Vörn og markvarsla mikilvægir þættir

Alfreð Gíslason landsliðsþjálfari segir að í ljósi þeirra miklu meiðsla sem hrjá lykilmenn íslenska landsliðsins í handknattleik, muni þættir eins og vörn og markvarsla að vera í topplagi á HM í Þýskalandi ef liðið á að ná langt.

Þegar er ljóst að stórskytturnar Jaliesky Garcia og Einar Hólmgeirsson verða ekki með íslenska liðinu á mótinu sem hefst síðar í þessum mánuði og þeir Ólafur Stefánson (öxl), Alexander Petersson (ökkli) og Guðjón Valur Sigurðsson (rist) eiga allir við meiðsli að stríða og ganga ekki heilir til skógar.

"Ólafur er ekki góður í öxlinni en getur vonandi beitt sér meira en verið hefur í Þýskalandi, Alex hefur verið í vandræðum með ökklann á sér og svo er Guðjón Valur meiddur í ristinni, svo það er ljóst að við verðum að vera agaðir og skipulagðir í öllum okkar aðgerðum á mótinu. Þetta þýðir líka það að hlutir eins og vörn og markvarsla verður að vera í topplagi," sagði Alfreð í samtali við fréttastofu Stöðvar 2.

Í framhaldinu er rétt er að minna alla á æfingaleikina tvo sem íslenska landsliðið leikur við Tékka í Laugardalshöllinni á morgun og sunnudag.