KR vann í jöfnum leik

KR vann Stjörnuna 70-63 í eina leik kvöldsins í Iceland Express deild karla í körfubolta. Þetta er fyrsti leikur sjöttu umferðar en hann var færður vegna þátttöku KR í Evrópukeppninni.

Zlatan leikmaður ársins í Svíþjóð

Í kvöld fór fram lokahóf knattspyrnumanna í Svíþjóð. Það var Zlatan Ibrahimovic, sóknarmaður ítalska liðsins Inter, sem hlaut stærstu verðlaunin en hann var kjörinn leikmaður ársins 2007 í Svíþjóð.

Sigur hjá Hreiðari og félögum

Markvörðurinn Hreiðar Guðmundsson og félagar hans í Sävehof unnu botnlið Helsingborg í sænska handboltanum í kvöld. Sävehof vann 33-25 og að loknum tíu umferðum er liðið með fjórtán stig, stigi á eftir toppliðunum.

Leikmenn verða að taka ábyrgð

„Leikmenn verða að taka sinn skammt af ábyrgð," segir Steven Gerrard sem stendur við bakið á Steve McClaren, landsliðsþjálfara Englands. McClaren hefur fengið vænan skammt af gagnrýni en Gerrard sýnir honum stuðning.

Bikarmeistarar ekki í Meistaradeildina

Tillaga Michel Platini, forseta knattspyrnusambands Evrópu, um að bikarmeistarar fái sæti í Meistaradeild Evrópu hefur verið felld. Þetta gerðist á stjórnarfundi UEFA í dag.

Barton ekki refsað

Aganefnd enska knattspyrnusambandsins hefur ákveðið að refsa ekki Joey Barton fyrir tæklingu hans um helgina. Barton átti glæfralega tæklingu á Dickson Etuhu í leik Newcastle og Sunderland á laugardag.

Strachan spáir nýrri Evrópudeild

Gordon Strachan, knattspyrnustjóri skoska liðsins Glasgow Rangers, reiknar með því að lið hans muni innan tíðar mæta sterkustu liðum Evrópu í sérstakri ofurdeild.

Ólafur Páll í Fjölni

Ólafur Páll Snorrason mun spila með nýliðum Fjölnis í Landsbankadeildinni næsta sumar. Ólafur Páll hefur fengið sig lausan undan samningi við FH og staðfesti á vefsíðunni Fótbolti.net að hann mun semja við Fjölni.

Arsenal heimsækir Reading

Einn leikur er í ensku úrvalsdeildinni í kvöld og verður hann að sjálfsögðu í beinni útsendingu á Sýn 2. Reading og Arsenal mætast á Madjeski vellinum en leikurinn hefst klukkan 20:00.

Logi: Jónas var efstur á óskalistanum

Logi Ólafsson, þjálfari KR, segir að Jónas Guðni Sævarsson passi vel inn í áætlanir sínar fyrir lið KR-inga og leik liðsins á næstu leiktíð.

Jónas Guðni: Þurfti á breytingu að halda

Jónas Guðni Sævarsson skrifaði í dag undir þriggja ára samning við KR. Hann sagði að hann hefði þurft á breytingu á nýrri áskorun að halda.

Lögreglumaðurinn niðurbrotinn

Lögreglumaðurinn sem varð valdur að bana 26 ára stuðningsmanns Lazio á Ítalíu í gær segist vera niðurbrotinn maður.

Steinþór áfram í Val

Steinþór Gíslason hefur framlengt samning sinn við Val til loka ársins 2009. Hann gat ekkert leikið með félaginu í sumar vegna meiðsla.

Frail: Eggert valinn í landsliðið

Steven Frail, aðstoðarknattspyrnustjóri Hearts, sagði í samtali við skoska fjölmiðla að Eggert Gunnþór Jónsson hafi verið valinn í A-landslið Íslands.

Meistaradeildarfé greitt til íslenskra félaga

KSÍ hefur nú úthlutað þeim tæpu 20 milljónum sem sambandinu barst frá Knattspyrnusambandi Evrópu vegna tekna Meistaradeildar Evrópu tímabilið 2006-7.

Jónas Guðni í KR

Jónas Guðni Sævarsson mun í dag ganga til liðs við KR samkvæmt heimildum Vísis.

Loksins sigur hjá Miami

Miami Heat vann í nótt sinn fyrsta leik í NBA-deildinni á tímabilinu er liðið vann New York Knicks, 75-72.

