SPRON og Kaupþing sameinast um e-kortin

SPRON hefur hafið samstarf við Kaupþing um rekstur og útgáfu e-kortanna og hafa fyrirtækin stofnað nýtt félag, Ekort ehf., um reksturinn.

SPRON og Exista ruku upp

Gengi bréfa í SPRON hækkaði um rúm fimm prósent í Kauphöllinni í dag og fór í 11,44 krónur á hlut eftir að hafa staðið nærri 10 krónum fyrr í vikunni, sem er lægsta gengi félagsins síðan það var skráð á markað í október. Gengið er engu að síður rúmum fimmtíu prósentum undir upphafsgengi sínu.

Nova býður upp á MSN í farsímann

Nýtt samskiptafyrirtæki - Nova - boðar breytta notkun farsímans með tilkomu netsins í símann. Meðal fjölmargra nýjunga sem Nova kynnti á blaðamannafundi í verslun sinni að Lágmúla 9 í dag, föstudaginn 30nóvember, er MSN í farsímann og Vinatónar.

Greining Kaupþings spáir 5,8% verðbólgu

Greiningardeild Kaupþings banka spáir 0,6% hækkun vísitölu neysluverðs í desember. Gangi spáin eftir mun tólf mánaða verðbólga mælast 5,8% samanborið við 5,2% í nóvember.

Landsvirkjun lýkur fjármögnun ársins 2007

Landsvirkjun gaf út í sl. viku skuldabréf að fjárhæð 75 milljónir dollara eða sem svarar til um 4,5 milljarða kr. Lánstíminn er 7 ár og eru kjör skuldabréfsins Libor + 0,07%. Umsjónaraðilar útgáfunnar er belgíski bankinn DEXIA. Með þessari útgáfu er fjármögnun ársins 2007 lokið.

Olíuverðið undir 90 dölum á tunnu

Heimsmarkaðsverð á hráolíu fór niður fyrir 90 dali á tunnu í dag eftir að viðgerð heppnaðist á olíuleiðslu frá Kanada til Bandaríkjanna. Þá spilar inn í að OPEC, samtök olíuútflutningsríkja, er talin ætla að auka olíuframleiðslu umtalsvert í næstu viku auk þess sem reiknað er með því að hátt olíuverð muni draga mjög úr eftirspurn, ekki síst eftir eldsneyti.

Bilun hjá Danska Bank skilur 80.000 Dani eftir blanka

Yfir 80.000 danskir launþegar fá ekki ánægjulegt upphaf á desember-mánuði. Tölvukerfi Danske Bank brotnaði niður í nótt og það þýðir að launþegarnir fá ekki laun sín útborguð fyrr en á mánudag en þeir áttu að fá þau í dag.

Kínverskir og arabískir ofursjóðir hleypa lífi í markaðinn

Kínverskir og arabískir ofursjóðir hafa hleypt lífi í kauphallir á Vesturlöndum undanfarna daga með kaupum í fjármálafyrirtækjum og bönkum. Börsen.dk fjallar um þetta spáir því að kaup þessara sjóða muni aukast verulega á næstu mánuðum.

Tros ehf. hefur selt fiskvinnsluhluta sinn

Tros ehf. í Sandgerði, dótturfélag Iceland Seafood hefur selt fiskvinnsluhluta sinn en kaupandinn er K&G Fiskverkun. Tros hefur þar með hætt allri frumvinnslu.

Exista og Föroya Bank hækka um 3%

Gengi bréfa í bönkum og fjármálafyrirtækjum hefur hækkað nokkuð við upphaf viðskiptadagsins í Kauphöllinni í dag og fór Úrvalsvísitalan yfir 7.000 stigin á ný . Bréf í Föroya banka og Existu hafa hækkað mest, eða um þrjú prósent. SPRON, Icelandair, Glitnir, Landsbankinn og Kaupþing fylgja á eftir en gengi þeirra hefur hækkað á bilinu 1,5 til 2,5 prósent.

Telur ekkert athugavert við 7 milljarða kr. árslaun

Aðalforstjóri Porche, Wendelin Wiedeking, er kominn út á hálann ís eftir að ónafngreindir heimildarmenn innan fyrirtækisins upplýstu að árslaun hans nema um 7 milljörðum kr.

