Þakka FH-ingum kærlega fyrir

Þrátt fyrir að vera í fimmta sæti fyrir 18.umferð Landsbankadeildarinnar gátu Fylkismenn mögulega fallið ef úrslitin spiluðust þannig í lokaumferðinni. Árbæjarliðið þurfti því að mæta ákveðið til leiks gegn ÍBV sem höfðu að engu að keppa enda fallnir í 1. deild.

Blikar skutust upp í fimmta sætið

Fyrir lokaumferðina í Landsbankadeildinni í gær var ljóst að Breiðablik væri öruggt með sæti sitt ef liðinu tækist að sigra Keflavík á heimavelli sínum. Sú varð raunin og Blikar unnu góðan og mjög svo verðskuldaðan 2-1 sigur. Gestirnir höfðu ekki að neinu að keppa í leiknum því ljóst var að liðið myndi enda í fjórða sætinu, sama hvernig færi á Kópavogsvelli. Þeir leika bikarúrslitaleik um næstu helgi og hvíldu þeir fyrirliða sinn, Guðmund Steinarsson, í þessum leik en hann er einu spjaldi frá því að fara í leikbann.

Við áttum greinilega að falla

„Við höfum verið að bjóða hættunni heim síðustu ár og það er ekki þessi leikur hér sem fellir okkur. Þetta byrjaði mikið fyrr,“ sagði fyrirliði Grindvíkinga, Óðinn Árnason, svekktur í leikslok.

Jafntefli við Man. Utd

Nýliðar Reading eru í sjöunda sæti í ensku úrvalsdeildinni eftir sex leiki en í gær gerði liðið 1-1 jafntefli á heimavelli sínum gegn Manchester United. Ívar Ingimarsson var að sjálfsögðu á sínum stað í vörninni hjá Reading en Brynjar Björn Gunnarsson kom inn á sem varamaður þegar um stundarfjórðungur var eftir af leiknum.

Lyon talaði við Didier Drogba

Sóknarmaðurinn Didier Drogba hjá Chelsea sagði í viðtali við Daily Mirror að franska liðið Lyon hefði verið í sambandi við sig í sumar. Með komu Andriy Shevchenko til ensku meistarana var framtíð Drogba talin vera í óvissu og ræddu forráðamenn Lyon við Drogba án leyfis Chelsea.

Evrópa hefur góða forystu

Lið Evrópu er að vinna Ryder -keppnina með tíu vinningum gegn sex hjá bandaríska liðinu fyrir lokadaginn á K-Klub sem er í dag. Illa gekk hjá bandaríska liðinu í gær og voru það þeir Tiger Woods og Jim Furyk sem lönduðu eina sigri þess í fjórmenningnum eftir hádegi þegar þeir unnu hina írsku Paidraig Harrington og Paul McGinley.

Bayern komst í efsta sætið

Bayern München komst á topp þýsku úrvalsdeildarinnar í gær með því að leggja i Alemannia Aachen 2-1. Gestirnir komust yfir í leiknum en svo skoruðu Claudio Pizarro og Mark van Bommel og tryggðu Bayern stigin þrjú.

Áhorfendametið slegið

Nýtt áhorfendamet var sett í Landsbankadeild karla þetta sumarið en alls mættu 98.026 manns á leikina 90 í ár, eða að meðaltali 1.089 manns á leik. Eldra metið var sett 2001 þegar 96.850 manns mættu á leikina í deildinni.

Er enn í fríi

Alan Curbishley segist ekki ætla að snúa aftur sem knattspyrnustjóri fyrr en í fyrsta lagi í lok október. Curbishley er 48 ára en hann hefur verið í fríi síðan fimmtán ára veru hans hjá Charlton Athletic lauk í lok síðasta tímabils. Hann er nú staddur á Nýja-Sjálandi en hann hefur verið orðaður við knattspyrnustjórastöðuna hjá Leeds United og West Bromwich Albion að undanförnu.