Sigur hjá Jóni Arnóri og félögum

Jón Arnór Stefánsson var í byrjunarliði Lottomatica Roma og skoraði fjögur stig er liðið vann sigur á Ari Avellino, 106-90.

Helena góð í tapi TCU

Helena Sverrisdóttir átti góðan leik er lið hennar í háskólaboltanum í Bandaríkjunum, TCU, tapaði fyrir No. 5/5 LSU í nótt.

Mikilvægur sigur hjá Flensburg

Flensburg vann í gærkvöldi tveggja marka sigur á Noregsmeisturum Drammen á heimavelli sínum í Campushalle.

Ciudad Real heldur toppsætinu

Ciudad Real er enn á toppi spænsku úrvalsdeildarinnar í handbolta eftir leiki helgarinnar.

Gullin helgi fyrir Rögnu

Árangur íslensku keppendanna á alþjóðlega badmintonmótinu Iceland Express International sem lauk í gær var mjög góður og stjarna mótsins var Ragna Ingólfsdóttir sem vann tvö gull í einliðaleik og tvíliðaleik.

Frábær sigur hjá Valsmönnum

Valsmann unnu í kvöld fyrsta leik sinn í riðlakeppni Meistaradeildarinnar þegar liðið gerði sér lítið fyrir og lagði stórlið Celje Lasko frá Slóveníu 29-28 í Vodafone höllinni.

Fyrsti sigur Valsstúlkna

Kvennalið Vals vann í dag sinn fyrsta sigur í Iceland Express deildinni þegar liðið skellti Fjölni í Grafarvogi 78-58. Liðin eru á botni deildarinnar með eitt stig hvort.

Gömlu mennirnir úti í kuldanum hjá Donadoni

Roberto Donadoni landsliðsþjálfari Ítala valdi í dag hópinn sem mæta Skotum og Færeyingum í undankeppni EM í næstu viku. Gömlu kempurnar Alessandro Del Piero og Filippo Inzaghi hljóta ekki náð fyrir augum þjálfarans þrátt fyrir að spila ágætlega með liðum sínum Juventus og Milan.

Strákurinn var óheppinn

Sir Alex Ferguson viðurkenndi að rauða spjaldið sem David Dunn fékk í leik Manchester United og Blackburn í dag hefði verið strangur dómur.

Ánægðastur með að halda hreinu

Guus Poyet, aðstoðarstjóri Tottenham, sagðist fyrst og fremst ánægður með að hans menn hefðu náð að halda hreinu í dag þegar liðið burstaði Wigan 4-0 og fjarlægðist fallsvæðið enn frekar.

Einn af okkar bestu leikjum

Avram Grant knattspyrnustjóri sagðist hafa verið ánægður með sína menn í dag þegar lið hans Chelsea gerði 1-1 jafntefli við Everton á heimavelli.

City heldur þriðja sætinu

Portsmouth og Manchester City skildu jöfn 0-0 í lokaleiknum í ensku úrvalsdeildinni í dag og því eru City-menn enn í þriðja sæti deildarinnar. Hermann Hreiðarsson var á bekknum hjá Portsmouth í dag og kom ekki við sögu. Portsmouth er í sjötta sæti deildarinnar.

Stjarnan úr leik

Kvennalið Stjörnunnar er úr leik í EHF keppninni í handbolta eftir 30-29 tap fyrir franska liðinu Mios í síðari leik liðanna í Mýrinni í Garðabæ. Franska liðið vann fyrri leikinn líka með einu marki. Rakel Dögg Bragadóttir var atkvæðamest hjá Stjörnunni með 12 mörk, þar af 8 úr vítum og Björk Gunnarsdóttir skoraði 6 mörk.

Reggina af botninum eftir fyrsta sigurinn

Emil Hallfreðsson og félagar í Reggina unnu loks sinn fyrsta sigur í ítölsku A-deildinni í knattspyrnu í dag þegar liðið lagði Genoa 2-0 á heimavelli sínum. Emil Hallfreðsson var í byrjunarliði Reggina í dag og með sigrinum lyfti liðið sér úr botnsætinu.

Ronaldo skaut United á toppinn

Cristiano Ronaldo skoraði bæði mörk Manchester United í dag þegar liðið skaust á topp ensku úrvalsdeildarinnar með verskulduðum sigri á Blackburn 2-0 á Old Trafford.