Tveggja milljarða tap vegna AMR-bréfa bókfært á 4. ársfjórðungi

FL Group hefur selt stærstan hluta eignar sinnar í AMR, móðurfélagi American Airlines, en hlutur félagsins í AMR hefur lækkað um 15 milljarða króna á árinu.

Vísitala framleiðsluverðs lækkar

Vísitala framleiðsluverðs í október 2007 var 115,8 stig og lækkaði um 2,5% frá fyrri mánuði.

Rússneskur auðjöfur dæmdur fyrir umfangsmikil fjársvik

Dómstóll í Moskvu hefur dæmt rússneska auðjöfurinn Boris Berezovsky í sex ára fangelsi fyrir umfangsmikil fjársvik. Boris Berezovsky var ekki viðstaddur dóminn en hann býr nú í London.

Skodaverksmiðjunar flytja inn verkamenn frá Víetnam

Skoda hefur neyðst til að flytja inn verkamenn frá Víetnam í verksmiðjur sínar í Tékklandi sökum skorts á innlendur vinnuafli. Tékkar, sem og aðrar Austur-Evrópuþjóðir, leita mikið til vinnu vestur á bóginn og þetta hefur skapað skort á vinnuafli í landinu.

FL Group rauk upp í Kauphöllinni

Gengi hlutabréfa í FL Group og SPRON rauk upp um tæp fjögur prósent í Kauphöllinni í dag í kjölfar talsverðrar lækkunar upp á síðkastið. Gengi flestra fyrirtækja hækkaði. Á sama tíma lækkaði gengi allra færeysku félaganna auk þess sem gengi 365 og Marels lækkaði í dag. Mest var lækkunin á gengi Föroya banka sem fór niður um 2,91 prósent.

Marel ákveður að bjóða út nýja hluti í félaginu

Stjórn Marel Food Systems hf. samþykkti á stjórnarfundi í dag að hækka hlutafé félagsins með útboði á nýjum hlutum, sem nema um 8% af heildarhlutafé félagsins, til takmarkaðs hóps hæfra fjárfesta í skilningi laga um verðbréfaviðskipti.

Vaxtaálag hækkar sem aldrei fyrr

Libor vextir á eins mánaðar millibankalánum í evrum hafa aldrei hækkað eins mikið á milli daga eins og nú eða um 64 punkta, upp í 4,81%

Góð staða hjá ríkissjóði

Greiðsluuppgjör ríkissjóðs eftir fyrstu tíu mánuði ársins liggur nú fyrir. Samkvæmt uppgjörinu nam handbært fé frá rekstri um 51,2 milljörðum kr., sem er 2,4 milljörðum kr. aukning frá sama tíma í fyrra.

Stefán Jón til Norræna fjárfestingarbankans

Stefán Jón Friðriksson, viðskiptafræðingur í fjármálaráðuneytinu og ritari framkvæmdanefndar um einkavæðingu, hefur verið ráðinn svæðisstjóri fyrir Ísland hjá Norræna fjárfestingarbankanum, NIB.

Forstjóri E-Trade hættur

Mitchell H. Caplan, forstjóri fjármála- og verðbréfafyrirtækisins E-Trade, sagði upp störfum í dag og tekur uppsögnin þegar gildi. Fyrirtækið hefur átt í gríðarlegum vanda en það þurfti líkt og fleiri bandarískar fjármálastofnanir að afskrifa 197 milljónir dala, jafnvirði rúmra 12 milljarða króna, vegna bókfærðs taps á þriðja ársfjórðungi. Fyrirtækið tryggði sér 2,4 milljarða dala fjármögnun í dag til að bæta eiginfjárstöðuna.

Askar stofna sjóð og opna skrifstofu á Indlandi

Stjórnendur Askar Capital hf. og indverska fjárfestingafyrirtækisins Skil Group tilkynntu í dag á Indlandi að fyrirtækin hefðu ákveðið að standa sameiginlega að stofnun framtaksfjármagnssjóðs.

