Noregur

Pólland

Rússland

Slóvenía

Spánn

Suður-Kórea

Tékkland

Túnis

Ungverjaland

Úkraína

Þýskaland

Þjálfaraskipti hjá Lemgo

Stjórn Íslendingaliðsins Lemgo rak í dag þjálfarann Volker Mudrow úr starfi og hefur falið nafna hans Zerbe að stýra liðinu út leiktíðina. Félagið hefur gengið frá samningi við Peter Meisinger um að taka við liðinu í sumar. Logi Geirsson og Ásgeir Örn Hallgrímsson spila með liði Lemgo.

Hefna bikarmeistarnir?

Stórleikur átta liða úrslita bikarkeppni kvenna í handbolta fer fram á Ásvöllum í kvöld þegar bikarmeistarar Hauka taka á móti Stjörnunni. Þetta verður annar leikur liðanna á fimm dögum en Stjarnan vann deildarleik liðanna í Ásgarði með sex marka mun á laugardaginn, 21-15.

Ólafur leikur best á stóra sviðinu

Ólafur Stefánsson skoraði „aðeins“ þrjú mörk að meðaltali í fimm síðustu undirbúningsleikjum íslenska landsliðsins en síðustu árin hefur hann sparað sig í æfingaleikjunum en spilað frábærlega á stórmótunum.

Logi kveikti líf í vinstri vængnum

Skyttur íslenska liðsins skoruðu tólf færri langskotsmörk en Tékkar í leikjum helgarinnar. Logi Geirsson átti flotta innkomu í seinni hálfleik seinni leiksins og hefur engar áhyggjur af skyttum íslenska liðsins.

Logi fagnar gagnrýninni

Það vakti athygli í lok landsleiksins við Tékka á sunnudaginn að Ólafur Stefánsson sást þá fara í gegnum ákveðna hluti með Loga Geirssyni sem hafði leikið mjög vel í seinni hálfleiknum og skorað sex mörk.

Getum gert góða hluti ef við sleppum við frekari meiðsli

Alfreð Gíslason, landsliðsþjálfari í handbolta, valdi í gær 17 manna leikmannahóp sem fer á HM í Þýskalandi. Alfreð segir að íslenska liðið geti vel gert góða hluti á mótinu en minnir á að liðið má vart við frekari skakkaföllum.

Vildi helst vera á tveimur stöðum í einu

Alfreð Gíslason landsliðsþjálfari í handbolta kynnti í gær hópinn sem fer til Þýskalands og spilar á heimsmeistaramótinu sem hefst þar á föstudag. Meðal þeirra er leikstjórnandinn Ragnar Óskarsson sem hefur að mörgu öðru að huga en handbolta þessa dagana.

Svíar flengdu Norðmenn

Svíar unnu 13 marka sigur á Norðmönnum, 22-35, í Haukelandshallen í Bergen, í lokaleik norska liðsins fyrir HM í handbolta. Norska liðið hefur verið á mikilli siglingu í síðustu leikjum og vann meðal annars 12 marka sigur á Íslandi.

Andri Stefan ristarbrotinn

Handboltakappinn Andri Stefan, leikmaður Hauka, gengur um á hækjum þessa dagana enda er hann ristarbrotinn. Það er bót í máli fyrir Hauka að Andri skuli meiðast meðan frí er í DHL-deildinni vegna heimsmeistarakeppninnar í handbolta.

Alfreð tilkynnir landsliðshópinn

Enginn leikmaður datt úr landsliðshóp Alfreðs Gíslasonar sem fer til Þýskalands og tekur þátt í Heimsmeistaramótinu í handbolta. Alfreð kaus að fara með 17 leikmenn á mótið en aðeins 16 þeirra mega taka þátt í undanriðlinum.

