Messi vann einvígið við Falcao

Barcelona sigraði Atletico Madrid 4-1 í toppslag spænsku úrvalsdeildarinnar í fótbolta í kvöld. Falcao skoraði fyrsta mark leiksins en Messi skoraði tvö mörk í seinni hálfleik eftir að samherjar hans höfðu komið liðinu yfir fyrir hálfleik, 2-1.

Real Madrid náði aðeins jafntefli á heimavelli

Real Madrid tapaði tveimur mikilvægum stigum þegar liðið náði aðeins jafntefli á heimavelli 2-2 gegn Espanyol. Espanyol jafnaði metin tveimur mínútum fyrir leikslok.

Tottenham upp í fjórða sætið með sigri á Swansea

Gylfi lék síðustu 20 mínúturnar fyrir Tottenham sem sigraði fyrrum félaga Gylfa í Swansea 1-0 á heimavelli í ensku úrvalsdeildinni í fótbolta í dag.

Glæsimark Guðlaugs Victors á móti toppliði PSV

Guðlaugur Victor Pálsson tryggði NEC Nijmegen 1-1 jafntefli á móti toppliði PSV Eindhoven í hollensku úrvalsdeildinni í fótbolta í kvöld þegar hann jafnaði leikinn tíu mínútum fyrir leikslok. Þetta var annað mark Guðlaugs Victors í 11 leikjum með NEC.

Klose kláraði Internazionale í kvöld

Þjóðverjinn Miroslav Klose tryggði Lazio 1-0 sigur á Internazionale í ítölsku úrvalsdeildinni í fótbolta í kvöld þegar hann skoraði eina mark leiksins átta mínútum fyrir leikslok.

Jón Arnór góður í fjórða heimasigri CAI Zaragoza í röð

Jón Arnór Stefánsson hélt upp á kjör sitt sem Körfuboltamaður ársins á Íslandi með því að eiga góðan leik í öruggum 18 stiga heimasigri CAI Zaragoza á Unicaja, 82-64, í spænsku úrvalsdeildinni í körfubolta í kvöld.

Eiður Smári fékk rautt spjald í botnslagnum

Eiður Smári Guðjohnsen var rekinn af velli sjö mínútum fyrir leikslok þegar Cercle Brugge gerði 1-1 jafntefli á útivelli í kvöld á móti Lierse í botnslag í belgísku úrvalsdeildinni í fótbolta.

Strákarnir hans Dags björguðu andlitinu í seinni hálfleik

Lærisveinar Dags Sigurðssonar í Füchse Berlin voru komnir í slæm mál í leik á móti Gummersbach í þýsku úrvalsdeildinni í handbolta í dag en tókst að tryggja sér 28-23 sigur með frábærum seinni hálfleik. Gummersbach er í hópi neðstu liða deildarinnar og var aðeins búið að vinna fjóra af fyrstu fimmtán leikjum tímabilsins.

Snorri Steinn og félagar aftur á sigurbraut

Snorri Steinn Guðjónsson og félagar í GOG Håndbold unnu sex marka sigur á Holte, 25-19, í dönsku b-deildinni í handbolta í dag en GoG er áfram með öruggt forskot á toppi deildarinnar. Holte er í 11. sæti.

Fjögur Íslendingalið fögnuðu sigri í þýsku b-deildinni í kvöld

Fjögur af fimm Íslendingaliðum sem stóðu í eldlínunni í þýsku b-deildinni í handbolta í kvöld náðu að landa sigri í sínum leikjum en Bergischer HC tapaði óvænt fyrir EHV Aue í eina Íslendingaslag dagsins.

Fyrsti sigurinn í 48 daga hjá Jóhanni Berg og félögum

Jóhann Berg Guðmundsson var í byrjunarliði AZ Alkmaar í kvöld þegar liðið vann 2-1 útisigur á Zwolle í hollensku úrvalsdeildinni í fótbolta. Þetta var langþráður sigur hjá AZ-liðinu sem vann síðasta deildarleik 28. október.

