í byrjun dags

SPRON tók snarpa dýfu rétt eftir upphaf viðskiptadagsins í Kauphöll Íslands í dag þegar gengi þess féll um 6,17 prósent.

Glitnir í jarðorkuverkefni á Indlandi

Glitnir hefur sótt um að opna útibú á Indlandi. Jafnhliða þessu hefur Glitnir gert samstarfssamning við LNJ Bhilwara Group um byggingu á jarðhitaorkuverum á Indlandi og Nepal.

BHP hækkar tilboðið í Rio Tinto

Ástralska námafélagið BHP Billiton hefur hækkað óvinveitt yfirtökutilboð sitt í ál- og námurisann Rio Tinto. Helsta ástæðan fyrir bættu tilboði er gagntilboð frá Chinalco, stærsta álfélagi Kína, sem er í ríkiseigu, í Rio Tinto. Gengi hlutabréfa í BHP féll um fimm prósent í kjölfarið.

Disney-risinn siglir gegnum niðursveifluna

Hagnaður Disney-risans var umfram væntingar á fyrsta ársfjórðungi, sem lauk í enda janúar samkvæmt bókum afþreyingafyrirtækisins. Það skrifast á góða sölu á DVD-myndum á borð við „High School Musical“ og fjölgun gesta í Disneyland- og Disneyworldgarðana.

Hlutabréf hrapa á mörkuðum í Asíu

Hlutabréf á mörkuðum í Asíu hafa hrapað í morgun í kjölfar mikillar dýfu á Wall Street í gærdag.

Viðunandi uppgjör í erfiðu árferði

Fyrir helgi birtu bankarnir fjórir, Landsbanki Íslands, Kaupþing, Glitnir og Straumur banki, allir uppgjör sín. Öll eru uppgjörin lituð af þrengingum þeim sem riðið hafa yfir fjármálamarkaði heimsins á seinni hluta síðasta árs í kjölfar lausafjárþurrðar og óvissu­ástands tengdu undirmálslánum í Bandaríkjunum og fjárfestingum fjármálafyrirtækja í ógagnsæjum skuldavafningum. Undirmálslánakrísan reyndist heldur dýpri en sérfræðingar greiningardeilda höfðu gert ráð fyrir og afkoma bankanna, í það minnsta á síðasta fjórðungi ársins, heldur undir því sem spáð hafði verið.

Feðgar á fljúgandi ferð

„Þetta er ómetanleg gæðastund hjá okkur feðgunum,“ segir Hrafnkell Sigtryggsson, sviðsstjóri hjá Intrum. Hrafnkell er áhugamaður um íþróttir af flestu tagi sem reyna bæði á kraft og þol. Þar á meðal eru snjóbrettarennsli og seglbrettasiglingar. Motocrossíþróttin er ein þeirra en hana stundar Hrafnkell með sonum sínum tveimur hvenær sem færi gefst.

Landic sækir á finnsk mið

Landic Property hyggst sækja fram og auka verulega við eignasafn sitt í Finnlandi. Sem lið í þeirri áætlun opnaði félagið skrifstofu í Helsinki þann 5. febrúar. Kristín Jóhannesdóttir stjórnarformaður félagsins opnaði nýja finnska heimasíðu, Landic Finland, í tilefni dagsins. Þar með er félagið með starfsstöðvar í fjórum Norðurlandanna. Höfuðstöðvarnar eru á Íslandi, en auk þess rekur félagið skrifstofur í Kaupmannahöfn og Stokkhólmi og nú síðast í Helsinki.

Icebank hagnast um 1,6 milljarða króna

Icebank hagnaðist um 1.616 milljónir króna á síðasta ári samkvæmt uppgjöri sem birt var í dag.

SPRON lækkaði mest í dag

Tuttugu félög lækkuðu í Kauphöllinni í dag. Lækkað SPRON þeirra mest eða um 7,27% og stendur gengi bréfa félagsins nú í 6,12.

