Útlendingarnir komu með leikaraskapinn

Knattspyrnugoðið Bobby Charlton segir að það sé útlensku leikmönnunum að kenna að leikaraskapur sé orðinn til vandræða í ensku úrvalsdeildinni í dag. Hann bendir á að áður en leikmenn af meginlandinu hafi komið inn í deildina, hafi leikaraskapur ekki þekkst.

Eiður Smári byrjar á bekknum

Eiður Smári Guðjohnsen er á varamannabekk Chelsea í leiknum gegn Barcelona í kvöld sem hefst nú innan skamms á Nou Camp í Barcelona og er í beinni útsendingu á sjónvarpsstöðinni Sýn.

Barcelona er besta lið í heimi

Brasilíumaðurinn Rivaldo sem var lykilmaður í liði Barcelona þegar það varð Spánarmeistari árið 1999, segir að Barcelona sé besta félagslið heimsins í dag og spáir að Barca slái Chelsea út úr Meistaradeildinni í kvöld.

Quashie í fimm leikja bann

Miðjumaðurinn Nigel Quashie hjá West Brom hefur verið dæmdur í fimm leikja bann af aganefnd enska knattspyrnuambandsins eftir að hann þótti sýna ósæmilega framkomu þegar honum var vikið af velli í leik gegn Middlesbrough fyrir níu dögum síðan.

Craig Bellamy handtekinn

Vandræðagemlingurinn Craig Bellamy hjá Blackburn er aftur kominn í fréttirnar á röngum forsendum, en hann var handtekinn í dag í tengslum við rannsókn á árás sem gerð var á unga konu á næturklúbbi í Cardiff. Bellamy var sleppt gegn tryggingu eftir að hafa setið yfirheyrslu, en hann þarf að mæta aftur fljótlega þegar málið veður rannsakað frekar.

Við erum meira en hálfnaðir

Arsene Wenger segir sína menn í Arsenal vera rúmlega hálfnaða með verkefni sitt gegn Real Madrid í Meistaradeildinni eftir að Arsenal vann fyrri leik liðanna í Madrid á dögunum og lítur því á það sem formsatriði að ná hagstæðum úrslitum á Highbury annað kvöld.

Farinn að leita að eftirmanni Michael Ballack

Felix Magath, stjóri Bayern Munchen, segist vera búinn að sætta sig við að Michael Ballack fari frá félaginu í sumar og segir að enginn maður í herbúðum liðsins nú geti fyllt það skarð sem hann skilur eftir sig sem leiðtogi á vellinum.

Coulthard vill framlengja við Red Bull

Skoski ökuþórinn David Coulthard segist hafa fullan hug á því að framlengja veru sína hjá liði Red Bull í Formúlu 1, ekki síst fyrir tilkomu bílahönnuðarins Adrian Newey sem áður var hjá McLaren. Samningur Coulthard rennur út eftir næsta tímabil, sem hefst einmitt í Barein um næstu helgi.

Robben fær fjögurra leikja bann

Áfrýjun Chelsea á rauða spjaldið sem Arjen Robben fékk að líta gegn West Brom um síðustu helgi hefur verið vísað frá af aganefnd enska knattspyrnusambandsins og fer leikmaðurinn því tafarlaust í fjögurra leikja bann. Leikbann í kjölfar rauðs spjalds er að jafnaði þrír leikir, en Robben fær einn til vegna þess að þetta er annað rauða spjaldið sem hann fær á leiktíðinni.

Vill gera hið ómögulega

Alex McLeish og lærisveinar hans í skoska liðinu Glasgow Rangers eiga erfitt verkefni fyrir höndum í kvöld þegar liðið mætir spænska liðinu Villareal á útivelli í síðari leiknum í Meistaradeildinni. Fyrri leiknum í Skotlandi lauk með 2-2 jafntefli og McLeish leitast við að koma enn einu sinni á óvart og stela sigrinum.

Hugsar um Arsenal, ekki Ronaldo

Fernando Martin, nýráðinn forseti Real Madrid, segir að honum sé efst í huga að vinna sigur á Arsenal í Meistaradeildinni annað kvöld en ekki að velta sér upp úr því hvort Brasilíumaðurinn Ronaldo verði í liðinu eða ekki. Miklar vangaveltur hafa verið uppi um framtíð framherjans hjá liðinu og hafa þær á tíðum varpað skugga á leikinn mikilvæga annað kvöld.

Mourinho ætlar að tvídekka Messi

Jose Mourinho hefur gefið það út að hann ætli að láta leikmenn sína tvídekka ungstirnið Lionel Messi hjá Barcelona í leik liðanna á Nou Camp í kvöld. Messi fór á kostum í fyrri leik liðanna á Stamford Bridge, en Mourinho ætlar ekki að láta það koma fyrir aftur.

