Di Matteo rekinn frá Chelsea

Roberto Di Matteo hefur verið rekinn frá Chelsea en síðasti leikur hans var 3-0 tap á móti Juventus í Meistaradeildinni í gær. Chelsea tilkynnti þetta á twitter-síðu sinni og þar segir að félagið muni fljótlega greina frá því hver tekur við liðinu og stjórnar því á móti Manchester City um næstu helgi.

Benítez á leiðinni á Brúna?

Guardian segir frá því í morgun að forráðamenn Chelsea séu búnir að heyra hljóðið í Rafael Benítez til að athuga það hvort að hann sé tilbúinn að taka við liðinu af Roberto Di Matteo en Chelsea tapaði 0-3 á móti Juventus í gríðarlega mikilvægum leik í Meistaradeildinni í gær.

NBA: Kobe sá um að landa sigrinum í fyrsta leik D'Antoni

Kobe Bryant fór mikinn á lokamínútunum þegar Los Angeles Lakers vann fimm stiga sigur á Brooklyn Nets í NBA-deildinni í nótt en þetta var fyrsti leikur liðsins undir stjórn Mike D'Antoni. New York Knicks og Philadelphia 76ers unnu líka leiki sína í nótt en þá fóru aðeins þrír leikir fram.

Ferrari getur ekki einbeitt sér að Vettel

Stefano Domenicali, liðstjóri Ferrari-liðsins í Formúlu 1, segir liðið ætla að einbeita sér að því að standa sig sem best. Liðið má ekki við því að athuga hvað Red Bull-liðið ætlar að gera. Brasilíski kappaksturinn um næstu helgi mun skera úr um heimsmeistaratitil ökuþóra.

Raikkönen vill ekki mæta á lokahóf Formúlunnar

Lotus-liðið í Formúlu 1 er staðráðið í að sækja þriðja sætið í titilbaráttu ökuþóra þrátt fyrir að Kimi Raikkönen hafi sagst ekki vilja mæta á lokahófið þar sem verðlaununum er útdeilt í lok ársins. Kimi er sem stendur í þriðja sætinu.

Eiður Smári aldrei byrjað betur

Eiður Smári Guðjohnsen hefur skorað fimm mörk í fyrstu sjö deildarleikjum sínum með belgíska félaginu Cercle Brugge. Þetta er tólfta félagið hans á ferlinum og langbesta byrjunin.

Meistaradeildarmörkin: Evrópumeistararnir nánast úr leik

Þorsteinn Joð og gestir hans í Meistaradeildarmörkunum fóru yfir leik Juventus og Chelsea í Meistaradeild Evrópu í kvöld.

Skoraði óheiðarlegt mark | Myndband

Afar sérstakt atvik kom upp í leik Nordsjælland og Shakhtar Donetsk í Meistaradeild Evrópu í kvöld.

Ólafur til Flensburg

Ólafur Gústafsson, leikmaður FH, er á leið til þýska stórliðsins Flensburg. Þetta staðfesti Einar Andri Einarsson, þjálfari FH, við Vísi.

Mancini: Balotelli getur orðið einn sá besti í heimi

Roberto Mancini telur að Mario Balotelli gæti orðið einn besti knattspyrnumaður heims ef hann myndi leggja meira á sig og breyta viðhorfi sínu.

Galinn kostnaður vegna öryggisgæslu

Helgi Valur Daníelsson og félagar í sænska liðinu AIK mæta Napoli í Evrópudeildinni á fimmtudaginn og það er búist við miklu fjöri bæði inn á vellinum sem og upp í stúku. Expressen segir frá því að AIK þurfi að eyða yfir einni milljón sænskra króna í öryggisgæslu á leiknum sem er meira en 18 milljónir íslenskra króna.

Mancini: Löggan sú eina sem getur stoppað Ronaldo

Roberto Mancini, stjóri Manchester City, var léttur á blaðamannafundi fyrir Meistaradeildarleikinn á móti Real Madrid á morgun. Manchester City verður að vinna leikinn.

Guif vann Íslendingaslaginn

Fjórir Íslendingar komu við sögu þegar að Guif og Hammarby áttust við í sænsku úrvalsdeildinni í kvöld.

Drekarnir á toppinn í Svíþjóð

Sundsvall Dragons tyllti sér á topp sænsku úrvalsdeildarinnar í körfubolta í kvöld með sigri á Uppsala á útivelli, 82-71.

Löwen enn með fullt hús stiga

Rhein-Neckar Löwen, lið Guðmundar Guðmundssonar, vann í kvöld þriggja marka útisigur á Minden, 26-23, í þýsku úrvalsdeildinni.

Enn eitt metið hjá Messi

Lionel Messi bætti í kvöld enn eitt metið er hann skoraði tvö mörk í 3-0 sigri Barcelona á Spartak Moskvu í Meistaradeild Evrópu.

