Ísland - Holland í kvöld

Íslenska kvennalandsliðið í handbolta mætir Hollendingum í Laugardalshöllinni klukkan 20 í kvöld, en þetta er fyrri æfingaleikur þjóðanna og liður í undirbúningi íslenska liðsins fyrir umspilsleikina gegn Makedóníu síðar í mánuðinum.

Peter Taylor eftirmaður Curbishley?

Forráðamenn Hull City hafa gefið úrvalsdeildarliðinu Charlton Athletic leyfi til að ræða við knattspyrnustjórann Peter Taylor með það fyrir augum að gera hann að eftirmanni Alan Curbishley. Breskir fjölmiðlar hallast að því að Taylor muni verða sá sem fær starfið hjá Charlton, en hann er einnig þjálfari U-21 árs liðs Englendinga.

Leikmenn Tottenham fengu ekki matareitrun

Nú er ljóst að leikmenn Tottenham sem veiktust fyrir lokaleik liðsins í ensku úrvalsdeildinni á dögunum veiktust ekki af matareitrun eins og talið var í fyrstu, eftir að ítarleg rannsókn hefur leitt í ljós að ekkert athugavert var við matvæli eða hreinlætisaðbúnað á hótelinu þar sem liðið snæddi kvöldið fyrir leik.

Ég vil spila með Henry

Samuel Eto´o, framherji Barcelona, segist ólmur vilja spila með Thierry Henry í framlínu liðsins ef svo færi að sá franski gengi í raðir Barcelona í sumar og segir þá tvo vera góða vini.

Collazo heimtar annan bardaga

Bandaríkjamaðurinn Luis Collazo hefur farið fram á annan bardaga við Ricky Hatton, en sá síðarnefndi sigraði í titilbardaga þeirra í Boston um liðna helgi. Don King, umboðsmaður Collazo, segir að Hatton skuldi stuðningsmönnum sínum í Bretlandi og Bandaríkjunum annan bardaga.

Aðstoðardómarinn myndaður í Barcelona-treyju

Nokkuð fjaðrafok hefur myndast í enskum fjölmiðlum í dag eftir að norska dagblaðið Drammen Tidende birti mynd af öðrum aðstoðardómaranna í úrslitaleik meistaradeildarinnar í Barcelona-treyju í gær.

Rooney á ekki að fara tæpur á HM

Sir Alex Ferguson hefur enn og aftur tjáð sig um að sér finnist það ekki góð hugmynd að fara með Wayne Rooney á HM þegar útlit er fyrir að hann verði alls ekki búinn að ná sér af fótbrotinu á dögunum.

Roader ráðinn stjóri Newcastle

Forráðamenn Newcastle tilkynntu í dag að félagið hefði gert tveggja ára samning við knattspyrnustjórann Glenn Roader og þá var Alan Shearer skipaður sérstakur útsendari félagsins. Roader sagði að með ráðningunni hefði gamall draumur verið að rætast hjá sér.

Meistararnir í vondum málum

Meistarar San Antonio eru komnir í mjög vond mál í einvígi sínu við Dallas í undanúrslitum Vesturdeildarinnar eftir að Dallas vann sigur í fjórða leik liðanna í Dallas í nótt 123-118 eftir framlengingu. Dallas leiðir nú 3-1 í einvíginu og getur klárað dæmið í San Antonio í næsta leik eftir þrjá sigra í röð.

Spámaðurinn hafði loks rangt fyrir sér

LeBron James og félagar í Cleveland Cavaliers hafa ekki sagt sitt síðasta orð í úrslitakeppni Austurdeildarinnar í NBA og í nótt varð Cleveland fyrst allra liða til að láta spámanninn Rasheed Wallace hafa rangt fyrir sér með 74-72 sigri á heimavelli sínum í fjórða leiknum við Detroit.

Prinsinn áfrýjar

Fyrrum heimsemeistarinn Prince Naseem Hamed ætlar að áfrýja 15 mánaða fangelsisdómnum sem hann fékk fyrir glæfraakstur á dögunum. Lögmaður hans segir áfrýjunina beinast að lengd fangelsisdómsins og orðum sem dómarinn lét út úr sér þegar hann kvað upp dóm í málinu.

Öll úrslit Reykjavíkurmeistaramóts í hestaíþróttum

Vel heppnað Reykjavíkurmeistaramót Akkúrat og Höfðabíla er lokið. Mótið heppnaðist að öllu leiti mjög vel og voru veðurguðirnir keppendum og áhorfendum hliðhollir alla mótsdagana.

