Adriano semur við Inter

Brasilíski framherjinn Adriano hefur framlengt samning sinn við Inter Milan á Ítalíu um tvö ár og verður því samningsbundinn félaginu til ársins 2010. Adriano nýtti sér með þessu framlengingarákvæði sem var í samningnum hans sem hann undirritaði í fyrra eftir að hann kom til Inter frá Parma.

Mourinho hræðist ekki Liverpool

Jose Mourinho segist ekki óttast að mæta Liverpool tvisvar á Anfield á innan við viku og segir að þó vissulega standi tapið í undanúrslitum meistaradeildarinnar í sínum mönnum, hafi Chelsea engu að síður unnið á Anfield í deildinni í fyrra og því sé ekkert því til fyrristöðu að endurtaka leikinn.

Wenger bjartsýnn

Arsene Wenger, stjóri Arsenal, segist ekki hafa stórar áhyggjur þó nokkrir lykilmenn liðsins eigi við meiðsli að stríða fyrir leikinn gegn Ajax í Meistaradeildinni annað kvöld, en auk þess hefur liðinu ekki gengið vel á útivelli það sem af er tímabilinu.

Tottenham ætlar sér sigur í kvöld

Chris Houghton, aðstoðarmaður Martin Jol hjá Tottenham, segir að liðið sé búið að gleyma óförunum gegn Grimsby í deildarbikarnum í síðustu viku og segir að nú sé kjörið tækifæri til að taka góðan sprett í deildinni.

Beckham áfram með landsliðinu

David Beckham gefur lítið út á þær vangaveltur sem hafa verið í gangi í breskum fjölmiðlum undanfarið, þar sem menn leiddu líkum að því að hann myndi hætta að leika með enska landsliðinu eins og kollegi hans hjá rugby landsliðinu, Jason Robinson.

Ferguson hefur þykkan skráp

Sir Alex Ferguson, knattspyrnustjóri Manchester United, hefur þurft að þola harða gagnrýni frá stuðningsmönnum liðsins síðan það tapaði á heimavelli fyrir Blackburn á laugardaginn, en sá gamli fékk að heyra ljótar svívirðingar frá stuðningsmönnum liðsins þegar hann gekk af velli.

Messi orðinn leikfær með Barcelona

Argentínska undrabarnið Lionel Messi hjá Barcelona er loksins orðinn leikfær með liðinu í deildarkeppninni, eftir að hann fékk spænskan ríkisborgararétt í dag. Hingað til hefur hann aðeins geta leikið með liðinu í Evrópukeppni, því félög á Spáni geta aðeins teflt fram þremur "útlendingum" í hópnum í deildarleikjum.

Verða að spila skemmtilegan bolta

Martin Jol, knattspyrnustjóri Tottenham, segir að toppliði Chelsea beri skylda til að spila skemmtilega knattspyrnu, því það muni tryggja að áhorfendur haldi áfram að mæta á völlinn á Englandi. Þetta segir hann í ljósi fréttaflutings undanfarið um dræma ásókn á leiki á Englandi og ásakanir á hendur ensku liðanna um að þau spili of skipulagðan varnarleik.

Alonso í sjöunda himni

Nýkrýndur heimsmeistari ökumanna í Formúlu 1, Spánverjinn Fernando Alonso, er í sjöunda himni eftir að hann tryggði sér titilinn í Brasilíu um helgina og stefnir á að vinna fleiri titla á næstu árum, enda aðeins 24 ára gamall.

Sögulegur leikur hjá Arsenal

Leikur Arsenal og West Ham í ensku úrvalsdeildinni um helgina var frekar tíðindalítill, enda skildu liðin jöfn 0-0. Það sem merkilegra er við þennan leik er þó sú staðreynd að þetta var aðeins í annað sinn sem Arsenal teflir ekki fram frönskum leikmanni byrjunarliði sínu í stjórnartíð Arsene Wenger.

Tottenham í fjórða sæti

Tottenham Hotspurs skaust í fjórða sæti ensku úrvalsdeildarinnar í kvöld þegar liðið lagði Fulham 1-0 á heimavelli sínum White Hart Lane. Það var enski landsliðsmaðurinn Jermain Defoe sem skoraði sigurmark Tottenham strax í upphafi leiks.

