Svíar fóru létt með Túnis | Bæði lið leika með Íslendingum í riðli

Svíar fóru lét með lið Túnis í A-riðli á Ólympíuleikunum í London í handknattleik en þeir unnu með 28 mörkum gegn 21.

Valdís Þóra er Íslandsmeistari kvenna í golfi árið 2012

Valdís Þóra Jónsdóttir úr Golfklúbbnum Leyni er Íslandsmeistari kvenna í golfi 2012 eftir gríðarlega spennandi keppni í kvennaflokki á Íslandsmótinu í höggleik á Strandarvelli á Hellu. Valdís Þóra var að vinna titilinn í annað skiptið en hún varð líka Íslandsmeistari í Grafarholti fyrir þremur árum.

Matthías Vilhjálmsson skoraði eitt mark í sigri Start

Start bar sigur úr býtum gegn Bryne, 3-1, í norsku fyrstu deildinni í knattspyrnu í dag en okkar maður Matthías Vilhjálmsson skoraði eitt mark fyrir Start í leiknum.

Rúnar og Haraldur áfram hlið við hlið á toppnum

Rúnar Arnórsson úr Keili og Haraldur Franklín Magnús úr GR eru enn jafnir á toppnum þegar þeir hafa leikið níu holur á lokadegi Íslandsmótsins í höggleik á Strandarvelli á Hellu. Báðir hafa þeir leikið á einu höggi undir pari í dag og þar með sex höggum samanlagt. Það er hægt að fylgjast með lokadeginum í beinni útsendingu á Stöð2 Sport sem og hér inn á Vísi.

Bandaríska körfuboltalandsliðið ekki í miklum vandræðum með Frakka

Bandaríkjamenn unnu sannfærandi 27 stiga sigur á Frökkum, 98-71, í dag í fyrsta leik sínum í körfuboltakeppni Ólympíuleikanna í London. Frakkar stóðu í Bandaríkjamönnum í fyrsta leikhlutanum (22-21) en síðan skildu leiðir.

Strákarnir okkar brostu eftir fyrsta leikinn í London - myndir

Íslenska handboltalandsliðið vann sex marka sigur á Argentínu, 31-25, í fyrsta leik sínum á Ólympíuleikum í London í morgun. Íslenska liðið þurfti að hafa fyrir sigrinum og hann var ekki í höfn fyrr en undir lok leiksins.

Jakob Jóhann biðst afsökunar á ummælum sínum eftir sundið í gær

Sundmaðurinn Jakob Jóhann Sveinsson hefur sent frá sér yfirlýsingu þar sem að hann biðst afsökunar á ummælum sínum við fjölmiða eftir 100 metra bringusundið á Ólympíuleikunum í London í gær.

Þórður Rafn tapaði ekki höggi á 27 holum í röð

GR-ingurinn Þórður Rafn Gissurarson er eins og er í þriðja sætinu á Íslandsmótinu í höggleik en lokadagurinn er kominn á fullt á Strandarvelli á Hellu. Það er hægt að fylgjast með í beinni útsendingu á Stöð2 Sport sem og hér inn á Vísi.

Messi byrjaði nýtt tímabil á því að skora þrennu

Argentínumaðurinn Lionel Messi skoraði 73 mörk í 60 leikjum með Barcelona á síðasta tímabili sem er met og þessi besti knattspyrnumaður heims byrjar þetta tímabil líka af miklum krafti.

Anna Sólveig byrjar best hjá konunum

Anna Sólveig Snorradóttir úr Keili er með eitt högg í forskot eftir fyrstu átta holurnar á lokadegi Íslandsmótsins í höggleik en Anna Sólveig hefur leikið átta fyrstu holur dagsins á einu höggi undir pari. Útsending Stöð 2 Sport og Vísis frá lokadeginum hefst klukkan 15.00.

Wilshere spilar ekkert fyrr en í október

Endurkomu Jack Wilshere seinkar enn og nýjustu fréttir af stráknum eru þær að hann verði ekkert með Arsenal-liðinu fyrr en í fyrsta lagi í október. Wilshere missti af öllu síðasta tímabili og hefur hvað eftir annað orðið fyrir bakslagi í endurkomu sinni inn á fótboltavöllinn.

