Strákarnir okkar brostu eftir fyrsta leikinn í London - myndir

Íslenska handboltalandsliðið vann sex marka sigur á Argentínu, 31-25, í fyrsta leik sínum á Ólympíuleikum í London í morgun. Íslenska liðið þurfti að hafa fyrir sigrinum og hann var ekki í höfn fyrr en undir lok leiksins.

Markvörðurinn Hreiðar Levý Guðmundsson varði 12 af 19 skotum (3 víti) sem komu á hann og Guðjón Valur Sigurðsson skoraði 9 mörk. Strákunum var greinilega létt í leikslok enda mikilvægt að byrja keppnina á sigri.

Valgarður Gíslason, ljósmyndari Fréttablaðsins og Vísis, var á leik Íslands og Argentínu í Koparkassanum í Ólympíuþorpinu og náði þessum skemmtilegu myndum. Myndirnar má sjá í albúminu hér að neðan. Hægt er að sjá myndirnar stærri með því að smella á þær.