Everton náði í stig á Stamford Bridge

Bakfallsspyrna Tim Cahill tryggði Everton 1-1 jafntefli gegn Chelsea í viðureign liðanna á Stamford Bridge í dag eftir að Didier Drogba hafði komið heimamönnum yfir með laglegum skalla.

Eriksson tjáir sig ekki um Eið Smára

Sven-Göran Eriksson vill ekkert gefa upp um áformuð leikmannakaup sín hjá Manchester City þegar félagskiptaglugginn opnast í janúar. Fjöldi leikmanna hafa verið orðaðir við City undanfarið og þar á meðal Eiður Smári Guðjohnsen hjá Barcelona.

Leik Atalanta og Milan hætt vegna óláta

Leikur Atalanta og Milan sem fara átti fram í ítölsku A-deildinni í dag var flautaður af eftir ólæti áhorfenda í upphafi leiks. Fregnir herma að stuðningsmennirnir hafi reiðst þegar þeir heyrðu af dauða stuðningsmanns Lazio sem féll fyrir voðaskoti lögreglu í dag.

Villa vann grannaslaginn í Birmingham

Skallamark Gabriel Agbonlahor undir lokin tryggði Aston Villa nauman 2-1 sigur á grönnum sínum í Birmingham í fyrsta leik dagsins í ensku úrvalsdeildinni.

Ragna vann tvöfalt

Ragna Ingólfsdóttir vann tvöfalt á alþjóðlega badmninton mótinu sem haldið var í TBR húsinu um helgina. Fyrr í dag vann Ragna sigur í einliðaleik þar sem hún lagði Trine Niemaier frá Danmörku í úrslitaleik og sigraði svo í tvíliðaleiknum ásamt Katrínu Atladóttur síðar í dag þegar þær báru sigurorð af Söru Jónsdóttur og Tinnu Helgadóttur.

Adriano vill fara til Manchester City

Brasilíski framherjinn Adriano hjá Inter hefur nú lýst því yfir að hann vilji komast að hjá félagi í ensku úrvalsdeildinnii þegar félagaskiptaglugginn opnar í janúar.

Hitzfeld sáttur við að tapa stórt

Ottmar Hitzfeld, þjálfari Bayern Munchen, segist í samtali við Bild vera mjög ánægður með að hans menn hafi fengið 3-1 skell gegn Stuttgart í gær. Hann vill meina að tapið verði þá kannski til þess að vekja hans menn úr rotinu.

Leikjum frestað eftir dauða stuðningsmanns

Leik Inter og Lazio í ítölsku A-deildinni í dag hefur verið frestað eftir að stuðningsmaður Rómarliðsins lét lífið í átökum sem brutust á veitingastað við hraðbraut í Toskana-héraði í dag.

Hundurinn truflar Cole í kynlífinu

Cheryl Cole, eiginkona knattspyrnumannsins Ashley Cole hjá Chelsea, segir bónda sinn ekki geta stundað kynlíf þegar hundurinn þeirra sér til.

Grannaslagur í Birmingham

Sex leikir fara fram í ensku úrvalsdeildinni í knattspyrnu í dag og byrjar fjörið í Birmingham nú klukkan 13 þar sem grannarnir Birmingham og Aston Villa eigast við á St. Andrews vellinum. Leikurinn er sýndur beint á Sýn 2.

Fínn sigur hjá GOG

Danska liðið GOG vann í gær góðan útisigur á Tatran Presov frá Slóvakíu 38-31 í D-riðli Meistaradeildar Evrópu í handbolta eftir að staðan hafði verið jöfn 16-16 í hálfleik. Ásgeir Örn Hallgrímsson var markahæstur ásamt tveimur öðrum í danska liðinu með 8 mörk.. GOG er nú nánast öruggt með að komast upp úr riðlinum.

Getafe hefur tak á Barcelona

Smálið Getafe frá Madrid hefur enn föst tök á stórliði Barcelona og í gær vann Getafe 2-0 sigur í einvígi liðanna. Barcelona tapaði 4-0 síðast þegar það mætti á Coliseum fyrir hálfu ári og gekk ekki mikið betur í gærkvöldi.

Mickelson sigraði í Kína

Bandaríski kylfingurinn Phil Mickelson tryggði sér í nótt sigur á Shanghai mótinu í golfi. Þríri menn voru efstir og jafnir eftir á 10 undir pari eftir 72 holur en Mickelson hafði betur eftir bráðabana við þá Ross Fisher og Lee Westwood.