Hamilton vann ungverska kappaksturinn

Lewis Hamilton leiddi ungverska kappaksturinn frá ræsingu og kom fyrstur yfir marklínuna nú rétt í þessu. Kimi Raikkönen ók frábærlega og endaði annar eftir að hafa sett þónokkra pressu á Lewis undir lok kappakstursins.

Selfyssingar fá Egil Jónsson á láni frá KR

Selfyssingar ætla greinilega að reyna styrkja lið sitt á meðan félagsskiptaglugginn er opinn en þeir hafa fengið tvo unga Íslendinga að láni til félagsins.

Arsenal náði bara jafntefli á móti meisturunum frá Hong Kong

Arsenal gerði 2-2 jafntefli á móti meisturunum frá Hong Kong, KitChee, í æfingaleik í dag en þetta var síðasti leikur enska liðsins í æfingaferð sinni til Asíu. Theo Walcott og Thomas Eisfeld skoruðu mörk Arsenal og jöfnuðu metin í bæði skiptin.

Villas-Boas reiður Charlie Adam fyrir ljóta tæklingu á Gareth Bale

Gareth Bale meiddist í æfingaleik Tottenham og Liverpool í Bandaríkjunum í gær eftir að hafa lent í ljótri tæklingu frá Liverpool-manninum Charlie Adam. André Villas-Boas, stjóri Tottenham, var allt annað en sáttur með Skotann í viðtölum við fjölmiðla eftir leikinn.

Huldukona laumaði sér með indverska hópnum inn á Opnunarhátíð ÓL

Indverjar hafa kvartað formlega við mótshaldara Ólympíuleikanna í London eftir að óþekkt kona gekk með indverska hópnum inn á Opnunarhátíð Ólympíuleikana á föstudagskvöldið. Konan skar sig vel út enda allt öðruvísi klædd en aðrar konur í hópi Indverja.

Guðmundur: Andinn í höllinni stórkostlegur

Landsliðsþjálfaranum Guðmundi Guðmundssyni var greinilega létt eftir sex marka sigur Íslands á Argentínu á Ólympíuleikunum í Lundúnum nú í morgun.

Hreiðar Levý: Þurftum að hafa mikið fyrir sigrinum

"Ég verð eiginlega að fá að leiðrétta þig. Ég varði víti OG frákast þegar ég kom inn á,“ sagði glaðbeittur Hreiðar Levý Guðmundsson eftir sigurinn á Argentínu í dag.

Ólafur: Þurfum að spila betur gegn Túnis

Landsliðsfyrirliðinn Ólafur Stefánsson segir að það hafi verið erfitt fyrir liðið að koma sér almennilega í gang í leiknum gegn Argentínumönnum í dag.

Aron: Er enn góður í hnénu

Aron Pálmarsson spilaði mikið með Íslandi í dag þrátt fyrir hnémeiðsli sín og er greinilega allur að koma til. Ísland vann í dag góðan sigur á Argentínu.

Snorri Steinn: Ég er enn mjög slæmur

Snorri Steinn Guðjónsson lék mjög vel með Íslandi í dag þrátt fyrir að vera að glíma við meiðsli. Hann átti sinn þátt í góðum sigri á Argentínu í dag.

Eygló nærri Íslandsmetinu í 100 m baksundi

Eygló Ósk Gústafsdóttir keppti í 100 m baksundi á Ólympíuleikunum í Lundúnum í morgun og var nálægt því að bæta Íslandsmetið sitt.

AC Milan vann Chelsea og Zlatan skoraði í fyrsta leik fyrir PSG

AC Milan þurfti ekki Zlatan Ibrahimovic til að vinna Evrópumeistara Chelsea í æfingaleik á Sun Life Stadium í Miami í Bandaríkjunum í nótt. Zlatan sjálfur skoraði fyrir sitt nýja lið í sínum fyrsta leik með Paris Saint-Germain.

