Jol og Mourinho kvíða fyrir síðari leiknum

Martin Jol og Jose Mourinho, knattspyrnustjórar Tottenham og Chelsea, hlakkar ekki mikið til síðari leiks liðanna í ensku bikarkeppninni á mánudag í næstu viku en þá þurfa liðin að mætast öðru sinni eftir 3-3 jafnteflið á Stamford Bridge í dag. Þjálfararnir segja álagið á leikmönnum sínum vera með ólíkindum þessa dagana.

Wenger fær 20 milljónir punda í sumar

Arsene Wenger hefur verið lofað veglegri summu til að fá nýja leikmenn til Arsenal í sumar og mun sú upphæð ekki minnka neitt þrátt fyrir að félagið verði af umtalsverðum tekjum með því að vera þegar fallið úr leik í Meistaradeildinni. Talið er að upphæðin sem Wenger fái sé um 20 milljónir punda.

Joe Cole ætlar að spila gegn Valencia

Enski miðjumaðurinn Joe Cole hefur lofað stjóra sínum Jose Mourinho að vera orðinn klár í slaginn þegar Chelsea mætir Valencia í Meistaradeild Evrópu í næsta mánuði. Cole hefur verið frá æfingum og keppni stærstan hluta tímabilsins vegna álagsmeiðsla í fæti og gekkst nýverið undir aðgerð til að fá bót meina sinna.

Chelsea náði að knýja fram annan leik

Leikmenn Chelsea sýndu úr hverju þeir eru gerðir með því að skora tvö mörk í síðari hálfleik og tryggja sér þannig 3-3 jafntefli gegn Tottenham á Stamford Bridge í viðureign liðanna í 8-liða úrslitum ensku bikarkeppninnar. Liðin þurfa því að eigast við að nýju á White Hart Line, og fer sá leikur fram þann 19. mars næstkomandi.

Grétar lék allan leikinn fyrir AZ

Landsliðsmaðurinn Grétar Steinsson lék allan leikinn fyrir lið sitt AZ Alkmaar þegar það gerði markalaust jafntefli við Feyenoord í hollensku úrvalsdeildinni í dag. Grétar spilaði í stöðu hægri bakvarðar og stóð vel fyrir sínu. AZ er áfram í 2. sæti deildarinnar eftir jafnteflið, sjö stigum á eftir toppliði PSV.

Leikmenn Chelsea steinrunnir í fyrri hálfleik

Útlitið er ekki bjart fyrir Jose Mourinho og lærisveina hans hjá Chelsea þegar flautað hefur verið til hálfleiks í viðureign liðsins gegn Tottenham í ensku bikarkeppninni. Staðan er 3-1, gestunum frá Tottenham í vil, en varnarleikur heimamanna minnir helst á rygðað gatasigti.

Nistelrooy: Skil ekki hvernig við náðum ekki að vinna

Hollenski framherjinn Ruud van Nistelrooy hjá Real Madrid segir með ólíkindum að Barcelona skuli hafa sloppið með jafntefli í leik liðanna í spænsku úrvalsdeildinni, svo miklir hafi yfirburðir Real verið. Hetja heimamanna, Lionel Messi, segir að gærdagurinn muni seint líða honum úr minni.

Rijkaard: Messi hefur magnaða hæfileika

Frank Rijkaard, þjálfari Barcelona, hélt ekki vatni yfir frammistöðu Argentínumannsins Lionel Messi, sem skoraði þrennu í leik liðsins gegn Real Madrid í spænsku úrvalsdeildinni í gær. Fabio Capello, þjálfari Real Madrid, sagði Victor Valdes í marki Barcelona, hafa komið í veg fyrir sigur sinna manna.

