Mugison föndrar enn

Tónlistarmaðurinn Mugison er þekktur fyrir að fara sínar eigin leiðir við hönnun á plötuumslögum sínum. Platan Lonely Mountain kom út í 300 eintökum í pappaumslögum sem hann saumaði sjálfur í saumavél, umslag Mugiboogie braut hann sjálfur saman ásamt vinum sínum og í fyrrakvöld var enn komið að föndurstund hjá Mugison.

Löggur og bófar á gráu svæði

Vísir frumsýnir hér nýjan þátt um gerð myndarinnar Borgríki. Að þessu sinni er kafað í persónusköpun myndarinnar og helstu leikarar og handritshöfundar teknir tali.

Rammíslensk sveitarjómantík með glassúr

Þórdísar Claessen sýnir endurblandaðar ljósmyndir úr gömlum fjölskyldualbúmum á sinni sjöundu einkasýningu sem nú stendur yfir á Mokka.

Gölluð vara úr góðu efni

Lara Roxx er fyrrverandi vandræðaunglingur sem fluttist frá Kanada til Kaliforníu og lék í klámmyndum til að framfleyta sér. Eftir að hafa leikið í fáeinum myndum smitaðist hún af HIV-veirunni, en hún var ein þriggja kvenna sem smituðust af sama karlinum. Öll léku þau í klámmyndum.

Hrifinn af Gosling

Hjartaknúsarinn fimmtugi George Clooney er gríðarlega ánægður með kollega sinn Ryan Gosling og segir hann afar hæfileikaríkan. Gosling leikur á móti Clooney í myndinni The Ides of March, sem Clooney leikstýrir einnig.

Hjálmar með nýtt lag

Hjálmar hafa sent frá sér nýtt lag sem nefnist Ég teikna stjörnu. Það verður á væntanlegri plötu hljómsveitarinnar, Órar, sem kemur út 3. nóvember. Hjálmar eru lagðir af stað í tónleikaferð til Finnlands, Rússlands og Eistlands, eins og Fréttablaðið greindi frá á dögunum. Þar koma þeir fram á sjö tónleikum og fara í hljóðver með finnska tónlistarmanninum Jimi Tenor.

Heldur betur heit í hlébarðakjól

Þýska fyrirsætan og Project Runway stjórnandinn, Heidi Klum, 38 ára, stillti sér upp klædd í hlébarðakjól við sundlaugarbakka í Los Angeles með nýja ilmvatnið sitt í fanginu. Ég er svo spennt yfir nýja ilmvatninu mínu, Shine. Loksins fáið þið að prófa það! skrifaði Heidi á Twitter síðuna sína. Þá má einnig sjá fyrirsætuna með eiginmanni sínum, Seal, í Disneylandi.

Steindi og Björn Bragi fara illa með Loga Bergmann

Logi Bergmann er frægur fyrir að láta ekkert slá sig út af laginu þegar hann les fréttirnar og ákváðu Björn Bragi og Steindi Jr. að leggja fyrir hann verkefni í nýjasta þætti Týndu kynslóðarinnar. Þeir skálduðu upp fréttir fyrir Loga sem hann átti að lesa á meðan þeir reyndu eftir fremsta megni að trufla hann. Útkoman var óborganleg.

Hollywood Reporter á Íslandi

„Þetta er alveg frábært og mikill heiður,“ segir Hrönn Marinósdóttir hjá Alþjóðlegri kvikmyndahátíð í Reykjavík, Riff.

Hvernig væri að stokka upp kynlífið?

Þetta snýst algjörlega um það að hafa gaman, segir Erla Björg Gunnarsdóttir í meðfylgjandi myndskeiði þar sem hún sýnir spilastokk sem hefur að geyma 52 spil sem hvetja til nýrra ævintýra í kynlífinu. Á hverju spili er að finna ansi frumlegar hugmyndir og ábendingar sem stokka upp kynlífið. Fantasíur, hlutverkaleikir, stellingar, kynlífsráð – þetta er allt í kortunum og öll spilin eru tromp sem kveikja nýjan losta.

Kátur Clooney á frumsýningu

Það eru mörg fræg nöfn á leikaralista myndarinnar The Ides of March og því mikið um dýrðir á rauða dreglinum við frumsýningu myndarinnar í Beverly Hills á dögunum. George Clooney mætti í nýpressuðum svörtum jakkafötum og einnig nýja kærasta kappans, leikkonan Stacy Keibler, en hún brosti breitt í gulllituðum kjól. Sjarmörinn Ryan Gosling, sem er í aðalhlutverki eins og Clooney, var flottur að venju í flöskugrænum jakkafötum og lakkskóm. Leikkonan unga Evan Rachel Wood mætti töffaraleg í hvítum jakkafötum og Marisa Tomei var í vínrauðum kjól með eins konar leðursvuntu. Báðar leika þær í myndinni.

