Fylkir - ÍA

Hjörtur Hjartarson tryggði Akurnesingum öll stigin gegn Fylki með marki úr vítaspyrnu sem Skagamenn fengu gefins sex mínútum fyrir leikslok í 3 - 2 sigri Skagamanna í Árbænum.

Jafntefli hjá Keflavík - Þrótti

Keflavík og Þróttur skildu jöfn 3 - 3 í Keflavík. Hörður Sveinsson skoraði tvö mörk heimamanna og nýliðinn ungi frá Færeyjum Simun Samuelsen skoraði eitt mark í sínum fyrsta leik í Landsbankadeildinni. Þórarinn Kristjánsson, Josef Maruniak og Haukur Páll Sigurðsson skoruðu mörk Þróttar.

Vésteinn til Svíþjóðar

Vésteinn Hafsteinsson frjáls - íþróttaþjálfari sem þjálfað hefur landslið Dana í kastgreinum hefur sagt starfi sínu lausu og hefur ákveðið að starfa í Helsingborg í Svíþjóð.

Halmstad er í þriðja neðsta sæti

Gunnar Heiðar Þorvaldsson skoraði eina mark Halmstad sem beið í gær lægri hlut fyrir Örgryte 2 - 1 á útivelli í sænsku úrvalsdeildinni í knattspyrnu. Jóhann B Guðmundsson kom inn á sem varamaður í liði Örgryte í síðari hálfleik.

Högmo til Rosenborgar

Per Matthías Högmo fyrrum þjálfari Tromsö var í dag ráðinn þjálfari Rosenborgar í norsku úrvalsdeildinni í knattspyrnu, en hann stjórnar liðinu í sínum fyrsta leik gegn Steaua gegn Búkarest í Meistaradeildinni á miðvikudag.

Stúlkurnar í átta liða úrslit

Heimsmeistarmótið í frjálsum

Justin Gatlin frá Bandaríkjum sigraði í 100 metra hlaupi karla á heimsmeistaramótinu í frjálsum íþróttum í Helsinki í gærkvöld. Hann kom í mark á 9.88 sekúndum. Virgílíus Alekna frá Litháen varði titil sinn í kringlukasti þegar hann kastaði 70.17 metra og setti meistaramótsmet.

Úrslitaleikur fyrir bæði lið

Leikur Fram og Vals í kvöld á Laugardalsvellinum er mikilvægur fyrir bæði lið segir Eggert Stefánsson varnarmaður Fram. "Þetta er hálfgerður úrlitaleikur fyrir bæði lið, ef við vinnum forðumst við fallasvæðið. En ef Valur vinnur ekki má segja að titillinn sé FH-inga."

Myhre til Charlton

Norski landsliðsmarkvörðurinn, Thomas Myhre er genginn til liðs við enska úrvalsdeildarliðið Charlton frá Fredrikstad í Noregi. Aðalmarkvörður Charlton Dean Kiely er meiddur. Myhre hefur leikið áður með Everton og Sunderland.

Ferdinand skrifar undir

Rio Ferdinand, miðvörður Manchester United hefur skrifað undir nýjan fjöguurra ára samning við liðið. Rio gekk til lið við United sumarið 2002 og hefur unnið bæði ensku deildina og bikarkeppnina með félaginu.

Dudek illa meiddur

Jerzy Dudek, markvörður Liverpool fór úr olnbogalið á æfingu með liðinu í dag og missir því af upphafi móts. Meiðslin setja samt ekki strik í reikningin hjá Liverpool því liðið keypti Spánverjann Jose Reyna frá Villareal til að standa í markinu í vetur hjá liðinu.

Damon Stoudamire til Memphis

NBA leikmaðurinmn Damon Stoudamire er genginn til liðs við Memphis Grizzlies frá Portland Trailblazers. "Stoudamire er öflug skytta sem á eftir að styrkja Grizzlies verulega," segir Jerry West yfirmaður körfubolta mála hjá Memphis Grizzlies.

Giggs stillir upp úrvalsliði

Ryan Giggs, leikmaður Manchester United stillti upp liði í blaðinu 4-4-2 sem inniheldur erfiðistu andstæðnum hans í gegnum tíðin. Liðið er skipað...

Geir eftirlitsmaður á Spáni

Geir Þorsteinsson, framkvæmdastjóri KSÍ, verður eftirlitsmaður UEFA á viðureign Real Betis og Mónakó í 3. umferð undankeppni Meistaradeildar Evrópu.  Liðin mætast á Manuel Ruíz de Lopera leikvanginum í Sevilla á Spáni á þriðjudagskvöld.

