Mætum til leiks eins og öskrandi ljón

Jurgen Klinsmann segir sína menn heldur betur tilbúna í hinn erfiða leik við Argentínumenn í 8-liða úrslitunum á HM á morgun. Þjóðverjar hafa verið í miklu stuði það sem af er móti á heimavelli sínum og segir Klinsmann þá ætla að láta Argentínumennina finna fyrir því á morgun.

Perreira vill meira frá Ronaldinho

Landsliðsþjálfari Brasilíu, Carlos Alberto Parreira segir að hann vilji sjá meira af Ronaldinho í leikjum liðsins á HM. Ronaldinho hefur hingað til ekkert verið mjög áberandi í leikjum Brasilíu á HM og verið langt frá því sem við þekkjum til hans eins og í vetur með Barcelona.

Rooney var alltaf viss um að spila á HM

Wayne Rooney hefur viðurkennt að hann hafði aldrei í hyggju að vera heima á Englandi í sumar og að hann var viss um að hann myndi vera með á HM. Veröld Rooney var við það að hrynja þegar að hann braut bein í ökkla undir lok tímabilsins á Englandi og allt útlit var fyrir að hann myndi missa af HM.

Forsetaframbjóðendur spara ekki yfirlýsingarnar

Lorenzo Sanz, einn forsetaframbjóðendanna hjá Real Madrid, fullyrðir að hann sé búinn að ná samkomulagi við fjölda sterkra leikmanna um að ganga til liðs við félagið ef hann verður kjörinn forseti. Hann fullyrðir að ef hann nái kjöri, muni hann fá menn á borð við enska landsliðsmanninn Michael Carrick, Gianluca Zambrotta frá Ítalíu og Brasilíumanninn Emerson svo einhverjir séu nefndir.

Hættur að dæma landsleiki

Enski dómarin Graham Poll tilkynnti í dag að hann væri hættur að dæma landsleiki í kjölfar þess að hann var sendur heim af HM í gær. Poll gerði afdrifarík mistök þegar hann dæmdi leik Króata og Ástrala sem kostuðu hann frekari þáttöku á mótinu. Hann sagðist vera eyðilagður yfir þessari niðurstöðu í samtali við Sky-sjónvarpsstöðina.

Pawel Janas þjálfari segir af sér

Landsliðsþjálfari Pólverja, Pawel Janas, hefur sagt starfi sínu lausu eftir að liðið varð fyrsta liðið til að falla úr riðlakeppninni á HM. Miklar vonir voru bundnar við pólska liðið á HM, en eftir tap fyrir Ekvador og Þýskalandi, urðu þær vonir að engu.

Bargnani valinn fyrstur

Hið árlega nýliðaval í NBA deildinni í körfubolta fór fram í nótt og átti lið Toronto Raptors frá Kanada fyrsta valréttinn. Það var hinn hávaxni ítalski framherji, Andrea Bargnani, sem varð fyrir valinu og hefur honum verið líkt við Dirk Nowitzki hjá Dallas Mavericks. Bargnani spilaði með Benetton Treviso í heimalandi sínu og er hann fyrsti Evrópubúinn sem valinn er númer eitt í nýliðavali NBA.

Portúgalar æfir út í bresku pressuna

Knattspyrnusamband Portúgal hefur sent frá sér yfirlýsingu þess efnis að breskt götublað hafi birt falsað viðtal við framherja portúgalska landsliðsins Pauleta þar sem hann á að hafa sagt að markvörður Englendinga væri veiki hlekkurinn í enska liðinu.

Fékk vinstri fót Maradona að láni

Maxi Rodriguez skoraði, eitt allra fallegasta mark sem sést hefur á HM, í leik gegn Mexíkó á dögunum. Hann gantaðist með það á blaðamannafundi að sjálfur Maradona hafi lánað honum vinstri fót sinn til að smella knettinum í netið.

Skagamenn steinlágu heima

Skagamenn eru enn í botnsæti Landsbankadeildarinnar eftir 4-1 tap fyrir Víkingi á heimavelli sínum í kvöld, þegar 9. umferðin hófst með fjórum leikjum. Íslandsmeistarar FH styrktu stöðu sína á toppnum með 2-0 sigri á Grindvíkingum í Hafnarfirði. Keflvíkingar burstuðu Blika 5-0 og Fylkir og ÍBV skildu jöfn 1-1 í Árbænum.

Rooney er klár í slaginn

Wayne Rooney er staðráðinn í því að láta ekki HM-tækifærið renna sér úr greipum. Hann lék stórt hlutverk á móti Ekvador. Það var fyrsti leikurinn, sem hann spilaði allar 90 mínúturnar í, síðan hann slasaði sig.