Shaq hélt upp á afmælið með sigri

Miðherjinn Shaquille O´Neal hélt upp á 34 ára afmælið sitt í gær með því að skora 35 stig og hirða 12 fráköst í naumum sigri Miami Heat á Charlotte Bobcats 106-105 í framlengdum leik. Shaq skoraði öll 8 stig Miami í framlengingunni. Gerald Wallace skoraði 26 stig og hirti 15 fráköst fyrir Charlotte.

Íslendingaslagur í Evrópukeppninni

Nú er búið að draga í undanúrslit Evrópukeppnanna í handbolta og þar ber hæst að Íslendingaliðin Lemgo og Gummersbach munu leika til undanúrslita í EHF keppninni, en hinn undanúrslitaleikurinn er reyndar einnig Íslendingaslagur. Ólafur Stefánsson og félagar í Ciudad Real mæta þýska liðinu Flensburg í Meistaradeildinni.

Fögnuðu eins og þeir hefðu sloppið úr fangelsi

Paul Jewell, stjóri Wigan, sagði sína menn afar illa svikna eftir tapið gegn Manchester United í úrvalsdeildinni í kvöld og þótti lið Manchester United sleppa vel frá leiknum. "Það var skelfilegt að tapa á þessu marki og eins og sást á leikmönnum þeirra, áttu þeir ekki von á að vinna þennan leik. Þeir fögnuðu eins og þeim hefði verið sleppt úr fangelsi," sagði Jewell.

United stal sigrinum gegn Wigan

Manchester United tryggði sér gríðarlega mikilvæg þrjú stig í kvöld þegar liðið stal sigrinum gegn Wigan á útivelli 2-1, þar sem úrslitin réðust á sjálfsmarki Pascal Chimbonda þegar komið var fram yfir venjulegan leiktíma. United er því komið með tveggja stiga forskot á Liverpool í öðru sæti deildarinnar.

Ronaldo jafnaði

Portúgalinn Cristiano Ronaldo er búinn að jafna leikinn fyrir Manchester United gegn Wigan og staðan því orðin 1-1. Markið kom eftir laglega skyndisókn á 73. mínútu leiksins.

Rijkaard stillir til friðar

Frank Rijkaard, þjálfari Barcelona, vill að stuðningsmenn Barcelona sýni Jose Mourinho og lærisveinum hans í Chelsea virðingu og taki vel á móti þeim þegar liðin mætast á Nou Camp í meistaradeildinni annað kvöld, en leikurinn verður sýndur í beinni útsendingu á Sýn.

LA Lakers - San Antonio í beinni

Það verður góður leikur á dagskrá á NBA TV fyrir hörðustu nátthrafna í kvöld þegar Los Angeles Lakers tekur á móti meisturum San Antonio, en leikurinn hefstu klukkan 3:30 að íslenskum tíma. Leikurinn verður svo sýndur aftur í fyrramálið venju samkvæmt.

Wigan komið yfir

Nýliðar Wigan voru rétt í þessu að komast yfir gegn Manchester United á heimavelli sínum, en þetta er fyrsta markið sem Wigan nær að skora gegn Manchester United. Það var varnarmaðurinn Paul Scharner sem skoraði markið á 59. mínútu eftir mikið klafs í vítateig United liðsins.

Jafnt hjá Wigan og United í hálfleik

Nú er kominn hálfleikur í viðureign Wigan og Manchester United á JJB Stadium í ensku úrvalsdeildinni. Leikurinn hefur verið frekar daufur framan af og eru heimamenn mun líklegri til afreka það sem af er. Ruud Van Nistelrooy er enn á varamannabekk United, en hann hefur þjáðst af magakveisu undanfarið.

Benedikt náði góðum árangri

Heljarmennið Benedikt Magnússon náði frábærum árangri í aflraunakeppninni á Arnold Classic mótinu sem fram fór í Bandaríkjunum um helgina. Benedikt hafði lítinn tíma til undirbúnings fyrir mótið því honum barst seint boð um að vera á meðal keppenda, en hann skaut meðal annars sterkasta manni heims ref fyrir rass í keppninni.

Lampard verður með gegn Barcelona

Miðjumaðurinn Frank Lampard verður í byrjunarliði Chelsea gegn Barcelona í síðari leik liðanna í meistaradeild Evrópu annað kvöld eftir að hann komst vel frá æfingu með liði sínu í kvöld. Lampard hefur átt við meiðsli að stríða, en hefur nú náð sér nógu vel til að spila leikinn mikilvæga annað kvöld.

McLaren lofar betri bíl

Forráðamenn McLaren Mercedez fullyrða að vélar liðsins verði ekki til sömu vandræða og í fyrra og segja prófanir á síðustu fimm vikum lofa góðu um stöðugleika. Sífelldar vélarbilanir hjá Kimi Raikkönen í fyrra urðu þess valdandi að hann gat ekki veitt Fernando Alonso verðuga keppni um titil ökuþóra.