Alex Ferguson rólegur yfir tapinu

Sir Alex Ferguson, stjóri Manchester United, var ekki að stressa sig á 1-0 tapi liðsins gegn Galatasaray í Meistaradeild Evrópu í kvöld.

Cech: Mikil vonbrigði

Petr Cech, markvörður Chelsea, var vitanlega vonsvikinn eftir 3-0 tap sinna manna fyrir Juventus í Meistaradeild Evrópu í kvöld.

Juventus sá um Evrópumeistarana | Öll úrslit kvöldsins

Juventus sá til þess að Evrópumeistarar Chelsea eiga nú litla möguleika á því að komast áfram úr riðlakeppni Meistaradeildar Evrópu.

Dempsey kosinn besti fótboltamaður Bandaríkjanna

Clint Dempsey, liðsfélagi Gylfa Þórs Sigurðssonar hjá Tottenham, var valinn besti fótboltamaður Bandaríkjanna annað árið í röð en bandaríska sambandið tilkynnti niðurstöður kjörsins á heimasíðu sinni í morgun.

Í tveggja leikja bann fyrir útrétta löngutöng

Ottmar Hitzfeld, landsliðsþjálfari Sviss, var í dag dæmdur í tveggja leikja bann fyrir óíþróttamannslega framkomu í leik Sviss gegn Noregi í síðasta mánuði.

Beckham gæti fengið tilboð frá PSG - áhugi í sex löndum

David Beckham þarf ekki að hafa áhyggjur af því að fá ekki tilboð um að spila fótbolta á næsta tímabili því BBC hefur heimildir fyrir því að lið í að minnsta kosti sex löndum vilji semja við hann. Hann var sterklega orðaður við Ástralíu en lið frá öllum heiminum eru tilbúin að taka upp veskið.

Lucas gæti spilað með varaliðinu um helgina

Brasilíumaðurinn Lucas gæti mögulega spilað með varaliði Liverpool um helgina en hann hefur verið frá vegna meiðsla síðan í ágúst.

Walcott ekki með Arsenal á morgun

Theo Walcott er meiddur á öxl og verður ekki með Arsenal gegn Montpellier í Meistaradeild Evrópu á morgun.

Redknapp í viðræður við Úkraínumenn

Forráðamenn knattspyrnusambands Úkraínu hafa tilkynnt að sambandið ætli sér að fara í viðræður við Harry Redknapp um starf landsliðsþjálfara þar í landi.

Allir íslensku þjálfararnir tilnefndir í stjörnuliðið

Alfreð Gíslason, Dagur Sigurðsson og Guðmundur Guðmundsson eru meðal þeirra sex þjálfara í þýsku úrvalsdeildinni sem eru tilnefndir í stjörnulið deildarinnar.

United-liðið laumaði sér í gegnum flugstöðina

Sir Alex Ferguson, stjóri Manchester United og Darren Fletcher mættu á blaðamannafund fyrir leikinn á móti Galatasaray sem fram fer í Meistaradeildinni í kvöld en þar var mönnum tíðrætt um móttökurnar sem United-liðið fékk í Tyrklandi.

Æ fleiri útlendingar vilja í Brynju

Lögreglan í Liverpool yfirheyrði Sterling

Raheem Sterling er að standa sig frábærlega innan vallar en það gengur ekki eins vel hjá þessum 17 ára strák að fóta sig utan vallar. Sky Sports segir frá því í dag að lögreglan í Liverpool hafi yfirheyrt leikmanninn.

Veigar Páll: Ekkert öruggt að ég fari í Stjörnuna

Veigar Páll Gunnarsson hefur leikið sinn síðasta leik fyrir Stabæk og er á heimleið eftir farsælan níu ára feril sem atvinnumaður. Veigar var í viðtali hjá Hirti Hjartarsyni í Boltanum í morgun þar sem fram kom að ekkert væri ákveðið hvar hann léki á næsta tímabili. Líklegasti áfangastaðurinn væri Stjarnan en þó kæmu önnur lið til greina líka.

Heldur ævintýri Celtic áfram í Meistaradeildinnni?

Skoska meistaraliðið Celtic hefur komið gríðarlega á óvart í riðlakeppni Meistaradeildar Evrópu í knattspyrnu það sem af er. Celtic lagði spænska stórliðið Barcelona 2-1 á heimavelli í síðustu umferð og í kvöld mætir Celtic liði Benfica í Portúgal. Celti getur tryggt sér sæti í 16-liða úrslitum með sigri gegn Benfica og jafntefli gæti einnig dugað fyrir skoska liðið.

Khedira: Manchester City eitt af bestu liðum heims

Sami Khedira, miðjumaður Real Madrid, talaði vel um Manchester City þrátt fyrir að lítið hafi gengið hjá ensku meisturunum í Meistaradeildinni. City tekur á móti Real Madrid í Meistaradeildinni á morgun og þarf nauðsynlega á sigri að halda.