Fellaini komst upp með það að skalla leikmann Stoke

Everton-maðurinn Marouane Fellaini er örugglega á leiðinni í leikbann þrátt fyrir að hann hafi ekki verið rekinn útaf í 1-1 jafnteflisleik Everton og Stoke í ensku úrvalsdeildinni í dag.

Adel Taarabt: Mikil gleði

Adel Taarabt skoraði bæði mörk Queens Park Rangers í 2-1 sigri á Fulham í ensku úrvalsdeildinni í dag en þetta var fyrsti sigur liðsins á tímabilinu. Taarabt og félagar fögnuðu vel í leikslok.

Leikmenn Bobcats segja að Jordan gæti enn spilað í NBA

Michael Jordan er einn allra besti körfuboltamaður sögunnar og átti frábæran og sigursælan feril í NBA-deildinni. Hann verður fimmtugur í febrúar og er kemur nú að NBA-deildinni sem eigandi Charlotte Bobcats liðsins. Jordan lætur alltaf sjá sig við og við á æfingum liðsins.

Brendan Rodgers: Ég veit ekki hvaðan þessi spilamennska kom

Brendan Rodgers, stjóri Liverpool, var daufur í dálkinn eftir 1-3 tap á heimavelli á móti Aston Villa í ensku úrvalsdeildinni í dag. Liverpool hefur aðeins unnið 3 af 9 heimaleikjum sínum á tímabilinu.

Svartfjallaland í úrslitaleikinn á öðru stórmótinu í röð

Norðmenn mæta Svartfjallalandi í úrslitaleiknum á Evrópumóti kvenna í handbolta í Serbíu eftir að Svartfellingar unnu dramatískan eins marks sigur á Serbíu, 27-26, í seinni undanúrslitaleiknum í Belgrad í kvöld. Norðmenn unnu 11 marka sigur á Ungverjum í fyrri undanúrslitaleik dagsins og geta unnið fimmta Evrópumeistaratitilinn í röð á morgun.

Ferguson: Við vorum frábærir í klukkutíma

Sir Alex Ferguson, stjóri Manchester United, sá sína menn vinna 3-1 sigur á Sunderland í ensku úrvalsdeildinni í dag og ná aftur sex stiga forskoti á toppi ensku úrvalsdeildarinnar.

Íslendingaliðin töpuðu bæði í ensku b-deildinni

Þetta var ekki góður dagur fyrir Íslendingaliðin í ensku b-deildinni því Cardiff City og Wolves töpuðu bæði í leikjum sínum í dag. Cardiff er samt áfram á toppnum þar sem að Crystal Palace missti niður tveggja marka forystu í sínum leik.

Valskonur í miklu stuði á móti Njarðvík

Valskonur endurheimtu fjórða sætið í Dominos-deild kvenna í körfubolta eftir sannfærandi 39 stiga stórsigur á Njarðvík, 95-56, í Vodafonehöllinni í dag. Þetta var síðasti leikurinn í kvennakörfunni fyrir jólafrí.

Mancini: Við hefðum getað skorað sex eða sjö mörk

Roberto Mancini, stjóri Manchester City, var ánægður með sína menn eftir 3-1 útisigur á Newcastle í hádegisleiknum í ensku úrvalsdeildinni í fótbolta. City minnkaði með því forskot Manchester United á toppnum í þrjú stig.

Þórir og norsku stelpurnar ekki í vandræðum með Ungverja

Norska kvennalandsliðið í handbolta er komið í úrslitaleik Evrópumótsins í Serbíu eftir sannfærandi ellefu marka sigur á Ungverjalandi, 30-19, í undanúrslitaleik þjóðanna í Belgrad í dag. Norska liðið mætir annaðhvort Serbíu eða Svartfjallalandi í úrslitaleiknum á morgun.

QPR vann sinn fyrsta leik á tímabilinu - öll úrslitin í enska

Queens Park Rangers vann sinn fyrsta deildarleik á tímabilinu og komst upp úr botnsæti ensku úrvalsdeildarinnar eftir 2-1 sigur á Fulham í dag. Adel Taarabt skoraði bæði mörk QPR í leiknum sem færðu Harry Redknapp sinn fyrsta sigur sem stjóri liðsins.