Þjóðararfur er framtíðin

Ragna Fróðadóttir starfar hjá Trend Union í New York, sem leggur línurnar fyrir hönnunarfyrirtæki tvö ár fram í tímann. Hún sýnir íslenska þjóðbúninginn úr amerískum efnum á Norræna tískutvíæringnum.

Spila fyrir unglinga

Tónleikaröðin Drullumall hóf göngu sína á miðvikudagskvöld í skúr við Austurbæjarskóla. Verkefnið er ætlað fyrir unglinga í 8. til 10. bekk og eru það félagsmiðstöðvar Kamps í miðborg Reykjavíkur og Hlíðum sem hrintu því af stað í von um að efla grasrótina í íslensku tónlistarlífi.

Nýtt lag frá Klaufum

Lagið Ást og áfengi með kántríhljómsveitinni Klaufum er á leið í almenna útvarpspilun. Það var samið í samvinnu við lagahöfunda í Nashville og er með íslenskum texta eftir Jónas Friðrik. Lagið var frumflutt á Kántríhátíð á Skagaströnd í ágúst þar sem hljómsveitin heimsótti að sjálfsögðu „kúrekann“ Hallbjörn Hjartarson. Mannabreytingar hafa orðið hjá Klaufum. Hljómsveitina skipa nú þeir Guðmundur Annas Árnason, Birgir Nielsen, Kristján Grétarsson, Friðrik Sturluson og Sigurgeir Sigmundsson. Næsta ball sveitarinnar verður á Spot 15. október.

Madonna kaupir hús á Ítalíu

Í meðfylgjandi myndaalbúmi má sjá Madonnu, 53 ára, á leiðinni á Kabbalah samkomu með sólgleraugu á nefinu og hatt á höfði...

Flott og fyndin sýning

Alvöru menn er ljómandi skemmtileg sýning þó að verkið sjálft sé ansi hreint klisjukennt. Leikurinn er upp á fimm stjörnur.

The Saturdays til landsins

Enska stúlknasveitin The Saturdays er væntanleg til Íslands um helgina. Stelpurnar ætla að taka upp myndband við nýjan slagara sinn, My Heart Takes Over, sem er nýkominn út.

Tileinkar föður sínum plötuna

Trommuleikarinn Einar Scheving hefur gefið út sína aðra sólóplötu, sem nefnist Land míns föður. Hún er óður til Íslands og á henni eru lög Einars við texta nokkurra af þjóðarskáldunum, auk vel þekktra íslenskra þjóðlaga.

Vesturport biðlar til Reykjavíkurborgar

Vesturport fer þess á leit í erindi sem lagt var fyrir á fundi menningar- og ferðamálaráðs Reykjavíkurborgar á mánudag að borgin semji við leikhópinn til þriggja ára. Samningurinn myndi hljóða upp á að borgin greiði leikhópnum 6-8 milljónir króna á ári. Í erindinu kemur jafnframt fram að Vesturport ætli að fara þess á leit við menntamálaráðuneytið að það geri slíkt hið sama. Undir erindið skrifar Gísli Örn Garðarsson.

Vill viskí, kerti og handáburð

Bandaríski grínistinn Charlie Murphy, bróðir gamanleikarans Eddie Murphy, kemur fram í Hörpu á laugardagskvöld.

Ánægð eftir skilnaðinn

Leik- og söngkonan Jennifer Lopez er komin aftur til starfa sem dómari í sjónvarpsþáttunum American Idol og að sögn samstarfsmanna hennar er ekki á henni að sjá að hún hafi verið að skilja.

Fjölgun í fjölskyldunni

Bandaríska söngkonan Jessica Simpson er sögð ganga með sitt fyrsta barn undir belti. Simpson hyggst giftast kærasta sínum, íþróttakappanum Eric Johnson, í nóvember. Nýverið hélt parið upp á afmæli Johnsons ásamt vinum en athygli vakti þegar Simpson neitaði að skála fyrir unnusta sínum í kampavíni og telja nú slúðurmiðlar að söngkonan sé ólétt.