Wigan leitar hefnda gegn United

Einn leikur er á dagskrá í ensku úrvalsdeildinni í knattspyrnu í kvöld þegar liðin sem áttust við í úrslitaleik enska deildarbikarsins á dögunum, Wigan og Manchester United, leiða saman hesta sína á JJB-vellinum í Wigan.

Tíundi sigur Phoenix í röð

Phoenix Suns er heitasta lið NBA deildarinnar í dag eftir að liðið vann tíunda leik sinn í röð í nótt gegn Dallas á útivelli 115-107. Þetta var annað tap Dallas í síðustu þremur leikjum, en áður hafði liðið verið á mikilli sigurgöngu.

Hyypia verður klár gegn Benfica

Finnski varnarmaðurinn Sami Hyypia hjá Liverpool verður væntanlega tilbúinn í slaginn í síðari leiknum gegn Benfica í Meistaradeild Evrópu á miðvikudagskvöldið, en óttast var að hann mundi missa af leiknum vegna meiðsla sem hann hlaut í leiknum gegn Charlton um helgina.

Ætlar að þagga niður í Mourinho

Argentínska undrabarnið Lionel Messi hjá Barcelona ætlar að þagga niður í Jose Mourinho hjá Chelsea í síðari leik liðanna í Meistaradeildinni annað kvöld, en Mourinho ásakaði Messi um leikaraskap eftir fyrri leik liðanna.

Woods varði titil sinn

Stigahæsti kylfingur heims, Tiger Woods, vann nauman sigur á Ford-meistaramótinu í Flórída í nótt og varð með því aðeins annar kylfingurinn í sögu mótsins til að vinna það tvö ár í röð. Woods lauk keppni á 20 undir pari og slapp með skrekkinn á síðustu holunum eftir að hafa klúðrað öruggri forystu.

Áfrýjar rauða spjaldinu á Robben

Chelsea hefur áfrýjað rauða spjaldinu sem Arjen Robben fékk að líta í leiknum við West Brom um helgina. Robben fékk beint rautt spjald hjá Halsey dómara fyrir tæklingu sína á Jonathan Greening og á nú yfir höfði sér leikbann.

McCarthy rekinn frá Sunderland

Úrvalsdeildarfélagið Sunderland sagði stjóra sínum Mick McCarthy upp störfum í morgun og Kevin Ball mun taka við starfi hans tímabundið. Brottrekstur McCarty nú kemur nokkuð á óvart, því talið var að hann fengi að klára leiktíðina sem nú þegar er í molum. Nokkrir leikmenn Sunderland lýstu strax yfir óánægju sinni með brottrekstur stjórans.

Arsenal og Tottenham berjast um Trabelsi

Tottenham ætlar að ræna Hatem Trabelsi beint fyrir framan erkifjendur sína í Arsenal en bæði lið hafa hug á að klófesta leikmanninn sem spilar með Ajax. Talið er að Arsenal sé búið að gera Túnisbúanum tilboð en Tottenham hefur nú lýst yfir áhuga sínum á þessum sterka varnarmanni sem spilar að öllum líkindum í Englandi á næsta tímabili.

Ronaldinho hefur engan áhuga á Chelsea

Besti knattspyrnumaður í heimi, Ronaldinho, segist ekki hafa neinn áhuga á því að ganga til liðs við Chelsea. Barcelona tekur á móti Englandsmeisturunum í seinni leik liðanna í Meistaradeildinni á morgun.

Hiddink hættir með ástralska landsliðið

Guus Hiddink verður ekki áfram með knattspyrnulandslið Ástralíu eftir HM í sumar. John O"Neill, framkvæmdastjóri ástralska knattspyrnusambandsins, sagði um helgina að ólíklegt væri að Hiddink yrði áfram með liðið enda hefði þess aldrei verið vænst. Þessi frábæri þjálfari hefur verið orðaður við landslið Rússlands og Englands en hann hefur neitað því statt og stöðugt.

Hefur Man Utd fundið miðjumann?

Manchester United er á höttunum eftir Jean Makoun, miðjumanni Lille, í Frakklandi. "United-menn vilja fá mig. Þeir sendu útsendara til að horfa á leikinn gegn Monaco í síðustu viku og umboðsmenn mínir hafa rætt við forráðamenn liðsins. Þeir vilja kaupa mig í sumar," sagði Makoun í gær.