Manchester United vann og náði aftur sex stiga forskoti

Manchester United náði aftur sex stiga forskoti á toppi ensku úrvalsdeildarinnar eftir 3-1 sigur á Sunderland á Old Trafford í dag. Nágrannarnir höfðu minnkað forystuna í þrjú stig með sigri á Newcastle fyrr í dag.

Aston Villa með þrjú mörk og þrjú stig frá Anfield

Aston Villa bætti stöðu síðan í botnbaráttunni með því að vinna frábæran 3-1 sigur á Liverpool á Anfield í ensku úrvalsdeildinni í dag. Liverpool-menn voru enn á ný seinheppnir á báðum endum vallarins og vildu fá að minnsta kosti tvær vítaspyrnur auk fjölda færa sem nýttust ekki.

Markvörður Atletico Madrid óttast ekki Messi

Thibaut Courtois, markvörður Atletico Madrid, fær örugglega nóg að gera annað kvöld þegar liðið mætir Barcelona í toppslag spænsku úrvalsdeildarinnar í fótbolta. Courtois tjáði sig um einvígið við Messi og félaga í aðdraganda leiksins.

Framherjar Íslands skora og skora

Lars Lagerbäck, landsliðsþjálfari Íslands, glímir þessa dagana við lúxusvandamál. Framherjar landsliðsins eru sjóðheitir víðs vegar um Evrópu. Kolbeinn Sigþórsson er enn frá keppni vegna meiðsla en sem betur fer kunna fleiri íslenskir framherjar að skora.

Þessar þjóðir gætu orðið mótherjar íslensku stelpnanna

Á morgun verður dregið í umspil fyrir Heimsmeistarakeppni kvenna í handbolta 2013 en keppnin fer fram í Serbíu í lok næsta árs. EHF hefur gefið það formlega út að íslenska landsliðið verði í neðri styrkleikaflokknum.

Reina: Ég á vonandi mín bestu ár eftir hjá Liverpool

Pepe Reina, markvörður Liverpool, missti úr sjö leiki í byrjun tímabilsins vegna meiðsla en hefur verið að spila vel að undanförnu. Reina er nú búinn að halda fjórum sinnum hreinu í síðustu sjö leikjum.

Hæsta hlutfall uppaldra leikmanna hjá FH

Fimmtán af nítján leikmönnum FH í N1 deild karla í handbolta í vetur eru uppaldir leikmenn en þetta kemur fram í Morgunblaðinu í dag og er byggt á gögnum frá Árna Stefánssyni, fræðslufulltrúa HSÍ.

Dönsku stelpurnar tryggðu sér fimmta sætið

Danska kvennalandsliðið náði fimmta sætinu á EM kvenna í handbolta í Serbíu eftir tveggja marka sigur á Rússlandi, 32-30, í leiknum um fimmta sætið í Belgrad í dag en seinna í dag fara fram undanúrslitaleikir keppninnar.

Manchester City nú bara þremur stigum á eftir United

Manchester City minnkaði forskot nágrannanna í Manchester United á toppi ensku úrvalsdeildarinnar í þrjú stig með því að vinna sannfærandi 3-1 sigur á Newcastle á St. James Park í hádegisleiknum í enska í dag.

Leikmaður Noregs og þjálfari Ungverja eru ekki lengur í sambandi

Noregur og Ungverjaland mætast í dag í undanúrslitum á EM kvenna í handbolta sem fer fram í Serbíu. Fyrir leikinn hafa norskir fjölmiðlar verið uppteknir af sambandi línumannsins Heidi Löke og Karl Erik Böhn, norskum þjálfara ungverska landsliðsins.

Mancini: Manchester City er með betra lið en Manchester United

Roberto Mancini, stjóri Manchester City, er harður á því að sínir menn hafi sannað það um síðustu helgi að þeir eru með betra lið en Manchester United þrátt fyrir 2-3 tap.

NBA: Tíu sigrar í röð hjá Thunder og Lakers-liðið vann leik

Oklahoma City Thunder hélt sigurgöngu sinni áfram í NBA-deildinni í körfubolta í nótt þegar liðið vann sinn tíunda leik í röð. Los Angeles Lakers endaði fjögurra leikja taphrinu með sigri á Washington, Houston vann Boston, Memphis Grizzlies er að gefa eftir, Brooklyn Nets vann Detroit eftir tvíframlengdan leik og fimm leikja sigurganga Golden State Warriors endaði í Orlando.