Stjórnarformaður SPRON seldi part af hlut sínum fyrir markaðsskráningu

Hildur Petersen, stjórnarformaður SPRON, segist hafa selt hluta af hlut sínum í félaginu áður en það fór á markað. Þetta kom fram í hádegisviðtali Markaðarins í dag.

Finnair með gott uppgjör

Finnska flugfélagið Finnair birti í morgun tölur um afkomu sína á síðasta ársfjórðungi. Tekjur félagsins á fjórðungnum reyndust aðeins hærri en greiningaraðilar höfðu búist við. FL Group er næst stærsti hluthafinn.

Forstjóri Össurar með 64 milljónir í árslaun

Jón Sigurðsson, forstjóri Össurar, var með rétt tæpar 64 milljónir í árslaun á síðasta ári samkvæmt ársskýrslu félagsins 2007 sem kynnt var í morgun. Það gera um 5,2 milljónir í mánaðarlaun fyrir forstjórann sem skilaði 480 milljóna króna hagnaði á árinu.

Færeyski bankinn hefur lækkað mest

Þrjú félög hafa hækkað frá opnun markaðar í morgun í Kauphölllinni. Atlantic Petroleum hefur hækkað mest eða um 6,32% og Century Aluminum Company um 1,97%.

Hagnaður Össurar nam 480 milljónum kr.

Hagnaður Össurar hf. á síðasta ári nam 7,6 milljónum dollara eða um 480 milljónum kr. Heildarsalan á árinu nam 335,6 milljónum dollara eða yfir 20 milljörðum kr. Er það auking upp á 33% frá árinu 2006.

SPRON lækkaði mest í dag

Sautján félög lækkuðu í Kauphöllinni í dag. Lækkaði SPRON þeirra mest eða um 3,93 prósent og stendur gengi bréfa félagsins í 6,60.

Samtök fjárfesta undrast svör SPRON

Stjórn Samtaka fjárfesta undrast svör stjórnar SPRON um sölu stjórnarmanna á eignarhlutum. Í Fréttablaðinu birtust spurningar og svör stjórnar SPRON þann 29.janúar sl.

Össur, SPRON og 365 birta afkomuna í vikunni

Nú hafa uppgjör stærstu fyrirtækjanna í Kauphöllinni verið birt en nokkur mikilvæg uppgjör eru þó enn væntanleg. Í þessari viku munu Össur, SPRON og 365 birta afkomutölur sínar fyrir fjórða ársfjórðung síðasta árs.

Róleg byrjun í kauphöllinni

Viðskiptin í kauphöllinni fara rólega af stað í dag. Úrvalsvísitalan nánast stendur í stað eftir fyrstu viðskipti, hækkar um 0.04% og er í 5.466 stigum.

Eignir Exista rýrna meira en eigið fé

Þrjár lykileignir Exista, Sampo, Kaupþing og Bakkavör, hafa rýrnað um 42 milljarða frá því um áramót. Í máli forsvarsmanna Exista á kynningarfundi á föstudag kom fram að eigið fé hefði ekki minnkað nema um 7,4 milljarða á sama tíma.

Hagnaður Íbúðalánasjóðs um 2,5 milljarðar

Hagnaður af rekstri Íbúðalánasjóðs í fyrra nam rúmum 2,5 milljörðum samkvæmt ársreikningi sem birtur er á vef Kauphallar Íslands.

Búast við samþykki Yahoo tilboðsins

Bandarískir stjórnmálamenn hittast seinna í vikunni til að ræða tilboð Microsoft í Yahoo. Stjórn Yahoo veltir nú fyrir sér 44,6 milljarða dollara tilboðinu en nefnd á vegum þingsins segir að hún muni grandskoða tilboðið 8. febrúar næstkomandi.

Segir erfiðleika íslenska hagkerfisins í augsýn

Breska blaðið Sunday Telegraph fjallar í dag um stöðu íslenska hagkerfisins og ótta um erfiðleika á fjármálamarkaði hér á landi. Í greininni segir að Kaupþing sé sjö sinnum líklegri að standa ekki í skilum en meðal evrópskur banki.