Newcastle vill Owen

Real Madrid hefur gefið það út að Newcastle United sé búið að staðfesta áhuga sinn á framherjanum Michael Owen, sem talið er að eigi ekki eftir að eiga sjö dagana sæla í herbúðum spænska liðsins á næstu leiktíð vegna gríðarlegrar samkeppni.

Klukkutími í leik Fram og Vals

Nú er klukkutími í leik Fram og Vals í Landsbankadeild Karla. Leikurinn verður í beinni á Sýn og einnig er hægt að fylgjast með honum á Boltavaktinni hér á Vísi. Leikurinn er mjög mikilvægur fyrir bæði lið, Fram í botnbaráttunni en Val í toppslagnum.

Úrslit dagsins á HM í frjálsum

Veldu meira  til að sjá úrslit dagsins á HM í frjálsum íþróttum sem fram fer í Helsinki í Finnlandi.

1-1 eftir 30 mín, Boltavakt

Staðan í leik Fram og Vals í Landsbankadeild karla er 1-1. Bo Henriksen kom Fram yfir á 8.mínútu en Garðar Gunnlaugsson jafnaði fyrir Val á 17 mínútu úr umdeildri vítaspyrnu.

Cahill með nýjan samning

Tim Cahill, leikmaður Everton gerði í dag nýjan og bættan fimm ára samning við félagið. Cahill var af öðrum ólöstuðum besti leikmaður Everton í fyrra og var markahæsti leikmaður liðsins þrátt fyrir að leika á miðjunni.

Ragnhildur og Ottó Íslandsmeistar

Kylfingurinn Ragnhildur Sigurðardóttir sigraði Þórdísi Geirsdóttur í úrslitaleik Íslandsmótsins í holukeppni í dag og varði þar með titil sinn. Í karlaflokki sigraði Ottó Sigurðsson GKG Pétur Óskar Sigurðsson.

Bo afgreiddi Val

Fram sigraði Val 2-1 Landsbankadeild karla í kvöld á Laugardalsvelli. Bo Henriksen sem sendur var í burtu frá Val var í hefndarhug og gerði bæði mörk Framara en mark Vals gerði Garðar Gunnlaugsson úr umdeildri vítaspyrnu.Þar með eru titilvonir Valsmanna nánast orðnar að engu því liðið er nú 9 stigum á eftir FH.

Virðum ekki Fram lengur

Valsmenn segja Framara hafa brotið heiðursmannasamkomulag þegar liðið ákvað að tefla Bo Henriksen fram í leik liðsins við Val en Bo lék fyrr í sumar með Val og ein aðal forsenda þess að Henriksen fengi að fara í Fram var sú að hann léki ekki með gegn Val. Henriksen gerði bæði mörk Framara sem sigruðu 2-1 og gerðu titilvonir Vals nánast að engu.

Holukeppni frestað vegna roks

Vegna hvassviðris var undanúrslitum um Íslandsmeistaratitilinn í holukeppni í golfi frestað í morgun. Ávörðun verður tekin í hádeginu um framhaldið. Pétur Óskar Sigurðsson og Stefán Már Stefánsson, báðir úr GR, og Magnús Lárusson, GKJ, og Ottó Sigurðsson, GKG, keppa í undanúrslitum í karlaflokki. Í kvennaflokki mætir Ragnhildur Sigurðardóttir, GR, Nínu Björku Geirsdóttur, GKJ, og Þórdís Geirsdóttir, Keili, keppir við Önnu Lísu Jóhannsdóttur.

Ólöfu Maríu gengu illa í dag

Ólöf María Jónsdóttir er í 34.-39. sæti á oOpna norræna mótinu í golfi í Barsebäck í Svíþjóð. Eftir 13 holur í dag er Ólöf María á sjö höggum yfir pari og því samtals á 16 höggum yfir pari. Annika Sörenstam hefur forystu, er á pari eftir 6 holur í dag og samtals á fjórum höggum undir pari.

Leikið við Suður-Afríkumenn

Suður-Afríkumenn verða mótherjar íslenska landsliðsins í knattspyrnu á Laugardalsvellinum í næstu viku. Illa hefur gengið að fá mótherja fyrir landsliðið, fyrst gengu Venesúelar úr skaftinu og síðan Kólumbíumenn.