Graham Poll sendur heim

Enski knattspyrnudómarinn Graham Poll varð í dag einn þeirra fjórtán dómara sem lokið hafa keppni á HM og halda til síns heima. Poll átti skelfilegan dag þegar hann dæmdi leik Ástrala og Króata í riðlakeppninni og gerði sú frammistaða útslagið með það að þessi reyndi dómari fengi ekki að halda áfram að dæma í mótinu.

Ekki í hefndarhug gegn Portúgölum

Sven-Göran Eriksson, landsliðsþjálfari Englendinga, segist ekki vera með hefnd í huga þegar lið hans mætir Portúgal í 8-liða úrslitunum á HM á laugardaginn. Portúgalar slógu Englendinga út úr Evrópukeppninni fyrir tveimur árum.

Tony Adams aðstoðar Redknapp

Úrvalsdeildarlið Portsmouth hefur ráðið Tony Adams til starfa sem aðstoðarmann knattspyrnustjórans Harry Redknapp. Adams gerði garðinn frægan hjá Arsenal í mörg ár sem leikmaður, en hefur síðar m.a. stýrt liði Wycombe í neðri deildunum á Englandi og starfað sem þjálfari í Hollandi.

Óttaðist að komast ekki á HM

Framherjinn sterki Wayne Rooney hefur viðurkennt að hann hafi óttast mjög að hann missti af HM eftir að hann fótbrotnaði fyrir um tveimur mánuðum. Rooney tókst þó að jafna sig í tæka tíð og komst á mótið, en á enn eftir að komast á blað í markaskorun.

Íhugar að hætta

Luis Aragones hefur látið í það skína að hann muni segja af sér sem landsliðsþjálfari Spánverja, eftir að liðinu mistókst að ná því takmarki sem hann hafði sett fyrir HM. Aragones hótaði að segja af sér ef liðið yrði ekki á meðal fjögurra efstu og þó hann hafi ekki í hyggju að hætta þjálfun, þykir líklegt að hann muni stíga af stóli á næstu dögum. Spænska knattspyrnusambandið hefur þó farið þess á leit við Aragones að hann stýri liðinu fram yfir EM eftir tvö ár.

Deco sigurviss

Miðjumaðurinn Deco hjá portúgalska landsliðinu, segist þess fullviss að hans menn vinni sigur á Englendingum í 8-liða úrslitunum á HM um helgina. Deco þarf sjálfur að fylgjast með leiknum úr stúkunni, því hann tekur út leikbann eftir að hafa fengið rauða spjaldið í síðasta leik.

Neitar leikaraskap

Thierry Henry hefur neitað að hafa notað leikræna tilburði þegar hann fiskaði aukaspyrnuna umdeildu sem varð aðdragandinn að öðru marki Frakka gegn Spánverjum í gær. Þjálfari Spánverja kvartaði sáran undan dómgæslunni í þessu tilviki, en Henry heldur fram sakleysi sínu í málinu.

Lánaður til Portsmouth

Varnarmaðurinn Glen Johnson hjá Englandsmeisturum Chelsea hefur gengið frá eins árs lánssamningi við Portsmouth. Johnson hefur lítið fengið að spreyta sig í liði Chelsea á síðustu misserum og gerir sér vonir um að hleypa lífi í feril sinn að nýju með því að eiga von á byrjunarliðssæti hjá Harry Redknapp og félögum. Johnson er aðeins 21 árs gamall og gekk í raðir Chelsea fyrir 6 milljónir punda árið 2003.

Ásta Árnadóttir best

Í dag var tilkynnt hvaða leikmenn skipa úrvalslið fyrstu sjö umferðanna í Landsbankadeild kvenna. Ásta Árnadóttir úr Val var kjörin besti leikmaður fyrri helmings mótsins, Elísabet Gunnarsdóttir var kjörinn besti þjálfarinn og Valsmenn þóttu eiga bestu stuðningsmennina.

Freyr Bjarnason meiddur

Varnarmaðurinn Freyr Bjarnason hjá FH er meiddur á hné og getur ekki leikið næstu sex vikurnar. Þetta kemur fram á stuðningsmannasíðu félagsins, FH-ingar.net. Freyr meiddist á æfingu fyrir skömmu og ljóst að hans verður saknað úr sterkri vörn Íslandsmeistaranna, sem taka á móti Grindvíkingum í Landsbankadeildinni í kvöld.

Illa slasaður eftir hátt fall

Gianluca Pessotto, leikmaður Juventus til 11 ára og núverandi yfirmaður knattspyrnumála hjá félaginu, liggur þungt haldinn á sjúkrahúsi í Tórínó eftir að hafa dottið út um glugga og fallið 15 metra til jarðar.