Tveggja marka sigur á Tékkum

Íslendingar höfðu betur gegn Tékkum í æfingaleik þjóðanna í handbolta sem fram fór í Laugardalshöllinni í dag. Lokatölur urðu 34-32 og náðu íslensku strákarnir þar með að hefna fyrir tapið fyrir Tékkum í gær.

Ísland með forystu í hálfleik

Ísland hefur fjögurra marka forystu, 18-14, gegn Tékkum þegar flautað hefur verið til hálfleiks í æfingaleik liðanna í Laugardalshöllinni. Íslenska liðið er að spila mun betur en það gerði í viðureign liðanna í gær.

Stjarnan upp að hlið Valsstúlkna

Stjörnustúlkur komust í dag upp að hlið Valsstúlkna á toppi DHL-deildar kvenna í handbolta með því að leggja Hauka af velli á heimavelli sínum, 21-15. Um sannkallaðan toppslag var að ræða því fyrir leikinn voru liðin með jafnmörg stig. Valur, Stjarnan og Grótta hafa öll fengið 18 stig en Grótta hefur spilað tveimur leikjum meira en tvö fyrstnefndu liðin.

Íslendingar töpuðu fyrir Tékkum

Íslenska landsliðið í handbolta beið lægri hlut, 29-27, í æfingaleik gegn Tékklandi í Laugardalshöllinni í dag. Íslenska liðið lék langt undir getu í leiknum en megin munurinn á liðunum lá í markvörslunni. Liðin mætast öðru sinni á morgun.

Ísland einu marki yfir í hálfleik

Íslenska landsliðið í handbolta hefur forystu, 16-15, í æfingaleik liðsins við Tékkland sem fram fer í Laugardalshöllinni. Íslenska liðið hefur verið nokkuð frá sínu besta í leiknum en jafnt hefur verið á nánast öllum tölum.

Vörn og markvarsla mikilvægir þættir

Alfreð Gíslason landsliðsþjálfari segir að í ljósi þeirra miklu meiðsla sem hrjá lykilmenn íslenska landsliðsins í handknattleik, muni þættir eins og vörn og markvarsla að vera í topplagi á HM í Þýskalandi ef liðið á að ná langt.

Landsliðið mætir Tékkum um helgina

Íslenska landsliðið í handbolta spilar um helgina tvo æfingaleiki við Tékka og er þetta liður í lokaundirbúningi liðsins fyrir HM í Þýskalandi sem hefst þann 19. janúar næstkomandi. Alfreð Gíslason er búinn að tilkynna hópinn sem mætir Tékkum.

Guðjón Valur meiddur

Óvíst er hvort landsliðsmaðurinn Guðjón Valur Sigurðsson hjá þýska úrvalsdeildarliðinu Gummersbach geti leikið með handboltalandsliðinu í tveimur æfingaleikjum gegn Tékkum um helgina.

Hauka lögðu ÍBV

Einn leikur var á dagskrá í DHL-deild kvenna í kvöld. Haukastúlkur lögðu ÍBV 35-28 á Ásvöllum. Liðin eru á svipuðu róli í deildinni en Haukar eru í fjórða sætinu með 16 stig, en ÍBV í því fimmta með 11 stig.

HK náði jafntefli við Val

Þrír leikir fóru fram í DHL-deild kvenna í handbolta í kvöld. HK náði 29-29 jafntefli við topplið Vals á útivelli, Stjarnan skellti Gróttu 26-10 á útivelli og þá vann Fram sömuleiðis útisigur á botnliði Akureyrar. Valur er á toppnum með 18 stig eftir 11 leiki, Stjarnan hefur 16 stig eftir 10 leiki, Grótta hefur 16 stig eftir 12 leiki og Haukar hafa 14 stig eftir 11 leiki.