Umfjöllun: Ísland - Argentína 31-25 | Fyrstu stigin í húsi

Íslenska handboltalandsliðið fór yfir fyrstu hindrun í handboltakeppni Ólympíuleikanna eftir sex marka sigur á Argentínumönnum, 31-25, í Koparkassanum í London í morgun. Íslenska liðið var með frumkvæðið í leiknum fyrir utan fyrstu tíu mínútur leiksins og þrátt fyrir að sigurinn hafi aldrei verið í hættu þá var hann aldrei í höfn fyrr en í lokin.

Eygló: Kvefast alltaf fyrir stórmót

Vísir kynnir til sögunnar íslenska íþróttafólkið sem keppir á Ólympíuleikunum í Lundúnum. Eygló Ósk Gústafsdóttir, sundkonan unga, stingur sér í Ólympíulaugina í dag í fyrsta sinn.

Saga stangveiða: "Risar meðal dýranna.“

Risalax veiddist í silunganet í Hvítá í Borgarfirði hjá Flóðatanga á síðustu öld. Menn eru ekki á eitt sáttir um þyngd hans, hvenær hann var veiddur eða af hverjum...

Íslandsmótið í höggleik: Lokadagurinn í beinni á Vísi

Fjórði og síðasti dagurinn á Íslandsmótinu í höggleik á Strandarvelli á Hellu er í beinni útsendingu á Stöð 2 Sport og hér á Vísi. Það er mikil spenna í bæði karla- og kvennaflokki en nýir Íslandsmeistarar verða krýndir í kvöld.

Roger Federer þakkar Ólympíuleikunum fyrir að hann kynntist eiginkonunni

Svissneski tenniskappinn Roger Federer er einn af þeim sigurstranglegustu í tenniskeppni Ólympíuleikanna í London, enda efstur á heimslistanum og búinn að vinna fleiri risamót en nokkur annar tenniskappi í sögunni.

Myndasyrpa frá glæsilegri setningarhátíð

Setningarhátíð Ólympíuleikanna í Lundúnum var haldin með pompi og prakti á Ólympíuleikvanginum í gær. Sýningin var hin glæsilegasta og náði hámarki þegar komið var með Ólympíueldinn inn á leikvanginn.

Shevchenko skiptir fótboltanum út fyrir pólitíkina

Úkraínumaðurinn Andriy Shevchenko hefur ákveðið að leggja fótboltaskóna á hilluna og snúa sér að stjórnmálum í heimalandinu. Hann tilkynnti þetta formlega í fréttatilkynningu seint í gærkvöldi sem var send í gegnum félag hans Dynamo Kyiv.

Mancini: Það eru nýir leikmenn á leiðinni á næstu tveimur vikum

Roberto Mancini, stjóri Manchester City, hefur verið rólegur á leikmannamarkaðnum það sem af er sumars en hann boðar leikmannakaup á næstu tveimur vikum í viðtali við Sky Sports. City-menn hafa verið óhræddir við að eyða pening í leikmenn undanfarin sumur og því hefur komið á óvart hversu rólegir þeir hafa verið í sumar.

Phelps komst ekki á pall - sextán ára kínversk stelpa með heimsmet

Kínverjar unnu tvö gull í fyrsta úrslitahluta sundkeppni Ólympíuleikanna í London í kvöld og þar setti sextán ára kínversk sundkona glæsilegt heimsmet í 400 metra fjórsundi. 400 metra fjórsund karla var líka sögulegt því þar komst Michael Phelps ekki á pall.

Gylfi í byrjunarliðinu í markalausu jafntefli Tottenham og Liverpool

Tottenham og Liverpool gerðu í kvöld markalaust jafntefli í æfingaleik í Bandaríkjunum en bæði félögin eyða undirbúningstímabilinu í Bandaríkjunum.

Haraldur Franklín: Fór í fisk til ömmu í gær

Haraldur Franklín Magnús úr GR átti frábæran dag á Íslandsmótinu í höggleik á Hellu en hann fékk tvo erni og fimm fugla og lék hringinn á sex höggum undir pari. Haraldur Magnús er jafn Rúnari Arnórssyni í efsta sæti fyrir lokadaginn. Haraldur var í viðtali hjá Sigurði Elvari Þórólfssyni í útsendingu Stöðvar 2 Sport frá mótinu.