Mikil spenna á íþróttamóti Sóta

Mikil spenna skapaðist á íþróttamóti Sóta, sem fór fram á velli félagsins síðastliðinn laugardag. Flest úrslit voru jöfn og þurfti að ríða bráðabana í úrslitum í tölti fullorðinna. Í fjórgangi fullorðinna skákuðu konurnar körlunum og röðuðu sér í tvö efstu sætin. Eftir mótið var grillað á nýja pallinum við félagsheimilið og skemmtu menn, konur og börn sér langt fram eftir kvöldi.

Veislunni aflýst á Kópavogsvelli

Hjörvar Hafliðason, fyrirliði Breiðabliks, sagði í viðtali við Arnar Björnsson á Sýn eftir sigurinn á Val, að það eina sem þeir rauðklæddu hefðu haft áhyggjur af fyrir leikinn var hvort þeir ættu að vinna með sex eða sjö mörkum.

Tap hjá Halmstad

Halmstad tapaði 2-1 fyrir Kalmar í leik kvöldsins í sænsku úrvalsdeildinni í knattspyrnu. Gunnar Heiðar Þorvaldsson var að venju í liði Halmstad, en náði ekki að skora. Lið Halmstad hefur ekki náð sér á strik það sem af er leiktíðinni og er í ellefta sæti deildarinnar þegar níu umferðum er lokið.

Frábær sigur hjá Leikni

Tveir leikir fóru fram í 1. deild karla í knattspyrnu í kvöld. Leiknir úr Breiðholti vann glæsilegan sigur á HK á Leiknisvelli 2-0 og þá unnu Þróttarar sigur á Haukum á Ásvöllum 2-0, þar sem Þróttur gerði út um leikinn með tveimur mörkum í blálokin.

Sigur í fyrsta leik hjá Blikum

Nýliðar Breiðabliks höfðu 2-1 sigur á Val í fyrsta leik sínum í efstu deild í sumar. Breiðablik komst í 2-0 í leiknum, en Valsmenn tóku öll völd á vellinum á síðustu mínútunum og náðu að minnka muninn. Blikar náðu þó að halda sínu og hirtu öll þrjú stigin í kvöld.

Valur minnkar muninn

Eskfirðingurinn knái, Valur Fannar Gíslason, var rétt í þessu að minnka muninn fyrir Val gegn Breiðablik og staðan orðin 2-1 fyrir heimamenn. Markið skoraði Valur Fannar með skalla eftir aukaspyrnu Guðmundar Benediktssonar og því stefnir í æsilegar lokamínútur í Kópavogi, þar sem fimm mínútum hefur verið bætt við leikinn.

Blikar komnir í 2-0

Breiðablik er komið í 2-0 gegn Val í leik kvöldsins í Landsbankadeildinni sem sýndur er í beinni á Sýn. Annað mark Breiðabliks var ótrúlega slysalegt sjálfsmark Valsmannsins Atla Sveins Þórarinssonar á 69. mínútu.

Blikar hafa yfir í hálfleik

Nýliðar Breiðabliks hafa yfir 1-0 gegn Val þegar flautað hefur verið til leikhlés á Kópavogsvellinum. Það var hinn ungi Guðmann Þórisson sem skoraði mark heimamanna með laglegum skalla eftir hornspyrnu á 42. mínútu. Guðmann er aðeins 19 ára gamall og er að spila sinn fyrsta leik í efstu deild.

Tók viðtal við sjálfan sig í dag

Hinn sérlundaði Jose Mourinho kom blaðamönnum í opna skjöldu í dag þegar tilkynnt var um komu Michael Ballack til Chelsea, þegar hann spurði sjálfan sig spurninga um nýja leikmanninn og svaraði þeim áður en fjölmiðlamenn komust að.

Seinna markið var algjör heppni hjá mér

Steven Gerrard hefur viðurkennt að draumamark hans í úrslitaleik enska bikarsins gegn West Ham um helgina hafi verið byggt á mikilli heppni, því hann hafi ekki miðað knettinum þangað sem hann á endanum söng í netmöskvunum. Hvað sem því líður er nokkuð víst að enginn á eftir að gleyma þessum sögulega þrumufleyg fyrirliðans.