Gróttu tókst ekki að komast á toppinn

Gróttustúlkum tókst ekki að komast á toppinn í DHL deild kvenna í handbolta í dag þegar liðið tapaði naumlega 27-26 fyrir ÍBV í Vestmannaeyjum. Valur er enn á toppnum með 17 stig og á leik til góða á Gróttu sem er í öðru sæti með 16 stig. Stjarnan og Haukar koma næst í þriðja og fjórða sæti með 14 stig og ÍBV er í því fimmta með 11 stig.

Jafntefli gegn Dönum

Íslenska karlalandsliðið í handbolta gerði 29-29 jafntefli við Dani í lokaleik sínum á undirbúningsmótinu fyrir HM sem haldið var í Danmörku um helgina. Ísland hafði yfir í hálfleik 16-11 en Danirnir gengu á lagið í lokin og jöfnuðu í spennandi leik. Norðmenn höfðu sigur á mótinu og unnu alla sína leiki.

Valur lagði Stjörnuna

Valsstúlkur skelltu sér á toppinn í dhl deild kvenna í handbolta í dag með 22-16 sigri í leik liðanna í Ásgarði í dag. Valur var yfir 10-6 í hálfleik.

Naumur sigur á Pólverjum

Íslenska karlalandsliðið í handknattleik bar í dag sigurorð af því pólska 40-39 í miklum markaleik á æfingamótinu sem fram fer í Danmörku. Mótið er liður í lokaundirbúningi liðsins fyrir HM í Þýskalandi, en íslenska liðið steinlá fyrir Norðmönnum í gær og mætir Dönum á morgun.

Stórt tap fyrir Noregi

Íslenska landsliðið í handknattleik steinlá fyrir því norska 34-22 í leik liðanna á æfingamóti sem fram fer í Danmörku, en leikið var í Hróarskeldu. Íslenska liðið var undir 16-13 í hálfleik. Heimamenn Danir taka einnig þátt í mótinu, auk Pólverja.

Lélegt ef við komumst ekki í milliriðla

Snorri Steinn Guðjónsson, leikmaður Minden í Þýskalandi og íslenska landsliðsins, segir að það væri lélegt ef liðið næði ekki í milliriðla á HM í Þýskalandi sem hefst síðar í þessum mánuði. Hann segir jafnframt að það sé mikið áfall fyrir liðið að missa Einar Hólmgeirsson í meiðsli. Rætt var við Snorra í kvöldfréttum Stöðvar 2 og birtist viðtalið hér á Vef TV í kvöld.

Ragnar semur við Nimes í Frakklandi

Landsliðsmaðurinn Ragnar Óskarsson hefur skrifað undir þriggja ára samning við franska 1. deildarliðið Nimes og gengur í raðir liðsins frá Ivry þar í landi. Ragnar er 28 ára gamall og hefur leikið erlendis sem atvinnumaður frá því um aldamótin.

Einar Örn í landsliðið í stað nafna síns

Hornamaðurinn Einar Örn Jónsson hjá Minden í Þýskalandi hefur verið kallaður inn í íslenska landsliðshópinn fyrir HM í Þýskalandi í stað nafna síns Hólmgeirssonar sem varð að draga sig úr hópnum vegna meiðsla á fingri í dag. Einar Örn er öllum hnútum kunnugur hjá landsliðinu og lék með því um árabil.

Brand heldur upp á 10 ára starfsafmæli

Heiner Brand, landsliðsþjálfari Þjóðverja í handknattleik, heldur upp á tíu ára starfsafmæli sitt um þessar mundir. Þýska liðið hefur náð frábærum árangri undir stjórn Brand, sem á sínum tíma var liðtækur leikmaður og var í liði Þjóðverja sem varð heimsmeistari árið 1978.

Einar Hólmgeirsson missir af HM

Stórskyttan Einar Hólmgeirsson hjá þýska úrvalsdeildarliðinu Grosswallstadt verður ekki með íslenska landsliðinu í handknattleik á heimsmeistaramótinu í Þýskalandi síðar í þessum mánuði. Einar er með slitið liðband í þumalfingri og verður frá í þrjá mánuði.