Reading náði baráttustigi gegn United

Leikmenn Reading börðust eins og ljón gegn sterku liði Manchester United þegar liðin gerðu 1-1 jafntefli í dag. Kevin Doyle skoraði úr vítaspyrnu á 48. mínútu fyrir Reading en Cristiano Ronaldo skoraði fyrir United á 73. mínútu. United sótti svo án afláts eftir markið, en allt kom fyrir ekki. Þessi úrslit verða að teljast frábær fyrir nýliðana í Reading en að sama skapi ekki nógu góð fyrir stórliðið Manchester United.

Tiger og Furyk rétta úr kútnum fyrir USA

Tiger Woods og Jim Furyk sigruðu Padraig Harrington og Paul McGinley í síðasta leiknum á K-vellinum í dag. Með sigrinum löguðu þeir stöðu Bandaríkjamanna í baráttunni um Ryder bikarinn. Staðan fyrir lokadaginn á morgun er 10-6 fyrir Evrópumennina en þeir þurfa 14 sigra til að halda bikarnum. Draumahögg Paul Casey bar þó hæst á vellinum í dag.

Celtic vann "Old firm" grannaslaginn

Celtic vann grannaslaginn í Glasgow, 2-0, gegn erkifjendum sínum í Rangers. Danin Thomas Gravesen skoraði sitt fyrsta mark fyrir Celtic og Kenny Miller, sem gagnrýndur hefur verið fyrir að skora ekki, þaggaði í einhverjum óánægjuröddunum með seinna markinu.

Evrópumenn komir í 10-5

Paul Casey sló holu í höggi í Ryder bikarnum í dag en það er fyrsta draumahöggið í keppninni síðan 1995. Casey og David Howell sigruðu Stewart Cink og Zach Johnson í dag og juku forystu Evrópumanna.

Chelsea á toppinn

Búið er að flauta til leiksloka í flestum leikjum í ensku deildinni. Chelsea sigraði Fulham 2-0 með mörkum frá Frank Lampard. Arsenal, Liverpool, Aston Villa, Manchester City og Blackburn hrósuðu öll sigri í dag.

Grindvíkingar fallnir, KR í 2. sæti

Grindavík gerði 1-1 jafntefli gegn FH í Grindavík í dag. Það dugði ekki til því þeir þurftu nauðsynlega að vinna leikinn til þess að halda sér uppi í deildinni. Þeir leika því í fyrstu deild á næstu leiktíð ásamt ÍBV. KR-ingar tryggðu sér þátttökurétt í Evrópukeppni með 2-2 jafntefli við Val.

Grindvíkingar jafna

Nú er spennan orðin gríðarleg því Grindvíkingar voru að jafna leikinn gegn FH-ingum þegar fimm mínútur eru eftir og uppbótartími. Óskar Örn Hauksson skoraði eftir sendingu frá Jóhanni Þórhallssyni.

Víkingar jafna og FH-ingar skora

Viktor Bjarki átti gott skot í stöng en Rodney G. Perry fylgdi vel á eftir og skoraði af stuttu færi eftir góða sókn Víkinga. FH-ingar eru komnir í 1-0 gegn Grindavík og útlitið því heldur betur orðið dökkt fyrir Grindavík.

Valur 2-1 KR

Fyrrverandi leikmaður KR-inga Garðar Jóhannsson hefur skorað gegn sínum gömlu félögum í KR. Hann fékk boltann á markteig og gat hreinlega ekki annað en skorað. Rétt áður voru KR-ingar æfir eftir að Egill Már Markússon sýndi Kjartani Sturlusyni aðeins gult spjald eftir að hafa brotið á Grétari Hjartarsyni þegar hann var sloppinn í gegn. Grétar fékk sendingu inn fyrir og var á undan Kjartani í boltann sem síðan felldi hann. Brotið var utan teigs og Grétar var ekki á leið í átt að marki en ljóst er að einhverjir dómarar hefðu vikið Kjartani af velli.