Messi skoraði þrennu og jafnaði á síðustu mínútu

Lionel Messi var hetja Barcelona í leik liðsins gegn Real Madrid í spænsku úrvalsdeildinni í kvöld, en hann skoraði öll þrjú mörk liðsins í 3-3 jafntefli, það síðasta þegar ein mínúta var komin fram yfir venjulegan leiktíma. Leikurinn var stórkostleg skemmtun en Eiður Smári Guðjohnsen lék síðustu 10 mínútur leiksins.

Mikið fjör í fyrri hálfleik á Nou Camp

Stórleikur Barcelona og Real Madrid í spænska boltanum í kvöld hefur reynst hin frábæra skemmtun og nú þegar fyrri hálfleikur er liðinn hafa fjögur mörk litið dagsins ljós, tvö frá hvoru liði. Lionel Messi hefur skorað bæði mörk Barcelona en Ruud van Nistelrooy bæði mörk Real Madrid. Leikurinn er í beinni útsendingu á Sýn.

Eiður í hópi varamanna Barcelona

Eiður Smári Guðjohnsen byrjar á varamannabekknum hjá Barcelona sem tekur á móti erkifjendunum í Real Madrid í spænsku úrvalsdeildinni í kvöld. Það er Samuel Eto´o sem spilar í fremstu víglínu Barcelona ásamt Ronaldinho og Lionel Messi. Byrjunarlið Barcelona er óbreytt frá því í leiknum gegn Liverpool í Meistaradeildinni á þriðjudag.

Wenger spáir enskum sigri í Meistaradeildinni

Arsene Wenger, knattspyrnustjóri Arsenal, spáir því að enskt lið muni standa uppi sem sigurvegari Meistaradeildar Evrópu í vor. Liverpool, Chelsea og Manchester United eru öll í hópi þeirra átta liða sem eftir eru í keppninni og slepptu við að mætast innbyrðis í 8-liða úrslitunum.

Enska knattspyrnusambandið fær lyklavöld að nýjum Wembley

Forráðamenn Multiplex, helsta byggingarverktaka hins nýja Wembley-leikvangs í London, hafa afhent fulltrúum enska knattspyrnusambandsins lykla að vellinum, en um er að ræða táknræna athöfn sem margar endalok framkvæmda við leikvanginn. Þó er ekki víst að úrslitaleikur ensku bikarkeppninnar fari fram á vellinum í maí eins og vonir höfðu verið bundnar við.

Middlesbrough og Man. Utd. þurfa að mætast öðru sinni

Middlesbrough og Manchester United skildu jöfn, 2-2, í hörkuleik á Riverside nú undir kvöld en liðin áttust við í 8-liða úrslitum ensku bikarkeppninnar. Úrslitin þýða að liðin verða að eigast við öðru sinni, þá á heimavelli Old Trafford, til að skera úr um hvort liðið kemst áfram í undanúrslit keppninnar.

Dida fer ekki til Barcelona

Brasilíski markvörðurinn Dida hefur skrifað undir nýjan þriggja ára samning við lið sitt AC Milan á Ítalíu og bundið þannig enda á vangaveltur um framtíð sína. Dida hafði sterklega verið orðaður við Barcelona, til að leysa hinn mistæka Victor Valdés af á næstu leiktíð.

Mourinho viðurkennir deilur við Abramovich

Jose Mourinho, knattspyrnustjóri Chelsea, hefur viðurkennt að hafa lent í deilu við eiganda félagsins, rússneska auðkýfinginn Roman Abramovich, en bætir við að sú deila hafi verið leyst á tiltölulega skömmum tíma. Í dag sé allt í himnalagi á milli þeirra og segist Mourinho ekki vera á leið frá Chelsea í nánustu framtíð.

Gunnar Heiðar byrjaði hjá Hanover

Landsliðsmaðurinn Gunnar Heiðar Þorvaldsson spilaði í 72 mínútur fyrir lið sitt Hanover þegar það gerði 1-1 jafntefli við topplið Schalke í þýsku úrvalsdeildinni í dag. Gunnar Heiðar er greinilega að komast í fyrra form, en hann hefur verið þjakaður af meiðslum stærstan hluta tímabilsins. Forysta Schalke á toppnum í Þýskalandi minnkar stöðugt.