Wenger styður Ferguson

Sir Alex Ferguson, knattspyrnustjóri Manchester United, fékk stuðning úr ólíklegri átt í gærkvöld, þegar erkióvinur hans í gegn um árin, Arsene Wenger hjá Arsenal, lýsti yfir vanþóknun sinni á þeim stuðningsmönnum Manchester sem létu fúkyrðum rigna yfir Ferguson eftir tapið gegn Blackburn um helgina.

Við getum unnið Chelsea

Rafael Benitez, stjóri Liverpool, hefur gefið út þá yfirlýsingu að Chelsea liðið sé ekki ósigrandi og ætlar liði sínu stóra hluti gegn Englandsmeisturunum á næstu viku, þegar Chelsea og Liverpool mætast tvisvar sinnum á nokkrum dögum.

Perrin nýtur enn stuðnings

Alain Perrin, knattspyrnustjóri Portsmouth í ensku úrvalsdeildinni, nýtur enn stuðnings stjórnarformannsins Milan Mandaric, þó hann hafi látið vísa sér af velli í tapinu gegn Bolton um helgina fyrir að storka dómara leiksins með kaldhæðnislegu látbragði.

Þjóðverjar lögðu Spánverja

Þjóðverjar tryggðu sér í gærkvöldi sæti í úrslitum í Evrópukeppni landsliða í körfuknattleik, þegar þeir unnu frækinn sigur á Spánverjum í undanúrslitum 74-73. Rétt eins og í hinum undanúrslitaleiknum, voru réðust úrslit leiksins ekki fyrr en á síðustu sekúndunum.

Klitschko sigraði Peter á stigum

Úkraínski þungaviktarhnefaleikarinn Wladimir Klitschko sigraði "Nígerísku Martröðina" Samuel Peter í bardaga um IBF og WBO titilinn í boxi í Bandaríkjunum í nótt, þrátt fyrir að vera þrisvar sinnum laminn í gólfið af hinum áður ósigraða andstæðingi sínum.

Jafnt í Forsetabikarnum

Staðan er nú hnífjöfn í keppninni um Forsetabikarinn í golfi fyrir lokadaginn sem spilaður er í kvöld. Í gærkvöldi var keppt í fjórmenningi og enduðu leikar með jafntefli, bæði lið hlutu 2,5 vinninga og því er staðan í keppninni 11-11. Keppnin fer fram á Tobert Trent Jones vellinum í Virginíu í Bandaríkjunum. Keppnin heldur áfram í kvöld og sýnt verður frá henni á sjónvarpsstöðinni Sýn.

Wenger vill stig fyrir mörk

Arsene Wenger hefur fundið lausnina á dræmri aðsókn á leiki í ensku knattspyrnunni og segir að umbuna ætti liðum sem spila sóknarknattspyrnu með því að gefa þeim stig fyrir að skora mörg mörk.

Ferguson segir tapið áfall

Sir Alex Ferguson segir að tap Manchester United gegn Blackburn í ensku úrvalsdeildinni í gær hafi verið sér gríðarlegt áfall, en bendir á að Blackburn hafi átt það skilið sem þeir hafi fengið út úr leiknum, því þeir hafi mætt á Old Trafford til að sigra.

Pardew rólegur

Alan Pardew, knattspyrnustjór West Ham, ætlar ekki að láta góða byrjun liðs síns í ensku úrvalsdeildinni stíga sér til höfuðs, en liðið er í þriðja sæti eftir leiki gærdagsins.

Jewell sló á létta strengi

Paul Jewell, stjóri Wigan, sló á létta strengi í viðtali eftir sigurinn á Everton í gær, en Wigan hefur byrjað leiktíðina betur en nokkur þorði að vona. Hann lét menn sína heyra það í hálfleik og uppskar enn einn óvæntan sigur á tímabilinu.

Artest og félagar sluppu vel

Leikmennirnir þrír sem létu hvað mest til sín taka í slagsmálunum í Detroit í nóvember í fyrra, í leik Detroit og Indiana, sluppu vel þegar mál þeirra var gert upp fyrir rétti á föstudag. Þeir Ron Artest, Jermaine O´Neal og Stephen Jackson, fá eins árs skilorð og þurfa að vinna 60 klukkustundir í samfélagsþjónustu fyrir ólætin.

Stoudemire að semja við Suns

Amare Stoudemire, einn efnilegasti leikmaður NBA deildarinnar í körfuknattleik, er sagður vera búinn að samþykkja að skrifa undir nýjan samning við lið sitt Phoenix Suns um að leika með því til ársins 2011 og er samningurinn talinn vera upp á um 72,6 milljónir dollara.

