Ísland lendir aldrei neðar en í 3. sæti milliriðilsins

Nú þegar aðeins ein umferð er eftir af keppni í milliriðlum HM í handbolta liggur nokkuð ljóst fyrir hvaða lið fara í 8-liða úrslit. Lokastaða riðlanna ræðst hins vegar alfarið af leikjum morgundagsins. Þó er ljóst að Ísland verður ávallt fyrir ofan Frakkland, sama hvernig leikir morgundagsins fara, og þar með getur liðið ekki endað neðar en í 3. sæti milliriðilsins.

Vinstri öxlin nánast lömuð

“Ég er að drepast í öxlinni og í raun alveg einhentur. Ég get lítið notað vinstri öxlina, bara rétt til þess að styðja við boltann," sagði Logi Geirsson, einn besti leikmaður íslenska liðsins gegn Slóvenum í dag, eftir leikinn.

Danir höfðu betur gegn Rússum

Danir stigu stórt skref í átt að 8-liða úrslitum HM í Þýskalandi eftir 26-24 sigur á Rússum í spennuþrungnum leik í Mannheim í kvöld. Pólverjar unnu níu marka sigur á Túnis, 40-21, og eru komnir á toppinn í milliriðli 1, en fyrr í kvöld höfðu Spánverjar betur gegn Ungverjum, 33-31, í milliriðli 2.

Barichello ánægður með nýja bílinn

Rubens Barichello kveðst mjög ánægður með nýja RA107-keppnisbíl Hondu liðsins í formúlu 1 en hann prufukeyrði hann í fyrsta sinn í vikunni. Barichello skipar lið Honda á komandi tímabili í formúlunni ásamt Jenson Button og segist sá brasilíski hlakka mikið til samstarfsins.

Schalke á toppinn í þýsku úrvalsdeildinni

Schalke er komið með þriggja stiga forystu í þýsku úrvalsdeildinni í knattspyrnu eftir 3-1 sigur á Frankfurt í dag. Helstu keppinautarnir í Werder Bremen eiga þó leik til góða á móti Hanover á morgun en Bayern Munchen er sex stigum á eftir Shalke eftir tap gegn Dortmund í gærkvöldi.

Juventus býður Saviola samning

Juventus hefur boðið argentínska sóknarmanninnum Javier Saviola fimm ára samning en núverandi samningur Saviola við Barcelona rennur út í sumar. Saviola stendur frammi fyrir erfiðu vali þar sem hann hefur átt fast sæti í liði Spánar- og Evrópumeistaranna að undanförnu.

Rooney tryggði Man. Utd. sigur gegn Portsmouth

Wayne Rooney sá um að tryggja Man. Utd. sæti í 16-liða úrslitum ensku bikarkeppninnar með því að skora bæði mörk liðsins í 2-1 sigri á Portsmouth. Það tók Man. Utd. langan tíma að brjóta ísinn á Old Trafford í kvöld því mörk Rooney komu ekki fyrr en á 77. og 83. mínútu, en sjálfur kom hann inn á sem varamaður á þeirri 60.

Íslendingar sigruðu Slóvena og eru öruggir í 8-liða úrslit

Íslendingar báru sigurorð af Slóvenum, 32-31, í viðureign liðanna á HM sem var að ljúka rétt í þessu og tryggðu sér þar með öruggt sæti í 8-liða úrslitum keppninnar. Íslenska liðið er nú komið með sex stig í milliriðli 1 og er í öðru sæti riðilsins þegar aðeins einn leikur er eftir.

Íslendingar halda frumkvæðinu

Íslendingar halda frumkvæðinu í viðureign sinni gegn Slóveníu og hafa fjögurra marka forystu, 26-22, þegar 15 mínútur eru til leiksloka. Birkir Ívar Guðmundsson hefur staðið sig gríðarlega vel í síðari hálfleik og varið í nokkrum dauðafærum Slóvena.