Eiður Smári segir Barcelona verða að rífa sig upp

Eiður Smári Guðjohnsen segir að leikmenn Barcelona megi ekki hengja haus þrátt fyrir að vera fallnir úr leik í Meistaradeild Evrópu og sér hann stórleikinn gegn Real Madrid í spænsku úrvalsdeildinni í kvöld sem kjörið tækifæri til að rífa menn upp. Eiður Smári er í hópnum hjá Barcelona fyrir leikinn í kvöld, en hann verður sýndur í beinni útsendingu á Sýn kl. 21.

Mourinho hefur litlar áhyggjur af samningamálum

Jose Mourinho, knattspyrnustjóri Chelsea, hefur litlar áhyggjur af samningaviðræðum nokkurra sinna lykilmanna við stjórn félagsins og heldur fast í þá trú að hann muni halda öllum sínum bestu mönnum. Stjórnarformaður Chelsea segist ekki á þeim buxunum að sleppa hendinni af Frank Lampard.

Jol ætlar að vinna titla með Tottenham

Martin Jol, knattspyrnustjóri Tottenham, mun ekki una sér hvíldar fyrr en hann hefur unnið einhverja titla með félaginu. Jol hefur verið nefndur sem hugsanlegur arftaki Jose Mourinho hjá Chelsea en sjálfur segist hann ekki ætla að fara frá Tottenham fyrr en hann hefur náð þessu markmiði sínu.

Goðsagnir Man. Utd. dásama Ronaldo

Bobby Charlton og David Beckham, tveir af þekktustu leikmönnum Manchester United frá upphafi, hafa nú bæst í hóp þeirra sem segja Cristiano Ronaldo einfaldlega vera besta leikmann heims um þessar mundir. Báðir eru þeir sammála um að Ronaldo geri hluti sem hafi aldrei sést áður í sögu knattspyrnunnar.

Thierry Henry: Hrikaleg vonbrigði

"Þetta eru hrikaleg vonbrigði fyrir mig og ég er algjörlega eyðilagður,” segir Thierry Henry hjá Arsenal, en stjóri liðsins, Arsene Wenger, hefur sem kunnugt er staðfest að franski sóknarmaðurinn spilar ekki með liðinu það sem eftir er tímabilsins. Henry sættir sig hins vegar við orðin hlut og ætlar að mæta sterkur til leiks á næsta tímabili.

Jafntefli við Íra

Íslenska kvennalandsliðið gerði 1-1 jafntefli við það írska í keppni um Algarve-bikarinn í Portúgal í kvöld. Það var Rakel Logadóttir sem kom Íslandi yfir á 36. mínútu en þær írsku jöfnuðu á 72. mínútu. Íslenska liðið er með eitt stig í riðlinum eftir tvo leiki en mæta Portúgölum á mánudag.

Leiktímabilinu lokið hjá Henry

Franski knattspyrnumaðurinn Thierry Henry leikur ekki meira með enska liðinu Arsenal á þessu tímabili eftir að í ljós kom að hann hefði meiðst á nára og í magavöðvum í leik gegn PEV Eindhoven í Meistaradeild Evrópu á miðvikudag.

Crouch í nefaðgerð

Peter Crouch, leikmaður Liverpool, fór í dag í aðgerð vegna nefbrots sem hann hlaut í sigurleik gegn Sheffield United fyrir tæpum tveim vikum og missir því að landsleikjum Englands gegn Ísrael og Andorra í undankeppni EM.

Gillet og Hicks að ganga frá yfirtöku á Liverpool

Bandarísku milljarðamæringarnir George Gillett og Tom Hicks hafa gengið frá yfirtöku á enska úrvalsdeildarliðinu Liverpool.

Getum ekki leyft okkur að vanmeta Roma

Alex Ferguson, stjóri Manchester United, segist virða andstæðinga sína í átta liða úrslitum Meistaradeildar Evrópu, Roma, en liðin voru dregin saman í dag.