Barcelona og Valencia í 16-liða úrslitin

Spænsku liðin Barcelona og Valencia tryggðu sér í dag öruggt sæti í 16-liða úrslitum Meistaradeildar Evrópu. Börsungar unnu 3-0 sigur á Spartak Moskvu í Rússlandi en Valencia á enn eftir að spila í kvöld.

Öll mörkin hans Alexanders á móti gömlu félögunum

Alexander Petersson sýndi mátt sinn og mikilvægi um helgina í 25-23 sigri Rhein-Neckar Löwen á hans gömlu félögum í Füchse Berlin en íslenski landsliðsmaðurinn skoraði átta mörk í leiknum og var frábær í vörn sem sókn.

Meistaradeildin: Hvað er um að vera á sportstöðvunum?

Það er mikið um að vera í Meistaradeild Evrópu í knattspyrnu í kvöld og mikið í húfi hjá mörgum liðum í riðlakeppninni. Alls verða fjórir leikir í beinni útsendingu á sportstöðvum Stöðvar 2 og er fyrsti leikurinn á dagskrá kl. 17 þar sem að stórlið Barcelona mætir Spartak á útivelli í Moskvu í Rússlandi.

Milliriðill 19 ára stelpnanna fer fram í Portúgal

Íslenska 19 ára landsliðið fær í apríl tækifæri til að tryggja sér sæti í úrslitakeppni EM en liðið komst í milliriðilinn á dögunum. Í dag var dregið í riðla í höfuðstöðvum UEFA í Sviss.

Stelpuliðin til Moldavíu og Búlgaríu

Íslensku kvennaliðin þurfa að ferðast langt til að taka þátt í undankeppni EM á næsta ári. Í dag var dregið í undankeppnir EM U19 kvenna og EM U17 kvenna í höfuðstöðvum UEFA í Sviss.

Alexander í öðru sæti í mörkum utan af velli

Alexander Petersson hefur spilað frábærlega með Rhein-Neckar Löwen á tímabilinu og er nú kominn upp í sjöunda sæti yfir markahæstu menn deildarinnar. Alexander á mikinn þátt í því að Ljónin hafa unnið alla tólf leiki sína til þessa á tímabilinu.

Beckham hættir í bandaríska boltanum

David Beckham og félagar í Los Angeles Galaxy eru annað árið í röð komnir í úrslitaleikinn í bandarísku atvinnumannadeildinni í fótbolta en Beckham tilkynnti í gær að úrslitaleikurinn yrði síðasti leikur hans fyrir Galaxy-liðið.

Helgin í enska gerð upp á Sjónvarpsvef Vísis

Þeir sem misstu af enska boltanum um helgina eða vilja bara horfa á það helst aftur þá er hægt að fá flott yfirlit inn á Vísi. Eins og vanalega er nefnilega hægt að finna margskonar samantektir eftir hverja umferð ensku úrvalsdeildarinnar inn á Sjónvarpsvefnum á Vísi.

NBA: Los Angeles Clippers vann í San Antonio

Los Angeles Clippers vann San Antonio Spurs í annað skiptið á þessu tímabili í NBA-deildinni í körfubolta í nótt og að þessu sinni í San Antonio. Denver Nuggets endaði átta leikja sigurgöngu Memphis Grizzlies og Golden State Warriors vann Dallas Mavericks eftir framlengingu.

Arnór: Markmiðið að spila með Flensburg á ný

Arnór Atlason leggst undir hnífinn á morgun eftir að hann sleit hásin í leik með Flensburg í þýsku úrvalsdeildinni um helgina. Hann missir af HM á Spáni í janúar en stefnir að því að spila á ný áður en keppnistímabilinu lýkur í vor.

Chelsea má ekki misstíga sig

Sex félög geta tryggt sér sæti í sextán liða úrslitum Meistaradeildarinnar í kvöld þegar næstsíðasta umferðin fer fram í riðlum E til H en það þarf þó mikið að gerast til að sum liðanna komist áfram.

John Daly kastaði pútternum út í skóg

John Daly er einn þekktasti kylfingur heims en hann þarf að stóla á að fá boð frá styrktaraðilum til þess að komast inn á PGA mótin í Bandaríkjunum og hann hefur reynt fyrir sér á Evrópumótaröðinni. Daly var langt frá sínu besta á opna Hong Kong meistaramótinu sem lauk um helgina. Þar missti hann stjórn á skapi sínu þar sem hann kastaði pútternum sínum út í skóg.

Meiðslin tóku sig upp í keilu

Óvíst er hvenær Andrew Bynum geti spilað körfubolta á ný en hnémeiðsli tóku sig upp eftir keiluferð kappans á dögunum.