Stefni á að setja eitt með skalla

Gylfi Þór Sigurðsson mætir sínum gömlu félögum úr Swansea í enska boltanum um helgina. Andre Villas-Boas, knattspyrnustjóri liðsins, virðist hafa trölltrú á íslenska landsliðsmanninum þegar kemur að skallatækni hans í vítateignum.

I hope I got the right one!

Ekki er öruggt að lax sem leiðsögumaður bandarískrar konu landaði fyrir hana í Víðidalsá hafi verið nákvæmlega sá sem konan veiddi. Um þetta má lesa í bók um Víðidalsá og Fitjá.

HK-fjölskyldan stendur þétt við hlið Bjarka

Það var frábær mæting á leik HK og FH í N1-deildinni á fimmtudag. Það var ekki bara handboltinn sem trekkti að því allur aðgangseyrir rann til Bjarka Más Sigvaldasonar sem er 25 ára gamall leikmaður knattspyrnuliðs HK. Hann glímir við erfið veikindi um þessar mundir.

Valsmenn skipta upp rekstrinum hjá sér

Aðalstjórn Knattspyrnufélagsins Vals hefur lagt fram tillögu þess efnis að skipta rekstri félagsins í tvennt. Hörður Gunnarsson, formaður aðalstjórnar, segir að Reykjavíkurborg hafi ekki staðið við samning sem skrifað var undir á sínum tíma og að það sé þungt högg fyrir félagið.

38 toppleikmenn eiga rætur í Barcelona

Það kemur kannski fáum á óvart en ný svissnesk rannsókn sýnir fram á það að Barcelona er í nokkrum sérflokki þegar kemur að því að framleiða leikmenn fyrir fimm bestu deildirnar í Evrópu. Unglingaakademía félagsins fær enn eitt hrósið í nýrri alþjóðlegri rannsókn.

Skortur á örvhentum skyttum

Íslenska landsliðið í handbolta er komið í svipaða stöðu og í aðdraganda Ólympíuleikanna í Barcelona 1992. Þá missti liðið líka þrjár örvhentar skyttur fyrir mótið og endaði á því að spila með rétthentan mann hægra megin, reyndar með mjög góðum árangri.

Ungur stuðningsmaður Everton virkar hræddur við Suarez

Knattspyrnumenn gefa af sér um jólin og leikmenn Liverpool eru þar engin undantekning. Leikmenn liðsins virtust þó hafa hrætt lítinn, veikan strák á spítala í Liverpool.

Casillas færi í frí með Ronaldo

Spænskir fjölmiðlar hafa verið að flytja fréttir af því að ósætti sé á milli Cristiano Ronaldo og markvarðarins Iker Casillas en þeir leika saman hjá Real Madrid.

LeBron fékk fleiri atkvæði en Kobe

Það er byrjað að kjósa í Stjörnuleik NBA-deildarinnar sem er mikil vinsældakosning. NBA-deildin hefur nú gefið út hvernig fyrsta umferð í kjörinu fór. Þar eru kunnugleg nöfn að vanda.

Valsmenn fyrstir inn í átta liða úrslit Powerade-bikarsins

Valsmenn eru komnir í átta liða úrslit Poweradebikars karla í körfubolta eftir 41 stigs sigur á b-liði KR í Vodafone-höllinni í kvöld, 94-54. 1. deildarlið Valsmanna hefur unnið alla átta deildarleiki sína í vetur og átti ekki í miklum vandræðum með Bumbuna í kvöld.

Tíu marka tap hjá strákunum hans Óskars Bjarna

Lærisveinar Óskars Bjarna Óskarssonar í Viborg HK töpuðu stórt á útivelli á móti Skjern Håndbold í dönsku úrvalsdeildinni í handbolta í kvöld. Skjern Håndbold er eitt af sterkustu liðum deildarinnar og vann öruggan 34-24 sigur.