Rökkvi efstur inn í milliriðil

Forkeppni í B-flokki gæðinga lauk í gær á öðrum degi Landsmóts hestamanna í Skagafirði. Landsmótssigurvegarinn frá síðasta landsmóti sem haldið var á Hellu fyrir tveimur árum, Rökkvi frá Hárlaugsstöðum, sýndi kunnuglega takta og fer efstur inn í milliriðil sem riðinn verður á föstudag með einkunnina 8,76.

Metin falla hjá Brössunum

Hinn sókndjarfi bakvörður Brasilíu, Cafu, sem einnig er fyrirliði landsliðsins, setti 3 met í gær þegar Brasilíumennunnu unnu Ghanamenn 3-0 á heimsmeistaramótinu í Þýskalandi.

Zidane varð 100. leikmaðurinn til að skora á HM

Frakkinn Zinedine Zidane varð í gærkvöld hundraðasti leikmaðurinn til að skora mark fyrir lið sitt á HM í Þýskalandi. 132 mörk hafa verið skoruð í 56 leikjum til þessa eða 2.36 að meðaltali í leik.

Lessa til Fylkis

Hinu unga úrvalsdeildarliði Fylkis í kvennaboltanum hefur borist góður liðsstyrkur, því hin bandaríska Christiane Lessa hefur gengið í raðir félagsins frá Haukum. Lessa er 24 ára gömul.

Heiðar í 20.-25. sæti

Heiðar Davíð Bragason, kylfingur úr Kili í Mosfellsbæ, lauk í gær keppni á móti í Brönderslev í Danmörku í 20.-25. sæti en mótið er liður í dönsku keppnismótaröðinni. Davíð Heiðar spilaði þriðja og síðasta hringinn á þremur höggum yfir pari og samtals á átta höggum yfir parinu. Hann átti frábæran fyrsta hring á mótinu er hann spilaði á einu höggi undir pari en náði ekki að leika það eftir.

Aldershot Town á eftir Keflvíkingum

Enska utandeildarliðið Aldershot Town FC gerði sér lítið fyrir um síðastliðna helgi og sendi útsendara á leik Dungannon Swifts og Keflavíkur í Intertoto-keppninni. Terry Brown, knattspyrnustjóri liðsins, segir að þetta hafi verið í fyrsta sinn sem félagið sendir menn erlendis til að fylgjast með leikmönnum.

Er þetta ekki bara fullkomnað

16 liða úrslitin búin og liðin átta fá tveggja daga hvíld til föstudags, þá fjórir leikir, svo tveir, og svo úrslit, keppninnar vegna þá verða vonandi Þjóðverjar heimamenn í úrslitum, en margir aðrir kostir álitlegir.

Ævintýrið heldur áfram

Gamla brýnið Zinedine Zidane sýndi að hann er ekki dauður úr öllum æðum í kvöld þegar hann skoraði þriðja og síðasta mark Frakka í sigrinum á Spánverjum. Ef Frakkar hefðu tapað leiknum hefði það orðið síðasti leikur Zidane á ferlinum, en sá gamli var greinilega ekki tilbúinn að leggja skóna á hilluna.

Reiður út í dómarann

Luis Aragones var ekki sáttur við frammistöðu dómarans þegar hans menn féllu úr keppni í 16-liða úrslitunum á HM í kvöld. Aragones sagði annað mark Frakka hafa komið upp úr aukaspyrnu sem hafi alls ekki verið fengin af sanngirni.

Ljóst hvaða lið mætast í 8-liða úrslitum

Í kvöld lauk 16-liða úrslitunum á HM og nú er ljóst hvaða lið mætast í 8-liða úrslitunum sem hefjast á föstudag. Þau hefjast með stórleik Þjóðverja og Argentínumanna klukkan 15 og svo mætast Ítalar og Úkraínumenn klukkan 19 sama kvöld. Á laugardag mætast svo Englendingar og Portúgalar klukkan 15 og 8-liða úrslitunum lýkur svo með leik Brasilíumanna og Frakka klukkan 19.

Frakkar í 8-liða úrslitin

Frakkar urðu í kvöld síðasta liðið til að tryggja sér þáttöku í 8-liða úrslitum HM, þegar liðið lagði Spánverja 3-1 í Hannover. David Villa kom Spánverjum yfir á 27. með marki úr vítaspyrnu, en Franck Ribery jafnaði á þeirri 41. Það voru svo gömlu refirnir Patrick Vieira og Zinedine Zidane sem innsigluðu sigur Frakka með mörkum á síðustu mínútum leiksins og mætir liðið Brasilíu í næstu umferð keppninnar.

Jafnt í hálfleik hjá Frökkum og Spánverjum

Staðan í leik Frakka og Spánverja í lokaleik 16-liða úrslitanna á HM er jöfn 1-1 í hálfleik. David Villa kom Spánverjum yfir með marki úr vítaspyrnu á 27. mínútu, en vængmaðurinn Franck Ribery jafnaði metin fyrir Frakka á 41. mínútu.