Ísland með tveggja marka forystu

Íslendingar leiða með tveimur mörkum, 17-15, í hálfleik gegn Slóvenum. Íslendingar hafa verið með yfirhöndina nánast allan leikinn og náðu mest fimm marka forystu í hálfleiknum. Liðið gaf hins vegar nokkuð eftir undir lok hálfleiksins og hleypti Slóvenum aftur inn í leikinn. Logi Geirsson og Snorri Steinn Guðjónsson hafa skorað mest það sem af er, eða fimm mörk hvor.

Íslendingar byrja vel

Íslendingar hafa yfir, 9-6, þegar stundarfjórðungur er liðinn af leik liðsins við Slóvena á HM í Þýskalandi. Eftir brösuga byrjun þar sem Slóvenar skoruðu fyrstu tvö mörkin hefur íslenska liðið náð sér mjög vel á strik. Logi Geirsson hefur farið á kostum og hefur skorað fjögur mörk.

Þjóðverjar lögðu Frakka

Þjóðverjar unnu frækinn en verðskuldaðan sigur á Evrópumeisturum Frakka á HM í handbolta í dag, 29-26, eftir að hafa verið með forystu frá fyrstu mínútu. Með sigrinum hirðir þýska liðið toppsætið af því franska í milliriðli 1.

West Ham úr leik í enska bikarnum

Íslendingaliðið West Ham er úr leik í ensku bikarkeppninni í knattspyrnu eftir að hafa beðið 1-0 ósigur gegn Watford á heimavelli sínum í dag. Lítið var um óvænt úrslit í bikarnum í dag en Bristol City, sem leikur í 2. deild, náði að knýja fram annan leik gegn Middlesbrough með því að gera 2-2 jafntefli við liðið á heimavelli í dag.

Enn einn sigur Króata

Króatar hafa tryggt sér annað af tveimur efstu sætunum í milliriðli 2 á HM í handbolta með 31-29 sigri á Tékkum í dag. Króatía er með átta stig, fullt hús stiga, eftir fjóra leiki og mæta Spánverjum í lokaleik sínum á morgun. Þegar síðari hálfleikur er tæplega hálfnaður í viðureign Þjóðverja og Frakka er staðan 21-15, Þjóðverjum í vil.

Ágætis árangur náðist á Meistaramóti Íslands í frjálsum í dag

Engin met féllu á fyrri keppnisdegi Meistaramóts Íslands í frjálsum íþróttum 15-22 ára sem haldið er í frjálsíþróttahöllinni í Laugardal. Eftir því sem fram kemur á heimasíðu Frjálsíþróttasambandsins náðist engu að síður ágætis árangur í dag.

Þjóðverjar yfir gegn Frökkum í hálfleik

Gestgjafar Þjóðverja hafa 14-9 forystu í leik sínum gegn Frökkum á HM í handbolta sem nú stendur yfir. Þjóðverjar mættu gríðarlega ákveðnir til leiks og komu leikmönnum Frakka í opna skjöldu með mikilli baráttu - ekki ólíkt því sem fengu að kynnast í leiknum gegn Íslendingum í riðlakeppninni.

Alfreð: Ísland er ekki í hópi 6-8 bestu liðanna

Landsliðsþjálfarinn Alfreð Gíslason sagði við þýska fjölmiðla í gær að hann teldi lið sitt ekki vera í hópi þeirra 6-8 bestu í heimi. Alfreð lét þessi ummæli falla eftir tapið gegn Pólverjum í fyrradag. Logi Geirsson og Guðjón Valur Sigurðsson hafa verið úrskurðaðir leikfærir fyrir leikinn gegn Slóvenum í dag.

West Ham undir í hálfleik

Íslendingaliðið West Ham er undir, 1-0, þegar flautað hefur til hálfleiks í viðureign liðsins gegn Watford í ensku bikarkeppninni. Leikurinn fer fram á Upton Park, heimavelli West Ham. Nú þegar flautað hefur verið til hálfleiks í 11 leikjum bikarkeppninnar virðast flest úrvalsdeildarliðin vera á leið í 16-liða úrslit.