Spáð í spilin

Eins og staðan er nú í hálfleik eru Grindvíkingar í fallsæti með ÍBV en það þarf ekki mikið til að það breytist. Sigri Grindvíkingar FH og ekkert annað breytist þá falla Víkingar. Ef Víkingar hins vegar gera jafntefli við ÍA og Grindavík vinnur FH og annað breytist ekki þá falla Fylkismenn. Breiðablik og ÍA eru með bestu stöðuna í hálfleik.

Staðan í leikjunum

Nú er kominn hálfleikur í leikjum dagsins í lokaumferð Landsbankadeildarinnar. Leikirnir eru allir fjörugir og mörg mörk hafa verið skoruð. Hjá Val og KR er staðan 1-1, Breiðablik er 2-0 yfir gegn Keflavík, ÍBV er 2-0 yfir gegn Fylki, ÍA er 1-0 yfir gegn Víkingi og hjá Grindvík og FH er markalaust.

Blikar og Eyjamenn komnir í 2-0

Það lítur út fyrir að Breiðablik leiki í úrvalsdeildinni að ári því þeir eru komnir 2-0 gegn Keflavík. Það var Arnar Grétarsson sem skoraði úr vítaspyrnu. Eyjamenn eru komir í 2-0 gegn Fylki, Ingi Rafn Ingibergsson með markið. Fylkismenn eru komir óþægilega nálægt fallinu. KR-ingar hafa jafnað gegn Val Grétar Ólafur Hjartarson skorar.

Skagamenn skora

Skagamenn eru komnir í 1-0 í Víkinni gegn Víkingum það var Bjarki Gunnlaugsson sem skoraði. Eyjamenn eru líka komnir yfir gegn Fylki þar var það Bjarni Rúnar Einarsson sem skoraði. Grindvíkingar sækja án afláts og mikið mæðir á vörn FH.

Blikar og Valsmenn skora

Breiðablik er komið 1-0 yfir gegn Keflavík Magnús Páll Gunnarsson skoraði. Valsmenn eru komir í 1-0 gegn KR þar var það Pálmi Rafn Pálmason sem skoraði. Rétt í þessu var Jóhann Þórhallsson að klúðra úrvalsmarktækifæri fyrir Grindavík en þeir eru mun líklegri heldur en FH. Við minnum á boltavaktina sem er vel með á nótunum.

Lokaumferðin hafin

Lokaumferð Landsbankadeildarinnar er hafin og reikna má með mikilli spennu. Fimm lið eru í fallhættu en KR og Valur berjast um Evrópusæti. Vísir er með góða menn á öllum völlum og fylgist grannt með gangi mála. Allir leikirnir eru í járnum en þó byrjar leikur Grindavíkur og FH mjög fjörlega þar sem bæði lið skiptast á að sækja.

Tottenham steinlá á Anfield

Liverpool var rétt í þessu að leggja Tottenham 3-0 á heimvelli sínum Anfield Road. Mörkin komu öll í seinni hálfleik og það voru þeir Mark Gonzalez, sem skoraði sitt fyrsta mark fyrir Liverpool, Dirk Kuyt og Luis Garcia sem skoruðu mörkin.

Evrópumenn leiða 7.5 - 4.5

Evrópumenn leiða með þriggja vinninga mun gegn Bandaríkjamönnum í Ryder bikarnum í golfi. Staðan er Evrópa sjö og hálfur en Bandaríkin fjórir og hálfur. Það var lagleg vippa frá Darren Clarke sem tryggði honum og Lee Westwood sigur gegn Tiger Woods og Jim Furyk í morgun.