Zidane kemur inn fyrir Trezeguet

Lokaleikurinn í 16-liða úrslitunum á HM er viðureign Frakka og Spánverja sem hefst klukkan 19:00. Þarna mætast tvö af stórliðum Evrópu og ljóst að hart verður barist í kvöld. Zinedine Zidane er kominn inn í lið Frakka í stað David Trezeguet.

Lokatölurnar misvísandi

Carlos Parreira, þjálfari Brasilíumanna, sagði að lokatölurnar í 3-0 sigri liðsins á Gana í dag gefi ranga mynd af leiknum, því hans menn hafi mætt gríðarlega harðri mótspyrnu frá Afríkumönnunum og verið heppnir að fá ekki á sig mark.

Brassar áfram

Brasilíumenn tryggðu sér í dag farseðilinn í 8-liða úrslitin á HM með 3-0 sigri á Gana. Ronaldo kom þeim yfir eftir aðeins fjórar mínútur og Adriano bætti við öðru marki rétt fyrir lok fyrri hálfleiksins. Það var svo Ze Roberto sem innsiglaði sigur Brasilíu með þriðja markinu á 83. mínútu, en skömmu áður hafði Asamoah Gyan verið rekinn af velli í liði Gana með sitt annað gula spjald.

Kenna völlunum um slæma spilamennsku

Ensku landsliðsmennirnir eru ekki í vandræðum með að útskýra hvers vegna spilamennska liðsins hefur á tíðum verið andlaus og leiðinleg það sem af er á mótinu. Fyrst var það hitinn sem stóð liðinu fyrir þrifum, en nú segir Paul Robinson að slæm vallarskilyrði séu ástæða lélegrar spilamennsku liðsins.

Fregnum um Ronaldo vísað á bug

Eins og búast mátti við hafa forráðamenn Manchester United gefið lítið fyrir frétt spænska blaðsins Marca í dag, þar sem haft var eftir vængmanninum Cristiano Ronaldo að hann vildi ganga til liðs við Real Madrid.

Brassar leiða í háfleik

Brasilíumenn hafa yfir 2-0 gegn Gana í leik liðana í 16-liða úrslitunum á HM, en flautað hefur verið til leikhlés. Ronaldo kom Brössum yfir eftir aðeins 4 mínútur með laglegu marki og varð um leið markahæsti leikmaður í sögu keppninnar. Félagi hans Adriano bætti svo við öðru marki á síðustu mínútum hálfleiksins eftir skyndisókn Brasilíumanna, en var mjög greinilega rangstæður.

Ronaldo skorar eftir 4 mínútur

Snillingurinn Ronaldo var ekki lengi að setja mark sitt á leik Brasilíu og Gana, en hann er búinn að koma Brössum yfir eftir aðeins 4 mínútur og er orðinn markahæsti leikmaður sögunnar á HM með 15 mörk. Ronaldo fékk laglega sendingu inn fyrir vörnina og lék á markvörðinn með því að taka "skærin" góðu og renna boltanum í tómt markið. Glæsileg tilþrif.

Torres ákveðinn í að slá Zidane út

Fernando Torres framherji spænska landsliðsins gerir fastlega ráð fyrir því að hafa betur í viðureigninni við Zinedine Zidane þegar frakkar mæta spánverjum í 16 liða úrslitum á HM í dag.

Isiah Thomas fær eitt ár til að rétta við skútuna

James Dolan, stjórnarformaður New York Knicks, hefur gefið Isiah Thomas, þjálfara og framkvæmdastjóra liðsins, eitt ár til að rétta hlut liðsins. Ef það tekst ekki, verður hann látinn taka pokann sinn líkt og Larry Brown á dögunum. Árangur New York í vetur var einn sá slakasti frá upphafi og nú hefur Thomas verið gert að reyna að fá eitthvað út úr þeim misjafna mannskap sem hann hefur verið að safna til liðsins síðan hann tók við framkvæmdastjórastöðu þar á sínum tíma.

Carrick vill spila áfram

Michael Carrick vill ólmur halda stöðu sinni í enska landsliðinu eftir að hann fékk tækifæri í leiknum gegn Ekvador í 16 liða úrslitunum á HM. Carrick sem að spilaði stöðu djúps miðjumanns gegn Ekvador var lítið í boltanum í fyrri hálfleiknum í þeim leik, en hann var mun meira inni í spilinu í seinni hálfleik.

Federer setti nýtt met

Tenniskappinn Roger Federer setti í dag met þegar hann vann sinn 42. leik í röð á grasi á Wimbledon-mótinu. Federer vann auðveldan 6-3, 6-2 og 6-2 sigur á Richard Gasquet og mætir Tim Henman eða Robin Soderling í næstu umferð. Gamla metið yfir flesta sigra í röð á grasi átti Björn Borg.