Danir ætla sér sigur gegn Rússum

Danir taka á móti Rússum á HM í handbolta í kvöld í leik sem mun koma til með að ráðu miklu um hvort liðanna kemst í 8-liða úrslit keppninnar. Óvæntur sigur Dana gegn Spánverjum hefur komið liðinu í góða stöðu og mun sigur í kvöld líklega tryggja liðinu eitt af fjórum efstu sætunum í milliriðli tvö.

Eggert í ítarlegu viðtali við tímarit UEFA

Eggert Magnússon, stjórnarformaður West Ham og fráfarandi formaður KSÍ, er í ítarlegu viðtali við opinbert tímarit evrópska knattspyrnusambandsins, UEFA, sem kom út í gær. Eggert stiklar á stóru í viðtalinu og ræðir meðal annars um sína framtíðarsýn með West Ham, hina "ótrúlegu" stuðningsmenn félagsins og drauminn um sæti í Meistaradeildinni.

Nýliði slær í gegn á Buick-mótinu

Nýliðinn Brandt Snedeker hefur óvænt þriggja högga forystu þegar fyrsta PGA-mót ársins í golfi, Buick International, er hálfnað. Tiger Woods, sem freistar þess að vinna sitt sjöunda PGA-mót í röð, er sjö höggum á eftir Snedeker. Sýn verður með beina útsendingu frá lokadegi mótsins annað kvöld.

Ívar fær að hvíla sig

Ívar Ingimarsson er á varamannabekk Reading sem heimsækir topplið ensku 1. deildarinnar, Birmingham, í ensku bikarkeppninn í dag. Reading stillir upp hálfgerðu varaliði í leiknum en Ívar er eini Íslendingurinn sem kemur við sögu í leikjum dagsins. Leikur Tottenham og Southend er sýndur í beinni útsendingu á Sýn og hefst kl. 15.

Öruggt hjá Blackburn

Blackburn varð í dag fyrsta liðið til að tryggja sér sæti í 16-liða úrslitum ensku bikarkeppninnar með auðveldum sigri á Luton á útivelli í dag, 4-0. Það var hinn ungi en bráðefnilegi framherji Matt Derbyshire sem stal senunni, skoraði tvö mörk og lagði upp eitt.

Eggert vill burt frá Upton Park

Framtíð West Ham liggur frá Upton Park, núverandi heimavelli liðsins, að því er Eggert Magnússon, stjórnarformaður félagsins, segir í samtali viðLondon Evening Standard í morgun. Eggert vonast til að félagið fái afnot af væntanlegum Ólympíuleikvangi borgarinnar en ef að þær áætlanir gangi ekki eftir muni félagið einfaldlega leita eitthvert annað.

Beckham gæti spilað fyrir Real

Fabio Capello, þjálfari Real Madrid, hefur dregið úr þeim ummælum sem hann lét falla fyrir nokkrum vikum um að David Beckham myndi ekki spila aftur fyrir félagið þar sem hann hefur samið við LA Galaxy í Bandaríkjunum. Capello segir nú að ef Beckham sé í góðu formi og sýni rétt viðhorf eigi hann möguleika á að komast í liðið.

Blackburn með örugga forystu

Blackburn hefur 2-0 forystu í leik sínum gegn Luton í ensku bikarkeppninni í knattspyrnu þegar flautað hefur til hálfleiks. Það voru Matt Derbyshire og Benni McCarthy sem skoruðu mörk Blackburn en úrvalsdeildarliðið hefur verið mun sterkari aðilinn það sem af er. Leikurinn er í beinni útsendingu á Sýn.

Ronaldo: Real Madrid var helvíti

Það er ekki hægt að segja að brasilíski sóknarmaðurinn Ronaldo kveðji herbúðir Real Madrid með söknuði, því í samtali við ítalska fjölmiðla hefur hann lýst spænska stórveldinu sem helvíti og þjálfaranum Fabio Capello sem martröð. Fastlega er búist við því að Ronaldo skrifi undir samning við AC Milan um helgina.