Sjálfstæður atvinnurekandi - eða ríkur?

Þeir Bandaríkjamenn sem vinna fyrir sjálfan sig, eða þéna meira en eina milljón bandaríkjadala ( 65 milljónir íslenskra króna) á ári, eru líklegri til að verða skoðaðir sérstaklega af ríkisskattstofu Bandaríkjanna en aðrir Bandaríkjamenn.

Viðskiptavinir Egg bankans mótmæla kortasvipti

Reiðir viðskiptavinir internetbankans Egg hafa mótmælt ákvörðun bankans um að ógilda kreditkort þeirra eftir 35 daga. Egg segir að 161 þúsund kortum verði lokað þar sem lánstraust korthafanna hafi versnað frá því að þeir tóku upp viðskipti við bankann.

Microsoft vill kaupa Yahoo

Fyrirtækin Microsoft og Yahoo eru bæði í samkeppni við leiðandi leitarvélarisann Google. Nú hefur Microsoft boðist til að kaupa Yahoo með peningum og hlutabréfum á tæplega þrjú þúsund milljarða íslenskra króna.

Útflutningur á óunnum botnfiski eykst

Útflutningur á óunnum botnfiski hefur aukist fyrstu fjóra mánuði fiskveiðiársins miðað við sama tíma í fyrra. Mest er aukningin í útflutningi á óunninni ýsu eða 32 prósent. Starfsgreinasambandið vill að ríkisstjórnin geri það fýsilegra fyrir fyrirtæki að vinna aflann hér á landi.

Nova boðar harðnandi samkeppni á farsímamarkaði

Samskiptafyrirtækið Nova býður fría farsímanotkun að eitt þúsund krónum á mánuði þeim 3G farsímaeigendum sem skrá sig í viðskipti til fyrirtækisins í eitt ár. Þá er öllum sem kaupa 3G farsíma hjá Nova boðið að nota símann endurgjaldslaust fyrir tvö þúsund krónur á mánuði þegar gengið er til liðs við fyrirtækið.

Starfsmenn Skagen fá 12 milljónir í bónus

Á meðan flestir aðilar á verðbréfamörkuðum heims bera sig illa fagna eigendur, starfsmenn og viðskiptavinir norska fjárfestingarsjóðsins Skagen. Sjóðnum tókst furðuvel að halda sjó síðustu mánuði og við ársuppgjör í vikunni var ávöxtunin svo góð að hver einasti starfsmaður fékk sem svarar um tólf milljónum íslenskra króna í bónus.

Flaga fellur eftir háflug

Gengi Flögu féll um 3,2 prósent eftir ofsaflug í vikunni. Gengi bréfa í svefnrannsóknarfyrirtækinuhafði legið í lægstu lægðum alla síðustu viku en tók skyndilegan kipp undir vikulokin og rauk upp um rúm 160 prósent á fjórum viðskiptadögum.

Víkingastyttan af Hard Rock er á skrifstofu Jóns Ásgeirs

Jón Ásgeir Jóhannesson er í viðtali í nýjasta tölublaði Business Week. Þar ræðir hann við blaðamann um mögulega yfirtöku Baugs á bandarísku lúxusversluninni Saks í New York auk þess sem farið er yfir feril hans. Í viðtalinu kemur meðal annars fram að styttan af Leifi Heppna sem stóð í Hard Rock Café í Kringlunni á meðan sá staður var og hét, er niðurkomin í höfuðstöðvum Baugs í London.

„Við erum ekki í vandræðum“

„Það hafa gengið sögur um að félagið eigi í erfiðleikum með lausafé en eins og kom fram erum við með lausafé fram yfir mitt næsta ár og það getur hvaða fjármálastofnun sem er verið stolt af því,“ sagði Lýður Guðmundsson stjórnarformaður Exista í hádegisviðtalinu á Stöð 2 í dag.