Ensk rimma í úrslitaleik Meistaradeildar?

Hugsanlegt er að ensk lið leiki til úrslita í Meistaradeild Evrópu í knattspyrnu en þau voru ekki dregin saman í átta liða úrslitum í dag.

Shevchenko neitar að hafa rætt við þýskan fréttamann

Úkraínski skóknarmaðurinn Andriy Shevchenko, leikmaður Chelsea, neitar því að hafa rætt við fréttamann hjá netmiðli þýsku sjónvarpsstöðvarinnar ARD en í viðtali við hann á Shevchenko að hafa ráðist gegn Jose Mourinho, þjálfara Chelsea.

Liverpool mætir PSV og Man Utd leikur við Roma

Liverpool mætir hollenska liðinu PSV og Manchester United leikur við Roma í átta liða úrslitum Meistaradeildar Evrópu en dregið var í þau í Aþenu í morgun. Þá mætir Chelsea spænska liðinu Valencia en auk þess eigast stórliðin AC Milan og Bayern München við í átta liða úrslitum.

Dregið í átta liða úrslit Meistaradeildarinnar

Dregið verður klukkan 11 í átta liða úrslit Meistaradeildar Evrópu en drátturinn fer fram í Aþenu þar sem úrslitaleikur keppninnar fer fram þann 23. maí.

Roberto Carlos hættir með Real Madríd í vor

Brasilíski knattspyrnumaðurnn Roberto Carlos hyggst hætta að leika með spænska liðinu Real Madrid í vor eftir ellefu ára dvöl hjá konungsliðinu. Þetta kemur fram í viðtali við hann í spænska íþróttadagblaðinu Marca í dag.

UEFA Cup: Góður sigur Tottenham í Portúgal

Tottenham er í góðri stöðu eftir fyrri leik sinn við portúgalska liðið Braga í 16-liða úrslitum Evrópukeppni félagsliða í kvöld eftir 3-2 útisigur. Nokkur óvænt úrslit litu dagsins ljós í kvöld.

Cannavaro og Carlos meiddir

Varnarmennirnir Fabio Cannavaro og Roberto Carlos geta ekki leikið með liði Real Madrid þegar það mætir Barcelona í leik ársins á Spáni, en þeir eiga báðir við meiðsli að stríða. Cannavaro verður frá í tvær vikur en Carlos í mánuð. Þá er Ronaldinho tæpur hjá Barcelona vegna meiðsla, en þessi stórslagur verður sýndur beint á Sýn á laugardagskvöldið.

Dwight Yorke hættur með landsliðinu

Framherjinn skæði Dwight Yorke hjá Trinidad og Tobago hefur tilkynnt að hann sé hættur að spila með landsliðinu. Yorke er 35 ára gamall og var fyrirliði þess þegar það vann sér óvænt sæti á HM í sumar. Yorke segist ætla að einbeita sér að því að spila með liði Sunderland í vetur þar sem stefnan er sett á að komast í úrvalsdeildina.

Newcastle lagði AZ - Grétar skoraði sjálfsmark

Newcastle lagði AZ Alkmaar 4-2 í æsilegum fyrri leik liðanna í 16-liða úrslitum Evrópukeppni félagsliða í kvöld. Grétar Rafn Steinsson kom enska liðinu á bragðið á 8. mínútu þegar hann skoraði sjálfsmark og þeir Obafemi Martins (2) og Kieron Dyer tryggðu Newcastle 4-1 stöðu í hálfleik. Shota Arveladze og Danny Koervermans (víti) skoruðu mörk AZ sem gætu reynst dýrmæt fyrir síðari leikinn.

Beckham spáir þrennu hjá Manchester United

David Beckham hjá Real Madrid segir að fyrrum félagar hans í Manchester United hafi það sem til þarf til að endurtaka þrennuna glæsilegu frá því árið 1999 þegar liðið vann sigur í deild, bikar og Meistaradeildinni.