Drogba gagnrýnir Shevchenko

Didier Drogba, framherji Chelsea, segir að Andrei Shevchenko þurfa að hugsa minna um sjálfan sig og meira um lið sitt, ætli hann sér að skapa sér nafn í ensku úrvalsdeildinni. Shevchenko hefur engan veginn staðið undir væntingum í vetur og verið harðlega gagnrýndur fyrir frammistöðu sína.

Phoenix setti félagsmet

Phoenix setti nýtt félagsmet í nótt með 16. sigri sínum í röð í NBA-deildinni. Það var Milwaukee sem lá í valnum í nótt, en allir byrjunarliðsleikmenn Pheonix í leiknum skoruðu yfir 10 stig. Shaquille O´Neal byrjaði sinn fyrsta leik fyrir Miami í langan tíma, en hafði ekki þau áhrif sem vonast var eftir á lið sitt.

Serena Williams sigraði á Opna ástralska

Serena Williams bar sigur úr býtum á Opna ástralska meistaramótinu í Tennis með því að leggja Mariu Sharapovu af velli á sannfærandi hátt í úrslitaviðureign mótsins í Melbourne í nótt. Williams sigraði í tveimur lotum, 6-1 og 6-2, en flestir höfðu spáð Sharapovu sigrinum.

Liverpool í viðræðum við Gillett

Forráðamenn Liverpool hafa staðfest að ameríski viðskiptajöfurinn George Gillett hafi gert fyrirspurnir um hugsanleg kaup á félaginu, sem þegar á í viðræðum við Dubai International Capital. Gillett er eigandi Montreal Canadians liðsins í NHL deildinni. Talið er að Liverpool fáist ekki fyrir minna en 450 milljónir punda.

Dýrt tap hjá meisturum Bayern

Þýska úrvalsdeildin hófst aftur í kvöld eftir vetrarhlé með stórleik Dortmund og Bayern Munchen á Westfallenstadion. Heimamenn höfðu mikilvægan 3-2 sigur og því sitja meistarar Bayern enn í þriðja sæti deildarinnar. Alexander Frei skoraði tvívegis fyrir Dortmund og Tinga eitt, en þeir Daniel van Buyten og Roy Makaay fyrir Bayern.

Davids á heimleið

Fjölmiðlar í Hollandi slá því föstu í dag að miðjumaðurinn Edgar Davids hjá Tottenham sé á leið til Ajax í heimalandi sínu þar sem hann hóf frábæran feril sinn á sínum tíma. Davids hefur lítið komið við sögu hjá enska liðinu í vetur enda virðist vera farið að síga á seinni hlutann á ferlinum hjá hinum 33 ára gamla leikmanni sem spilaði 106 leiki með Ajax áður en hann gekk í raðir AC Milan fyrir tíu árum.

Ég er Wenger hinn mikli

Sir Alex Ferguson var ekki lengi að svara fyrir sig í dag þegar hann frétti að Arsene Wenger hefði kallað lið Manchester United "70 mínútna lið." Mathieu Flamini sagði eftir leik Arsenal og United að Wenger hafi notað þessi orð til að lýsa liði United.

Papaloukas leikmaður ársins í Evrópu

Gríski leikstjórnandinn Theo Papaloukas hjá CSKA Moskvu var í dag kjörinn körfuboltamaður ársins í Evrópu nokkuð óvænt, en hann hafði þar með betur gegn besta manni heimsmeistaramótsins Pau Gasol og hinum frábæra Dirk Nowitzki, sem er einhver besti körfuboltamaður heimsins.

Jackson braut skilorð

Bakvörðurinn skrautlegi Stephen Jackson sem nýverið gekk í raðir Golden State Warriors í NBA deildinni, braut skilorð í fyrra þegar hann lenti í áflogum og skaut af byssu fyrir utan strípibúllu í Indianapolis. Dómari í málinu komst það þessu í dag, en Jackson var enn á skilorði eftir áflogin á leik Detroit og Indiana fyrir tveimur árum.