Lykilmaður Portúgala missir af HM

Varnarmaðurinn Jorge Andrade missir líklega af Heimsmeistaramótinu í knattspyrnu í sumar vegna meiðsla sem hann hlaut í leik Deportivo La Coruna gegn Barcelona á laugardaginn. Andrade reif liðband í hnénu en þetta er mikið áfall fyrir hann sem og Portúgal en hann er lykilmaður hjá landsliðinu. Andrade fór í aðgerð í gær en skoðun leiddi í ljós að meiðslin eru mun alvarlegri en talið var í fyrstu.

Toppliðin þrjú unnu sína leiki í körfunni

Tvö efstu liðin í Iceland Express deild karla í körfubolta, Njarðvík og Keflavík unnu leiki sína í kvöld en þá fór fram næst síðasta umferð deildarinnar. Þar með er ljóst að aðeins þau tvö lið eiga möguleika á deildarmeistaratitlinum og mætast einmitt í hreinum úrslitaleik á fimmtudaginn um titilinn.

Sevilla í 6. sætið

Sevilla komst í dag í 6. sæti spænsku úrvalsdeildarinnar í fótbolta með 2-1 sigri á Athletic Bilbao. Freddie Kanoute, fyrrverandi leikmaður West Ham skoraði sigurmark Sevilla en vandræði Bilbao halda áfram og er liðið í fallsæti eða þriðja neðsta sæti.

Mönchengladbach upp um 3 sæti í það sjötta

Borussia Mönchengladbach lyfti sér upp um þrjú sæti og í það sjötta með 2-0 sigri á Arminia Bielefeld í þýsku Bundesligunni í fótbolta í dag en tveir leikir fóru þá fram. Þá skildu Eintracht Frankfurt og Wolfsburg jöfn, 1-1. Bayern Munchen er efst í deildinni þrátt fyrir ósigur á heimavelli í gær fyrir Hamburg, eru með 58 stig en Werder Bremen, sem gerði 1-1 jafntefli við Bayer Leverkusen er í 2. sæti með 50 stig. Mönchengladbach er með 33 stig í 6. sætinu.

Creteil í undanúrslit þrátt fyrir 8 marka tap

Franska liðið Creteil komst í kvöld í undanúrslit Evrópukeppni félagsliða í handbolta þrátt fyrir 8 marka tap fyrir pólska liðinu Kielce, 26-34. Creteil vann reyndar fyrri leikinn með 14 marka mun, 35-21 en athygli vekur að pólska liðið skoraði 23 mörk í seinni hálfleik í viðureign liðanna í kvöld. Staðan í hálfleik var 12-11 fyrir Creteil.

Öruggur sigur Sebastien Loeb

Franski ökuþórinn Sebastien Loeb sem ekur á Citroen vann öruggan sigur í mexíkóska rallinu sem lauk í kvöld. Loeb varð 48,9 sekúndum á undan næsta nanni, Norðmanninum Petter Solberg, fyrrverandi heimsmeistara á Subaru en Frakkinn stakk af á 12. sérleið og gaf ekkert eftir þaðan af.

Guðmundur varð þrefaldur Íslandsmeistari

Guðmundur E. Stephensen, Víkingi, varð í dag þrefaldur Íslandsmeistari í borðtennis en Íslandsmótinu lauk í dag. Guðmundur sem er 23 ára hefur nú samtals unnið 100 Íslandsmeistaratitla í fullorðins og unglingaflokkum. Í dag tryggði hann sér titlana í einliðaleik, tvenndarkeppni og tvíliðaleik.

Tottenham í 5 stiga forskot á Arsenal

Tottenham gefur ekkert eftir í baráttunni um Meistaradeildarsæti en Robbie Keane var hetja liðsins sem lagði Blackburn, 3-2 í spennando leik á White Hart Lane nú síðdegis. Keane skoraði tvívegis í fyrri hálfleik en það var hins vegar egypski útlaginn Ahmed Mido sem tryggði Tottenham stigin þrjú þegar hann skoraði sigurmarkið á 70. mínútu.

Gengur vel hjá Arnari og félögum í Twente

Arnar Þór Viðarsson lék allan leikinn með Twente sem lagði Heracles Almelo, 2-0 í hollensku úrvalsdeildinni í fótbolta í dag. Twente er á fljúgandi ferð í deildinni og hefur nú ekki tapað í 6 leikjum í röð. Twente færist upp tölfuna þessa dagana, er nú búið að fjarlægjast fallsvæðið og er í 9. sæti deildarinnar með 38 stig, fjórtán stigum frá fallsæti í þessari 18 liða deild.

Fiorentina upp fyrir Roma

Fiorentina endurheimti 4. sætið í ítölsku úrvalsdeildinni í knattspyrnu í dag þegar liðið vann 2-1 sigur á Siena. Hinn ungi sóknarmaður Giampaolo Pazzini skoraði sigurmarkið í viðbótartíma og lyfti liði sínu upp fyrir Roma sem á leik til góða gegn Inter síðar í kvöld.