Grétar Rafn skoraði sjálfsmark

Það er ekki hægt að segja að Grétar Rafn Steinsson byrji vel með AZ Alkmaar í leiknum gegn Newcastle í Evrópukeppni félagsliða sem sýndur er beint á sjónvarpsstöðinni Sýn. Grétar skoraði sjálfsmark á áttundu mínútu leiksins og því hefur enska liðið fengið draumabyrjun.

Sjö breytingar á íslenska liðinu

Sigurður Ragnar Eyjólfsson hefur gert sjö breytingar á byrjunarliði kvennalandsliðsins sem leikur við Íra í Algarve Cup æfingamótinu í Portúgal á morgun. Þar ber hæst að Anna Björg Björnsdóttir verður í byrjunarliðinu í sínum fyrsta landsleik. Íslenska liðið spilar leikaðferðina 4-4-2 og hefst leikurinn klukkan 18 að íslenskum tíma á morgun.

David Platt: Kampavínsbolti Arsenal skilar ekki titlum

Fyrrum landsliðsmaðurinn David Platt segir að þó Arsenal spili fallega og skemmtilega knattspyrnu, verði liðið að fórna hluta af þeirri stefnu sinni ef það ætli sér að vinna fleiri titla. Hann segir liðið líka skorta markaskorara við hlið Thierry Henry.

Grétar Rafn í byrjunarliði AZ gegn Newcastle

Grétar Rafn Steinsson verður í byrjunarliði AZ Alkmaar á ný þegar liðið sækir Newcastle heim á St. James Park í Evrópukeppni félagsliða í kvöld. Þetta er fyrri viðureign liðanna í 16-liða úrslitum keppninnar og verður leikurinn sýndur beint á Sýn klukkan 19:30. Grétar gat ekki spilað með liðinu vegna meiðsla þegar það mætti Utrecht um helgina, en er nú klár í slaginn.

Ronaldo ætlar að sitja fyrir nakinn

Brasilíski framherjinn Ronaldo hjá AC Milan og fyrrum leikmaður Real Madrid, segir að leikmenn spænska liðsins vantreysti þjálfara sínum Fabio Capello. Ronaldo gagnrýnir vinnuaðferðir Ítalans harðlega, en þeir tveir áttu sem kunnugt er litla samleið hjá Real fyrr í vetur. Hann segist líka vera orðinn hundleiður á því að fólk kalli hann feitan.

Ziege kominn á skrifstofuna

Fyrrum knattspyrnumaðurinn Christian Ziege hefur verið ráðinn yfirmaður knattspyrnumála hjá þýska úrvalsdeildarfélaginu Gladbach. Ziege spilaði á sínum tíma 68 landsleiki fyrir Þjóðverja og spilaði með liðum eins og Liverpool, Tottenham og AC Milan. Gladbach er í mikilli fallbaráttu í þýsku úrvalsdeildinni og hefur þetta fornfræga félag verið í vandræðum síðustu ár.

Lucas Neill: Allt í sóma hjá West Ham

Ástralski landsliðsmaðurinn Lucas Neill segir ekkert til í fréttaflutningi undanfarið sem lýst hefur upplausn í herbúðum West Ham. Neill segir að það eina sem skorti í liðið sé sjálfstraust, því margir af leikmönnum liðsins séu ungir og óreyndir.

Ronaldinho tæpur fyrir stórleikinn á laugardag

Brasilíumaðurinn Ronaldinho mætti ekki á æfingu hjá Barcelona í dag vegna tognunar í vinstri fæti. Hann mun gangast undir frekari læknisrannsóknir, en óttast er að hann missi af stórleiknum við Real Madrid á laugardagskvöldið. Endanleg ákvörðun um þáttöku leikstjórnandans verður líklega ekki tekin fyrr en á laugardag, en ljóst er að mikið er í húfi í leiknum.