ÍBV burstaði Fram í Safamýri

Eyjastúlkur gerðu góða ferð í Safamýrina í dag og burstuðu Fram 35-18 í DHL deild kvenna í handknattleik. Staðan í hálfleik var 17-8 fyrir ÍBV. Hildigunnur Einarsdóttir var markahæst Framstúlkna með fimm mörk, en Simona Vintila skoraði ellefu fyrir ÍBV og Pavla Plamínikova skoraði sjö.

Jafnt hjá ÍR og KA í hálfleik

Staðan í leik ÍR og KA í DHL deild karla í handknattleik er jöfn, 14-14 í hálfleik, en leikurinn fer fram í Austurbergi núna. Þorsteinn Ingason er markahæstur heimamanna með fjögur mörk, en Ólafur Sigurgeirsson hefur skoraði þrjú fyrir gestina.

Óvæntur fyrsti sigur Sunderland

Nýliðar Sunderland unnu loksins sinn fyrsta sigur í ensku úrvalsdeildinni í knattspyrnu í dag, þegar þeir lögðu granna sína í Middlesbrough mjög óvænt á útivelli, 2-0.

Gunnar heldur uppteknum hætti

Gunnar Heiðar Þorvaldsson hélt uppteknum hætti í sænsku úrvalsdeildinni í knattspyrnu í dag, þegar hann skoraði bæði mörk Halmstad í 2-0 sigri á Helsingborg nú síðdegis.

Maldini með met og sigur

Varnarmaðurinn ótrúlegi Paolo Maldini hjá AC Milan fagnaði tvöfalt þegar lið hans vann sigur á botnliði Treviso 2-0 í ítalska boltanum í dag. Maldini hefur nú leikið flesta leiki allra í sögu deildarinnar og bætti met Dino Zoff, sem spilaði 570 á ferlinum í ítölsku deildinni.

KA sigraði ÍR

KA-menn sigruðu ÍR í Breiðholtinu í DHL deild karla í handknattleik nú áðan, 32-25. Magnús Stefánsson var markahæstur í liði KA með 8 mörk og Jónatan Magnússon skoraði 6 mörk. Ólafur Sigurjónsson og Tryggvi Haraldsson skorðu 6 mörk hver í liði ÍR.

Alonso heimsmeistari

Spánverjinn Fernando Alonso hjá Renault varð nú áðan yngsti heimsmeistarinn í sögu Formúlu 1 þegar hann kom þriðji í mark í keppninni í Brasilíu. Það var Juan Pablo Montoya sem sigraði í keppninni í dag, en Alonso er engu að síður hetja dagsins og er vel að sigrinum kominn.

Real komið aftur í gírinn

Real Madrid sigraði nýliða Alaves 3-0 á útivelli í spænsku knattspyrnunni í dag, en þetta var annar sigur liðsins í deildinni á fjórum dögum. Ronaldo skoraði tvö mörk fyrir Real og Guti eitt í blálokin.

Frakkar hrepptu bronsið á EM

Franska landsliðið í körfuknattleik tryggði sér í dag bronsverðlaunin á Evrópumeistaramóti landsliða í Serbíu, þegar það burstaði Spánverja í dag, 98-68. Það var Tony Parker, leikmaður San Antonio Spurs, sem var stigahæstur allra á vellinum með 25 stig.

HK sigraði Gróttu

Leikjunum þremur sem hófust klukkan 18 í DHL deild kvenna í handknattleik er lokið. HK vann sinn fyrsta leik í efstu deild þegar liðið lagði Gróttu 30-26. Haukastúlkur lögðu granna sína í FH, 36-24 í Hafnafjarðarslagnum og þá unnu Valsstelpur góðan sigur á Víkingi 30-20.

Start lagði topplið Valerenga

Start vann nú áðan góðan sigur á Valerenga, 3-0 í toppslag norska fótboltans. Jóhannes Harðarson lék allan leikinn fyrir Start og Árni Gautur Arason stóð í marki Valerenga. Með sigrinum lyftir Start sér í toppsætið í deildinni á kostnað Valerenga á betri markatölu, en bæði lið hafa hlotið 44 stig eftir 22 leiki.