Þáttur BBC var eintómar nornaveiðar

Arsene Wenger hefur ekki mikið álit á vinnubrögðum manna í sjónvarpsþættinum Panorama sem sýndur var á BBC í vikunni og gerði allt vitlaust í ensku knattspyrnunni. Wenger líkir ásetningi framleiðandanna við nornaveiðar.

Skorar á áhorfendur að hylla Woodgate

Gareth Southgate hefur nú enn og aftur skorað á stuðningsmenn Middlesbrough að taka vel og hressilega á móti varnarmanninum Jonathan Woodgate þegar hann spilar sinn fyrsta heimaleik fyrir félagið á morgun.

Wayne Rooney er enn ekki kominn í leikform

Aðstoðarknattspyrnustjóri Manchester United segir að framherjinn Wayne Rooney þurfi fleiri leiki til að ná sínu besta formi með liðinu, en hann var sem kunnugt er lengi frá keppni vegna fótbrots í sumar. Rooney hefur ekki náð sér á strik það sem af er leiktíðinni með Manchester United og Queiroz segir hann aðeins þurfa nokkra leiki til viðbótar til að ná sínu besta.

Grönholm með forystu

Finninn Marcus Grönholm á Ford hefur nauma sex sekúndna forystu á franska heimsmeistarann Sebastien Loeb á Citroen þegar fyrsta keppnisdeginum í Kýpurrallinu er lokið. Finninn Mikko Hirvonen á Ford er í þriðja sætinu, en hann hefur verið í mikilli sókn á síðustu misserum.

Verðum að taka hart á Chelsea

Chris Coleman gerir sér fulla grein fyrir því að hans menn í Fulham eiga erfitt verkefni fyrir höndum á morgun þegar liðið mætir Englandsmeisturum Chelsea í úrvalsdeildinni. Fulham náði að vinna Chelsea 1-0 á heimavelli sínum í fyrra og það var fyrsti sigur liðsins á grönnum sínum í 27 ár.

Evrópumenn í forystu

Lið Evrópu hefur nauma forystu gegn liði Bandaríkjanna eftir fyrstu umferð í Ryder bikarnum sem fram fer á Írlandi. Evrópa hefur eins vinnings forskot eftir fjórleikinn og hefur 2,5 vinninga gegn 1,5 hjá Bandaríkjamönnum. Mótið vekur jafnan gríðarlega athygli og á meðal stuðningsmanna bandaríska liðsins á Írlandi eru George Bush eldri og körfuboltastjarnan Michael Jordan.

Sigurhrina Bandaríkjamanna stöðvuð

Kvennalið Bandaríkjanna fetaði í fótspor karlaliðsins í dag þegar liðið tapaði óvænt fyrir Rússum 75-68 í undanúrslitum á HM. Bandaríska liðið var tvöfaldur heimsmeistari og Ólympíumeistari fyrir leikinn og hafði liðið unnið 26 leiki í röð á HM, en síðasta tap þeirra var gegn Brasilíu á HM árið 1994. Það verða því lið Rússlands og Ástralíu sem leika til úrslita um helgina, en mótið fer fram í Brasilíu.

Lokaumferðin í Landsbankadeildinni á morgun

Það verður mikið um dýrðir á Sýn um helgina þar sem úrslit ráðast í lokaumferð Landsbankadeildar karla. Fimm lið geta enn fallið úr deildinni og þá verður slagur Vals og KR um annað sætið á Laugardalsvellinum. Einnig verður nóg um að vera í spænska boltanum, þar sem Eiður Smári og félagar í Barcelona mæta Valencia í stórleik helgarinnar.

Kemur Bellamy til varnar

Rafa Benitez hefur nú komið framherja sínum Craig Bellamy til varnar eftir að aðstoðarstjóri Newcastle klagaði hann fyrir kjaftbrúk eftir leik Liverpool og Newcastle í ensku úrvalsdeildinni á miðvikudagskvöldið. Terry McDermott kallaði Bellamy strigakjaft og sagði að hann væri byrjaður með sömu stæla hjá Liverpool og hefðu gert hann útlægan hjá Newcastle á sínum tíma.