Breiðablik - Valur í beinni á Sýn

Lokaleikur fyrstu umferðar Landsbankadeildar karla fer fram klukkan 20 í kvöld þegar nýliðar Breiðabliks taka á móti Val á Kópavogsvelli. Leikurinn verður sýndur í beinni útsendingu á sjónvarpsstöðinni Sýn og hefst útsending klukkan 19:45.

Cleveland - Detroit í beinni á NBA TV

Fjórði leikur Cleveland Cavaliers og Detroit Pistons verður sýndur beint á NBA TV klukkan 23 í kvöld. Detroit hefur yfir 2-1 í einvíginu eftir að hafa tapað síðasta leik og LeBron James og félagar munu því tjalda öllu til að jafna metin á heimavelli sínum í kvöld.

Totti aftur í ítalska hópinn

Francesco Totti var í dag valinn í leikmannahóp Ítala fyrir HM í sumar, en hann er ný stiginn upp úr meiðslum. Gianluigi Buffon, markvörður Juventus, var einnig valinn í hópinn þrátt fyrir að vera viðriðinn knattspyrnuhneykslið sem nú tröllríður öllu á Ítaíu.

Scumacher gerir lítið úr tapinu

Michael Schumacher neitar að gera of mikið úr því að Fernando Alonso hafi tekið hann í bakaríið í Spánarkappakstrinum um helgina og segir nóg eftir af mótinu.

Væri til í að fá Wright-Phillips aftur

Stuart Pearce segir að Manchester City væri meira en til í að fá vængmanninn Shaun Wright-Phillips aftur í sínar raðir frá Englandsmeisturum Chelsea, en segir jafnframt að líklega hafi City ekki efni á því. Pearce er hissa á að Phillips skuli ekki hafa verið valinn í enska landsliðið fyrir HM.

Valdi Chelsea fram yfir United

Michael Ballack hefur gefið það upp að þó Manchester United hafi sett sig í samband við hann nokkuð fyrr en Chelsea, hafi hann ákveðið að ganga til liðs við Lundúnaliðið af því hann teldi það sterkara en Manchester United.

Semur við nýja styrktaraðila

Úrvalsdeildarlið Tottenham hefur gert nýjan fjögurra ára auglýsingasamning við veðbankann Mansion upp á 34 milljónir punda og mun merki fyrirtækisins verða framan á búiningum liðsins á næstu leiktíð. Þá mun félagið einni skipta um íþróttavöruframleiðanda og klæðist liðið Puma-búiningum á næstu leiktíð í stað Kappa áður.

Landsliðshópur Brassa klár

Carlos Alberto Parreira, landsliðsþjálfari Brasilíu, hefur nú tilkynnt leikmannahóp sinn fyrir HM í Þýskalandi í sumar, en hann hefur þegar tilkynnt hvaða leikmenn verði í byrjunarliðinu í opnunarleiknum. Fátt kemur á óvart í hóp Parreira, en varnarmaðurinn Roque Junior er ekki í liðinu vegna meiðsla og Gilberto Silva er eini leikmaðurinn í hópnum sem spilar á Englandi.

Úrslitaleikurinn skiptir öllu máli

Arsene Wenger viðurkennir að hann hafi nokkrar áhyggjur af því hvað muni gerast í leikmannamálum hjá félaginu í sumar en menn eins og Ashley Cole og Thierry Henry hafa mikið verið orðaðir við stóru félögin á Spáni. Wenger segir þó að í dag sé enginn að hugsa um neitt annað en að sigra í úrslitaleik meistaradeildarinnar á miðvikudag.

Einn nýliði í landsliðshópi Klinsmann

Jurgen Klinsmann hefur valið 23 manna landsliðshóp sinn fyrir heimsmeistaramótið í knattspyrnu í sumar. Einn nýliði er í hópnum að þessu sinni, hinn ungi miðjumaður David Odonkor frá Borussia Dortmund. Þá fær framherjinn Kevin Kuranyi ekki sæti í hópnum.

Morientes ekki í spænska hópnum

Framherjinn Fernando Morientes hjá Liverpool er ekki í spænska landsliðshópnum fyrir HM sem tilkynntur var í dag. Morientes var í fyrsta hópi Aragones þjálfara, en var einn fjögurra sem misstu af lestinni þegar 23 manna hópur liðsins var staðfestur í dag.