Grikkir Evrópumeistarar

Grikkir urðu nú rétt áðan Evrópumeistarar í körfuknattleik þegar þeir lögðu Þjóðverja örugglega í úrslitaleik, 78-62. Theodoros Papaloukas skoraði 22 stig og átti 6 stoðsendingar fyrir gríska liðið, en Dirk Nowitzki skoraði 29 stig og hirti 9 fráköst fyrir Þjóðverja.

Jafntefli við Svía

Íslenska U-17 ára landsliðið í knattspyrnu karla gerði í morgun 2-2 jafntefli við Svía í undanriðli Evrópukeppninnar. Björn Þór Jónsson og Gylfi Þór Sigurðsson skoruðu mörk íslenska liðsins í síðari hálfleik.

Haukar og Fram unnu leiki sína

Íslandsmeistarar Hauka notuðu góðan endasprett til að leggja nýliða Fylkis í DHL deild karla í handknattleik í kvöld. Staðan í hálfleik var 12-8 fyrir Hauka, en þeir skoruðu sitt fyrsta mark í síðari hálfleik ekki fyrr en eftir 17 mínútur, en þá hrökk liðið loks í gang og vann sigur 23-18. Fram sigraði FH í Hafnarfirði, 26-21.

Finnur sig vel á heimaslóðunum

Rúnar Sigtryggsson, spilandi þjálfari karlaliðs Þórs í handbolta, átti góðan leik með liði sínu um helgina og skoraði sjö mörk í 25-24 sigri Þórs á Stjörnunni í DHL-deildinni. Stjarnan leiddi leikinn allan tímann en hinn ungi Arnar Þór Gunnarsson skoraði sigurmark Þórs fjórum sekúndum fyrir leikslok með góðu skoti úr horninu.

Brasilía vann fyrstu A-1 keppnina

Nelson Piquet Jr., sem keppir fyrir hönd Brasilíu, fór með sigur af hólmi í fyrstu keppninni í A1-kappakstrinum sem fram fór við Brands Hatch í Bretlandi um helgina.

Fram, Valur og KA með fullt hús

Átta leikir fóru fram í DHL-deildum karla og kvenna í gær. Eftir aðra umferð hjá körlunum eru þrjú lið, Valur, KA og Fram, með fullt hús stiga en FH-ingar eru hinsvegar stigalausir á botninum ásamt Víkingi/Fjölni og ÍBV þrátt fyrir að hafa spilað tvo fyrstu leiki sína á heimavelli sínum í Kaplakrika.

Haukastúlkur fá liðsstyrk

Kvennalið Hauka hefur fengið mikinn liðstyrk fyrir tímabilið en bikarmeistararnir ætla sér stóra hluti í vetur og taka meðal annars fyrstir íslenskra kvennaliða þátt í Evrópukeppni. Haukaliðið mætir frönsku, spænsku og ítölsku liði í Evrópukeppninni en öll hafa þessi lið tvö bandaríska leikmenn innanborðs auk Evrópubúa.

Keppni frestað í Forsetabikarnum

Fresta þurfti keppni um tíma í Forsetabikarnum í golfi í gærkvöld vegna þrumuveðurs á Robert Trent Jones vellinum í Virginíu en kylfingarnir náðu að ljúka við alla sex leikina í gær. Heimsúrvalið, eða kylfingar utan Evrópu, hafa hlotið sex og hálfan vinning á móti fimm og hálfum vinningi Bandaríkjamanna. 

Þriðja umferð deildarbikarsins

Nú hefur verið dregið í þriðju umferð deildarbikarsins á Englandi. Grimsby fær tækifæri til að slá út annað úrvalsdeildarlið, því þeir fá Newcastle í heimsókn í næstu umferð. Félagar Grimsby í fjórðu deildinni, Barnet, fara á Old Trafford og mæta þar Manchester United. Þá verða fimm viðureignir milli úrvalsdeildarfélaga.

Bikarúrslitin á Boltavaktinni

Bikarúrslitaleikur Fram og Vals á Laugardalsvelli hefst nú klukkan 14 og þeir sem ekki komast á völlinn geta fylgst vel með gangi mála á Boltavaktinni hér á íþróttasíðu Vísis.is.

Óli með áskrift að heimsliðinu

Ólafur Stefánsson, landsliðsmaður í handknattleik sem leikur með Ciudad Real á Spáni, hefur enn og aftur verið valinn í heimsliðið í handknattleik. Liðið mætir Rússum í Moskvu 28. desember.