Alma Rún í sjóbleikjuna

Fimm þjóðir komnar áfram í kvennafótboltanum á ÓL

Fimm þjóðir eru búnar að tryggja sér sæti í átta liða úrslitum í kvennafótboltakeppni Ólympíuleikanna og það þótt að enn sé ein umferð eftir. Bandaríkin, Brasilía, Bretland, Svíþjóð og Japan eru öll komin í átta liða úrslitin eftir leiki dagsins.

Keilis-systkinin með tólf fugla saman í dag

Rúnar Arnórsson og Signý Arnórsdóttir systir hans voru í miklu fuglastuði á þriðja degi Íslandsmótsins í höggleik í dag. Rúnar fékk sjö fugla og Signý var með fimm fugla. Rúnar er í efsta sæti hjá körlunum en Signý er sjötta hjá konunum.

Haraldur Franklín og Rúnar efstir og jafnir fyrir lokadaginn

Haraldur Franklín Magnús úr GR og Rúnar Arnórsson úr GK fóru á kostum á þriðja deginum á Íslandsmótinu í höggleik á Strandarvelli á Hellu. Þeir eru eftir og jafnir fyrir lokadaginn, báðir á fimm höggum undir pari.

Oscar til í að spila hvar sem er á vellinum hjá Chelsea

Brasilíumaðurinn Oscar, nýjasti meðlimur Evrópumeistaraliðs Chelsea, segist vera að til í að spila hvar sem er á vellinum hjá Chelsea eða bara sem að Roberto Di Matteo vill láta hann spila. Chelsea keypti kappann frá Internacional í vikunni en hann er þessa stundina á fullu með Ólympíuliði Brasilíumanna.

Tinna: Pútterinn var heitur

Tinna Jóhannsdóttir úr Keili lék best allra í kvennaflokki á þriðja degi Íslandsmótsins í höggleik og hún var í viðtali hjá Sigurði Elvari Þórólfssyni í útsendingu Stöð 2 Sport frá mótinu. Tinna er einu höggi á eftir Valdísi Þóru fyrir lokadaginn.

Valdís Þóra á eitt högg á Tinnu fyrir lokadaginn

Valdís Þóra Jónsdóttir úr Leyni er með eitt högg í forskot á Tinnu Jóhannsdóttur úr Keili fyrir lokadaginn á Íslandsmótinu í höggleik sem fram fer á Strandarvelli á Hellu. Þær voru fyrst skráðar jafnar en þegar betur var að gáð kom í ljós að mótshaldarar voru ekki með rétt skor skráð á Tinnu.

Mark Arnórs ekki nóg fyrir Esbjerg - Íslendingalið í efstu sætunum í Danmörku

Eyjólfur Héðinsson lagði upp annað mark SönderjyskE í 2-1 útisigri á Esbjerg í dönsku úrvalsdeildinni í dag. Arnór Smárason skoraði mark Esbjerg í leiknum en það dugði ekki til.

Pistill: Óskiljanlegar ákvarðanir

Ólíklegt er að hornamaðurinn Þórir Ólafsson hafi jafnað sig á því að hafa ekki verið valinn í landsliðshóp Íslands í handbolta fyrir Ólympíuleikana í handbolta. Skyldi engan undra.

Gunnar Heiðar og Alfreð skoruðu báðir í Íslendingaslag

Gunnar Heiðar Þorvaldsson og Alfreð Finnbogason voru báðir á skotskónum þegar lið þeirra mættust í sænsku úrvalsdeildinni í fótbolta í dag. IFK Norrköping, lið Gunnars Heiðars, vann þá 2-1 útisigur á Helsingborg, liði Alfreðs.

Ólafsvíkur-Víkingar með tveggja stiga forskot á toppi 1. deildar karla

Guðmundur Steinn Hafsteinsson tryggði Víkingi Ólafsvík 2-1 heimasigur á Tindastól í dag og þar með tveggja stiga forskot á toppi 1. deildar karla í fótbolta. Haukar náðú á sama tíma aðeins markalausu jafntefli á móti Hetti á heimavelli en liðin voru efst og jöfn fyrir leiki dagsins.