Blikar nær sæti í Landsbankadeild

Breiðablik færðist nær sæti í Landsbankadeild karla í knattspyrnu í gær þegar liðið sigraði Þór með einu marki gegn engu. Kristján Óli Sigurðsson skoraði markið en tveimur leikmönnum Þórs var vísað útaf 10 mínútum fyrir leikslok.

Fjórir leikir í Landsbankadeild

Fjórir leikir verða í Landsbankadeild karla í knattspyrnu í dag og hefjast þeir allir klukkan 18. Íslandsmeistarar FH fá KR-inga í heimsókn í Kaplakrika, Fylkir keppir við ÍA í Árbænum, Keflavík mætir Þrótti í Keflavík og ÍBV og Grindavík eigast við í Vestmannaeyjum svo framarlega að hægt verði að fljúga til Eyja.

Grönholm sigraði í Finnlandsralli

Finninn Markus Grönholm sigraði í Finnlandsrallinu sem lauk í morgun. Grönholm varð einni mínútu og 6 sekúndum á undan Frakkanum Sebastian Loeb. Grönholm kom þar með í veg fyrir að Loeb næði að sigra sjö sinnum í röð. Marrko Martin frá Eistlandi varð þriðji og Norðmaðurinn Petter Solberg fjórði. Sigur Grönholms í dag var fimmti sigur hans í Finnlandsrallinu.

Nelson heimsmeistari í kúluvarpi

Bandaríkjamaðurinn Adam Nelson varð í gær heimsmeistari í kúluvarpi þegar hann kastaði 21,73 metra í Helsinki. Elegayehu Dibaba frá Eþíópíu sigraði í 10 þúsund metra hlaupi en eldri systir hennar varð í þriðja sæsti. Jefferson Perez frá Ekvador sigraði í 20 kílómetra göngu karla. Í morgun sigraði síðan Olimpiada Ivanova frá Rússlandi í 20 kílómetra göngu kvenna á nýju heimsmeti, gekk vegalengdina á einni klukkustund, 25 mínútum og 41 sekúndu.

Beckman með forystu í Colorado

Bandaríkjamaðurinn Cameron Beckman hefur forystu á Internacional-mótinu í golfi í Castle Rock í Colorado. Spilað er eftir Stableford-fyrirkomulagi og er Beckman með 23 punkta en jafnir einum punkti á eftir eru landar hans Billy Mayfair, Charles Howell og Brand Jobe. Spilaðar verða 36 holur í dag. Sýnt verður beint frá mótinu á Sýn í kvöld.

PSG lagði Sochaux í Frakklandi

Önnur umferðin í frönsku 1. deildinni í knattspyrnu fer fram um helgina. Paris St. Germain sigraði Sochaux á útivelli 1-0 og hefur því sigrað í báðum leikjum sínum líkt og Bordeaux sem vann nýliðana í Nancy 1-0. Auxerre sigraði Monaco 2-0 á útivelli.

Lokeren og Genk skildu jöfn

Keppni í belgísku 1. deildinni í knattspyrnu hófst í gær. Lokeren og Genk gerðu 1-1 jafntefli. Indriði Sigurðsson kom inná á 38. mínútu fyrir Gert Claessens í vörn Genk. Arnar Viðarsson lék allan leikinn með Lokeren, Rúnar Kristinsson byrjaði inn á en Arnar Grétarsson leysti hann af hólmi á 80. mínútu.

Chelsea 2-0 yfir gegn Arsenal

Chelsea er 2-0 yfir gegn Arsenal í úrslitaleiknum um Samfélagsskjöldinn á Englandi en leikurinn hófst kl. 14:00. Didier Drogba hefur skorað bæði mörk Chelsea, það fyrra á 8. mínútu en seinna markið á 58. mínútu eftir sendingu frá Eiði Smára Guðjohnsen. Eiður var í byrjunarliði Chelsea í hlutverki miðjumanns en var skipt úr af fyrir Tiago strax eftir seinna markið.

Arsenal minnkar muninn

Francesc Fabregas hefur minnkað muninn fyrir Arsenal, 2-1 gegn Chelsea á Millennium Stadium í Cardiff. Markið kom á 65. mínútu eftir mistök hjá Tiago sem er nýkominn inn á í stað Eiðs Smára.

Ólöf lék á 20 yfir pari

Ólöf María Jónsdóttir hafnaði í 45.-49. sæti á Opna norræna mótinu í golfi í Barsebäck í Svíþjóð. Ólöfu gekk afar illa í dag og lék samtals á á 20 höggum yfir pari og því samtals á 308 höggum. Hins sænska Annika Sörenstam sigraði mótið á 4 höggum undir pari og Natalie Gulbis frá Bandaríkjunum varð önnur á 3 undir pari.