Babayaro kærður fyrir að slá til mótherja

Celestine Babayaro hjá Newcastle á nú yfir höfði sér leikbann eftir að hafa verið kærður fyrir að slá til hollenska framherjans Dirk Kuyt hjá Liverpool í leik liðanna í ensku úrvalsdeildinni á miðvikudagskvöldið. Babayaro mun að öllu óbreyttu taka út þriggja leikja bann eftir að atvikið var skoðað á myndbandi, en hann hefur frest fram yfir helgina til að svara fyrir sig.

Hefur enn ekki fengið gögn frá BBC

Breska knattspyrnusambandið hefur lýst yfir óánægju sinni með breska sjónvarpið í kjölfar þess að sambandinu hafa enn ekki borist gögn frá sjónvarpinu svo hægt sé að fara á fullu í að rannsaka ásakanir á hendur stjórum og leikmönnum sem fram komu í þættinum Panorama á dögunum.

Ragnhildur úr leik

Ragnhildur Sigurðardóttir, kylfingur úr GR, komst ekki í gegnum niðurskurðinn á úrtökumóti fyrir LPGA-mótaröðina í golfi en leikið var í Palm Springs í Kaliforníu.

Falleg knattspyrna er arfleifð Arsene Wenger

Thierry Henry fer fögrum orðum um knattspyrnustjóra sinn Arsene Wenger í viðtali í dag og segir að stjórans verði minnst fyrir þá fallegu knattspyrnu sem liðið hefur spilað undir hans stjórn síðan hann tók við fyrir bráðum áratug.

Íþróttir 19:20 21. sept.

Fjórar milljónir ljósára í Evrópusætið

Martin O´Neill segir að alla hjá Aston Villa dreymi vissulega um að koma liðinu í Evrópukeppnina á ný, þar sem liðið hefur ekki látið að sér kveða síðan árið 1982 þegar liðið vann sigur í Evrópukeppninni. O´Neill er þó hógvær á möguleika liðsins og segir Evrópusætið fjórar milljónir ljósára í burtu á þessum tímapunkti.

Rooney verður betri en George Best

Breska dagblaðið Sun heldur áfram að birta kafla úr bók Rio Ferdinand sem enn er óútkomin, en að þessu sinni er tekinn fyrir kafli helgaður framherjanum sterka Wayne Rooney. Ferdinand segir Rooney hafa óbilandi sjálfstraust og ætli sér að verða besti knattspyrnumaður í sögu Manchester United.

Óvænt úrslit í bikarnum

Mjög óvænt úrslit urðu í norsku bikarkeppninni í knattspyrnu í kvöld þegar lið Sandefjord burstaði Rosenborg 5-2 á útivelli og tryggði sér þar með sæti í úrslitum keppninnar. Sandefjord mætir Fredrikstad í úrslitaleik, en Fredrikstad lagði Start í hinum undanúrslitaleiknum í gær.

Feginn að losna frá Englandi

Spænski framherjinn Fernando Morientes gerði ekki gott mót á þeim mánuðum sem hann lék með Liverpool, en hann hefur nú tekið upp fyrri iðju í heimalandinu og raðar inn mörkunum fyrir Valencia. Hann segist feginn að vera laus frá Englandi, því knattspyrnan þar hafi engan veginn fallið að sínum leikstíl.

Craig Bellamy er strigakjaftur

Terry McDermott, þjálfari hjá enska úrvalsdeildarliðinu Newcastle, lenti í orðaskaki við framherjann Craig Bellamy hjá Liverpool eftir leik liðanna á Anfield í gærkvöldi, en Bellamy lék áður með Newcastle. McDermott segir að Bellamy sé strigakjaftur sem haldi ætíð að hann sé stærri en liðið sem hann spilar fyrir hverju sinni.