Keppt í teikningu

Listasafn Reykjavíkur efnir til teiknisamkeppni, þar sem grunnskólanemum í 7. bekk og á unglingastigi og almenningi, 16 ára og eldri, er boðið að taka þátt. Efnt er til samkeppninnar í tilefni af því að safnið hefur að undanförnu staðið fyrir sýningum þar sem teikningin er í forgrunni.

Vinsælasta hljómsveit Íslands

Hljómsveitin Of Monsters and Men á bæði vinsælustu plötuna og vinsælasta lagið á Íslandi. Nýtt lag er væntanlegt sem heitir King and Lionheart.

Glaðlegt & skært í New York

Tískuvikunni í New York lauk fyrir skemmstu en þar kynntu hönnuðir vorlínur sínar fyrir árið 2012. Gulur, rauður og sítruslitir voru víða áberandi á tískupöllunum og má því búast við að sjá þá liti í fataverslunum næsta vor.

Gillz tekur upp í sólinni

Egill Gillzenegger og leikstjórinn Hannes Halldórsson eru á leiðinni til Spánar þar sem tökur á nýrri sjónvarpsþáttaröð hefjast. Blikinn Egill ber mikla virðingu fyrir KR-ingnum Hannesi.

Er mín alltaf í símanum?

Leikkonan Katie Holmes, 32 ára, var mynduð í verslunarleiðangri og í ræktinni í New York í vikunni. Allt lítur út fyrir að hún tali endalaust í símann ef marka má myndirnar af henni. Þá eyddi leikkonan og dóttir hennar vikunni þar áður í Pittsburgh þar sem eiginmaður Katie og barnsfaðir, Tom Cruise, hefur verið upptekinn við að leika í nýrri mynd sem ber heitið One Shot. Ég er mjög venjuleg í alla staði. Ég dett um sjálfa mig, ég helli niður á mig og ég segi asnalega hluti. Ég er alls ekki með´etta, sagði Katie símamær.

Þór þrumuguð í diskóstuði

„Við settumst aðeins yfir þetta, ég og Kiddi Hjálmur [Guðmundur Kristinn Jónsson] og enduðum í einhverju diskóstuði," segir Bragi Valdimar Skúlason, sem hefur samið lagið Elding fyrir teiknimyndina Hetjur Valhallar: Þór sem verður frumsýnd um miðjan október. Myndin er dýrasta kvikmynd Íslandssögunnar og er leikstýrt af Óskari Jónassyni. Með hlutverk Þórs í myndinni fer Atli Rafn Sigurðarson en Þórhallur Sigurðsson, Laddi, talar fyrir hamarinn.

Óvenjuleg kvöldstund

Niðurstaða: Eftirminnileg kvöldstund með lifandi tónlist og kvikmyndaefni.

Bloom ekki bannaður

Framleiðendur kvikmyndarinnar The Good Doctor opnuðu kampavínsflösku á dögunum og slettu rækilega úr klaufunum eftir að ljóst varð að kvikmyndin yrði einungis bönnuð innan 13 ára í Bandaríkjunum.

Brynjar Már frumsýnir rosalega græju á Oliver

Brynjar Már, útvarpsmaður, tónlistarmaður og plötusnúður lætur ársgamlan draum sinn rætast á föstudaginn á skemmtistaðnum Oliver þegar hann frumsýnir glænýja DJ-græju sem er eins og klippt út úr framtíðarmynd.

Eurovision-fólk hittist

Félag áhugafólks um söngvakeppni evrópskra sjónvarpsstöðva heldur sérstakan kynningarfund á skemmtistaðnum Barböru í kvöld klukkan átta. „Við höfum fengið mjög góð viðbrögð og það er fullt af hlutum sem við stefnum á að gera í vetur,“ segir Eyrún Ellý Valsdóttir, einn af stofnmeðlimum félagsins.

Ferðast með 11 töskur

Stjörnustílistinn Rachel Zoe mætti með stæl á tískuvikuna í París en hún dró með sér hvorki meira né minna en ellefu stórar ferðatöskur fullar af fötum. Zoe setti mynd af öllum farangrinum á samskiptasíðuna Twitter og þar sást í sveittan eiginmann Zoe flytja herlegheitin á vagni.

Færri komast að en vilja

„Ég hvet alla sem vilja tryggja sér miða til að mæta snemma, koma með heitt kakó í brúsa og iPodinn og bíða bara spennt,“ segir Kamilla Ingibergsdóttir hjá tónlistarhátíðinni Iceland Airwaves.