Leikið þrátt fyrir slæmt veður

Þrátt fyrir slæmt veður á landinu hefur engum leik í Landsbankadeild karla enn verið frestað en fjórir leikir eru á dagskrá kl. 18:00. Klara Bjartmarz skrifstofustjóri hjá KSÍ staðfesti það við Vísi nú rétt í þessu að ennþá sé áætlað að allir leikirnir fari fram. Ófært er þó til Eyja og er flug þangað í athugun kl. 16:50.

Chelsea vann Arsenal

Chelsea lagði Arsenal 2-1 í hinum árlega úrslitaleik Englandsmeistara og bikarmeistara í knattspyrnu en leiknum var að ljúka í Cardiff. Didier Drogba skoraði bæði mörk Chelsea en Francesc Fabregas minnkaði muninn fyrir Arsenal.

Gylfi sat á bakknum hjá Leeds

Gylfi Einarsson sat á varamannabekk Leeds Utd sem vann Millwall 2-1 í ensku 1. deildinni í knattspyrnu í dag. Gylfi kom hins vegar ekkert við sögu í leiknum. Þetta var eini leikurinn á dagskrá í deildinni í dag.

Leik ÍBV og Grindavíkur frestað

Vegna ófærðar í flugi til Vestmannaeyja hefur leik ÍBV og Grindavíkur  í Landsbankadeild karla sem fram átti að fara kl. 18:00 í dag verið frestað. Hann hefur nú verið settur á fimmtudaginn 18. ágúst kl. 19:00 á Hásteinsvelli. Aðrir leikir fara þó fram eins og áður var auglýst þrátt fyrir slæmt veður.

Ísland U17 náði 7. sæti

U17 ára landslið Íslands vann Finna 4-2, á ÍR-velli í leik um 7. sætið á Opna Norðurlandamótinu í knattspyrnu í dag. Guðmundur Reynir Gunnarsson skoraði 2 mörk fyrir Ísland en Hilmir Ægisson og Rafn Andri Halldórsson eitt hvor. Írar urðu sigurvegarar mótsins en þeir lögðu Englendinga 2-0 í úrslitaleiknum.

BOLTAVAKTIN

Þrír leikir eru á dagskrá Landsbankadeildarinnar í knattspyrnu nú kl. 18:00. Við bendum á að hægt er að fylgjast með beinni útsendingu frá öllum leikjunum á BOLTAVAKTINNI hér á Vísi þar sem einnig má sjá byrjunalið og varamenn.

Þrír heimsmeistaratitlar

Jóhann R. Skúlason krækti í þriðja heimsmeistaratitil sinn í tölti á heimsmeistaramóti íslenska hestsins sem haldið var í Svíþjóð um helgina. Íslendingar hömpuðu þremur heimsmeistaratitlum á mótinu: í tölti, fjórgangi og fimmgangi.

FH heldur sínu striki

FH-ingar gefa ekkert eftir á toppi Landsbankadeildarinnar í knattspyrnu og eru enn með fullt hús stiga eftir 2-0 sigur á KR í Kaplakrika í kvöld. Skagamenn sóttu þrjú stig í Árbæinn þar sem liðið sigraði Fylki, 2-3 og það var gríðarlegt fjör í Keflavík þar sem heimamenn gerðu 3-3 jafntefli við Þrótt.

HM í frjálsum hafið í Helsinki

Tíunda heimsmeistaramótið í frjálsum íþróttum hófst í Helsinki í morgun. Fjölmargir kunnir frjálsíþróttakappar missa af mótinu vegna meiðsla en 32 ólympíumeistarar eru skráðir til keppni. Þrefaldur heimsmeistari í kúluvarpi, Bandaríkjamaðurinn John Godina, komst ekki í úrslit í kúlunni, kastaði aðeins 19,54 metra og varð áttundi í sínum riðli.

Fundu stera hjá þjálfara

Finnska lögreglan fann umtalsvert magn af sterum og öðrum ólöglegum lyfjum hjá finnska kringlukastsþjálfaranum Kari Mattila. Það er ólöglegt í Finnlandi að geyma þess konar lyf. Mattila var þjálfari finnska kringlukastarans Timo Tompuri þar til í okóber í fyrra. Talsmaður Alþjóðafrjálsíþróttasambandsins segir að Mattila eigi yfir höfði sér bann.