Ballack kominn til Chelsea

Þýski landsliðsmaðurinn Michael Ballack gekk í dag í raðir enska úrvalsdeildarliðsins Chelsea á frjálsri sölu frá Bayern Munchen. Ballack vann þrjá Þýskalandsmeistaratitla með Bayern á fjórum árum, en kemur nú til með að mynda ógnarsterkt miðjupar með Frank Lampard hjá Chelsea.

Sam Cassell kláraði Phoenix

Sam Cassell skoraði tvær stórar þriggja stiga körfur í lokin og tryggði LA Clippers mikilvægan sigur á Phoenix Suns í nótt 114-107, en staðan í einvígi liðanna í undanúrslitum Vesturdeildarinnar er þar með orðin jöfn 2-2.

Miami komið í þægilega stöðu

Miami Heat lagði New Jersey 102-92 í fjórða leik liðanna í nótt og er þar með komið yfir 3-1 í einvíginu í undanúrslitum Austurdeildarinnar. Dwayne Wade fór að venju á kostum í liði Miami, en það voru minni spámenn á borð við Antonie Walker og Udonis Haslem sem riðu baggamuninn í nótt.

Larry Brown rekinn frá New York?

Heimildarmaður dagblaðsins New York Daily News greindi frá því um helgina að stjórnarformaður New York Knicks væri alvarlega að hugsa um að kaupa upp samning þjálfarans Larry Brown og láta hann fara frá félaginu.

Auðveldur sigur FH á KR

Íslandsmeistarar FH unnu sannfærandi 3-0 útisigur á KR í vesturbænum í kvöld og smelltu sér á topp Landsbankadeildarinnar. Tryggvi Guðmundsson skoraði tvö mörk á 10 mínútum í fyrri hálfleik og Atli Viðar Björnsson bætti við þriðja markinu 5 mínútum fyrir leikslok.

FH leiðir á KR-velli

FH hefur yfir 2-0 í hálfleik gegn KR í kvöldleiknum í Landsbankadeild karla. Það var Tryggvi Guðmundsson sem skoraði bæði mörk FH á 11 mínútna kafla og ljóst að KRingar þurfa virkilega að taka sig saman í andlitinu ef þeir ætla sér að ná í stig í kvöld.

Ciudad tapaði úrslitaleiknum

Nýkrýndir Evrópumeistarar Ciudad Real töpuðu úrslitaleiknum í spænska bikarnum í dag fyrir liði Valladolid 35-30. Ólafur Stefánsson skoraði 3 mörk fyrir Ciudad í leiknum.

Tveir nýliðar í landsliðshópi Frakka

Tveir nýliðar verða í landsliðshópi Frakka fyrir heimsmeistaramótið í Þýskalandi í sumar, en hópurinn var tilkynntur í dag. Miðjumaðurinn Franck Ribery hjá Marseille, sem kallaður hefur verið nýr Zidane, er í 23 manna hópi Frakka í fyrsta sinn líkt og bakvörðurinn Pascal Chimbonda hjá Wigan.

New Jersey - Miami á Sýn

Fjórði leikur New Jersey Nets og Miami Heat verður sýndur á Sýn í kvöld um klukkan 22:30. Miami hefur yfir 2-1 í einvíginu og getur komist í þægilega stöðu með sigri í New Jersey í kvöld. Klukkan tólf á miðnætti er svo fjórði leikur LA Clippers og Phoenix Suns sýndur í beinni útsendingu á NBA TV.

Ólöf María hafnaði í 36. sæti

Íslandsmeistarinn Ólöf María Jónsdóttir hafnaði í 36.-44. sæti á Opna Spánarmótinu í golfi sem fram fór í Castellon um helgina. Ólöf lauk keppni á tveimur höggum yfir pari eftir að hafa leikið á 3 höggum yfir pari á lokadeginum.

Tryggvi búinn að skora tvö gegn KR

Íslandsmeistarar FH eru ekki lengi að taka upp þráðinn frá því í fyrra, því liðið hefur náð 2-0 forystu gegn KR í vesturbænum. Hinn magnaði Tryggvi Guðmundsson skoraði bæði mörk Hafnfirðinganna á 26. og 37. mínútu leiksins, sem er sýndur í beinni á Sýn.

Hörður skoraði í sigri Silkeborg

Hörður Sveinsson skoraði fyrsta mark Silkeborg í óvæntum 3-2 útisigri liðsins á meistudum FC Kaupmannahöfn í dönsku úrvalsdeildinni í dag. Silkeborg hafnaði því í 8. sæti deildarinnar, en Kaupmannahafnarliðið sigraði í deildinni.