Góð helgi framundan í kvikmyndahúsum

Bíónörd ættu að eiga góða helgi fram undan því nýjasta kvikmynd Stevens Soderbergh, Contagion, verður frumsýnd í Sambíóunum um helgina. Soderbergh hafa verið mislagðar hendur að undanförnu en miðað við leikhóp myndarinnar ætti fátt að geta klikkað; Jude Law, Matt Damon, Kate Winslet, Laurence Fishburne og Marion Cotillard svo fáeinir séu nefndir.

Dularfull Demi: Ég sé í gegnum þig

Nú hafa myndir af leikaranum Ashton Kutcher, 33 ára, birst í fjölmiðlum þar sem hann er staddur á skemmtistaðnum Fluxx í San Diego sem hann yfirgaf í fylgd 23 ára stúlku sem segist hafa eytt nóttinni með honum. Þá póstaði Demi Moore, 48 ára, mynd af sér með lokuð augun sem skoða má í myndasafni með skilaboðuðunum: Ég sé í gegnum þig....

Hollenskur furðufugl til landsins

„Ég hvet engan til að sjá þessa mynd, í fullri alvöru. Hostel-myndirnar eru bara léttvæg upphitun við hliðina á þessari,“ segir Ísleifur B. Þórhallsson hjá Græna ljósinu.

KR-ingar leita að opinni rútu

„Menn hafa verið að kasta á milli sín hugmyndum um sigurhátíðina í vikunni," segir Kristinn Kjærnested, formaður knattspyrnudeildar KR.

Landar stóru hlutverki í sjónvarpsþætti vestanhafs

Anita Briem hefur tekið að sér aðalhlutverkið í bandaríska sjónvarpsþættinum Radical. Leikstjóri þáttanna er Cynthia Mort sem er stórt nafn í bransanum vestanhafs. Um er að ræða prufuþátt (pilot) en vonir standa til að þættirnir komist á dagskrá næsta vetur. Þegar Fréttablaðið náði tali af Anitu var hún ekki reiðubúin til að segja nákvæmlega frá því um hvað Radical væri en samkvæmt vefmiðlum þar vestra, sem fylgst hafa með gangi mála, er um að ræða spennu- og hasarþáttaröð.

Tryggir á sér brjóstin

Fyrrverandi sambýliskona Hugh Hefner, Holly Madison, 31 árs, hefur tryggt á sér brjóstin sem eru metin á 117,6 milljónir krónur, hjá Lloyd tryggingafélaginu. Hún ákvað að tryggja á sér barminn, sem er stærð 36D, eftir að hún ákvað að dansa í burlesque danssýningu í Las Vegas. Ef eitthvað kemur fyrir brjóstin á mér verð ég fyrir gríðarlegu vinnutapi, svaraði Holly spurð út í tryggingarnar en hún kemur fram ber að ofan í sýningunni.

Leitað að nýjum Eurovision-kóngi

„Þetta er náttúrlega mjög leiðinlegt og við grátum brotthvarf Páls Óskars enda var hann sjálfkjörinn í þetta hlutverk. En allt rennur sitt skeið og við ætlum okkur að halda áfram í einhverju formi án Páls,“ segir Sigrún Stefánsdóttir, dagskrárstjóri RÚV.

Línur farnar að skýrast í Óskarnum

Nú þegar stærstu kvikmyndahátíðir heims eru yfirstaðnar (Cannes, Toronto, Feneyjar) fara kvikmyndaspekúlantar á stjá og reyna spá fyrir um hvaða kvikmyndir, leikarar og leikkonur verði tilnefndar til Óskarsverðlauna. Hin svokölluðu „gúrú“ kvikmyndavefsíðunnar moviecitynews.com hafa þótt nokkuð getspök þegar kemur að þessum leik og voru fyrstu niðurstöðurnar birtar í gær.

Mercury til Akureyrar

Vegna mikillar eftirspurnar verða haldnir tónleikar til heiðurs Freddie Mercury, fyrrum söngvara Queen, í menningarhúsinu Hofi á Akureyri 18. nóvember. Nú þegar er uppselt á þrenna Mercury-tónleika sem verða í Hörpu 23. og 24. nóvember.

Heyrðu hún heimtaði einkasundlaug

Lady Gaga, 25 ára, tékkaði sig inn á Cosmopolitan hótelið í Tribecca hverfinu í New York en skráði sig aftur út korteri síðari...

Mýkri og mildari Mugison

Niðurstaða: Það eru minni læti á Hagléli en oft áður hjá Mugison, en frábær flutningur og fullt af góðum lagasmíðum.