Fljótlega skýrist hvort Alfesca kaupir Oscar Mayer

Á næstunni kemur væntanlega í ljós hvort af kaupum Alfesca á breska félaginu Oscar Mayer Ltd verði. Oscar Mayer er matvælaframleiðandi sem sérhæfir sig í kældum tilbúnum réttum undir vörumerkjum stórmarkaða.

AMR lætur undan þrýstingi og selur eignir

AMR, móðurfélag American Airlines, tilkynnti í gær að það áformaði að selja bandaríska flugfélagið American Eagle á næsta ári.

Súkkulaðisamráð til rannsóknar í Kanada

Samkeppniseftirlit Kanada hefur nú til rannsóknar meint verðsamráð stærstu risana á súkkulaðimarkaðinum þar í landi. Nær rannsóknin til fyrirtækjana Nestle, Cadbury, Hershey og Mars.

Eldur veldur hækkun olíuverðs

Heimsmarkaðsverð á hráolíu hækkaði um 1,65 prósent á fjármálamarkaði í dag eftir að eldur kviknaði í olíuleiðslu frá Kanada til Minnesota í Bandaríkjunum með þeim afleiðingum að skrúfað var fyrir olíuflutning um hana. Um fjórðungur af olíuinnflutningi Bandaríkjanna kemur um leiðsluna en reiknað er með að óhappið setji skarð í olíubirgðir Bandaríkjanna.

SPRON réttir úr kútnum

Markaðurinn í kauphöllinni opnaði loks með uppsveiflu í morgun og eru flestar tölur grænar í fyrstu viðskiptum dagsins. Úrvalsvísitalan hækkaði um rúm 2% og stendur nú í 6811 stigum.

Dönsk fyrirtæki eyða tæpum 8 milljörðum kr. í jólagjafir

Forráðamenn danskra fyrirtækja dæla út jólagjöfum til starfsmanna sinna sem aldrei fyrr. Samkvæmt könnun Danska vinnuveitendasambandsins nemur heildarupphæðin í ár 740 milljónum dkr. eða tæpum 8 milljörðum kr.

Úrvalsvísitalan í Hong Kong hækkaði

Úrvalsvísitalan í Hong Kong hækkaði um 4,1% við í gær eftir að stjórnendur Seðlabankans gáfu til kynna að vextir myndu lækka. Hang Seng vísitalan endaði í 28.482 stigum. Gert er ráð fyrir að það muni lifna yfir Asíumörkuðum nú í lok árs þegar líklegt er að vextir í Bandaríkjunum muni lækka og búið að ákveða að auka hlutabréf í Citigroup fyrirtækinu.

Marel stærst í heimi

Marel Food Systems kaupir Stork Food Systems (SFS) í Hollandi á nálægt því 38 milljarða króna. Við samrunann verður til stærsta matvælavinnsluvélafyrirtæki heims.

Þriðju stærsta yfirtaka Íslendingar til þessa

Samhliða því að Marel kaupir Stork Food Systems, eignast Eyrir Invest og Landsbankinn fjórðungshlut í Stork N.V. í Hollandi í gegn um fjárfestingafélagið London Aquisition N.V. (L.A.).

Straumur hækkaði mest

SPRON lækkaði mest í Kauphöllinni í dag eða um 2,69 prósent og bréf í Straumi Burðarási hækkuðu mest allra eða um 5,96 prósent. Úrvalsvísitalan hækkaði um rúm tvö prósent.

Atlantic Airways einkavætt

Búið er að selja 33 prósenta hlut í færeyska flugfélaginu Atlantic Airways til fjárfesta í almennu hlutafjárútboði. Kaupverð nemur 89,1 milljón danskra króna, jafnvirði 1,1 milljarði íslenskra króna. Mikil umframeftirspurn var eftir bréfum í félaginu og var bréfunum því deilt niður á þá sem skráðu sig fyrir kaupum á þeim, að því er segir í tilkynningu til Kauphallarinnar.

Samskip kaupa ICEPAK

Samskip hafa keypt frystivöru- og flutningsmiðlunina ICEPAK sem er með víðtæka alþjóðlega starfsemi og skrifstofur á Bretlandseyjum, í Bandaríkjunum og Ástralíu.