Terry á batavegi

Svo gæti farið að fyrirliðinn John Terry kæmi aftur inn í leikmannahóp Englandsmeistara Chelsea í bikarleiknum gegn Nottingham Forest á sunnudaginn. Terry hefur verið frá keppni síðan 13. desember vegna kálfameiðsla en æfði með aðalliðinu í dag.

Mögnuð íþróttadagskrá á Sýn um helgina

Það verður að venju mikið um dýrðir á sjónvarpsstöðinni Sýn um helgina. Fjörið hefst á miðnætti í kvöld með beinni útsendingum úr NBA körfunni, en þá verða beinar útsendingar frá enska bikarnum, spænska boltanum og PGA mótaröðinni í golfi um helgina. Hér fyrir neðan má sjá lista yfir það helsta um helgina.

Skiptar skoðanir á áformum Platini

Sir Alex Ferguson, stjóri Manchester United, hefur skorað á nýkjörinn forseta evrópska knattspyrnusambandsins að gera ekki breytingar á keppnisfyrirkomulagi í Meistaradeildinni. Michel Platini boðaði breytingar í stefnuskrá sinni fyrir forsetakosningarnar hjá UEFA og nú er útlit fyrir að þær gætu náð fram að ganga í kjölfar sigurs Platini. Stjórar í ensku úrvalsdeildinni taka misvel í hugmyndir Frakkans.

Tekjur Man Utd að aukast verulega

Forráðamenn Manchester United spá því að hagnaður félagsins á næstu tveimur árum eigi eftir að rjúka upp í kjölfar þess að hagnaður félagsins jókst um 20 milljónir punda á síðasta fjárhagsári og stóð í 30,8 milljónum punda. Þá á félagið von á vænlegum summum í kassann á næstu mánuðum.

Gonzalez mætir Federer í úrslitum

Það verður Chilemaðurinn Fernando Gonzales sem fær það erfiða verkefni að mæta Roger Federer í úrslitaleik opna ástralska meistaramótsins í tennis á sunnudaginn, en Gonzalez burstaði Tommy Haas í undanúrslitum 6-1, 6-3 og 6-1 í dag. Maria Sharapova og Serena Williams mætast í úrslitaleiknum í kvennaflokki á morgun.

Beckhenbauer í stjórn FIFA

Franz Beckenbauer, forseti Bayer Munchen, varð í dag önnur knattspyrnugoðsögnin sem nældi sér í góða stöðu í alþjóðaknattspyrnunni þegar hann var kosinn í stjórn FIFA. Beckenbauer fékk sæti í stjórninni í gegn um autt sæti sem myndaðist eftir forsetakosningar hjá UEFA.

Philadelphia - Cleveland í beinni á Sýn í kvöld

Sjónvarpsstöðin Sýn verður með beina útsendingu frá viðureign Philadelphia 76ers og Cleveland Cavaliers í NBA deildinni á miðnætti í kvöld. Cleveland hefur tapað fimm af síðustu sex leikjum sínum og kom síðasta tap einmitt á heimavelli gegn 76ers í fyrrakvöld. LeBron James og félagar eiga því harma að hefna í kvöld.

Bolton kaupir tvo Slóvaka

Sam Allardyce hefur gengið frá samningi við tvo knattspyrnumenn frá liði FC Senec í Slóvakíu. Bolton hefur þegar gengið frá kaupum á 23 ára gömlum varnarmanni, Lubomir Michalik, og hefur gert við hann þriggja og hálfs árs samning. Þá fékk félagið til sín 19 ára gamla framherjann Zoltan Harsanyi frá sama liði á lánssamningi til vorsins.

KEA Skyrmótið haldið í 9. sinn um helgina

Körfuknattleiksdeild Breiðabliks heldur KEA skyr mótið í 9. sinn dagana 27. og 28. janúar næstkomandi í Smáranum. Mótið er haldið fyrir alla iðkendur félaga sem eru 11 ára og yngri. Um er að ræða eitt af stærstu unglingamótum sem haldin eru á Íslandi í körfuknattleik. Alls eru um 90 lið skráð í mótið að þessu sinni sem er metþátttaka.