Ólafur Teitur til liðs við Straum-Burðarás

Blaðamaðurinn Ólafur Teitur Guðnason hefur ráðið sig til Straums-Burðarás og mun hefja störf á samskiptasviði félagsins á allra næstu dögum.

Danir slá met í notkun auglýsinga á netinu

Danir nota sífellt meira fé til að kaupa auglýsingapláss á netsíðum þar í landi. Í ár hafa öll fyrri met verið slegin en auglýsingamagnið er 69% meira en á sama tíma í fyrra.

Hráolíuverð lækkar

Heimsmarkaðsverð á hráolíu, sem afhent verður í janúar, lækkaði í dag um 70 sent, eða 0,7 prósent, á fjármálamörkuðum í New York í Bandaríkjunum. Þetta er þriðji dagurinn í röð sem verðið lækkar sökum fyrirætlana OPEC, samtaka olíuútflutningsríkja, að auka olíuframleiðslu um 22 prósent í jólamánuðinum.

Tólf gámar af dönskum jólatrjám til landsins

Húsasmiðjan hefur gert samning við Lars Geil, jólatrjáaræktanda í Ry á Jótlandi, um að flytja jólatré í tólf 40 feta gámum til landsins fyrir jólin.

Marel hækkar í Kauphöllinni

Gengi hlutabréfa í Marel hækkaði um rétt rúmt prósent við upphaf viðskiptadagsins í Kauphöllinni í dag en fyrirtækið tilkynnti í morgun að það hefði náð samkomulagi við breska fjárfestingafélagið Candover þess efnis að Marel eignist matvælavinnsluvélahluta hollensku iðnsamstæðunnar Stork. Eignarhaldsfélagið LME, sem Marel á fimmtungshlut í ásamt Eyri Invest og Landsbankanum, á um 43 prósent í Stork-samstæðunni.

Breytingar á yfirstjórn Eimskips í Ameríku

Samhæfingarferli Versacold, Atlas og Eimskips í Bandaríkjunum og Kanada er nú lokið. Brent Sugden, forstjóri yfir kæli- og frystigeymslusviði Eimskips í Ameríku mun stýra allri starfsemi Eimskips, Atlas og Versacold í Bandaríkjunum og Kanada.

Marel eignast matvæladeild Stork N.V.

Samkomulag hefur verið gert um að Marel eignist matvæladeild Stork N.V. og verður gengið frá sameiningunni á næstu mánuðum. Kaupverðið er 415 milljónir evra eða sem nemur rúmum 38 milljörðum kr.

Freddie Mac bætir eiginfjárstöðuna

Bandaríska veðlánafyrirtækið Freddie Mac, eitt stærsta fyrirtæki í þessum geira í vesturheimi, ætlar að gefa út nýtt hlutafé fyrir sex milljarða bandaríkjadala, jafnvirði 379 milljarða íslenskra króna. Gjörningurinn er til þess fallinn að bæta eiginfjárstöðu fyrirtækisins í skugga rúmlega eins milljarða dala útlánataps og afskrifta á bandarískum fasteignalánamarkaði.

Bakkabræður hafa misst 45 milljarða

Bakkabræðurnir Ágúst og Lýður Guðmundssynir hafa orðið hvað verst úti í lækkunum á hlutabréfamarkaðnum undanfarna 60 daga. Alls hefur 45,21% eign þeirra í Exista rýrnað um 44,4 milljarða frá því að Kauphöllinn opnaði að morgni dags 1. október.

Sjóvá mun annast allar vátryggingar hjá Samskipum

Samskip og Sjóvá hafa gert með sér samning um að Sjóvá annist allar vátryggingar Samskipa hér á landi. Jafnframt sameina félögin krafta sína á sviði forvarna með það að markmiði að fækka enn frekar slysum á þjóðvegum landsins og auka öryggi vegfarenda

Launavísitalan hækkaði um 1,3%

Vísitala launa er 121,8 stig á þriðja ársfjórðungi 2007 og hækkaði um 1,3% frá fyrri ársfjórðungi. Vísitala launa á almennum vinnumarkaði hækkaði um 1,5% á sama tímabili og vísitala launa fyrir opinbera starfsmenn um 1,0%.